(روان)
لقد ولدت طفلة لم اكن اعرف ماذا اسميها و كنت حائرة في الاسم
روان:اووف وسام والله تعبت من التفكير شحنسميها؟
وسام:أممم ما ادري ...زين شنو رأيج نسميها ميرنا ع اسم ميرنا زوجة امير الله يرحمها؟
روان:اي والله خوش فكرة و اني كلش احب اسمها ..😪 هي هم كانت تحب اسمها
وسام:الله يرحمها
روان:اي لعد من اتحسن اروح اشوف منال شوية
وسام:حبيبتي صايرة تخبل كلش تشبه ميرنا و امير
روان:اكلك امير شنو علاقته ويا سرى؟يعني صار يحبها لو لا؟
وسام:لا سرى بالاسم زوجته بس بالحقيقة لا .. اصلا ولا يهتم بيها و لا شي ..متعرف ع وحدة بالنت اسمها رهف و طاير عقله بيها ..بس يسولف عنها
روان: ممم
بعد ان تحسنت قليلا قررت زيارة بيت امير ..ذهبت عصراً كانت سرى تجلس مع منال و منال تشاهد التلفاز
روان: سلام عليكم
سرى و ام امير:و عليكم السلام
روان:شلونكم ..ان شاء الله زينين
ام امير:الحمد لله حبيبتي
روان:حبيبتي منال تعالي شوفي النونو
ام امير:حبيبتي الحمد لله ع السلامة شنو سميتيها؟
روان:ميرنا
ام امير:عاشت الاسامي
منال:مينا(ميرنا)😇
روان: فدوة لكلبج
بدأت اثرثر مع سرى قليلا حتى الساعة التاسعة مساءاً حيث أتت اريج الى البيت
اريج:هلو ..شلونكم ..حبيبتي منال اكلتي ..تعالي شوفي شنو جبتلج وياية..باعي هاي اللعبة الي شفتيها بالتلفزيون و ردتيها
ام امير:لج اريج شوية آخذي نفس ..مباشرة تجين على منال مخبوصة
اريج:هههه اشتاقيتلها ..منو هنا .. رواااان!!حبيبتي
جاءت الي و عانقتني بشدة و قبلتني كثيراً .. صحيح انني منذ اسبوع لم اتي الى هنا لكني لم أتوقع ان احد يشتاق الي بهذا الحد سوى ميرنا.. دائماً اريج تحاول مصادقتي ..لكني لا احبها كثيرا .. صحيح هي احسن من سرى لكني أصبحت اكره كل واحدة لها دور من ادوار ميرنا
اريج:هاي بنتج !!الحمد لله ع السلامة ..شنو اسمها؟
روان:اسمها ميرنا ع اسم صديقتي الله يرحمها
اريج:ممم الله يرحمها
و بينما كنا نثرثر نحن الثلاثة رِن هاتف اريج رأيت اسم المتصل مكتوب(حبيبي❤️)
اريج:من رخصتكم
و خرجت من الغرفة اما انا كنت اذهب الى الحمامات و سمعتها تتحدث على الهاتف ..لكن ...صوتها لم يكن نفسه كان يختلف تماماً
اريج(رهف):اي اني بالبيت ..انت راح ترجع ببيتكم!..اوك شلونه الشغل؟..تعبان؟... ممم... اوك بالليل نحجي ..الله وياك ..بوسلي بنتك
خرجت اريج من الغرفة ووجدتني عند الباب
اريج:أ أ نعم روان ردتي شي؟
روان:بصراحة كنت دا أفوت منا و سمعتج ..سمعت صوتج تغير ..شلون صار هيج؟
اريج:اكدر أغير صوتي
روان:ليش تحجين ويانا بصوت و هسة حجيتي ع التلفون بصوت .. و يا هوا الحقيقي؟؟؟
اريج:هذا الحقيقي ..بس هذا اخوية ميحب صوتي لذلك احجي ويا بهذاك الصوت
روان:اعتبريني مصدكتج ..فد يوم سولفيلي الحقيقة
اريج:الله كريم
(امير)
تعلقت جدا برهف اصبح يومي لا يكتمل الا بها ..هي من تجعلني انام ..احس انها تحبني .. لا اعرف ان كنت ابادلها نفس الشعور ام لا ..اخاف من خيانة ميرنا ..أودّ ان اعترف لها لكني لا استطيع ..ماذا سيحدث بعد ذلك ..هل سأذهب و اطلب يدها و انا متزوج !! هل سترضى هي بالزواج بشخص متزوج!!هل سترضى سرى بهذا!!
وسام:امييير ..وين بالك؟
امير:دا افكر اتزوج رهف لو لا
وسام:تزوجها شكو بيها و طلك سرى
امير:شنو هي لعبة!!
وسام:والله امير قصتك معقدة 3 بنات يحبوك و انت ولا وحدة تحب
امير:منو 😳
وسام:سرى و اريج و رهف
امير:اريج!!
وسام:اي والله احسها تحبك
امير:😪ما ادري
وصلنا الى البيت
امير و وسام:سلام عليكم
الجميع:عليكم السلام
منال:اميييل
أتت و احتضنتي ..حملتها و قبلتها
امير:دخيلك يا ربي احفظها لحبيبتي ..ولج اوووف شكد احبج فدوة ل أميل اني
اجلستها بحضني قالت روان بصوت خافت
روان:امير اريد احجي وياك انت ووسام
امير:اوك ..اريج تعالي اخذي منال وكليها
اريج:بعيني
امير:سرى شدتسوين؟
سرى:دا احجي وية صديقتي ليش؟
امير:روحي ساعدي امي بالمطبخ
سرى:هفف اوك
امير:احجي
روان:اليوم سمعت اريج تحجي بالتلفون وية واحد كاتبة عليه حبيبي
امير:اي؟شعلينا بيها
روان:مو الي خوفني ..انه جانت تحجي بغير صوت ..يعني صوتها يختلف تماما عن هذا الصوت الي نسمعه
امير:صدك؟
روان:اي .. من سألتها كالت هذا اخوية ميحب صوتي ف أغيره من احجي ويا ..كالت اني اعرف أغير صوتي
امير:ممم
روان:فد شي ميتصدك
وسام: يعني شنو دتشكين بيها
روان:بصراحة اي ..هي سحر الي جابتها ..و كالت هاي صديقة ميرنا ..بس اني اعرف كل صديقات ميرنا
امير: اني اثق بسحر .. و بعدين اريج ابد ما مأذية منال بشي و هي هاي وظيفتها و هي مماخذة من عدنا شي
روان: اني مدا اقصد هيج .. بس دا احسها ضامة شخصيتها عنا..حتى استقبالها الي غريب
وسام: اهوو هسة انا شعلينا بيها
امير: هو صحيح كلام روان ..يعني البنية صارلها يمنا اكثر من سنة و احنا كلشي منعرف عنها
بينما كنا نتحدث أتت اريج مع منال و جلست
(ميرنا)
بدأت اخاف من روان ..احس انها بدأت تكشفني .. حتى انني عندما ذهبت لأجلس رأيت ان نظرة امير قد تغيرت علي
و بعدها رِن هاتفي ..كان المتصل اياد
اريج:من رخصتكم
امير:عادي احجي هنا
اريج:الوو
اياد:ميرنا اريد صوتج ..ما احب هذا الصوت
اريج:ما اكدر ..شلونك شلونها سحر؟؟
اياد:الحمد لله زينين ..مشتاقيلج ..انتي شلونج مرتاحة؟
اريج:احسن من قبل
اياد:شلونها بنتج ..امير؟
اريج:زينين ..اكلك اياد
اياد:امري
تحدثت باللغة الالمانية:احس ان روان تشك بشي
اياد: مثل ماذا؟
اريج:هل تعلم انني اتحدث مع امير على اساس انني فتاة اسمها رهف؟
اياد:اجل
اريج:لقد سمعتني و انا اتحدث معه و كنت قد غيرت صوتي
اياد:و ماذا قلتي لها؟
اريج: قلت لها بكل غباء انه اخي و هو لا يحب صوتي لذلك غيرته
اياد:هههه جيد انك تعترفين بغبائك
اريج:ماذا افعل الان؟
اياد:لماذا لا تعترفين ..لقد انتهى الامر و عرفتي ما كنتي تريدين معرفته ..اعترفي انك ميرنا
اريج:لا اعلم .. كيف سيتقبلون الامر .. ربما لن اعترف ابداً
اياد:لا تقولي هذا .. يجب ان يعرفوا في يوم من الايام ما حدث
اريج: حسنا برأيك كيف سأفتح الموضوع
اياد: انا اعرف كيف .. ساقول لكي لاحقا
اريج: اوك يلا لعد باي(بالعربية)
اياد:بايات
امير:هذا اياد ابن عم ميرنا؟
اريج: أ اي
امير:شنو راد و ليش حجيتو بغير لغة؟؟
اريج:امير خير ان شاء الله من شوكت صاير تحاسبني .. بس ديسأل شلونج و هيج .. و هو هذيج المرة علمني على اللغة الألمانية هسة كلي خلي اختبرج ف حجينا بيها
امير:اسف بس هيج عجبني اعرف يعني فضول
اريج:ممم مصار شي
بعد ان اكملت عملي قلت لهم سأذهب
وسام:ابقي احنا نوصلج
اريج: لا ما اريد ازحمكم
روان: لا رحمة ابقي ..يعجبني اشوف شقتج
اريج: هلا بيج
بعدها أتت الى شقتي و ابدت إعجابها بها .. لم انتبه الى صورتي التي أضعها في غرفتي لكن روان انتبهت
روان:هاي صورة ميرنا شتسوي عندج!
اريج:أ أ كنا طالعين سوية و طكيتلها الصورة
روان:هاا ..الله يرحمها
ثم ذهبو و جلست انا اتحدث مع امير على انني رهف
.
