(ميرنا)
خرجت اليوم مع سحر و ام اياد و ام الولد (حماتي المستقبيلة) اشترينا ذهب و ذهبنا كي نشتري فساتين
سحر:خلي نروح لهذاك المحل
اشارت حيث كان محل امير .. لكني لم اكن اريد الذهاب كي لا اراه
ام اياد:يلا
ميرنا: روحو انتو اني راح اشوف غير محل
حماتي:لا حبيبتي امشي خلي نروح وياهم بعدين نرجع للي تريديه
ميرنا:ممم
ذهبنا الى هناك
الجميع:سلام عليكم
امير:عليكم السلام .. نورتو
كنت اراه فرح جدا عكسي تماما... بعد ان اشترينا منه خرجنا و اشترينا بعض الاغراض و عاد كل منا الى بيته
خلال هذه الايام كنت منزعجة بسبب انني سأتزوج شخص لا اعرف عنه شي.. رن هاتفي اليوم كان رقم غريب
ميرنا:الوو
الولد:الوو سلام عليكم
ميرنا:و عليكم السلام
الولد:شلونج؟
ميرنا:تمام.. منو؟
الولد:اممم تكدرين تكولين اني زوجج المستقبلي
ميرنا:نعم!!😶
الولد:ليش تفاجئتي؟
ميرنا:منيلك رقمي؟
الولد:هههه هو هذا الي تفكرين بيه
ميرنا:هسة شنو الي تريده؟
الولد:اممم كلت نتعرف قبل منتزوج
ميرنا:هاا..خلي نعقد اول .. عود الله كريم..بس اني سامعه صوتك قبل!!
الولد:على فكرة اموت عليج
ميرنا:شنو تعرف عني حتى!!
الولد:كلشي
ميرنا:ممم
الولد:احبببج
ميرنا:يلا لازم اروح
الولد:اوك باي
اغلقت الهاتف و كنت مستغربة .. من هذا؟
بعد عدة ايام كان عقد اياد و سحر
(سحر)
و اخيرا بعد هذا اليوم .. استطيع الخروج مع حبيبي متى شئت ... ذهبنا الى الصالون انا و ميرنا و اخت اياد .. رغم علاقتهم المتوترة بين ميرنا و اخت اياد(نسرين) لكني لم اتوقع ان تفعل ميرنا من اجلي كل هذا.. الحمد لله ان كل شي على ما يرام
نسرين:ميرنا اختاريلي تسريحة
ميرنا:بعيني ... شنو رأيج تهدين شعرج و تسرحي .. هيج يلوكلج
نسرين:و انتي شراح تسوين؟
ميرنا:كعكة بس بيها فيكة
نسرين:ليش اني ما اسوي مثلج؟
ميرنا:براحتج بس شعرج سرح كلش ما يتحمل شد
نسرين:لا انتي تريدين تطلعين حلوة و اني اطلع مو حلوة
ميرنا:بكيفج شنو تريدين سوي .. اني كتلج
كانت ميرنا تتجنب المشاكل .. رغم انها يمكنها ان ترد .. لو كنت مكانها لما سكتت ابدا على هذا
انتهينا من الصالون و ذهبنا الى البيت .. كانت جميع الانظار علي .. شعور جميل عندما اجبت ب نعم كي اوافق على الزواج من الذي كنت احلم به .. احسست ان كلمة نعم هي كلمة مهمة اليوم .. بعد ان اتى اياد و جلس معي ثم البسني الخاتم و ال(تخم) و البسته الخاتم .. و اكلنا و شربنا الكيك و العصير .. تركونا بمفردنا ..
اياد: متدرين شكد احبج
سحر:احبك اضعاف الي تحبني
اياد:شوفي سحر اني كلشي مراح اضم عليج و كلشي راح اسولفلج .. بس... شوفي اذا سألتيني على شغلة اجاوبج .. و ميهمني افتهمتي لو لا .. و ما اسولفلج على بعض الاشياء .. راح تشوفين حياتي بيها بعض الغرابة .. غلسي عليها .. اوك؟
سحر:اوك .. بس اذا الشغلة تضرني؟
اياد:اواعدج وعد شرف هاي الشغلات مراح تضرج و ما الها علاقة بيج
سحر:اوك اياد
اياد: سحر بعد مالنا علاقة بالماضي .. بعد نحجي ع الحاضر و المستقبل .. اذا يعجبج سولفيلي بس مراح اتدخل شنو سويتي و ليش سويتي لو هو شي صار بعد و منكدر نغيره
