(امير)
مر اسبوعان تقريبا على زواج اياد .. جنت جالس مع وسام .. عرفت انه يريد ان يفتح موضوع الزواج
وسام:امير شوكت نتزوج؟ يعني عدكم اعتراض انت و ميرنا .. اذا الزواج هذا الاسبوع!
امير:ههههه حبيبي الله و ايدك .. معليك بميرنا تأخر بكيفها .. احنا خلي نجهز كلشي هي من تشوف نفسها كدام الامر الواقع تقبل
وسام:هههه اي صح .. يلا لعد خلي نبدي نتحضر
امير:هههه خلي يصير العرس باجر
وسام:شكو بيها
امير:هههه دا اتشاقه
وسام:لا صدك اذا لكينا حجز قاعة على باجر نسوي باجر
امير:شلون؟
وسام:اي شبيك احنا مناقصنا شي .. الاكل اني اعرف الولد و هسة يسويلنا اطيب شي .. و القاعة نرتبها و بعدين نطلع اني وياك نشتري ملابس .. و البنات هم يشترن ملابس .. و الغرف احنا مأجريهن من زمان بس نشوف اذا كملن نجيبهن للبيت
امير:الي يسمعك يكول راح نلحك
وسام:و ليش منلحك هستوها بال10 الصبح تعال نجرب
امير:يلا
بالفعل ذهبنا و وجدنا حجز قاعة .. ثم ذهبنا الى صاحب الاثاث من اجل الغرف و قال انه سينقل الاثاث الى البيوت ..و اتصل وسام على روان و قال لها ان تأخذ ميرنا كي يشترو الملابس و من اجل حجز الصالون .. و ذهبنا انا ووسام الى محل صديقه من اجل الاكل و قال انه سيجهز كل شي .. و بينما نحن نتجول انا و وسام كي نشتري ملابس .. اتصلنا على امهاتنا كي يعزمو الناس .. اتصلت على امي و على ام ميرنا... اشترينا ملابس و اعدت وسام الى بيته و اتصلت على ميرنا
ميرنا: الوو 😡
امير:ههه شبيج؟
ميرنا:انت على ساعة نزل لك الوحي و قررت باجر العرس
امير:ههه شكو بيها .. كلشي مرتبين .. بس باجر احجز الفندق و شهر العسل همات .. تريدين تركيا؟
ميرنا:اي 😍
امير:هههه اوك .. انتي وين؟
ميرنا:ببيت روان .. طلعنا علمود نشتري ملابس و اشترينا شوية و بعد صارت دنيا الضهر عزمتني ع الغدا يمهم و العصر هم نطلع.. راح اجي يمك للمحل
امير:ههه اوك.. منو ببيتكم؟
ميرنا:كلهم امي و ابوية و نائل .. ليش؟
امير: راح اروح اخذ الجواز
ميرنا: ولو ردت اروح لباريس بس يلا نمشيها
امير:ههه حبيبتي اواعدج اخذج بعدين
ميرنا: اوك .. يلا عيب خلي اروح
امير:احبج
ميرنا: احبك .. باي
ذهبت الى بيت ميرنا و اخذت جوازها ثم عدت الى البيت و عصرا ذهبت الى المحل
(ميرنا)
كنت اتحدث مع روان ..حتى نظرت الى الساعة كانت 4:30
ميرنا:ولج كومي يلا خلي نلحك
روان:خلي اول شي نروح نحجز صالون
ميرنا:كولي لامج خلي تروح تحجز .. ولج ما عدنا وقت
روان:اي اني هم هيج دا افكر
ذهبت الى والدتها و بالطبع والدتها ترضى .. ثم ذهبنا انا و روان الى المحلات .. اشترينا بعض الاشياء
روان:ميرنا امشي لمحل امير .. اشياءه زينه .. احسن ما نتعب
ميرنا:اي يلا
ذهبنا الى هناك .. كان هناك الكثير من الزبائن و كان امير مشغول جدا لدرجة انه لم يلاحظ وجودنا
روان:روحي كوليله احنا اجينا
ميرنا:عوفيه خلي اشوفه شلون يتصرف .. احب اشوفه بدون مينتبه
روان:ههه اوك .. اني دا اباوع ع البدلات بين ما تكملين نظراتج
ميرنا:ههه اذا على هذا الحجي مراح نطلع منا
روان:هههه
كنت استمع الى الفتيات و هن يتحدثن
الفتاة:ولج باعي يخبل .. خرب
الفتاة الاخرى:اي 😍😍.. والله الا اخلي يحبني
الفتاة:هههه تحلمين .. اني احلى منج
ميرنا: ههه قصدكم على صاحب المحل
الفتاة:اي ..باعي شلون حلو
ميرنا:ههه اي بس شوفي ايده .. خاطب
الفتاة الاخرى:ياااا .. خرب
رأيته يتصل على احدهم
الفتاة:احنا دائما نجي بس حتى نشوفه
ميرنا: هههه
في داخلي كنت اشتعل غيرة
امير: الووو .. هلو مؤيد شلونك؟ .. اكلك حبيبي تكدر تلكالي حجز طائرة على عكب باجر لتركيا ... ههه اي باجر عرسي انت معزوم ... اي اريد شهر العسل هناك ..ها اوك .. اني بالمحل هسة ادز وسام يجيبلك الجوازات .. زين سؤال .. اكدر احجز على باريس .. اقصد اكو رحلة قريبة .. لو تطول الفيزا .. هههه شعندي غيرها هي تحب باريس .. لعد من نرجع من تركيا نروح لباريس .. شكرا .. اي ما اطول هسة ادز وسام .. باي
الفتاة: خرب باعي باجر عرسه
الفتاة الاخرى:اي و راح يودي الخاتون لتركيا
الفتاة: والله حظرة جنابها تحب باريس راد يوديها
الفتاة الاخرى:والله لو بس اشوفها اكطعها
هههه لا اعرف هل اضحك عليهم ام اغار لان تأتي هذه النماذج دائما اليه .. لكن ما يفرحني انه لم يكن مهتما .. فلو كان منتبها حقا لانتبه علينا انا و روان
سألته تلك الفتاة
الفتاة:اموري .. هذا شكد سعره؟
امير: العفو اسمي امير مو اموري .. هذا ب50
ثم عندما رفع رأسه رآني
امير:من شوكت انتي هنا؟
نظرت الفتاتان الي
روان: هههه من زمان بس كالت اريد اشوفه بدون مينتبه
امير:ههههه مخبلة .. اي اشتريتو شي؟
ميرنا:اي .. كملنا بس بقه البدلات
امير:هههه يعني راح اعرف كل بدلاتج
ميرنا:ممم بس البدلة البيضة اشترينا من غير محل
روان:وين وسام؟
امير:راح ديحجز غرف بالفندق
روان: ها
امير:ميرنا
ميرنا:نعم
امير:روحي لغرفة تبديل الملابس هسة الحكج
ميرنا:أ أ ليش؟
خجلت فعلا امام الناس و خاصة امام الفتاتان .. لانهم لا يعرفون انني خطيبته
امير:امسحي المكياج الي بوجهج
ميرنا:ترا مو هواي حاطه
امير:حتلو
ميرنا:اهووو امير
اخذ منديل من عنده و تقدم نحوي و مسح احمر الشفاه
امير:هسة زين
كانت امرأة واقفة
المرأة: هاي اختك؟ متشبهك؟
امير:لا مو اختي هاي خطيبتي
المرأة:هاا .. الله يسعدكم
امير:آمين
نظرت الى الفتيات .. ههه كانت صدمتهم كبيرة ..المهم اشتريت الملابس و خرجت .. عدت الى البيت و اريت الاغراض الى امي ثم جهزت اغراضي كي انقلهم في اليوم التالي الى بيت امير و حضرت حقيبة من اجل السفر ثم ارسلت رسالة لامير
ميرنا:تصبح على خير
امير:ههه شنو تخجلين تخابريني ..ع العموم و انتي بخير
في اليوم التالي استيقظت و ارسلت له رسالة
ميرنا:صباح الخير
امير:يبووو شيجيب الليل حتى اسمع صوتج و انتي تحجين ما احب الرسائل
ضحكت لكني لم اجبه .. ذهبنا الى الصالون انا و روان و اختها و ابنة عمتي و بعدها جاءو امير و وسام و اخذونا الى المصور .. التقط وسام و روان الصور ثم انا و امير .. و بعدها ذهبنا الى القاعة .. اجمل شي ان اعز صديقة لي تشاركني نفس الشعور في نفس اليوم ..فانا احب دائما ان نتشارك انا و هي فرحنا و حزننا .. كل من احب حولي .. الكل ينظر الينا .. انه يوم مخصص لنا فقط و لكن روان و وسام لن يأتو معنا الى تركيا .. طبعا انه من اجمل ايام حياتي .. ذهبنا الى الفندق بعد الزفة .. و بعد ان ذهب الجميع
امير:ميرنا
ميرنا:نعم
امير:ابد لا تعوفيني ميرنا .. ما اكدر اعيش بدونج
ميرنا: الله لا يفرقنا امير .. ما اعوفك ابد
امير:ولا اني اعوفج .. راح اخلي اني وياج نتعود على بعضنا بعد متنامين اذا اني ماكو و اني ما انام اذا انتي ماكو
ميرنا:اصلا احنا من هسة متعودين
امير:اي .. متدرين اني شكد فرحان
.
