(وسام)
حقا عندما يقولون الحب من النظرة الاولى .. بصراحة انا اعترف انني اقمت علاقات مع الكثير من الفتيات و لكن شعوري تجاه روان يختلف تماما فانا اخاف عليها حتى من نفسي.. انا لا اقترب منها كثيرا فانا اريدها بالحلال ..
امير:يلا امشي نروح
وسام:ممم يلا
وصلنا الى مدينة الالعاب انا و امير و رأينا روان و ميرنا و ولد و بنت
وسام:منو هذولة الي وياهم؟
امير:هذا الولد اسمه اياد يصير ابن عم ميرنا و البنية الي وياهم يمكن هي هاي حبيبته ما ادري
عندما وصلنا اليهم
ميرنا:اهووو روان اني مو كتلج راح يجي صديقه
امير:شكو بيها اذا اجيت يعني!!
ميرنا:والله بصراحة نغصتني
امير:هااا..اوك اسف يلا مع السلامة
تركنا امير و ذهب
وسام:امييير يمعود صدك جذب تعال
روان:ميرنا شجاج
اياد:شمسويلج الولد ميرنا
سحر:روحي اعتذري
ميرنا:اوووف والله ما ادري هيج ح يزعل...و فوكاها صار بعيد شلون اروحله ما الحك عليه
وسام:تعالي خابريه من تلفوني
ميرنا:اوك
وسام:اهووو ما عندي رصيد راح اردلج الرقم و انتي خابريه(كذب كان عندي بس ردت رقمها يصير يم امير)
وسام:.....0772
اتصلت ميرنا به
(ميرنا)
اتصلت على امير ف اجاب
امير:الوو
ميرنا:الوو امير اني اسفة يلا ارجع
امير:ميرنا!!!
ميرنا:اي
امير:نغصتج بما فيه الكفاية ..تكدرين تأخذين راحتج
ميرنا:لا تعال عادي
امير:اممم اوك
اغلقت الهاتف و بقينا نثرثر حتى اتى امير
اياد:يلا امشو نروح لعبة عربة الموت
ميرنا:يلااا
اتى اياد بجانبي و همس لي
اياد:ميرنا حبابة ما ادري فهمي سحر فد شي ..يعني...اخترعي فد حجة حتى تكعد يمي
ميرنا:اووف منك...راح اروح اكول لروان حتى تحجي كدام الكل و تكول انه تريدني اني اكعد يمها
اياد:يلا
ذهبت الى روان و قبل ان اتحدث
وسام:روان انتي تكعدين يمي..ما اريد اسمع اي اعتراض
روان:اوك
عدت الى اياد
ميرنا:اهووو ولك اذا روان راح تكعد يم وسام و انت تريد يم سحر لعد اني وين اكعد!!
اياد:يم امير
ميرنا:لا يمعود اني ما اتفاهم وية هذا
اياد:ديلا هي لعبة...يلا اني راح احجي ويا هو يكول كدام الكل انه يريد يكعد يمج و انتي لا تعترضين و كوليلها لسحر اكعدي يم ابن عمي
ميرنا:اووف منك
و بالفعل ذهب و تحدث مع امير و بعدها بقليل
امير:ميرنا انتي تعالي اكعدي يمي باللعبة
ميرنا:ممم
ميرنا:سحر لعد انتي يصير تكعدين يم اياد؟
سحر:مم ما عندي مانع
عندما ركبنا بعربة الموت كنت خائفة جدا و بدأت تمشي بسرعة كبيرة كنت اصرخ و متشبثة به و لكن ما اثار تعجبني انه فقط حاول تهدأتي و لم يكن ينتظر فرصة كي يقترب مني
(امير)
ان جسدي كله يرتجف انها قريبة مني جدا و شعرها يتطاير على وجهي لكني اريدها بالحلال و لن افعل شيئا لا يعجبها
ميرنا:أأ اسفة كنت خايفة اقتربت منك
امير:عادي مصار شي...اياد ابن عمج؟
ميرنا:اي ليش؟
امير:هذا صديقي
ميرنا:صددك!!😶
امير:اي ليش تعجبتي!
ميرنا:أأ لا هيج
امير:عجبتج اللعبة؟
ميرنا:اي حلوة..يلا خلي نروح يمهم
روان:ها تونستوا؟
وسام:بالنسبة الي كلش تونست
سحر:حتى اني
اياد:اني من اول ما شفتكم متونس
امير:اني هم كلش متونس
روان:اني اهم شي وسام موجود ف متونسة
اياد:و انتي ميرنا؟
ميرنا:ممم مقبول
اياد:انتي لو تروحين للجنة كلشي ميعجبج
ميرنا:لا تسألوني شي لعد
روان:خلي نروح لدولاب الهوا على نفس الترتيب
اياد:ايييي
ذهبنا الى العجلة الدوارة لكني لم اتحدث مع ميرنا لانني خفت ان ازعجها
