النهايه
عمر
فتحت عيني ورأيت نفسي ممدد على السرير في المستشفى كان الطبيب يقف الى جانبي ... نظرت له وقلت
دكتور اني ليش هنا ... شنو الي صار وياي
الدكتور : انت هسه ارتاح وبعدين نحجي ...
عمر : نهضت من مكاني وقلت .... اني مرتاح كولش وزين وما بيه اي شي ...
اججيلي شنو سبب حالة الاغماء الي داتصير وياي ...
الدكتور : ممكن تتفضل وياي على مكتبي ....
عمر : ذهبت معه الى مكتبه دخل هو وجلس على كرسيه وضع دفتر وقلم امامه وقال ....
الدكتور : تفضل اكعد ...
عمر : جلست امامه وكنت اريد معرفة سبب تدهور حالتي ...
الدكتور : انت تحس بدوخه وألم براسك ...
عمر : اي دائماً والالم فضيع .... بدأن يدون بدفتره ما اقول
الدكتور : مممم ... من شوكت عندك هاي الاعراض ...
عمر : من شهر تقريباً ...
الدكتور : كم مره اغمى عليك ...
عمر : حوالي خمس او ست مرات ....
الدكتور : راجعت دكتور لو لا ...
عمر : لا ما راجعت اي دكتور .ً...
الدكتور : كنت لدي شكوك ان المريض يعني من مرض السرطان ... هذه هي اعراضه ...
لازم نفحصك بجهاز الفحص ال CT
عمر : نظرت له بصدمه ممزوجه مع خوف قلت ...
هذا الجهاز مو لفحص الاورام ....
الدكتور : اي ... بس انت لتخاف هذا شك بسيط وراح نفحصك علمود نتأكد ...
عمر : اني متأكد ما بيه شي ... وهسه تشوف
اخذني الى غرفه الفحص والتحليلات ... قمت بالفحص
الدكتور : نظرت الى التصوير وكان شكي في محله ... هناك ورم بالدماغ ...
عمر : دكتور ليش ساكت احجي اني ما بيه شي صح ....
الدكتور : نظرت له وقلت ... للأسف انت عندك ورم بالدماغ
عمر : هههه انت تشاقه اكيد ...
الدكتور : هذا الشي ما بي شقه ...
عمر : نهضت من مكاني وامسكته من ياقه قميصه قلت والغضب يتملكني ...
لتكذب اني مابيه اي شي ... انتو اصلاً دكاتره فاشلين بكيفكم تحجون ...
الدكتور : لو سمحت نزل ايدك ... اني محترمك ومقدر الحاله الي انته بيها ...
عمر : دفعته وقلت ... وشنو العلاج
