لحظات جنون
مينا
عندما دخلت الى البيت شعرت بالارتياح ... اغلقت الباب بالمفتاح نظرت الى نور التي كانت تنظر لي بأستغراب واسئله كثيره تدور برأسها قالت ...
نور : مينا احجي شبيج تره بديت اخاف ...
مينا : تعالي نكعد ... دخلنا الى الصاله وجلسنا على الاريكه قالت هي ...
نور : يلا احجي بسرعه ...
مينا : نور اني مو خدامه بهذا البيت ... اني اجيت هنا قبل شهرين تقريباً ... بدأت اسرد لها ما حدث معي بتلك الليله وهروبي من عمر ...
واليوم من طلعت شفته جان ديلحكني ... خفت منه حيل هذا واحد حقير وكل حياته عباره عن رهان شرب لعب ...
نور : معقوله بعده حاطج براسه ...
مينا : اي ... ولو شانلي من راسه مجان عرف مكاني ووصلي... نور شسوي اني حيل خايفه
نور : احتظنتها وقلت وانا اطبطب على ضهرها ... لتخافين حبيبتي اني وياج وليث ومراح نعوفج ...
مينا : اني وليث انفصلنا عن بعض ...
نور : فتحت عيناي على وسعهما وقلت بصدمه ... شنووو
مينا : احنا صح تزوجنا بس محد يحجي ويا الثاني علاقتنا انتهت ...
نور : 😦 شنووو ....
مينا : بس لأن اني حامل تزوجني 😔 ...
نور : بقيت انظر لها بصدمه وكل كلمه تقولها تصدمني اكثر واكثر ... قلت وانا اضع يدي على فمي ...
مينا انتي حامل ...
مينا : اي حامل ...
نور : 😱 عزااا بعينج شلون صار هيج ...
مينا : قلت لها على الذي حدث بيننا ...
نور : اووف انتي سالفتج سالفه ...
مينا : ادري ... هسه كوليلي شسوي ويا هذا الحقير عمر ...
نور : كولي لليث وهو يعرف يتصرف ...
مينا : لا ما اكوله داكولج ما احجي ويا ... وبعدين اني طلبت منه ميدخل بحياتي ...
نور : لعد شنو راح تسوين ...
مينا : ما اعرف ...
نور : شوفي مينا انتي لازم متطلعين وحدج من البيت لازم واحد وياج علمود ميكدر يسويلج شي ...
مينا : بس اني محتاجه شغل ولازم اطلع ادورلي اي شغله...
نور : مممم اي تذكرت هذاك اليوم اجانا مصطفى وجان ديحجي على شغله وكال على الاساس محتاجه مساعده شخصيه ... وراح اكوله عليج
مينا : مصطفى الي التقيت بي بالعرس مو غيره ...
نور : اي 😅 هو ....
