أما غرام يشرح الصدر طاريه و لا صدود وعمرنا ما عشقنا

Part 51

ها أنتِ ذي ! ها أنتِ ذي ! ها أنتِ ذي !
شامخة كالشمس .. واثقة كالرمح.. مغرورة كالسحاب جميلة كليلة العرس..
وها أنا ذا !
أنظر إليك .. أحاول .. بالعيون التي احترقت ألف مرة..
أتحدث إليك .. أحاول .. باللسان الذي فقد الذاكرة..
أمد إليك .. أحاول .. اليد لم تعد تحسن الأخذ .. ولا العطاء..
يا الله ..
وقد كان مضمارنا وحداً ..
فكيف كبرتُ ولم تكبري؟!

المرحوم باذن الله تعالى..غازي القصيبي..

هديل عرفت من مرام أنه دكتور نفسي وهو الحين يحلل نفسيتها ..
أصلاً مارجع من السعودية الا بعد ما انهارت مرام وهي تتذكر كيف مات طفلها..
وأتضح لها ان مسفر هو دكتور مرام النفسي وبنفس الوقت ولد أختها..
يعني مرام تصير خالته..

هديل\أجل وش تقصد بالمبلغ اللي قلته..؟؟
مسفر\أنتي مضيعة شيء؟؟مفتقدة شيء خاص فيك؟؟
هديل هزت راسها بنفي..
مسفر\يمكن بسبب الحمل صايرة تنسين كثير...
هديل بعصبية\أنا مو فاهمة عليك عندك شيء قوله بدل أسئلتك الغير مفهومة..
مسفر\أكيد ماراح تنسين صك الزواج الضايع صح؟؟
هديل بصدمة\..........................
مسفر\أنتي هاربة من زوجك..ولا من هلك؟؟؟!
هديل بألم\زز.........وجـ..ـي؟؟!
مسفر بشك\أنتي هديل؟؟!
هديل بشهقة\أ أنــنـ...ـت كيف ..لا من ..أنت مو أنا...لا
مسفر بتأكيد\أنتي هديل حسين الجاسم...
وقفت مفجوعة وهي ترتجف كيف عرفها...
ما أحد يعرفها هنا...كييييييييييف كيف..؟؟!
وقف وأختفى من قدامها لدقايق...
وهي واقفة تناظر بالفراغ تحاول تتماسك وتفهم هو من وين عرفها..
نزلت الدرج وراه بسرعة وراحت تدور عليه..
خرج من غرفته وشافها واقفة تنتظرهـ..
رفع الأوراق بيدهـ وعيونه عليها..
مسفر مركز عيونه عليها\ليه أنتي هاربة؟؟
من اللي مخوفك ومخليك تختفين عن هلك وزوجك أشهر من دون مايعرفون عنك شيء..؟
هديل مخنوقة كيف تقوله أنها هاربة لأنها ميته..
ولأن مالها احد..
كيف تقوله انها مو متزوجة وانها حامل من غير حق...
بس هو كيف عرف اسمها..؟؟
مسفر\جاوبيني..وأوعدك اكون لك عون باذن الله..
هديل\من وين عرفت اسمي..؟؟
مسفر بهدوء\فتشت شنطتك وشفت الأوراق وعرفت من تكونين..
هديل بغصة\شنطتي ضاعت مني هذاك اليوم..وبعدين أنت عن أي أوراق تتكلم..؟؟
مسفر\أنا أخذتها منهم..وأتكلم عن أوارق زواجك..صك الزواج..
هديل بصدمة\......................................أي زواج؟؟!
مسفر\وش فيك ترجفي كذا؟؟أهدي وصلي على النبي..وأنـــــــ............
هديل بنحيب وخوف\أي زوااااااااااااااااااج ؟؟
مسفر\مو انتي هديل الجاسم.؟؟
هديل تهز راسها وهي تبكي\ايـــ.....ــه أنــ....ـا..
مسفر\وزوجك غازي الجالي..؟؟
شهقت وهي تبكي وترتجف..
كانت تهز راسها بكل الاتجاهات وتحس انها مخنوووقة من مجرد ذكر اسمه..
مسفر بحيييرة\وش اللي سواه فيك وخلاك ترتعبين من اسمه بس..؟؟
هديل بنحيب\زو.............زوجــ............ــي أنـــ.....ـا أنا متــ....... ـزوجة أنا متزوجة؟؟
مسفر باستغراب\هذا المكتوب في العقد..أنتي زوجت غازي...

هديل مدت يدها مسكت الأوراق وهي ترتجف ..ناظرت فيها بضياع..
بس مافهمت شيء..ماقدرت تقرأ..كل اللي تشوفه ضباب ..

هديل بتعب\وين وين مكتوب ما اشوفه وينه وينه؟؟
مسفر أشر لها على اسمها وعلى اسم غازي..
الشهود عمها وســــــالم..
هديل تلم يدينها على بطنها وتصرخ بيأس وتبكي..
مسفر مصدووووم ومستغرب من ردت فعلها الغير طبيعية أبداً..
هديل بنفس مقطوع وصوت مبحوح\يعني حــ....ـلال..كلـــــه حلال مو حرام..
أنــــ....ـا متتـــــ..ززوجة حـــ...ـامل حلال آآآآآآآآآآآآآآآآآآآآآآهـ ياربي ياحبيبي..

جلست على ركبها تبكي ويدينها حوالين بطنها..جلس قريب منها خايف عليها..
حالتها تشبه الجنون العاقل..
مسفر\يابنت أذكري ربك تراك حامل لا يصير فيك شيء..
وكأنك أول مرة تدرين أنك متزوجة..
هديل تهز راسها\ايـــ..ـه إيييييييييه انا متزوجة ولدي حلال ماهو ولد حرام..
ربي ماهو غاضب علي..أنا........... حسبي الله ونعم الوكيل فيهم..
آآآآآآآآآآآآآآآآهـ يووووومه آآآآآهـ...
مسفر مصدوم\ماكنتي تدرين أنك متزوجة؟؟
هديل صدت عنه\.............................................
مسفر بهدو\قومي ارتاحي بغرفتك....ونتفاهم بعد ماتهدين..
هديل تبكي بآسى وهي تطلع الدرج رايحة لغرفتها..
جلست على سريرها وناظرت في العقد اللي معها..
متزوجة ياهديل...
أتاريه زوجي وماعندي خبر..
ياويلـــــــــــــــي كيف يكرهني..
أستكثر علي يريحني ويقول أنه زوجي..
عذبني على اساس جاريته..
وكل ماقال يقول حلال وحلال..
وين الحلال وأنا مغصووبة ومجبورة..
ناظرت بتاريخ العقد وتأكدت انه بنفس اليوم اللي أخذها فيه تم الزواج..
ناظرت بتوقيع أبوها وصارت تتكلم معه وكأنه أبوها..
هديل بألم\هنت عليك ياحسين..؟!
هنت عليك تزوجني له ولا تقولي..
ليه كذبتوا علي وقلتوا يباك جاريه..
ليه ساعدتوه في كذبته..
قلت لكم زوجوني له انا موافقة قلتوا لا مايبيك..
ليه كذبت علي يوبه..زوجتني له ولا طمنتني بكلمة..
لو خبرتني ماكنت بأقول لا..كان تغير الكثير يوبه..
ماكان بيدفني كل يوم وهو مبسوط ولا يهيني ويكسرني..
ماكنت بأموت من خوفي على نفسي وعليك..
لو قلت لي ..لووووو بس قلت لي يوبه..
تدفني بعد ماتعطيني له..وتسد الطريق في وجهي..
تحبسني بقسوة الغربة..

حطت يدها على بطنها وهي تحس بأختناق ومو قادرة تتنفس..
تبي تصرخ تبكي بصوووت عالي..
تنهااااااااار وتنسى أحساس الذل اللي عاشته معاهـ..
هديل بآسى\شفت أبوك وش سوا فيني..؟؟
طلعت أنا زوجت أبوك..زووووجته ولا أدري..
عذب أمك غربها..جلدها بالسوووط مثل البهيمة..
عاملها مثل الخدم..وتركني مع عمال المزرعة لحالي..
أبوك ماهو إنسان هو جلمووود..قاسي وماعنده قلب..
ماراعى الله فيني..ماترفق فيني..ولا حن علي..
يكرهنييييييييييييييي يحقد علي..آآآآآآآآآآهـ يوووومه..
أبوووك كرهني بعمري كرهني بــ هلي..
أطلب العوض منك بعد ربي..
عوضني عنه وعنهم..عوض أمك في أمها..
عوضها عن هلها أخوانها قبيلتها وممكلتها..

أنسدحت على فراشها ومع دموعها أبتسمت..
لما حست بطهارتها بعد ما رمت نفسها بالطين..
إحساس غزى قلبها وشرح صدرها براحة ماعرفتها من زمـــان طويل..
همست بأنين\حلال...أنت ولد حلال يومه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


فزت من سرحانها لما سمعت صوت الباب..
مسحت دموعها بسرعة وكانت بتغير المحطة قبل لا يدخل ويشوفها..
ما امداها لأنه علق عليها وهو يضحك..
راجح يبتسم\لاتقولين هذي الحلقة الأخيرة..اتابعه هذا الكرتون..
رشا\توني شغلت التلفزيون وكان على هذي القناة..
راجح\سبحان الله يا الصدف..نفس القناة اللي يحبها غازي..
أخذت الريموت وطفت التلفزيون من دون ماترد عليه..
راجح يجلس قريييييب منها ويركز عيونه عليها..
أرتبكت من قربه وتكلمت بصوت مخنوق لما حست بيده على ظهرها..
رشا\اممم نقدر نطلع الحين؟؟
راجح يتأملها\تدللي..وين تحبين تروحين..؟؟
رشا بتفكير\امممم السينما..لاتقول لا..
راجح عقد حواجبه\مصممة؟؟
رشا بهدوء\لا براحتك..
راجح\ما أخليها في خاطرك وأنا أبو حمـــد..
كانت بتوقف وتبعد عنه وهي مرتبكة من مده لاسم حمد..
بس هو مسكها وضمها له وقبلها على خدها..
راجح بمحبة\تبين فلم كرتون ولا رومنسي..
بعدت عنه ووقفت\أكشن والحرمه تضرب زوجها على طول..
راجح\هههههههههههههههههه هذا بنمثله لايف انا وانتي..
رشا\الجو بارد برا؟؟
راجح وهو ينزل شماغه وعقاله\ايه فيه برد ..تدفي زين..

دخلت الغرفة طلعت ملابسها من الكبت وغضت نظرها عن ملابس غازي اللي بين ملابسها..
دخلت غرفة التبديل بدلت وهي تفكر فيه..
لو كان معهم مستحيل تخرجه في هذا البرد..
بتغطيه وتنيمه وتنام معه..وراجح يطلع لحاله..
غمضت عيونها وهي تذكر نفسها بانه غير موجود..
ولازم تنساهـ..هي خذته لطيبتها ولانها أشفقت عليه..
الحين هو مع ناس طيبين ويحبونه ويبونه..
وانا ما ابيه كان مضيق علي و معقدني معه..
لاتجرحين ذكراهـ..
هذا ولد قلبك وروحك..
أرتجفت شفايفها وكانت بتبكي لو ما أستعجلها راجح ودق الباب..
أنتبهت على نفسها وكملت لبسها بسرعة قبل لا يدخل عندها..

طلعوا من الفندق في سيارة أستئجرها راجح لما وصلوا دبي..
وتوجهوا لــ دبي مارينا مول..
دخلوا صالات العرض وتمنت رشا لو ماطلبت منه السنما كان أحسن..
ناظرته بطرف عينها كان مبسوط وهو يشوفها خجلانة ومنزلة راسها..
راجح بسخرية\عيب غمضي عينك..
رشا بقهر\قوووم قووم خل نطلع ما أبي اشوف الفلم..
راجح\هههههههههههه هششش وطي صوتك لا يقوم هذا اللي قدامك ويهفك بووكس..
شوفيه كيف مندمج مع الفلم..
رشا تكتم ضحكتها\ههههههههههههههه نص الفلم راح وأنا أفكر بشكلك لو كان شعره لك..
راجح بنظرات\والعياذ بالله تبين أسوي كدش مهبوول أنا...
رشا تبتسم\راجح إساله قله مايحس بثقل على راسه وهو يمشي ولا نايم..
راجح بهمس\لا المصيبة إذا كانوا بيتحممون كيف يغسلونه او يمشطونه..
رشا\طيب لو دخل فيه شيء يحسون ولا كيف؟؟
راجح يضحك\تبين أساله؟؟
رشا بتشجيع\إيه إساله وخلك قوي لاتخاف منه..
راجح\ههههههههههه منااك بس انهبلتي..ترى راح الفلم ماشفناهـ..
رشا\ماحبيته وش رايك نطلع..
راجح وقف\يالله مشينا..
وهم يمشون خارجين بدو الناس يتشكون منهم..
لأنهم يقطعون عليهم المشاهدة..

رشا بخبث\آآآهـ بس لو أعرف وين الكيبل كان أفصل الفلم عليهم وأشرد..
راجح\ههههههههه عاد كيبل مرة وحدة لشاشات السنما..شايفته تلفزيون ولا بلازما..؟
رشا شهقت بقوووة وهي مفتحة عيونها على الآخر..
راجح أنفجع من شكلها مو فاهم وش صار عليها..
راجح بخوف\رشا..وش فيك ؟؟هيه بنت أتكلم معك وش صارلك؟؟
رشا مركزة عيونها وتمد يدها وتأشر..
ناظر بس ماشاف شيء غريب..الناس يمشون بشكل عادي..
راجح\رشــــا؟؟!ياقلبي وش فيك؟؟
رشا بتأتئه\ببـ.......بـــ....ـــر
راجح بعجل\وشهو؟؟؟أحكي زين عشان أفهمك..
رشا تشهق أكثر\بببــ............ـراد بيت.. بيـــ.....ــــيـــت..
براد بيت راجح شوفه هناك..
راجح يمسك نفسه لا يتوطى في بطنها..
مسكها من يدها وسحبها وراهـ وهي تحاول تناظر مرة ثانية لورى..
راجح بعصبية\أمشي زين لا أكفخك ألحين..
رشا\راجح روووح صوره تكفى أبي أقهر شوقووهـ ..
راجح يصفر\يووووووووووووووهـ يالبى بسسسسسسسسسسسسسس...
رشا تناظر للـ الجهة اللي يناظر لها راجح بس ماشافت شيء..
راجح\ياختي صارووخ أرض جوو..تعالي نصور معها..
رشا مفجووعة\مييييييييين؟؟!
راجح\إليــــسا عساها فدوووة لك بس..
رشا بقهر\أمش أمش قال إليسا..من زين براطمها ولا خشتها..
أمش لا أكفخك..
راجح\تعالي بس نصورها عشان أقهر طويلب..
رشا\والله ماتروح لها الا على جثتي..
راجح\ههههههههههههههههههه لا وبراد بيت من اللي يبي يصورهـ؟؟
رشا\ماهوووب أنا..لا تظلمني..
راجح\بس لو غازي هنا كان يهفك مثل أيام ايطاليا..
رشا\ههههههههههههه لا هو ماعصب علي لحالي..حتى على شوق وهديل..
راجح\لا ويتمسخر عليكم ويقول تبون اناديه تصورون معه..
وكلكم ايه تكفى رووح قله يجي..لو مالناس حواليكم ولا كان كووفنكم يالثلاث..
رشا\ياربي منكم كان خليتونا نراهق..كل واحد صار يهاوش حرمته..
من زينه أنا أحلى منه وانا اطلق منه.. هذا جوني ديب ماتفهمون..
راجح بحنية\ماكلاها الا الضعيفة بهذلها غازي وحرمها من العشاء...
رشا\الله يرحمها..بس ترى طلعته من عيونه ..

رشا وشوق جالسين جنب بعض ويعلقون على الموجودين..
وهي جالسة مقابل رشا ونظارات غازي على عيونها..
شوق بشهقة\هئئئئئئ رشا شوفي ذاك المزيون مو كأنه جوني ديب؟؟
رشا تتلفت\وينه وينه؟؟
رشا وهديل يناظرون لنفس الاتجاه اللي تأشر عليه شوق..
رشا\يخرب بيت أمه هو ماغيرهـ..
شوق\هههههههههه ايه هو ياي وناسة..
كلهم يناظرون للممثل..ولا أنتبهوا ل غازي لما جلس جنب هديل وأخذ نظاراته من يدها..
أستغرب نظراتهم وناظر معهم..وكل شوي وحدة من خواته ترمي كلمه عن الممثل..
غازي بسخرية\وش رأيكم أناديه لكم تصورون معه..؟؟!
كلهم الثلاث\إيــــــــه ...
ناظرهم بقهر\ووجع زين؟؟
شوق بفشلة كاتمة ضحكتها\يووه غازي نمزح معك..وش فيك عصبت..؟؟
رشا تضحك\ههههههههههههه لا انا ما أمزح من جد ..
ناظر بهديل كانت عاضة على شفايفها ماتبي تضحك ويكفخها..
سحبت نظاراته من يده ولبستها..
والبنات لبسوا نظاراتهم...
غازي بعصبية\يعني تلعبون علي أهبل انا..
لبستوا النظارات عشان ما اعرف أنكم تناظرونه..
شوق\ياخي وش فيك خلنا نتفرج على الناس..
غازي\ألحين تفرجي صح..هذا عمك جاء تفرجي عليه..
شوق\هههههههههه سبحان الله فرق كبير بين زوجك وجوني..
غازي\لا وببببعد اسمه جوني..
رشا\مالي دخل أمه سمته جوني..
راجح\جعل مابه جوني..منهو عليه ذا الجوني؟؟
غازي بسخرية\من قبيلة نرجع لنفس الفخذ..
شوق\روحوا وجبوا عليه بذبيحة واحلف عليه بالطلاق..
راجح بنقمة\بسم الله علينا من الطلاق والله أنت أطلق منه ياغازي..
بس ولا يهمك اوجب عليه بحاشي كم جوني عندنا..
رشا بكذب\بأروح اشوف أمي وغازي وينهم..
شوق فاهمة عليها\باروح معك مايصير تروحين لحالك..
راجح\فاهم عليكم والله لأحش أرجولكم لو مامشيتوا وراي..

مشوا البنات ورى راجح وهي فزت بخوف لما تحرك كرسيها..
هديل\جنيت أنت..كنت بأطيح..
غازي وقفها وسحبها يجلسها على نفس الكرسي اللي هو عليه..
هديل بعصبية\وجع بعد عني ليه الضيق والزحمة..
غازي بهمس\الضيق في القبوور..لا أشوفك تناظرينه أفقع عينك..
هديل بقهر\من زينك انت وإياهـ..وجيه تقطع الرزق..
غازي بضحكة\وجهي يقطع الرزق..
هديل\ياليت الرزق وبس..لا يقطع المطر والخير..بس يجلب الكروب يالغراب..
غازي\هههههههههههههههه والله ما انتي بهينة يا البومة..تعرفين تشتمين..
هديل بفخر\بعض ماعندكم..
لف وجها عليه بسرعة خوفها..
غازي\لاتناظرينه..أسوي شيء مايرضيك..
هديل توقف وبتحدي\اممم تدري أتحداك تسوي شيء لي هنا..اذا كفو مد يدك..
مشت مبتعدة عنه وهي تتحداه بنظراتها..
وقف وهو يتوعدها بعيونه ولما أنتبهت عليه سرعت بخطاويها..
خرجت من الساحة اللي كانوا فيها..
وركضت بسرعة هاربة منه قبل لا يمسكها..
حست فيه قريب منها صرخت بخوف ووقفت وهي رافعة يدينها..
هديل بتعب\خلاص انت كفوو..وبتفقع عيني..
غازي\لا والله..
هديل\إي والله ..
غازي\ههههههههههه طيب أمشي حسابك بعدين..
هديل\لا ما أمشي قبل لا توعدني ماتضربني..
غازي بسرعة\وعد ما أضربك ..
هديل\طيب كيف أصدقك وأنت ماتوفي بوعودك..
لم يده حوالين كتفها ويقربها منه ويمشيها غصب عنها..
غازي\لازم تصدقين هذا هو الحل ..صدقي وبس..
هديل\ماهو منــ.............................
غازي\وش فيك؟؟
هديل بالم ويدها على قلبها\فيه شيء.....
بخوف\وش فيك..تحسين بشيء..تكلمي..
هديل بغصة\والله فيه شيء...فيه شيء..
غازي حط يده على صدرها وأنرعب من خفقان قلبها العالي..
هديل بشهقة تتلفت حوالينها\ليه كذا..؟فيه شيء هنا..بس وشهو....
تلفت حواليه بشكل إستطلاعي سريع..
اول ماسمعها تقول فيه شيء هنا...
شاف ثلاثة شباب خليجيين..واحد بينهم لفت نظرهـ..
ضمها له بقووووة لما عرف من يكون هالشخص..
كان راكان ولد عمها و الشخص المقابل لراكان وصاد عن غازي..
ماكان الا هادي توئمها الغالي..
هديل تبكي وتشد على صدرها\بسسسسس..ليه كذا بسسس بسسس..
مشى فيها بسرعة ولما أبتعد عنهم رفعها عن الارض واخذ سيارة على الفندق..
وهي كانت ترتجف وتبكي من الإحساس اللي صابها..
ضمها بقوووة ولا أهتم لتألمها منه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛