أما غرام يشرح الصدر طاريه و لا صدود وعمرنا ما عشقنا

Part 55

تــريــدين لــــــــون حنـينـي إليـك ؟
إذن طالعي الشمس عند المغيبْ

تريدين طــــعـــم حنـيــني الــيكِ ؟
إذن لامـــسي بـيديــك اللــهــيـبْ

تـــريدين حــــجـــم حنـيني إليكِ ؟
إذن سـافري في الفـــضاء الرحيبْ

حـــملــتــك فــيً .. فــأنت الــدماء
وانـت وراء الضـــــلــوعِ الــوجــيــبْ

وأنتِ حــــروفي إذا مــــا نــطــقـت ُ
وانتِ ســكوتي الطــويــل الكئيـبْ

وانتِ إذا مــــــا ضـــحـــكـت الـرنين
وأنت إذا مــــــا بكيـــتُ النـــحــيبْ

فــوا عجــــباً .. أتشــــكي الفِـــراق
وأنـــت كـــقـــلبـــيَ جــــارً قــــريبْ .


المرحوم باذن الله تعالى..غازي القصيبي...



يارب ظللها بظلال الجنة..
وأبدلها داراً خيراً من دارها..
وأهلها خيراً من أهلها..
لاحول ولا قوة إلا بالله..
إنا لله وإنا إليه راجعون...

سمع صوت قوي قريب منه..
وقبل لا يرفع راسه طار من مكانه بقوة..
وأنرمى على الأرض بقوة أكبــــــر...

رغم الألم وقسوة الضربة..
فتح عيونه بخفة..
حس بطعم الدم بفمه..
ورعشة تملكت جسمه ماله قدرة على السيطرة عليها..
وكأن الروح تنــــازع..
أبتسم بحنيـــن..
فهو راحل إليــــــها..
سينضم لعالم تنتمي له حمامته..
غاب عن الوعي بعالم الظلام..
وصورتها أخر مارأت عيناهـ.

إتصل سائق السيارة بالاسعاف..
واستمع لتدابير الإسعافات الأولية..
جس النبض..
التنفس..
عدم تحريك المصاب خوفاً على عظامه المكسورة إن كان هناك عظام مكسورة..

وصلت الإسعاف بوقت قياسي..
وتم نقله الى مستشفى المقاطعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛


عالية متمسكة بيد أمها بقوة وتهمس لها..
عالية بخوف\تنزلين معي أو اروح معاج..
ام فهد بهمس\علووي استحي على ويهج..مايكفي ساحبتني معاج الفندق...
فكي يدي يابنت..
عالية\معصي ما أهدج..تبين تخليني معاه بروحي..
ام فهد\ترى والله أقوله الحين يهفج طراق على ويهج..
فكي يدي يابنتي اسمعي الكلام..
عالية بتصميم\يومه حبيبتج أنا بنتج الوحيدة أهون عليج..
شوفيه راح مع فهوود خلينا نشرد من هني..
ام فهد طقتها على كتفها\فكي عني اشوف..قالت تبي تشرد..
والله بيجن الريال من هبالج..
عالية بغصة\يومه جاء..
ام فهد\يالله نزلي معاه وانا بارد البيت مع فهد..
عيب نترك ضيوفنا لحالهم..
عالية برجاء\يومه تكفين لا يأخذون غازي قبل أشوفه..
باجيكم بكرهـ من بدري انزين..؟؟
ام فهد\ولا اشوف رقعة ويهج شهر بحاله..
غزوي وسلمتي عليه قبل تسرين..والحين راعي ريلج وخليج مره سنعة..

وقبل لاترد على أمها فتح فهد الباب ومد يده لها يساعدها تنزل..
قربت من أمها بس امها دفتها بيدينها بخفة تبيها تنزل من السيارة..
نزلت وهي ترتجف من الخوف او من رهبة الموقف..
بعد لحظات بتكون مع عامر لوحدها..
وبيشوفها لأول مرة من دون حجاب وعباية..
ضمت فهد اللي كان يثبت عبايتها على كتفها..
انحرج فهد من عامر وأشر بيدهـ عشان ياخذها منه..
كتم إبتسامته على شكلها وقرب منهم..
عامر بهدوء\عالية فكي عن الريال عيب أحرجتيه..

فزت لما سمعت صوته قريب منها..
لما شافها ماتركت فهد مد يدينه وسحبها عن فهد..
مشى فيها لداخل الفندق ويده ماسكة يدها الباردة..
مشت وراهـ وهي تمنع نفسها بالموت لا تسحب يدها من يده وتهرب لامها..
وتتخيل شكل امها تتوطى في بطنها ولا تكفخها...
حست فيه قريييب منها مرة وهم في المصعد..
صارت تهاوش نفسها وتتحكم برجفتها..

دخلوا الجناح وقفت دقيقة وبعدها فسخت عبايتها ببطء..
وهي تتمنى لو بدلت فستانها قبل لا تجي الفندق..
دخل شنطتها لغرفة الونم ورجع لها الصالة..
قرب منها ووقف قبالها..
كانت منزلة راسها بخجل طاغي عليها..
ناداها باسمها..
ماقدرت ترد عليه ولا ترفع راسها..

وكأنها ماتعرفه ولا في يوم تكلمت معاهـ..
هي صح كان لها مواقف كثير واياهـ..
بس كانت بحدود وأدب..
والأهم بحجابها وعبايتها..
والليلة كل شيء غير..
حست بيده على وجها حبست نفسها وهو يرفع راسها له..
تعلقت عيونها بعيونه لثواني..
وخلال هالثواني تأكدت انها بخير..
لأن هذا هو عامر..
أبوها الطيب..
أخوها والسند المتين..
هو اللي حرمها من الحرمان ورجعها لامها..
عامر اللي حكمها من صغرها ورباها بكيفه..

ماحست بدموعها الا لما مسحها لها بأصابعه..
عامر\مبروك..أثرج حلوة وانا ما أدري..

ضحك على نظراتها المصدومة من كلامه..
تنهد بحسرة وباسها على جبينها..
عامر بحنية\مبروك ياعالية..
ماردت عليه الا بهزة خفيفة من راسها..
عامر\تقدرين تبدلين الحين على بال مايجي العشاء..

صدت عنه ودخلت غرفتها..
قفلت الباب ووقفت بمكانها ..
ويع ان شاء الله صج ماتستحين ليش ماتردين عليه وتقولين الله يبارك فيك..
يقولج حلوة وانتي واقفة مثل الخشب..
لو قال جيكرة كنتي بتكفخينه وتبطين راسه..

فتحت شنطتها وطلعت ملابسها وهي لازالت تعنف نفسها..
وتتشجع انها تتكلم معه عادي ..
انتبهت على القميص اللي امها مزهبته لها..
حطته بآخر الشنطة تحت ملابسها..
تتذكر كلام لين لها ..
بأن طلتها بعد فستان الزفاف الأبيض راح تظل محفورة براس زوجها..
أخذت فستان باللون الأحمر بدون اكمام..
قصير لحد الركبة..
كرستالات ناعمة محدد بها فتحة الصدر..
لبست الفستان مع اسوارة هادية من الذهب..
تأكدت من مكياجها وتسريحتها مرتبة..
ناظرت بنفسها كاملة بالمرايه..
وبعد ثواني شهقت بخوف..
لو يشوفني كذا وش يقول عني..
لا لا لازم ابدل وخزياااهـ..
عيب يشوفني متكشفه كذا..

وقبل لا تقرب من شنطتها دق عامر الباب وفتحه..
وقف يناظر فيها نظرات اول مرة تشوفها..
الأكيد مو عصبية وبعدها يعاقبها..
ولا نظرات الحنية المعهودة منه..
نظرات خاصة من عامر لــ عالية..
نظرات إعجـــــــــــاب..
تأملها بابتسامة صادقة انرسمت على وجهه..
ورضا تام واضح من ملامحه..
سبحان الله..
حبها بقلبه من سنين..
تكفل فيها ورباها..
الكل ملاحظ معاملته لها مثل معاملة لين..
بس لها هي بين العكس..
وحذرها لايوم تعتبره اخ..
لانه مستحيل يكون اخوها..

أنتبه عليها شايلة بجامة وتبي تبدل..
راح لها بسرعة ومسكها قبل تدخل غرفة التبديل..
عامر\وين رايحة؟؟
عالية بارتباك\ببــ..ـأنام..
عامر\تنامين وانا انتظرج..؟؟
عالية\.................
عامر\العشاء وصل..وبعديييين نامي..
عالية\مما ... ما ابي عشاء الحمد لله..
عامر\لا بيعجبج العشاء أنتي بس تعالي..

أخذ البجامة من يدها وهي كانت شادة عليها بقوة..
همس لها تتركها..وهي أنتبهت على حركتها..
تركتها وهو نزلها على السرير..
مسك يدها وخرجها معه لـ الصالة..
جلسها قريبة منه وعيونه لازالت تتأملها برضا..
عامر\سمي بالله..
نزلت راسها وفركت يدينها في بعض..
ريحة العشاء عذاب وهي جوعانة مرررة..
بداء خيالها يخونها وتتخيل نفسها تهجم على الطاولة..
وتاكل كل اللي عليها بشكل همجي..
وتشوف تأثير حركتها على وجه عامر..
عضت شفايفها تمنع نفسها لا تضحك على خيالها..
وهي تنصح نفسها لاتتهورين بكره تاكلين..اليوم ممنوع..
حست بشيء غريب على شفايفها..
فزت وناظرت الشوكة قريبة منها..
عامر\سمي بالله..
مدت يدها تاخذ الشوكة منه..
ماتركها لها وقربها من فمها مرة ثانية..
أكلتها بريق ناشف ولا قدرت تمضغها..
كحت غصب عنها بصوت مكتوم..
شربها مويا وهو يسمي عليها..
عامر\ترى كان نفسي باللي أكلتيها..
فتحت عيونها على وسعها..
عامر\ههههههههههه بعدج على نفس حركتج..
أتغشمر معاج..
عالية وقفت باحراج\الحمدلله..
وقف معها مسك يدها وجلسها عند التلفزيون..
جلس قريب منها..
عامر\عالية ماصارت تبين تقضين الليلة بدون ولا كلمة..
إنتي تعرفيني زين..ماهي اول مرة تشوفيني..
عالية باحراج\اا..اهل غازي بياخذونه؟؟
عامر بهدوء\ايه بياخذونه هم هله..
عالية بزعل\طيب متى بيرجعونه لنا؟؟
عامر\الولد ماهو لعبة شهر بالكويت وشهر بالسعودية..
ولانقول خذوه وهاتوهـ..مصلحته اهم من رغباتنا..
كلنا نبيه خواله وعمامه..
عالية\يعني مانشوفه مرة ثانية الا بعد سنة؟؟
عامر\لا عاد مو سنة..مانقوى فراقه..
بعد شهرين أخذك مع أمك وننزل السعودية ونشوفه..
عالية بخبث\وناخذهـ معنا..
عامر\ههههههههههههه لا مابناخذه معنا..مو قلت لج الولد ماهو لعبة..
عالية\هذا الحل مايرضيني..
عامر\لازم ترضين..فترة بيقضيها عندنا وفترة عند هله..
وانا وراجح اللي نقرر ماهو الحريم..
لو عليكم كل يوم وانتوا على خط السفر..

عصبت من ترييقته عليها..
جت بتقوم ماخلاها..مسك يدها وجلسها..
ارتبكت مرة ثانية من نظراته عليها...
كل همها تقوم وتبدل الفستان اللي تهورت ولبسته..
يمكن ترتاح وتخف رجفتها..

عامر\بردانة..؟؟
عالية بفرح \إيه..
ع بالها بيقول لها روحي بدلي ..
بس خالف توقعها لما قرب منها وضمها له بقوووة..
همست باسمه محتجة على اللي يسويه..
فاجئها وماسمح لها تتكلم ...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛


دخلت الصالة وفسخت عبايتها مالقت احد من اهلها موجود..
سمعت صوت التلفزيون جلست بعد ماطلبت من الخدامة تجيب لها شاهي..
كانت قناة دينية والشيخ يتكلم عن الصبر عند المصائب..
أندمجت مع كلام الشيخ وتأثرت بقصة قالها بصوت خانقته العبرة..
أنصدمت من صوت البكاء اللي سمعته كانت تظنه الشيخ..
بس لما كتمت الصمت ناظرت حوالينها ..
وشافته جالس بأخر كنبة وبالزاوية منها ولام يدينه على نفسه..
وقفت بسرعة وراحت عنده تركض..
غادة بخوف\عبوود بسم الله عليك..وش فيك حبيبي..؟؟
عبدالله مارد عليها وهي ضمته بقووة..
غادة\علي ضربك..أمك مهاوشتك..أحد زعلك قلي فديتك..
والله أخذ حقك منهم ياقلبي..
عبدالله يشد يدينه حواليها ويبكي..
عرفت إنه ماراح يقول لها..
لانها مو أول مرة تساله ولا يجاوبها..حتى ابوهـ وامه وأمها ما فهموا وش صاير له..
فضلت تقويه بكلامها له وتمنعه من البكاء اللي مخوفهم عليه..
غادة بزعل\عبوود الرجال النشمي يبكي..افا والله ياعبيد..
رجال وش كبرك وتبكي مثل الحريم..لو يعرفون أخوياك وعيال الحارة..
وش يقولون عنك..؟؟
عبدالله يكتم صوت بكاهـ بعد كلامها..
ويشد يدينه حواليها..
غادة\ايه خلك قوي..مايبكيك شيء..
والحين قوم غسل وجهك وتعال أبي أخذ رايك بموضوع وابي نصيحتك..

رجع لها بعد دقايق ووجهه مازال أثار البكاء عليه..
غادة\فديته الشيخ أبو وجه احمر...
عبدالله بصوت مبحوح\لا تقولين أحمر شايفتني بنت..
غادة\يخسون عندك بنات جماعة صويعد..
عبدالله\ذكرتيني بصويعد..يبي له كم كفخة..مطول لسانه اليومين اللي فاتوا..
غادة\لا تكفى ماذكرته عشان تفكر بهوشه جديدة..
ترى ربك ستر وابوك ماذبحك بعد هوشتكم مع عيالهم..
عيب عليكم المشاكل ماتنحل بهواش بمكان مخفي عن الناس..
عبدالله\فيه مشاكل ماتنحل الا بالضرب..
غادة\صح كلامك..بس ما احد يحل مشاكله بهالشكل الا الأغبياء..
والجاهلين واللي ماتربوا..
عبدالله\لا يا وغدة متربين ومتعلمين ونضارب..
غادة\ماكذب محمد لما سماكم قطاع طرق..
عبادلله\خلي عنك كلام الرجال..وقولي وش عندك..وش موضوعك..؟؟

ماعرفت وش تقوله..كانت تبي تحسسه أنها بحاجته ومعتمدة عليه..
عشان يتقوى ويفك عن البكاء الغريب اللي صاييبه..
غادة\اخاف أقولك وتبكي او تزعل..لانك صاير حساس كثير ورايك أشك فيه..
عبدالله عصب\أنا ابكي ومتى بكيت يالكذوووب..؟؟
قولي اللي عندك أشوف..
غادة\يعني أنت بتساعدني وتنصحني صح؟؟
عبدالله\ان شاء الله..يالله قولي..
غادة\ايه عندي مشكلة بالشركة..
وانا محتاجة شور رجااااال واعي وكبير وعاااقل..
الحارس عندي بالشركة...اااااا ياربي احم ....
عبدالله بعصبية\وشهو مسوي؟؟
غادة\ماسوى شيء مسكين على نياته وفيه خير..
عبدالله\طيب وش فيه تكلمي..
غادة\ايه تذكرت..عنده ولد تعبان وبيسوي له عملية..
ويبي ياخذ اجازة طويلة عشان يعالج ولده..
عاد مدري من احط حارس..سعودي مثله أو احط هندي؟؟
عبدالله\وليه ماهو بزوجك اللي يحل الموضوع؟؟
غادة بفشلة\راكان مسافر...وسامحني ازعجتك يالشيخ ..قلت يمكن تساعدني..
عبدالله\تعالي تعالي..وفيه سعودي متقدم لـ الوظيفة؟؟
غادة\ايوهـ فيه..
عبدالله\وتبين توظفين الهندي قبل السعودي يا وغدة؟؟
غادة مصدومة\يعني عادي يتوظف عندنا سعودي بالشركة..؟؟
عبدالله\ماتبونه يكون حارس؟؟
غادة\بلى نبيه حارس..
عبدالله\يعني بيكون برا الشركة..وش المانع ماتوظفينه..
ولا تثقين بالهندي..والسعودي ماتبووونه..؟؟
غادة\لا لا حياه الله السعودي قبل الهندي..
فديتك على النصيحة..لولا الله ثم أنت ماعرفت اختار..
عبدالله بفخر\حياك الله ولا ترددين مرة ثانية..

كانت بتساله عن سبب الزعل والبكاء..
بس فضلت تسكت..لانها ماتضمن تصرفه وردت فعله..
غادة\عبود أبوي وينه ألحين؟؟
عبدالله\أبوك مع ابوي..
غادة\هههههههههه قل قسم..أجل أبوي وأبوك أصحاب..؟؟
عبدالله\وش نسوي لازم أبوي يصاحب أبوك عشان أبوك لا يصادق أصدقاء السوء..
غادة\قصدك أبوي مصاحب أبوك عشان مايماشي نافخين الكير..
عبدالله\تعقبين أبوي مصاحب ابوك..
غادة\يوووهـ منك..طيب ابوي كيف حاله اليوم؟؟
عبدالله\الحمدلله بخير أحسن من أمس واللي قبله..
ترى بنروح العمرة تروحين معنا..؟؟
غادة\قالت لي امي..بخاطري أروح بس مدري..
عبدالله\وش اللي ماتدرين؟؟
غادة بقهر\ماهو بشغلك..عبوود تكفى بخاطري سؤال صغيرووووووووون وش كبره..
لاتردني تكفى طلبتك..جاوبني..
عبدالله\أستغفر الله العظيم من قبل لاتحلفيني..
ترى أبوي سبقك وحلفني بس حلفت ما اقوله..
غادة بصدمة\طيب انت ماتعرف سؤالي..
عبدالله\تبين تعرفين وش صار قبل لايدخل جدي المستشفى..صح؟؟
غادة بهدوء\ايه صح..جاوبني..
عبدالله\اللي أعرفه إن جدي زعلان..والزعل هو اللي تعبه..
غادة\قل والله..ندري انه زعلان بس وش اللي مزعله؟؟
عبدالله\ماقال..
غادة\تكذب علي..؟؟!
عبدالله\ايه أكذب عليك..
علي بسخرية\حي الله أم الغيد..رئيسة الشركات ومديرة الأعمال ومدري وشهو..
زين تذكرتي عندك اهل..
غادة قامت وسلمت عليه وهي تضحك..
ردت بكذب\عاد وش اسوي الشغل فوق راسي..حتى الشركات الامريكية ناشبة لي..عنبو ماكان فيه غيري..
علي\هههههههههههه هذا وجهي اذا به احد دق بابكم وقال وش عندكم..
غادة بفشلة\بعدنا بأول المشوار..بكره ان شاء الله ربي يبارك لنا وتشتهر شركتنا اللي ماهي بعاجبتكم..
ماغير جالسين ننظر الباب والتلفون متى يطلبونا...
علي\ههههههههههه الله يتمم لكم على خير..
تدرين وين المشكلة..المجتمع مايثق بشغل المراءة..وخصوصا توكم مبتدئين..
غادة بخبث\طيب وش رايك تكون انت اول ضحايانا وتبرهن للمجتمع قد أيش حن كفووو ونرفع الراس..
علي بحذر\ابعدي عني وانشبي بزوجك هو اللي فتح شركتكم وعشمكم ..
غادة\افا ابوو عبدالله تردني وانا طلبتك..
علي\ياليييييييل الحريم اللي ماهو بخالص..هاهـ وش تبين اسوي؟؟
غادة\الفرع اللي أنت تشتغل فيه..سلمنا اياهـ شهر واحد بس ونسلمكم اياهـ باجمل وأحلى مايكون..
علي بفتنة\تبين البنك يطردني.؟؟ما اعتقد يسمحون لكم تجددون الفرع..
غادة\يا أخي أنت ليش أخوي..؟؟
علي\مدري إسالي امي ولا أبوي..
عبدالله\هههههههههههههه حلوة حلوة يوبه..
علي\هههههههه اعجبتك يا فرخي..
عبدالله\فري متش كوكلي افري دي...بس لاتعيدها مرة ثانية..
علي\ليتك نايم..
غادة\هههههههههههه لبى العنقليزي..علاوي تكفى حاول توسط لنا..
اذا أستخدمنا البنك وتعاقد معنا بتكون ضربة حظ قوية لنا..
علي\طيب واذا سودتي وجهي مع شلتك المهبولة..وحولتوا البنك لصالون تجميل وش أسوي بعمري أنا..؟؟
غادة\يعني ألحين تصميمي لبيتنا مو عاجبك؟؟وضيافة الرجال ما تهبلوا عليها أخوياك وجماعتنا..؟؟
علي\الكذب خيبة..واللله ماشاء الله عليك..شغلكم بضيافتنا شيء يرفع الراس..
عبدالله\يوبه متى بننقل هناك..؟؟
علي\شهر ان شاء الله وحن في بيتنا..
غادة\وششششششش قلت؟؟
علي\يقطع حنت الحريم يا شيخة..خلاااص باتوسط لكم وأشوف متى يسمحون لكم تبدون اذاااااااااا وافقوا..
غادة بفرح\خلاص أضمن موافقتهم..يالله فمان الله وراي بزنس..واااي يازين الشغل والحركتات..
عبدالله\سوي لنا نفق سري ولا يدرون ادارة البنك..عشان نسرقهم ونشرد..
علي\لازال تفكيرك إجرامي..تبي تسرق الدولة مع وجهك..؟؟
عبدالله\البنك ماهو الدولة..البنك هو الشعب..
علي بحسرة\ونعم التربية..
غادة\الله يصلحكم وبس...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


فتح عيونه بتعب..
حرك راسه بصعوبة..
ونظراته تدور بالمكان الغريب اللي هو فيه..
من شعوره بالألم بجسمه تذكر اللي صار معه..
غمض عيونه وهو يتنهد بتعب..
لازال ينتمي لأهل الأرض..
أستغفر الله على قنوطه..
وحمد ربه على سلامته..
رفع نفسه بالقووة..
أنتبه ليده اليسرى مجبرة..
أعترف وهو يضحك..
شر البلية مايُضحك..
على الأقل انكسرت يده مثل يدها..
تمنى لو كانت يده اليمين..
عله يحس بعجزها..
عمياء ومكسورة يمينها..
ولا بقربها أحد غيرهـ..
يدها وتجبرت..
وإنكسار روحها ماجبرته..
ياجابر المكسور إجبر بخاطرها..

دخلت عنده الممرضة ورجعته لواقع هو حي وهي ماتت..
بعد لحظات دخل ماكس تطمن عليه..
سأله عن حاله..وتفاجئ بغضب غازي..
لما وقف بعصبية..
قطع المغذي عن يدهـ..
وبعد ماكس عنه بقوة..

ماكس بصدمة\ماذا تفعل..؟؟
مارد عليه صرخ بالممرضة بعصبية يطلب ملابسه..
خرجت بسرعة ونادت الطبيب..
دخل وحاول يفهم سبب عصبيته..
واذا كان أحد أساء له..
مارد عليهم الا بكلمات حاقدة على نفسه قبل لا تكون عليهم..
يبي يطلع من المستشفى بثواني..

وبما أنه بكامل وعيه ووقع يتحمل مسئولية أي شيء يصير فيه..
سمح له الطبيب بالخروج..
خرج من المستشفى وماكس معه..
طلب مفتاح السيارة من ماكس لكن مارضى يعطيه بسبب اصابته..
عصب من ماكس وضرب السيارة بجبيرته بقووووة..
حس بألم غي رمعقوول ولا عمره حس فيه..
ضربه مرة ثانية وثالثة..
بعده ماكس عن السيارة وصرخ فيه..
ماكس بحدة\هل جننت..؟؟ماللذي اصابك؟؟

مارد عليه بعده عنه وجلس في السيارة..
حرك ماكس السيارة من دون اي كلمة وهو يراقب ملامح غازي المتألمه و الغاضبة..
غمض عيونه والألم يذكرهـ بألمها ودموعها...

دخل الغرفة وقفل الباب بقووة..
قرب منها وهي تتراجع بخوف..
كفها اليمين على كتفها اليسار وتضغط عليه بقووة..
هديل تبكي\لاتضربني...والله يدي عورتني منك خلاص..
ما باتكلم معها مرة ثانية..
بس قول لها لاتــ.........
غازي بحدة\أقول لها أيش...؟؟
هديل بالم\ولا شيء..خلها تقول اللي تبي..الله بيحاسبها..
غازي\شوق كل همها توجعك بالكلام..
وضربتها قدامك..
هديل\ماتقصر ياما ضربتني قدامها وقدام غيرها..
غازي\انتي اللي تجيبينها لنفسك..
هديل تبكي\طيب ايه انا...استاهل انا ايه..
غازي بهدوء\طيب ليه تبكين الحين..؟؟
هديل جلست على الارض وحطت راسها على ركبتها..
نزل لمستواها وجلس ركبه ونص..
غازي\تتألمين..؟؟
هديل هزت راسها بالنفي\لا مايعورني ضربك..
مد يدهـ لكتفها صرخت فيه بخوف..
هديل برجاء\لاااا والله العظيم تعورني خلاص ابعد لاتلمسني..
بكره اضربني..اليوم خلاص ما اتحمل غير كتفي..
غازي بقهر\ماقصدت أضربك في الباب..
هديل ماصدقته\اتركنيييييييييي..
وقفت وبعدت عنه بس هو مسكها وجلسها على الكنبة ووثقها بقربه..
هديل\والله ما اتحمل اتركني..وشوق ما باتكلم معها ولا معك..
بس خلاااااااص لاتمد يدك علي...
غازي\اصبري اشوف كتفك...
هديل بألم\ما ابى..تكفى خلاص اتركني والله تعبانة..

نزل بلوزتها عن كتفها..وهي بشكل سريع ضمت يدينها على صدرها ورقبتها..
غازي\بعدي يدينك..
هديل\لا ابعد..اطلع من عندي ما ابيك تظل هنا..
لاتخاف أنضربت أقوى من هذا..
بكره اصير مافيني شيء وتقدر تكمل انتقامك..

ضغط على كتفها بقهر صرخت وهي تبكي..
مسكت يدينه بيدها تترجاه مايوجعها..
ضمها له وهو يهمس لها\ما اقدر أروح قبل لا أطمن عليك..

وقفت وبعدت عنه وصرخت فيه..
هديل تبكي\انا بخير..شوفني بعدني أتنفس..
تطمن بكره تلقاني مثل اليوم وأمس..
لاتخاف..ما باموت قبل يومي..
وما باموت قبل لا ترضي أخوك بقبرهـ..
ما باموت قبل لا ترضي جنونك...

وقف وراح لها بسرعة ..
غازي\الموت لاتطرينه..مالك فيه مجال..
هديل بحسرة\ياويلي ما أقسى قلبك..
باخل علي بالموت..
ضمها بقوووة...
يرد لها قهرها لأنها قهرته بذكر الموت..
من تعبها ما قاومته ولا بعدت عنه..
اللي يبيه بيسويه..
مايعرف حلال او حرام..
نزل بلوزتها وهو حاضنها وتفحص كتفها..
لاحظ تورم بنص الكتف...
ولونه يتغير شوي شوي للاحمر والاخضر..
مرر كفه عليه بهدوء مايبي يعورها..
من شكله مايلومها على بكاها بسبب الالم..
باسها على رقبتها وتركها بعد ماحلفته يبعد عنها...

ضرب يده مرة ثانية على باب السيارة..
لعل الألم يخليه يبكي..
أو تنزل دمعة وحدة..
لكن عيونه وكأن جفاف أصابها..
بخلت بالماء عليها..

خذاهـ ماكس لبيته وقرر يظل معه..
أتصل بصوفي وقال لها..
وتعجب من ردها لما قالت..
صوفي بحقد\متى يموت ويتركنا بسلام..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛