في الكافتريا
عبير : اتفضل يا عمر ، اها موضوعك شنو
عمر : حتجي عيد الميلاد مش ، كلمتي ناس بيتكم انو حتجي
عبير : قلت ليك ما بقدر اجي يا عمر لانو الحتة بعيدة و ليل كمان
عمر : انا حأوصلك نهاية الحفلة بعربية ابوي و جيبي معاك اخوك
عبير : والله صعبة و انا اهلي ما بخلوني بصراحة
عمر : انا كلمت امي و اختي بيك انك حتجي الحفلة و هم نفسهم يشوفوك يا عبير ، بلييز حاولي تجي
عبير : يشوفوني لشنو يعني
عمر : بصراحة انا بحبك يا عبير و من اول يوم شفتك فيهو حسيت بحاجة تجاهك و بمرور الايام اتاكدت اني بحبك و انتي و لا حاسة بي و بعد نتخرج حاتزوجك طوالي ان شاء الله
عبير : هههههه حب شنو يا عمر ، انا ما زولة حب و كمان احبك انت دفعتي عشان انتظرك بالسنين مش لحدي تتخرج ههههه
عمر : انا ابوي وضعو كويس و ممكن يعرس لي بعد التخرج طوالي
عبير : انسى الفكرة و خلينا اصحاب اصلا
عمر : ليه كدة يا عبير ، انا بحبك والله
عبير : انا كمان بحبك لكن زي اخوي
عمر : طيب اسف يا عبير ، و ما تزعلي مني و اعتبريني ما قلت حاجة و ارجوك تعالي الحفلة بكرة
عبير : ما اظن لكن زي ما قلت ليك هديتك موجودة
عمر مستاء لانو عبير رفضتو و هو حباها بالجد لكن ما عايز يضغط عليها و متاكد انو حيجي يوم و تحس بيهو
عبير بينها و بين نفسها : كمان ما ناقصة غير الشفع يجوني و قال بابا يعرس لينا ، انا كان ممكن اوافق بيك يا عمر لكن ما دام في معتز الكبير الشغال اعاين ليك لشنو انت الطالب و تقعد تمسك بي زمن 😏 و انت بس خليك للعزومات و على الاقل بلقى لي زول يفطرني كل يوم بالمجان لكن للعرس بعرس معتز و يطلعني من الفقر دا
عبير : قوم جيب لينا حاجة ناكلها جعانة ياااخ
عمر : كويس يا ستي ، تاكلي شنو انتي
عبير : زي كل يوم بيرقر جامبو و عصير فريش
عمر يمشي يجيب الحاجات و يقعدو يفطرو و يتونسو
و في اثناء ما هم قاعدين جاء ماري محمد جنبهم و معاهو علي و شاف عبير و عمر و افتكر انو عبير دي نسرين
محمد : شوووف شوووف صحبتك
علي : نسرين !!!!
محمد : قبيل ادتني محاضرة في الاخلاق و هسي قاعدة تتونس و تتضاحك كيف
علي : كمان غيرت عبايتها ، لا حول و لا قوة الا بالله
محمد : اي صاح والله ، ههههه شكلها من البنات البتجي بالعباية و تقلعها في الجامعة
علي : ما كنت قايلها كدة والله ، في القاعة عاملة و لا الشريف الرضي و فاتحة للكل و ما شغالة بزول
محمد : انا قبيل احترمتها لكن تاني بعرف اتعامل معاها و شكلها بتمشي مع الزول البدفع اكتر بس
محمد يمشي و يجي قدام عبير عشان تشوفو و عبير عاينت ليهو لكن ما اشتغلت بالموضوع كتيير
محمد : شفت عاملة نفسها و لا كأنها بتعرفني
علي : ههههه و كمان شوف نص الشعر برا و هناك في القاعة عاملة فيها ما بتصافح ، سقطت من نظري بالجد يا خسارة
عبير تطلع الهدية و تديها لعمر
عمر : من غير اشوفها ، دي حتكون اغلى هدية جاتني و حاحافظ عليها زي عيوني
عبير : هههههه شنو دا ، ما تقعدو تقتل لي حيلك كدة هههه و تكسر تلج
عمر : ما كسير تلج لكن بالجد دي احلى هدية لانها منك بس و انا ما زعلان عشان رفضيتي لاني متاكد حيجي يوم و تحسي بي حبي و توافقي بي
عبير : ههههه موت يا حمار
محمد يقول لعلي
محمد : شفت كمان جايبة ليهو هديه و الضحك
علي : اتاريها ما هينة ههههه
محمد و علي يطلعو من الكافتريا و يمشو على القاعة بتاعت نسرين ينتظروها هناك عشان يفضحوها قدام الكل
نسرين و شهد يجو من الاستراحة على القاعة و يلاقو محمد في وشهم
محمد : ههههههه مريم العذراء ، متين لحقتي تغيري و تلبسي العباية
نسرين : .......
يتبع....
