في الجانب الاخر
مصعب في شغلو ادوهو شقة و طوالي فكر يتزوج و قرر يكلم نسرين بمشاعرو و يتزوجها عشان كمان ترضى تشيل منو و ما تتحس تاني فقام اتصل عليها
نسرين : الو السلام عليكم
مصعب : و عليكم السلام ، كيفك نسوو
نسرين : الحمد لله بخيير
مصعب : نسرين بصراحة كدة ، انا عايزك في موضوع
نسرين : اتفضل قول
مصعب : بالجد انا لو لفيت الدنيا دي ما حالقى زيك لانك انسانة ما شاء الله رائعة و فاهمة جدا و اي زول بتمناك تكوني زوجتو ، و انا عايز اتزوجك
نسرين : عايز تتزوجني انا !
مصعب : ايوا انتي و فوق دا كلو انا عندي مشاعر تجاهك و اظن انك كمان عندك مشاعر تجاهي
نسرين : انا يادوب في اولى جامعة و لسه على كتير لحدي اتخرج
مصعب : ممكن نتزوج و تواصلي قرايتك عادي ، اكييد ما حامنعك منها
نسرين : هل حتخليني اشتغل بعد اتخرج ، لاني اسرتي محتاجة لي
مصعب : بخليك طبعا و حتى ممكن اشغلك معاي في نفس الشركة
نسرين : خالتو سوزان عارفة !؟
مصعب : ما في زول عارف لسه من البيت ، قلت اخد رايك اول
نسرين : افرض انو رفضت ، حتعمل شنو
مصعب : دي حياتي انا و قراري بي يدي و من حقي اختار الشريكة الحاعيش معاها و ختي في بالك اني ما عايز غيرك و حتمسك بيك لاخر نفس
نسرين : طيب انا ما عندي مانع و انت كلم ناس بيتكم و انا حأستخير
مصعب : انا حافاتحهم في الموضوع و ان شاء الله الخير ربنا يقدمو لينا
نسرين : اميين
نسرين تقول لعبير
نسرين : مصعب قال عايز يتزوجني
عبير : انتي جادة 😍، اها انتي قلتي شنو
نسرين : قلت ليهو بستخير
عبير : هسي مصعب دا عايز تفكير ، مفروض توافقي طوالي
نسرين : الاستخارة مهمة لان عسى ان تحبوا شئيا و هو شر لكم و ما معروف الخيير وين و انا قلت ليهو ما عندي مانع لكن الاستخارة مهمة كمان
عبير : هو كلم اهلو
نسرين : ما كلمهم
عبير : مالك شكلك ما مبسوطة
نسرين : بصراحة خايفة من خالتو سوزان ، لانو هي ما بتحبنا و ما اظن توافق ليهو
عبير : و لييه ما توافق ، مالك البعيبك شنو و كمان ما عندك شغلة بيها ، انتي حتعرسيهو هو و لا حتعريسيها هي
نسرين : الحاجة لو فيها رفض من الاول ما بتطمن ،، كدي ما نسبق الاحداث و نشوف ردهم اول ، انا ماشة استخير
نسرين تقوم تتوضا و تصلي ركعتين و تقول دعاء الاستخارة تلاتة مرات
مصعب يمشي البيت و تلاقيهو سوزان
سوزان : تعال يا ولدي عايزاك في موضوع
مصعب : اتفضلي يا امي
سوزان : طبعا انت كبرت يا ولدي و انا عايزة اشوف اولادك و كمان ابوك و انت في الشغل ادوك شقة ليك و بعد دا لازم نعرس ليك
مصعب : سبحان الله !! انا كمان كنت جايي افاتحكم في نفس الموضوع
سوزان : 😍😍😍😍😍 شفت انا امك بحس بيك كيف يا ولدي ، طبعا انا لمحت لي بت خالتك نسيبة و متاكدة ما حتلقى احسن منها لانو جميلة و من مستوانا و شيك كمان
مصعب : اعرس نسيبة بت خالتي 😳
...
يتبع...
