مِن المؤلم أن ترى الأشياء حولك تتلوّث، وتتألم بصمت، أن يداخلك إحساس مقلق بأنّك قد تسبّبت في ظلم إنسان ما أن تجد نفسك مع الوقت قد بدأت تتنازل عن أحلامك واحداً تلو الآخر، أن تضحك بصوت مرتفع كي تخفي بكاءك، أن ترتدي قناع الفرح كي تخفي ملامح حزن وجهك الحقيقي
يوم الزفاف
رهف 🌼
استيقظت على صوت في خارج الغرفة نهضت من فراشي وفتحت الباب رأيت الخدم يرتبون في غرفة يوسف عدت الى غرفتي واقفلت الباب دخلت إلى الحمام استحممت وخرجت غيرت ملابسي ونزلت الى الاسفل
مروة:صباحو
رهف:صباح النور
مروة:شلون نشاطج اليوم يا عروس
رهف:تمام
مروة:لا ما اريد تمام اريد عالي اليوم راح تتعبين هواي لان عدنه هواي شغل يلا امشي خل نتريك قبل ما تجي الكوافيره
رهف:جلست على المائدة ولم يكن احد موجود
رهف:لعد وين الكل
مروة:كلها مشغولين اليوم يوسف راح وياه الشباب للحلاق واهلي واهلج جاي يشرفون على تجهيزات القاعة
تناول الطعام وبعد ان انتهينا ذهبنا الى الغرفة
مروة:طلعي بدلة العرس وحضري غراضي
ساشا:مرحبا
مروة:مرحبا اهلا وسهلا بك كيف حالكِ
ساشا:بخير كيف حالكِ يا عروس
لم افهم شيئا من كلامها همست الى مروة
رهف:جاي شنو تحجي
مروة:جاي تسلم عليج
ابتسمت لها
ساشا:هيا اجلسي لكي نعمل
مروة:يلا اكعدي خل تجهزج
بدأت الفتاة بتجهيزي وبعد اربع ساعات انتهينا
ساشا:والان كيف تبدو
نظرت لي مروة
مروة:يا الهي انها في غاية الجمال شكراً لكي
ساشا:العفو والان سوف اذهب
نظرت لي وتحدث معي لم افهم ماذا تقول
ساشا:مبروك يا عزيزتي اتمنى لكي حياة سعيدة
مروة:شكراً
خرجت واقفلت الباب
مروة:ولج شنو طلعتي تخبلين
ابتسمت بخفة
مروة:اليوم يوسف راح يتخبل عليج
رهف في نفسها:هو من غير شي متخبل مني
مروة:شبيج
رهف:ما بيه شي
مروة:شكلج متوترة لا تتوتري
انفتح الباب ودخلت زينة تركض
زينة:ولك اجة العريس وطالع يخبل! عزة هاي منو ولج رهف شنو طالعة اليوم تموتين
احتضنتني
زينة:مبروك حبيبتي
تجمعت الدموع في عيني
زينة:لا تبجين ولج يخرب المكياج ويطلع شكلج الحقيقي
ابتسمت
رهف:انجبي
مروة:اني راح اروح ابدل لان اجوي الضيوف
بعد نصف ساعة دخلت مروة وامي
والده رهف:ما شاءالله تخبلين بنتي
مروة:يلا امشوا راح يجي يوسف حتى ياخذها شعرت بالخوف عندما علمت بانه سوف يأتي يا الهي اعطني القوة خرج الجميع من الغرفة وبقيت أنا لوحدي وفجأة شعرت بأن الباب ينفتح ودخل يوسف واقفل الباب اقترب مني ووقف امامي اشعر بجسدي كله يرتجف من الخوف كنت انظر الى الاسفل ولم تصدر منه اي حركة رفعت رأسي ورأيته ينظر إلي
يوسف:شكلج خايفة وترجفين! ليش خايفة تره بعدج ما شفتي شي
ازداد خوفي اكثر واكثر من كلامة
يوسف:كلتلج ارفضي الزواج وانتي ما رفضتي وكلتلج ما احبج بس انتي تحبين المشاكل مو !يلا امشي
ضغط على قبضة يدي بقوة شعرت بأنها سوف تنخلع حاول أن افلت يدي منه لم استطع
يوسف:شبيج جاي تتأذين! اصبري هذا الوجع ولا شي مقابل الوجع اللي راح تعشينه ويايه وبيدج هسة القرار تكدرين ترفضين الزواج مني وتخلصين نفسج
نظرت إليه
رهف:لو جان القرار بيدي ماجنت راح تشوفني هسة يمك
يوسف:اوكي اني انطيتج فرصة وانتي بكيفج بعد! يلا امشي
خرجنا من الغرفة ونزلنا الى الاسفل دخلنا إلى الحديقة وكانوا هناك اناس كثيرون من الطبقة الراقية ذهبت لكي نعقد زواجنا
السيد : انسة رهف حسن انتي مواقفة على زواجج من السيد يوسف حسين
شعرت بيدي ترتجف همس لي يوسف
يوسف:هاي اخر فرصه السيد راح يعقد
نظرت الى ابي كان شكله سعيد جداً
يوسف:هاا قراري وخلصيني
نظرت الى السيد وقلت
رهف:مواقفه
بدوا الجميع بالتصفيق
يوسف:حقيرة
السيد:وانت موافق على زواجك من الانسة رهف
صمت طويل وشعروا الجميع بالتوتر اتمنى ان يرفض واتمنى ان لا يرفض اريد أن اخلص منه ولا اريد تعاسة ابي
مروة:هذا شبيه يوسف
عصام:ولك احجي
تنهد ثم قال:موافق
بدوأ الجميع بالتصفيق
السيد:مبروك انتو هسة زوج و زوجة هسة صرت تكدر تبوس زوجتك
نهضنا ونظرنا الى بعضنا اقترب مني لكي يقبلني ولكنه همس في اذني
يوسف:راح ادفعج الثمن غالي
ابتعد عني وظنوا الناس بأنه قبلني وبدوأ بالتصفيق بدأت الحفلة وفتحوا الموسيقى وبدأو الناس يرقصون و يصفقون وكانت الحفلة نصف عراقي ونصف اجنبية وكانت الاجواء جميلة جداً ولكني لم اشعر بجمالها وكأنه هذا اليوم يوم موتي وليس زفافي كم اتمنى ان اموت في هذه اللحظة لكي اخلص من عذاب هذا
انتهت الحفلة وذهبوا جميع الناس الى بيوتهم اخذتني مروة الى غرفة يوسف كانت غرفة جميلة جداً بحياتي لم اراه غرفة مثلها جلست على السرير جلست مروة بجانبي
مروة:شبيج متوترة
لم اشعر بالتوتر بل بالخوف
رهف:اي
مروة:لا تتوترين اهدي شوية هسة راح يجي يوسف
رهف:ياريت ما يجي
ابتسمت لي
مروة:شلون ما يجي اهدي ولا تخافين !يلا اني رايحة
خرجت مروة وبعد لحظات دخل يوسف واقفل الباب تقدم نحوي وجلس على السرير اقترب مني وانا ابتعدت عنه واصبح هو يقترب وانا ابتعد الى أن وصلت لنهاية السرير ولم يعد بامكاني التحرك من مكاني هو ما زال يقترب مني الى أن توقف امامي اشعر برغبة بالبكاء كنت احاول أن لا ابكي لكي لا ابين له بأنني ضعيفة اقترب مني لكي يقبلني وصار يقترب اكثر واكثر وصار قريب جداً واصبحت شفتاه قريبة من شفتاي أغمضت عيناي قبل أن يقترب مني وصرت ارتجف وفجأة سمعت صوته كان يضحك بصوت عالي فتحت عيني ونظرت إليه باستغراب وبعد لحظات توقف عن الضحك ونظر لي
يوسف:شنو جنتي تتوقعين عبالج راح اقضي وياج ليله رومانسية
ابتسم بسخرية
يوسف:لا تفكرين ممكن يجي ويوم ويصير بيني وبينج شي انتي ولا شي بالنسبة لي انتي مجرد ضيفة كاعدة بالغرفة مالتي وراح اخلص منج بس اصبري عليه شوية لا تفكرين زواجنا هذا راح يدوم زواجنا مراح يدوم هواي اني ما احبج ولا راح يجي يوم واحبج ومراح اعترف بيج ولا راح اتعمل وياج على انج مرتي زواجنا راح يكون كدام الناس وبس!بس بيني وبيج مراح اعتبرج مرتي ولا راح اتصرف وياج على هذا الاساس افتهمتي يلا هسة روحي ولي مني اريد انام
تمدد على السرير وانا نهضت من مكاني ودخلت إلى الحمام اقفلت الباب وجلست على الارض ابكي
رهف:ليش جاي تصير بيه هيج ليش اني شنو سويت شنو ذنبي ليش جاي اتعذب هيج اريد ارجع على حياتي القديمة اريد ارجع للبيت ما اريد ابقه هنا
وفجأة سمعت صوت الباب يقفل مسحت دموعي وخرجت من الحمام لم اجده بالغرفة
نظرت الى فستان الزفاف
رهف:جنت مفكرة انو من راح البس هاي البدلة راح يكون احله يوم بحياتي! بس ما جنت ادري راح يصير هذا اليوم هو اتعس يوم بحياتي
امسكت بفستان و مزقته بيدي
نظرت الى نفسي في المرأة
رهف:هذا المكياج وهاي التسريحة
مسحت وجهي بيدي وفتحت تسريحة شعري ونظرت الى نفسي وصرخت
رهف:منو هـــــــــــاي اني ويــــــــــن
جلست على الارض وصرت ابكي
يوسف 🌸
ذهبت الى بيت ميس لا اتحمل اكثر اريد رؤيتها خرجت من البيت من غير أن يراني احد وذهبت الى بيتها طرقت الباب وفتحت لي الباب
ميس:يوسف
يوسف:اي يوسف
ميس:ليش اجيت مو عرسك اليوم يعني المفروض انت اليوم يمها مو يمي
يوسف:بس اني ما اريد ابقه يمها اريد ابقه يمج
ميس:تبقه يمي
يوسف:اي
قبل أن تنطق بكلمة
دفعتها على الحائط واقفلت الباب وقبلتها من شفتيها دفعتني بيدها وابعدتني عنها
ميس:انت جاي شتسوي يوسف
يوسف:اني مشتاقلج لا تعذبيني ميس
ميس:انت هسة واحد مزوج يعني المفروض هاي الشغلات تسويها وياه زوجتك مو ويايه
يوسف:بس اني ما اريدها والدليل انو عفتها بيوم العرس واجيت عليج بعد شنو تردين اكثر من هذا حتى تعرفين اني احبج انتي مو هي
ميس:ماكو داعي تثبت لي اني ادري انت تحبني
يوسف:مدام تدري لعد ليش جاي تعذبيني
نظرت لي ودموع في عينيها
ميس:لان احبك
سحبتني إليها وقبلتني بشغف كبير وبعد لحظات فصلت القبله ونظرت الى عينيها
يوسف:واني هم احبج
ابتسمت حملتها بين ذراعي واخذتها الى غرفة النوم و قضينا ليلة رومانسية معا في اليوم التالي استيقظت على لمسات يدها على شعري فتحت عيني ونظرت إليها
ميس:صباح الخير
يوسف:صباح الحب هاي احله نومه نمتها من بعد زعلج مني
ميس:واني هم
يوسف:بعد لا تعوفيني ميس ما اكدر اعيش من غيرج
ميس:يعني انت عبالك هذا الشي سهل عليه اني ما اكدر اشوفك وياه وحدة ثانية اريدك الي وبس
يوسف:اني الج وراح ابقه الج
ميس:شلون وانت ازوجت
يوسف:زواجي منها مؤقت صدكيني بس ابوية تتحسن صحته واني ارتب اموري راح اعرفها ونزوج اني وانتي ومحد راح يكدر يمنعنا وعد
بس اصبري شوية
ميس:لان احبك راح اصبر
قبلتها من جبينها
يوسف:موت عليج
نهضت من السرير ولبست ملابسي
ميس:وين رايح
يوسف:للبيت
ميس:اهو
يوسف:حياتي لازم ارجع حتى محد يدري اني طالع البارحة
نظرت إليه بحزن
ميس:يعني راح تروح يمها
اقترب منها وقبلتها من وجنتيها
يوسف:اصبري عليه بس كم يوم وبعدين مراح اعوفج ابد
ميس:ماشي بس ابتعد عنها ولا تخليها تتقرب منك
يوسف:ليش تغارين
ميس:اي اغار واذا تقربت منك اصير سفاحة واكتلها بيدي
قرصة وجنتيها
يوسف:اروح فدوه للسفاح مالتي
ابتسمت ورميت لها قبلت الوداع وخرجت من البيت ذهبت الى المنزل دخلت إلى البيت مازال الجميع نائم ذهبت الى غرفتي من غير أن يراني احد فتحت الباب ودخلت الى غرفتي عندما دخلت وجدتها نائمة على الاريكة وهي ماتزال ترتدي فستان الزفاف كان الفستان ممزق وشعرها مبعثر
ابتسمت بسخرية
يوسف:هاي شنو
ذهبت الى الحمام استحممت وخرجت وعندما خرجت وجدتها مستيقظة وكانت واقفه امام الخزانة لكي تخرج ملابسها اخذت ملابسها ودخلت إلى الحمام رتبت شعري وخرجت نزلت إلى الاسفل كانوا الجميع مستيقظ و يتناولون الفطور
يوسف :صباح الخير
الجميع:صباح النور
حسين:هلا بالعريس وين عروستك ليش نزلت الوحدك
يوسف:هسة تجي كالت روح انت
بعد لحظات نزلت من الاسفل وجلست بجانبي على الطاولة
والد رهف:خوية احنه اليوم رايحين
فزعت من مكانها
رهف:شنو
والد رهف:اي خلص العرس وصار لازم نرجع
رهف:ليش بابا خليكم شوية
والده رهف:ميصير بنتي ابوج عنده شغل هواي
رهف:يعني راح تعوفوني الوحدي
والد رهف:وين الوحدج هاي زوجج يمج وعمج موجود والعائلة كلها يمج
صمتت ونزلت راسها وصارت تبكي
والده رهف:هاي شبيج بنتي ليش تبجين
رهف:لا تعوفوني وتروح عفية
نهضت والدتها اقتربت منها
والده رهف:شنو هاي التصرفات مال الجهال ماما انتي جبيرة لا تبجين وبعدين شوكت ما تردين خل يوسف يجيبج علينا ماشي امسحي دموعج
حسين:هاي شبيج عمو مو احنه يمج بعد شكو وبعدين انت صرتي بنتي وما اكدر اشوفج زعلانة وهاي كل احنه يمج اني ويوسف والعائلة مو صحيح يوسف
نظر لي ابي
حسين:مو صحيح يوسف
يوسف:اي
حسين:هاا بعد شكو يلا امسحي دموعج
رهف 🌼
انتيهنا من تناول الفطور وجمعو عائلتي اغراضهم وجهزوا انفسهم للسفر وكنت اودعهم وابكي
والد رهف:شبيج بابا ليش تبجين
والده رهف:لا تبجين حبيبتي ما يصير
ذهبت الى زينة واحتضنتها بقوة
زينة:راح اشتاقلج بعد بعد وياه منو راح اتعارك
رهف:ديري بالج على بابا وماما ماشي
زينة:همه خلي يديرون بالهم عليه
ودعناهم واخذهم يوسف الى المطار بسيارته
دخلت إلى البيت اردت الذهاب الى غرفتي ولكن اوقفتني عمتي
طيبة:انتظري شوية
اقتربت منها
طيبة:بعد شوية راح يجون نسوان حتى يشوفونج جهزي نفسج
نظرت الى ملابسي
طيبة:البسي ملابسي مرتبه غير هاي شكلج خدامة عبالك
رهف:حاضر
طيبة:واسمعي ما اريدج تحجي شي كدامهم لان اكيد مراح تعرفين حجيهم وما اريدج تفشليني كدامهم
رهف:ماشي
طيبة:يلا روحي
ذهبت الى غرفتي ونزلت مروة من الدرج
مروة:رهف شبيج تبجين بعدج ضايجة على اهلج
رهف:اي
مروة:روحي للغرفة مالتج ارتاحي شوية
بعد نصف ساعة وصلوا صديقات عمتي ارتديت فستان ونزلت إليهم دخلت الى غرفة الضيوف
رهف:السلام عليكم
لم يردون علي واصبحوا يضحكون
روزا:ماذا سيده طيبة هل زوجة ابنك لا تعرف تتكلم اللغة المانية
تحدثت احد السيدات الى عمتي لم افهم شيئاً من كلامها صرت انظر لهم ارتبكت عمتي وتقدمت نحوي امسكتني من يدي بقوة وهمست لي
طيبة:انتي غبية اني مو كلتلج لا تحجين شي وبعدين شنو هذا الفستان اللي لابسته ما عندج احسن منه اني مو كلتلج لا تفشليني امشي اكعدي ولا تحجين اي شي خلينه نخلص
ذهبت وجلست امامهم وصاروا يتحدثون ويضحكون انا لم افهم اي شيء من كلامها وكانوا كل ما تسألني سيدة تتحدث عمتي بدل مني لقد مللت منهم وبعد مرور ساعتين واخيرا ذهبوا اردت الصعود الى غرفتي ولكن اوقفتني
طيبة:اني شنو حجيت وياج قبل ما يجون مو كلتلج لا تحجين شي فشلتيني غبية
رهف:اسفة
طيبة:شنو راح يفيدني الاسف مالتج هسة باجر كلها راح تكوم تحجي علينا راح يكولون زوجت الدكتور يوسف وحدة مو دارسة وما تعرف تحجي اجنبي !وبعدين شنو هاي الملابسي اني مو كلتلج البسي ملابس زينة
رهف:هو هذا فستاني زين
طيبة:زين من وين زين لج حتى جوليا تلبس احسن منج
صعبت عليا نفسي نزلت دموعي
طيبة:لا تبجين اني ما حجيت شي يزعل
يوسف:شكو
طيبة:هاا ابني وصلتوهم
يوسف:اي وصلتهم وراحوا !شكو
طيبة:شكو يعني عذاب مثل كل مرة
رهف:عن اذنكم
ذهبت الى الغرفة
يوسف 🌸
يوسف:شبيج ماما
طيبة:شبيه عيني كله من وراء مرتك هاي
يوسف:شنو سوت
طيبة:قبل شوية اجوي نسوان حتى يشوفون مرت الدكتور يوسف وطلعت لهم بهذي ملابسها وكلتلها لا تحجين حتى ما يعرفون انتي ما تعرفين تحجي اجنبي جان هي عمدا حجت حتى تفشلني كدامهم !كله من وراء ابوك راح جاب هاي الريفية علينا
يوسف:اني عندي شغل راح اغير ملابسي واطلع
طيبة:ماشي
ذهبت الى غرفتي فتحت الباب وجدتها تجلس على الاريكة وتبكي لم اكترث لها فتحت الخزانة اخذت ملابسي ودخلت إلى غرفة التبديل غيرت ملابسي وخرجت
مروة 🌺
مروة:يوسف... يوسف
التفت لي
يوسف:نعم
مروة:هاي وين رايح
يوسف:راح اشوف عصام
مروة:ميصير تطلع وانت بعدك عريس
يوسف:بس اني ما اكدر ابقه بالبيت اضوج
مروة:مو يمك مرتك شلون تضوج
نظر لي
يوسف:بله بشرفج انتي مصدكة شغلت الزواج هاي
مروة:شنو يعني ما افتهمت
يوسف:خليج لا تفتهمين احسن
تركني وذهب
مروة:لك تعال وين رايح يوسف !هذا شبيه
ذهبت الى غرفته لكي ارى رهف عندما دخلت رأيتها تنظر من النافذة وتبكي لم تنتبه لي طرق الباب التفت إلي ومسحت دموعها
مروة:رهف شبيج
رهف:ما بيه شي
مروة:شلون ما بيج شي وانتي جاي تبجين
التفت حول رأيت الفستان الزفاف ممزق
مروة:هاي منو شك الفستان مال العرس
ابتسمت لها بمكر
مروة:شنو يوسف ما كدر يتحمل وشك الفستان وصرت اضحك عليها وفجأة صارت تبكي
مروة:رهف شبيج ليش تبجين رهف
امسكتها من يدها
مروة:شبيج حبيبتي ليش تبجين صاير شي
رهف:اني ما اريد
مروة:شنو هو اللي ما تردينه
رهف:ما اريد هذا الزواج وما اريد هاي العيشة وما اريد ابقه هنا اريد ارجع للبيت اريد ارجع على حياتي القديمة
مروة:شنو ليش
رهف:اخوج ما يريدني ما يحبني وجاي يعاملني معاملة زبالة البارحه مصار شي بينه
مروة:انتي جاي شنو تحجين
رهف:اساساً اني ما يهمني اذا يحبني او لا لان اني ما احبه وافقت على الزواج غصباً عني حتى ما ازعل اهلي بس اني مخنوكة واريد احجي اللي بكلبي اريد ارجع على بيتنا ساعديني
صارت تبكي
مروة:كله بسبب هذيج التافهه ماكو غيرها
رهف:هو يحب وحدة ثانية ليش طلبتوا منه يزوجني
مروة:بابا طلب منه يعوفها وهو ما قبل وصارت هوسة وبابا طردة من البيت بس بعدين اتمرض ويوسف وافق على الزواج بس حتى ابوية ما يصير عليه شي
رهف:واني شنو ذنبي ليش اعيش وياه واحد ما يريدني اني هم وافقت على مود ابوية ما كدرت ارفض ولولا ابوية جان رفضت الزواج هذا من زمان
مروة:اصبري عليه بس شوية هو راح يعرف غلطه
رهف:ما اريده يعرف غلطه اريده يعوفني
مروة:شنو هذا الحجي
رهف:جاي اكلج ما اريده ما اكدر اعيش وياه
مروة:انتي هسة ضايجة ما تكدرين تفكرين زين بس اهدي شوية ولا تاخذين القرار بسرعة فكري قبل ما تقررين اني ادري هو غلطان بس انتي لازم تصبرين عليه شوية بلكت يتغير
مرت يومان على زواج رهف ويوسف وكانت حياتهم مع بعض اسوء يوم بعد يوم وكانت مروة تحاول أن تساعد رهف في يوم من الايام كانت رهف في غرفتها وانطرق الباب الغرفة وذهبت لكي تفتحه
مروة:هلو ممكن ادخل
رهف:اي تعالي
مروة:امشي ويايه بسرعة
رهف:وين
مروة:عندي الج مفاجئة
رهف:شنو هي
مروة:اذا كلت مراح تصير مفاجئة والهذا السبب مراح اكول تعالي انتي حتى تشوفيها
نهضت وخرجت معها من الغرفة وصعدنا الى الاعلى
رهف:لج هاي وين رايحين
مروة:امشي وانتي ساكته
وقفنا امام احد الغرفة قبل أن تفتح الباب قالت لي
مروة:غمضي
رهف:شنو
مروة:غمضي عينج
رهف:اوف
اغمضت عيني وفتح الباب ودخلنا الى الغرفة وانا لم ارى شي
مروة:هسة فتحي عينج
فتحت عيني ورأيت غرفة الرسم وجميع رسوماتي موجودة
رهف:هاي شنو
حسين:شنو رأيج
مروة:بصراحة اني وبابا جهزنا الغرفة من البارحة
ركضت الى عمي واحتضنته وصرت ابكي
رهف:شكرا عمو
حسين:ليش تبجين اني سويت هيج حتى تضحكين مو تبجين
رهف:احبك عمو
حسين:واني هم حبيبتي
مروة:واني جاي اغار
ابتعدت عنه وصرت انظر الى الغرفة
حسين:كولي بنتي اكو شي ناقص تردينه
رهف:هذا كل شي واكثر
مروة:يلا بهاي المناسبة اريد منج ترسمين صورة لي واني وبابا
رهف:بس هاي تدللين يلا اكعدوا
جلس عمي و مروة و بدأت ارسم اللوحة مرت نصف ساعة وانا ارسم وفجأة التفت ورأيت يوسف يقف امامنا وكان ينظر لي توقفت عندما رأيته وسقط القلم على الارض
مروة:شبيج رهف
التفت عمي
حسين:يوسف هاا انت شوكت اجيت
يوسف: قبل ربع ساعة
مروة:شعجب ما انتبهنا عليك
ابتسم
يوسف:انتو شتسوون هنا
مروة:احنه سوينه هاي الغرفة مال رسم حتى رهف تكعد ترسم هنا
يوسف:اها
حسين:يلا ليش وكفتي كملي كملي بنتي
استمريت بالرسم وكان يوسف ما يزال ينظر لي وانا ارسم اللوحة كنت متوترة من نظراته تلك كل ما التفت ارى ينظر لي وبعد ساعتين انتهيت منها
رهف:يلا لحد هنا وبس لان تعبت
حسين:اي والله حقج اني تكسرت
مروة:شوكت تكمل الصور
رهف:بعد اسبوع
مروة:اوكي ننتظر
حسين:يلا امشو خل ننزل
خرجنا من الغرفة وذهبت الى غرفتي اخذت ملابسي ودخلت إلى الحمام وقبل أن اخرج سمعت يوسف يتحدث في الهاتف
يوسف:حبيبتي حضري الاكل هسة شوية وجاي مراح اتأخر..... واني هم اموت عليج
اقفل الخط وخرجت من الحمام رأيت واقفنا امام المرأة يرتب شعره نظر لي وقال
يوسف:اليوم اني مراح ارجع للبيت
لم اكترث له تركته وذهبت
يوسف:سمعتي شنو حجي
رهف:واني شعليه بيك
يوسف:جاي اكلج على مود لا تخلين احد ينتبه من فترة غيابي
رهف:لا تخاف محد راح ينتبه
يوسف:احسن
تركني وخرج من الغرفة
يوسف🌸
لا استطيع العيش معها وجودها في غرفني يخنقني ذهبت الى بيت ميس وعندما وصلت طرق الباب وفتحت لي
يوسف:شلون حياتي
ميس:من شفتك صرت زينة
يوسف:حضري نفسج اليوم ابقه يمج ما ارجع للبيت
ميس:اتمنى تبقه يمي على طول ما ترجع الها انت تدري اني اتخبل من اتخيلك وانت كاعد يمها لو احجي وياهه اموت اتمنى اجي اخنكها
ابتسمت لجنونها
يوسف:لا تضوجين اصلا اني ما احجي وياهه هواي يعني شي عادي وما اكعد يمها هواي يعني لا تتعبين نفسج
ميس:اي حبي اريدك هيج تبتعد عنها انت لي وبس
يوسف:تعالي انطيني بوسة على هذا الحجي
ابتسمت واقتربت مني.....
في اليوم التالي كنت جلسنا مع العائلة في غرفة الجلوس
عصام:انشلع كلبي واني احسب ماكو مايصير
انس:يجوز غلطان
عصام:ولك رجعت عليه اربع مرات نفس الشي
يوسف:انت هيج راح تخسر
عصام:شسوي ماكو حل ثاني
رهف:ممكن تنطيني اشوف
يوسف:هاي ارقام انتي وين تعرفين
لم تكترث الى كلامي واخذت الورقة منه
يوسف في نفسها:يالله راح تفشلني هاي الغبية
رهف:خلاص كلت حل
عصام:شلون
رهف:حسب ما شفت انت هواي جاي تصرف للمشروبات يعني جاي تاخذ اكثر من اللي تريده والهذا السبب انت جاي تخسر ما تنجح لازم تقلل من مصاريف المشروب وراح يزيد عندك مبلغ جبير
فتحت عيني على وسعها ماهذا لا اصدق ما اسمعه
