تركته وذهبت الى الحمام استحممت وخرجت وجدته جالسن على السرير
رهف:يلا خلصت هسة تكدر تروح للحمام
نهض من السرير واقترب مني وضع راسه على رقبتي وصار يشم رائحة العطر الذي على رقبتي تسارعت انفاسي من قربه مني
يوسف:ريحتج تخبل احس اريد اكلج
ابتسمت بخجل ابعدته عني
رهف:وخر مني يلا روحي
يوسف:ماشي الايام جاييه هواي
تركني وذهب للحمام دخلت الى غرفة التبديل غيرت ملابسي وخرجت واقفت امام المرأة لكي ارتب شعري بعد أن انتهيت التفت رأيت يوسف يقف امامي وينظر لي
رهف:شبيك ليش تباوع هيج
اقترب مني ووضع يده على شعري
يوسف:شعرج حلو ما اريدج تكصينه
رهف:ليش
يوسف:اني احب الشعر الطويل
رهف:ماشي يلا خل ننزل
يوسف:انتظري بس اغير ملابسي واجي
رهف:تمام
ذهب الى غرفة التبديل غير ملابسه وخرج
يوسف:يلا
نزلنا الى الاسفل وكان يوسف يمسك بيدي انصدم الجميع عندما وأرنا هكذا
مروة:واو شنو هذا التغيير
يوسف:شكو
انس:انتو شكو شنو صاير وياكم شنو هذا التغيير المفاجئ
يوسف:اي تغيير شبيكم انتو
نظر لي
يوسف:يلا حياتي تعالي اكعدي خل ناكل
فتح الجميع عيونهم من الصدمة
مروة:حياتك
انس:او صارت بيها حياتك
حسين:شبيكم عليهم انتو
انس:عمي احنا مو مصدكين
يوسف:لا صدكوا بصراحة اني جنت ما احب رهف كل فترة زواجنا هذا ولا صار اي شي بينه بس بعدين بديت احبها واغار عليها البارحة صارت بينه سوء تفاهم وهو خلنه نعترف بحبنا البعض وصار زواجنا حقيقي كدام كل الناس
طيبة:شنو
مروة بصراخ:واو يعني اخيراً كل شي تحسن بينكم
يوسف:اي
حسين:الف مبروك
نهض يوسف واحتضن ابيه
يوسف:شكرا بابا
حسين:تشكرني على شنو
يوسف:لان اختاريت الي رهف
شعرت بخجل
حسين:الله يوفقكم
انس:مبروك
يوسف:شكرا
حسين:يلا اكعدوا خل انكمل الاكل
تناولنا الفطور وبعد أن انتهينا همس لي يوسف
يوسف:روحي جهزي نفسج خل نطلع
رهف:وين
يوسف:نفتر اني وانتي
رهف:ماشي
نهضت من مكاني
مروة:انت شنو حجيت وياهه وكامت
يوسف:وانتي شعليج شنو هذا الفضول
مروة:هاا هيج صارت
يوسف:اي هيج
ذهبت الى الاعلى غيرت ملابسي ونزلت الى الاسفل
رهف:يلا اني جاهزة
اقترب مني وهمس لي
يوسف:لج دخيل ربج شنو هذا الجمال
ابتسمت بخجل
يوسف:فديت الخجول اني
رهف:يلا امشي وبلا حجي زايد
يوسف:كبر هسة فوك ما احجي وياج حجي رومانسي
رهف:حجي رومانسي مو كدام الناس
يوسف:ماشي لعد تعالي نروح للغرفة ونحجي حجي رومانسي
دفعته لكي يخرج
رهف:امشي
يوسف:ولج على كيفج
اشار لهم بيده
يوسف:يلا باي
الجميع:باي
خرجنا من البيت وركبنا بالسيارة
رهف:وين نروح
يوسف:نفتر شوية انتي بعدج ما شايفة المانية
شغل السيارة وبعد نصف ساعة اوقف السيارة في مكان جميل جداً وكان مليئ بالناس
رهف:هاي وين
يوسف: بوابة براندنبورغ
رهف:شنو هاي ما افتهمت
يوسف:هذا اشهر مكان برلين تعالي خل ننزل نتمشى
نزلنا من السيارة وصرنا نتمشى معاً وفجأة توقف يوسف
رهف:خير شبيك وكفت
يوسف:تعالي خل ناخذ صورة واني وانتي
اشار إلى شاب لكي يلتقط لنا صورة وقف خلفي حاوطني بيده
يوسف:ابتسمي حتى تطلع الصورة حلوة
اخذ لنا الصورة
يوسف:نريد واحدة اخرى
توقف امامي وقبلني من شفتاي والتقط لنا الشاب صورة وابتعدت عنه وقد اصبح وجهي احمر نظر لي وصار يضحك
يوسف:هاي شبيج وجهج صار احمر
رهف:احنا بالشارع شلون تبوسني
ضحك بصوت عالي
يوسف:لج حياتي هنا عادي
رهف:حتى لو استحي
يوسف:من شنو تستحي محد اله علاقة بينا هنا كل واحد وطريقته في تعبير عن حبه لحبيبته
رهف:لحبيبته
يوسف:اي
رهف:يوسف انت تحبني
يوسف:شنو ما مصدكة اني احبج
رهف:لا مصدكة بس
الشباب :هل تريدون صورة اخرى
يوسف:لا شكراً لك
اخذ الكاميرا من الشاب وامسك بي
يوسف:حقج اذا ما تصدكين بيه لان جانت معاملتي وياج مو زينة وبعدين تغيرت تصدكين انتي عجبتيني من اول يوم شفت عيونج بيها
رهف:عيوني
يوسف:من اجينه على بيتكم وجنتي تباعين من الشباج المطبخ وانتي و زينة وكتها رفعت راسي واجتي عيني بعينج ما ادري بشنو حسيت بهكذا الوكت بس من طلعتي سلمتي وشفتج وكالوا هاي رهف وكتها عرفت ليش صار عندي هذا الشعور
رهف:لعد ليش جنت تعامليني معاملة مو زينه
يوسف:جنت اقاوم نفسي حتى ما احبج واكابر على نفسي حتى ما اضعف واحس انو ابوية نجح بسيطرته عليه لان ابوية يتدخل بحياتي هواي بس بعدين اكتشفت انو كل قرارته جانت صحيحة واني جانت قراراتي غلط هو جان يريدني ادرس ادارة اعمال واني درست طب وتخرجت واخذت الشهادة بس لحد هسة ما اساسه شي منها يعني لا شغل ولا فتحت عيادة ولا شي وميس اللي جنت احبها وابوية جان رافض علاقتي بيها استمريت وياهه برغم رفضه الها بس حتى ابين اله بان اني اخذ الشي اللي اريده بس بعدين اكتشفت انو اني ما احبه بس باقي وياهه حتى ما اخسر التحدي اللي بيني وبين ابوية وطلعن قرارتي غلط وانتي اختارج ابويه الي ما جنت اريدج بس بعدين حبيتج وطلع قرار ابوية صح
رهف:ماكو تحدي بين الاب والابن
يوسف:صح
نظرت الى عينيه وامسكت بوجنتيه
رهف:اني احبك
رفعت قدمي لكي اصل الى شفتيه واقبله امام الناس لا اعلم من اين جائتني جرئ لكي افعلها ولكني اردت ان اقبله وبقينا نتجول في المكان ونلتقط الصور وذهبنا الى قصر شالرلوتنبرغ و ساحة بوتسدام لا يوجد مكان في مدينة برلين الا وذهبنا إليه وبقينا طول اليوم نتجول مع بعض الى أن اصبحت الساعة التاسعة ليلاً اخذني يوسف الى اضخم مطعم في برلين تناولنا العشاء وعدنا الى المنزل كنت لا استطيع السير بسبب التعب وكنت اشعر بالنعاس
يوسف:يلا امشي انزلي وصلنا للبيت
رهف:ما اكدر انزل نعسانه
يوسف:لا
رهف:اي
نزل من السيارة وفتح الباب السيارة وحملني ادخلني الى المنزل ولم يكن احد موجود كان الجميع يغط في نوم الان ذهبنا الى غرفتنا وقبل أن ندخل صادفتنا مروة
مروة:هلو واخيرا رجعتوا
نظرت الي
مروة:وانتي شبيج عيني
رهف:تعبانة
مروة:اي حقج عيني من الصبح لحد الان دايحة طبعا تتعبين
يوسف:وخري هسة نريد نروح انام تعبانين
مروة:روحوا هسة بس باجر تحجين كل شي صار
رهف:ماشي بس روحي
تركتنا وذهبت دخلنا الى الغرفة واقفل يوسف الباب وضعني على السرير
رهف:ليش جبتني هنا خليني انام بمكاني
يوسف:نعم
رهف:اي
يوسف:لا من اليوم راح تنامي يمي اريد احضنج وانام
دخل إلى غرفة التبديل بدل ملابسه وتمدد بجانبي ابتعدت عنه اردت وجهي الى أن ناحية اخرى شعرت به يتقرب مني احتضنتي من الخلف وصار يقبل رقبتي تسارعت انفاسي ودقات قلبي شعرت بيده تفتح سحاب فستاني من الخلف ابتعدت عنه
رهف:انت شتسوي
يوسف:شنو هذا السؤال شسوي يعني
رهف:مو هسة خليها بعدين اني تعبانة
يوسف:لا من اني يمج ما اريد تعب
امسك بي وسحبني إليه سقطت على صدره ونزل شعري على وجهه ابعد شعري عنه وضعه خلف اذني كنت اشعر بالخجل
يوسف:انتي شكد حلوة
شعرت بالخجل اكثر مد يداه على الضوء الذي بجانبي السرير واطفاء الضوء....
وفي اليوم التالي استيقظت وجدته يرتدي ملابسه لكي يخرج
رهف:صباح الخير حبيبي
ابتسم الي
يوسف:صباح النور
رهف:انت طالع
يوسف:اي عندي شغلة بس اخلصها واجي
رهف:ماشي
ارد ان يخرج ولكنني ناديت عليه
رهف:يوسف
التفت لي
يوسف:نعم
رهف:احبك
اقترب مني وقبلني من شفتاي
يوسف:واني هم
تركني وذهب وبعد لحظات اخذت ملابسي لكي انهض من السرير ولكنه انفتح الباب ودخلت مروة
مروة:عزة هاي شنو
وضعت الغطاء على جسمي
رهف:خبله غير تدكين الباب
مروة:ولج شمدريني انتي ممممم
صرت اضحك جلست بجانبي
مروة:يلا احجي الي شنو صار بينكم وشلون تغير الوضع هيج
رهف:ترديني احجي واني بهذا الوضع خل ابدل وبعدين احجي
مروة:ماشي راح اروح بدلي وتعالي لازم تحجي كل شي
رهف:اوكي
مروة:ما تعوفين ولا تفصيل صغير
رهف:ماشي بس روحي
خرجت مروة من غرفتي ونهضت بسرعة دخلت إلى الحمام
يوسف 🌸
يوسف:ها وهسة شنو رأيج بهاي الخطة
ميس:ولك انت كارثة
يوسف:طبعا
ميس:زين شلون صدكت بيك
يوسف:حبيبتي اني يوسف حسين ماكو حدة تكدر تعبر عليه
ميس:طبعا لعد شلون اني احبك
يوسف:وهي هم صارت تحبني تموت عليه
ميس:بس ماكو وحدة تحبك مثلي
يوسف:ادري
ميس:بس تعال احجي الي الحقيقة ولا تجذب عليه صار بينكم شي
يوسف:شي مثل شنو
ميس:انت تعرف شنو قصدي! صار شي؟
يوسف:لا
ميس:لا تجذب
يوسف:ليش حتى اجذب عليج ما صار شي بينه
ميس:لعد شلون قنعتها بحبك
يوسف:مثل ما حجيت الج سويت نفسي اغار عليها من عصام وتعاركت وياه على مود الصورة مع انو اني ادري شنو بالصورة من فترة بس سويت نفسي ما ادري حتى العب عليها وبعدين وخرت القماش وسويت نفسي متفاجئ بالصورة وبعدين تعاركت و رادت تعوف البيت بس اني منعتها
ميس:شلون منعتها اريد اعرف كل شي
يوسف:كلتلها اني احبج واني اسف ومن هذا الحجي وهي صدكت
ميس:زين ما صار شي بعد
يوسف:لا ما صار كلتلها انطيني فرصة اتعود على الوضع
ميس:وهاي ما كالت شي
يوسف:لا وافقت
ميس:عفية عليك حبيبي اني ما اريد وحدة تتقرب منك بس اني
يوسف:اي طبعا هاي خوش خطة سويتها اني بينت لكل شخص انو اني تغيرت وصرت احب مرتي وبعد فترة راح اخلي الكل يكرها ويحقد عليها حتى ابوية راح اخلي يكرها ويجوز يطردها من البيت وخليني اطلكها ونزوج اني وياج ومحد راح يكدر يمنع زواجنا
ميس:اي ونعيش مع بعض
يوسف:تعالي اني مشتاق الج هواي
اقتربت مني وجلست في حضني
ميس:احبك
يوسف:اموت عليج
امسكت وجنتها وصرت اقبلها بشغف كبير
مروة 🌺
كنت اجلس في الغرفة وفجأة انطرق الباب ودخلت رهف
رهف:ممكن ادخل
مروة:اي والج تعالي
دخلت وجلست بجانبي على السرير
مروة:اي احجي شنو صار بينكم
سردت الي كل ما حدث بينها وبين يوسف ولكنني اشعر بشي غريب بداخلي اتجاه يوسف كيف تغير بهذه السرعة لا اصدق تغيرة هكذا وكنت اشعر بالقلق ناحية الموضوع ولكنني لا اريد ان ابين لها لكي لا تقلق يجب أن اتأكد بنفسي من شك الذي بداخلي اول لا اريد ان اظلم يوسف
رهف:انتي وين صافنه
مروة:هاا لا بس افكر معقول يوسف طلع يهج رومانسي
رهف:واني هم ما صدكت من شفت كل هذا منه
مروة:انتي حبيتي يوسف
رهف:اي حبيته كلش هواي ما ادري شلون تغيرت وصرت احبه بالبداية جنت ما اريد وجنت بس اريد اعوفه وارجع بس هسة ما اريد اعوفه ولا دقيقة واريد اعيش وياه طول عمري
مروة في نفسها:اذا طلع تفكيري صحيح محد راح يكدر يخلصك مني يوسف الا هاي البنت مراح اسمح لك تأذيها
رهف:يلا امشي خل ننزل جوة
نزلنا إلى الاسفل نتمشى بالحديقة وفجأة انفتح الباب ودخل عصام وانس
اقتربوا منه
عصام:شلونكم بنات
مروة:الحمدالله وانت
عصام:بخير انتو شتسوون هسة
مروة:شنسوي يعني كاعدين
انس:امشوا خل نطلع
رهف:لا اني ما اكدر
عصام:ليش
رهف:تعبانه اليوم
انس:لا ولج خل نطلع نغير جو وراح نتصل على يوسف يجي ويانه
مروة:ماشي
اخذت الهاتف اتصلت على يوسف ولكن كان هاتفه مغلق
رهف:هاا
مروة:رقمه مغلق
انس:ليش مغلق
مروة:ما ادري
مروة في نفسها:بس لا يكون يم هذيج السافلة
عصام:خل نروح احنه وبعدين نتصل بيه ويجي
رهف:لا ما اكدر
انس:لا تخربين القصة امشي يمعودة
مروة:روحي ويانه ومعليج انتي بيوسف اني احجي وياه
عصام:واو شنو هذا التغيير
مروة:معليك انت اسكت
رهف:ماشي
ذهبنا الى الداخل غيرنا ملابس وخرجنا ومعهم قضينا وقتا طويلا مع بعض ذهبنا الى المنتزه قضينا وقتا جميلا وكنت كل ما اتصل على يوسف اجد هاتفه مغلق صرت متأكد من انه يخفي شيئاً وبعد أن اصبحت الساعة الخامسة عصراً عدنا الى البيت دخلنا الى البيت ونحن نضحك مع بعض
عصام:ولكم تعبت
انس:اي والله حتى اني
مروة:اني ما تعبت
عصام:انتو البنات ما عدكم احساس لو يرجع الموضوع الج مراح تروحوا للبيت ابدا
مروة:اي غير نغير جو شوية احس من ما نبقه محبوسين بالبيت
رهف:اي والله
انس:انتو ما عدكم احساس بالتعب
رهف:هو انت شنو سويت حتى تحس بالتعب
عصام :عزة بعينج هاي كله وتكولين ما سويتي شي
مروة:خل نعيدها مرة ثانية عود
عصام:انسي
رهف:وليش بله
عصام:امشي انتي خلي زوجج ياخذ اني شعليه احسن من ما يطلع على طول الوحدة خل ياخذج وياه
انس:البارحة طلعوا
عصام:اي بعد شكو
يوسف:انتو وين جنتوا
التفتنا ورأينا يوسف
رهف:انت وين جنت صارلنا شكد ندك عليك وماكو
يوسف:مو جان عندي شغل مهم
مروة:شغل شنو هذا
يوسف:شغل
مروة:اي ادري شغل بس شنو هو هذا
يوسف:شنو هذا تحقيق
انتبهت على نفسي لا اريد أن اتحدث معه هكذا امام رهف لكي لا تشك ابتسمت لكي اغير الموضوع
مروة:لا بس هيج
يوسف:انت وين جنتوا
عصام:اخذنا البنات ورحنا مشوار يخبل
يوسف:هاا
رهف:يلا اني راح اغير ملابسي هسة اجي
ذهبت رهف وجلسنا جميعاً في غرفة الجلوس كنت طول الوقت انظر الى يوسف كان شكلة غاضب جداً ويتحدث بطريقة غريبة
عصام:يلا اني اروح اشوفكم بعدين
انس:ماشي اشوفك باجر
عصام:ان شاءالله
خرج عصام من البيت وذهب انس الى غرفته بقينا انا ويوسف اراد الذهاب ولكني منعته
مروة:انتظر يوسف اريد احجي وياك
يوسف:خير شكو
مروة:انت احجي شكو شنو هذا التغيير
يوسف:اي تغيري
مروة:التغيير اللي صاير وياك علاقتك وياه رهف و معاملتك العصام صايرة غريبة
يوسف:مو زين تغيرت وصرت احب رهف
مروة:تحبها
يوسف:اي
مروة:يوسف لا تجذب عليه
يوسف:هاي شبيج ليش اجذب
مروة:لان اني عرفك زين انت اخوية مو واحد غريب يعني اعرف كل تصرفاتك هاي اللي جاي تسويه هسة
يوسف:شبيها تصرفاتي
مروة :تصرفاتك غريبة
يوسف:شنو الغريب اللي بيها
مروة:علاقتك برهف ليش تغيرت بسرعة مو انت جنت تكرها وما تريدها شعجب حبيتها و زوجتها
يوسف:ليش ما يصير احبه
مروة:لا يصير بس مو بهاي السرعة الغريبة اللي عندك قبل كم شهر جنت تكرها وتكول وما اريدها خليها توخر مني وهسة صارت تحبها ما تكدر تعيش من غيرها شنو هذا التغير اللي صار
يوسف:لا تغير ولا شي بس اني حبيتها صدك لان اكتشفت انو اني غلطان بحقها
مروة:ماشي راح اصدك بيك هسة بس اذا طلعت تجذب عليه صدكني يوسف راح يصير شي مراح يعجبك
يوسف:لا ما اجذب عليج
نهض وتركني وذهب
يوسف 🌸
يوسف في نفسه:تهدديني ما بقيتي بس انتي
تركتها وذهبت الى غرفتي دخلت وجدته بالحمام اردت الذهاب الى غرفة التبديل وفجأة وصلتني رسالة على هاتفي فتحتها كانت من ميس
ميس:لا تسوي شي وياهه دير بالك واحبك
حذفت الرسالة قبل أن تخرج رهف من الحمام غير ملابسي وجلست على السرير وبعد لحظات خرجت وكانت تضع على شعرها المنشفة نظرت إلي وابتسمت وذهبت تنشف شعرها امام المرأة وكانت جميلة جداً لا استطيع المقاومة امام هذا الجمال نهضت من السرير دخلت إلى الحمام استحممت وخرجت وجدتها جلسه على السرير تنظرت إليه وتبتسم
يوسف في نفسه:خليني اقضي وياهه كم يوم
اقتربت منها ونظرت إليها كانت تشعر بالخجل
يوسف:تخبلين اليوم طالعة
ابتسمت بخجل شديد
اقتربت و أطفئه الضوء
مرت شهرين ويوسف على نفس حالته يستغل حب رهف له ويذهب الى بيت ميس لكي يقضي وقت معها وكانوا يخططون للتخلص من رهف وهي كانت كل يوم يزداد حبها له ومروة مازالت تشك في حب يوسف لرهف ولكن لا يوجد دليل عليه ويوم من الايام كانت مروة ذاهبه للتسوق مع احدى صديقاتها وفي الطريق رأيت يوسف مع ميس يمشون في الشارع وهو يمسك بيدها انصدمت وبعد أن استيقظت من صدمتها قررت ان تذهب و تلحق به ذهبت خلفه في سيارتها وبعد ساعة اوقف السيارة امام بيت ميس انزلوا منها وهو يمسك بيدها نزلت مروة من السيارة وذهبت الى بيت ميس وطرق الباب بكل قوة وبعد لحظات فتح يوسف الباب وكان متفاجئاً من رؤيته
مروة 🌺
يوسف:مروة
قبل ان ينطق بكلمة صفعته كف
مروة:انت تدري انت واحد تافه وحقيــــــــــــر
وفجأة خرجت ميس
ميس:شكو مروة هاي انتي
مروة:انتي انجبي واسكتي
نظرت إليه وامسكت بيده
مروة:تستاهل فهمني
اشارت الى ميس بيدي
مروة:انت برأيك هاي تستاهل كل هذا فهمني ليش! ليش هيج سويت هذيج المسكينة شنو ذنبها بس لان حبتك تسوي هيج
صمت ونزل راسه
مروة:انت واحد جبان وما تستاهل واحدة مثل رهف انت مستواك هاي التافهه مو رهف
يوسف:بس اسمعيني
مروة:اسكــــــــــــت!ما اريد اسمع منك كلمة! شنو راح تحجي شنو راح تبرر موقفك الزبالة هذا
تنهدت قليلاً
مروة:مدام ما تريدها ليش خليت زواجكم يصير حقيقي
ميس:شنو
نظرت إليها كانت مصدومة
ميس:زواج حقيقي شنو يعني
مروة:هاا شنو انتي ما تدرين زواجهم صار حقيقي يعني مو بس على ورق
نظرت إليه
ميس:شنو انت تزوجتها يعني انت جنت جاي تجذب عليه نمت وياه يوســــــــــــف
يوسف:اسكتــــــــــــي
ابتسمت بسخرية
مروة:اي واكثر من مرة صارلهم ثلاثة أشهر يعني انتي هم جان يضحك عليج بس انتي تستاهلين
نظرت إليه
مروة:وانت اخوية لك انت حتى ما تستاهل هاي الكلمة
يوسف:اني
مروة:انت شنو شلون راح تدافع عن نفسك بشنو ليش سويت بيها هيج ليش ضحكت عليها وخليتها تحبك لك صارت تحبك بجنون لدرجة هسة اذا اروح و احجي لها حقيتك مراح تصدكني بس اني مراح اسكت انت ما تستاهلها ولا تستاهل حبها لك لان انت واحد جبان وحقير ولازم رهف ما تبقى مخدوعة بيك اكثر من هذا
يوسف:شنو قصدج
مروة:راح اروح هسة واحجي الها حقيقة حتى تعرفك انت شنو
اردت الذهاب ولكنه امسك بيدي
يوسف:لا مروة لا تحجين شي الها الله يخليج
دفعت يده عني
مروة:وخر مني لازم رهف تعرف كلشي اليوم
اردت الذهاب ولكنه وقف امام وصار ويتوسل بي
يوسف:الله يخليج لا ترحين تحجي الرهف اذا عرفت راح تعوفي
مروة:خليها تعوفك تستاهل
يوسف:لا تحجين شي مروة رهف راح تعوفني اذا عرفت الحقيقة واني احبها وما اكدر اعيش من غيرها
مروة:رجعت تجذب مرة ثانية وخر
يوسف:هاي المرة ما اجذب عليج صدكيني اني صدك حبيتها بشنو تردين احلف حتى تصدكين
دفعته وركبت في سيارتي وذهبت الى المنزل لكي اخبر رهف بالحقيقة مستحيل اسمح له بان يخدعها تلك المسكينة تحبه كثيراً وهو يفعل هذا معها لان اسمح له بان يخونها بعد يجب على رهف بان تعلم الحقيقة اليوم وبأي طريقة وسوف تتخلص من ذالك الكاذب الحقير
كنت اقود بسرعة لكي اصل الى المنزل وعندما وصلت وضعت سيارتي في الكراج وذهبت الى المنزل
مروة:جوليا اين ذهبت رهف
جوليا:انها في غرفة الرسم
مروة:شكرا اذهبي انتي الان
ذهبت الى الاعلى كانت جلس على الكرسي وترسم اللوحة وعندما دخلت التفت لي
رهف:شبيج تركضين
مروة:اريد احجي وياج بموضوع
رهف:اي خير كولي
مروة:اللي راح تسمعيه مني راح يقهرج هواي بس اني ما اكدر اخليج تبقين عميه اكثر من هيج
رهف:شنو القصة ترة خوفتيني
مروة:رهف الموضوع بخصوص يوسف
رهف:يوسف شبيه صار عليه شي
مروة في نفسها:شوف هي شلون خايفة عليه وهو يخدعها
رهف:ولج احجي خوفتيني
مروة:لا تخافين يوسف ما بيه شي بس اني اريد احجي الج بموضوع يخص يوسف
رهف:احجي
مروة:رهف يوسف يخون.....
يوسف:مروة
قبل أن انطق اكمل جملتي رأيت يوسف يقف امامي وهو يشر إلي برأسه بان لا اتحدث
رهف:يوسف شوكت اجيت
التفت إليها
يوسف:قبل شوية
رهف:اي مروة شنو جنتي تردين تحجين
مروة:رهف يوسف
يوسف:مروة تعالي خليني احجي وياج
مروة:بعدين لازم رهف تعرف الحقيقة
يوسف:مروة الله يخليج اسكتي
مروة:لا مراح اسكتي كافي البنت لازم تعرف شنو حقيقتك
مروة:رهف يوس.... رهــــــــــف
التفت إلى رهف وجدته و على الارض ركض عليها يوسف
يوسف:رهف شبيج
مروة:لك شنو صار وياهه
حملها يوسف و وضعها على السرير وصار يفحصها
حسين:خير شبيها
مروة:ما ادري جاي نحجي وفجأة وكعت بالكاع حسين:هاا ابني شبيها
يوسف:اتصلوا بالدكتور كمال خلي يجي يفصحها
حسين:ليش وانت شبيك
يوسف:اني شاك بشي بس خلي يجي الدكتور كمال هو يفحصها لان هو دكتور نسائية اني جراح من نسائية
مروة:ليش انت بشنو شاك
يوسف:ممكن تكون رهف حامل
فتحت عيني على وسعها
مروة:شنو
ابتسم ابي بفرح
حسين:معقول رهف حامل
مروة:لا مستحيل
حسين:ليش مستحيل
مروة:لان رهف مستحيل تبقى وياه ابنك التافه هذا
يوسف:بس اسكتي
مروة:مو عبالك راح اسكت مراح اسكت يوسف لازم تعرف حقيقك
حسين:ولكم شنو صاير فهموني
جوليا:سيدي لقد وصل الدكتور كمال
يوسف:حسناً ادخليه الان
دخل الطبيب وقام بفحصها
يوسف:طمني شبيها مرتي
كمال:لا تخاف ما بيها شي توقعاتك صدك دكتور يوسف مرتك حامل
مروة:شنو
ابتسم يوسف امسك الطبيب من يده وكان شكله سعيداً
يوسف:انت صدك تحجي دكتور
كمال:اي صدك مرتك حامل صارلها اسبوعين
حسين:مجاي اصدك اللي اسمعه
كنت انظر الى يوسف كان شكله سعيد جداً ولكن لا يهم يجب ان اقول لها الحقيقة عندما تستيقظ لا استطيع ان ابقى صامته وانا راى يخونها رهف يجب أن تعلم الحقيقة
