خرجت من الغرفة مسرعة ذهبت الى غرفتي وجدت الخادمة تجمع في الصحن الشوربه الذي انكسر
رهف:شكو
التفت لي ونظر لي بغضب شديد
يوسف:اطلع برا
رهف:ها
يوسف:جاي اكلج اطلعي برا
خرجت من الغرفة بسرعة واقفت امام الباب
انس:شكو شنو صاير
رهف:ما ادري بس صاير عصبي هاي الايام
انس:ابقي هنا اني راح اشوفه
دخل انس لكي يتحدث مع وخرجت الخادمة بقيت منتظرة نصف ساعة امام الباب وبعدها انفتح الباب وخرج انس هو يبتسم وعندما رأني اختفت الابتسامة
رهف:هاا عرفت شبيه
انس:ها لا لا ما عرفت
رهف:بعد شبيه عصبي اليوم
انس:هو دائما هيج هسة يهدئ
رهف:ماشي
نزلت إلى الاسفل وجلست في غرفة المعيشة لا اريد الذهاب الى الغرفة الان لانه سيكون اعصبي اذا دخلت عليه
فتحت التلفاز وصرت اتفرج عليه
عصام:السلام عليكم
رهف:وعليكم السلام
عصام:اهلا رهف شلونج
رهف:بخير وانت
عصام:الحمدالله عايش اكلج لعد يوسف وين
رهف:يوسف اليوم مريض
عصام:سلامته خير
رهف:تعب بسيط
عصام:وينه خل اروح اشوفه
رهف:بالغرفة وشكله عصبي
عصام:عصبي ليش
رهف:والله ما ادري
عصام:اني هسة راح اروح اشوفه
ذهب عصام الى غرفة يوسف وبعد نصف ساعة انزلوا مع بعض وكان شكل يوسف جيد
عصام:تعال خل نكعد هنا شوية راح اجيب لكم من المطبخ فد شي نشربه
ذهب عصام وبقينا انا ويوسف نشاهد التلفاز كان ينظر لي بغضب وكنت اشعر بنظراته تلك
عصام:وهاي العصير وصل
قدم لنا العصير وجلس بجانب يوسف ووضع يده على ظهر يوسف
عصام:اي صديقي احجي لي شبيك
نظر لي وقال:مابيه شي
عصام:شلون ما بيك شي يكولون عليك عصبي اليوم شنو القصة
نظر إلى عصام
يوسف:منو كلك
عصام:مرتك
التفت لي وتحدث بعصبية
يوسف:انتي ليش تحجين ليش تتدخلين بحياتي
عصام:يوسف اهدئ شنو القصة
يوسف:انت لا تتدخل !وانتي لا تدخلين بحياتي لا تحطين نفسج بكلشي اني كلتلج مراح اعتبرج مرتي فلا تحاولين ويايه
شعرت بالخجل عندما اهاني امام عصام تركتهم وذهبت الى غرفتي جلست على السرير وصرت ابكي
رهف:كافي لحد هنا وبس اني مراح اسمح اله يهيني بعد كدام الناس اني مو لعبة عنده يريد يفرغ عصبيته يجي عليه
خرجت من الغرفة وذهبت اتمشى بالحديقة
مروة:رهف
رهف:هلو مروة وين جنتي
مروة:جان عندي شغل خلصته واجيت انتي شبيج ليش ضايجة
رهف:ما بيه شي
مروة:شنو يعني ما بيج شي شكلج مو طبيعي خير صاير شي على يوسف
رهف:لا تخافين ما بيه شي
مروة:لعد انتي شبيج شكو شنو القصة
رهف:مروة اني مليت تعبت من تصرفات اخوج مروة:شكو شبيه
رهف:على طول مشاكل واهانات بيني وبينه وكلت ميخالف خليني اتحمله شوية بس توصل يهيني كدام الناس كافي بعد ما احمل
مروة:شكو شنو سوه
رهف:قبل شوية صار يهيني كدام عصام كافي اني بعد ما اتحمل
مروة:اهدي اني راح احجي وياه
رهف:تعبت مليت من تصرفاته هاي صارلنا شهر وهو على نفس الحالة اني مو خدامة عنده زواجنا كال على الورق بيني وبينج بس اني جاي اشوفه يحجيها كدام الناس
مروة:هذا زودها كله على مود هيج التافهه
رهف:اذا يريدها خلي يروح عليها بس يخلصني
وفجأة سمعنا صوت سيارة التفتنا رأيت يوسف يخرج من البيت بسيارته
مروة:هذا وين راح وهو مريض
عصام:راح على ميس
مروة:شنو
عصام:اي يكول لازم يشوفها
رهف:خليه يروح بلكت يهدئ ويخلصني
مروة:انتي غريبة اكو وحدة تكول هيج على زوجهها تريده يروح على وحدة غيرها
رهف:ماكو داعي للجذب عصام صار يعرف كل شي زواجنا اني ويوسف على الورق وبس !واني اريد اعوفه لان مليت
مروة:شنو هذا الحجي
رهف:مليت اني من هذا الزواج كافي بعد
عصام:بصراحة حقج
مروة:اسكت انت الثاني شنو حقها
عصام:ما تشوفين تصرفات اخوج مال جهال
مروة:اني راح احاول احجي وياه
رهف:كافي اني تعبت ومليت اني على شنو مستحملة عيشتي وياه حياتي وياه مضيعة للوكت
مروة 🌺
لا اعلم لماذا يوسف تصرف هكذا يجب أن اتكلم معه قبل أن يخسر الفتاة بتصرفاته الغبية تلك انتظرت الى ان يعود الى البيت وتحدث معه
مروة:يوسف
يوسف:نعم
مروة:ممكن نحجي
يوسف:اي اتفضلي
مروة:فهمني انت شنو جاي يصير وياك
يوسف:شنو
مروة:تصرفاتك صاير غيبة ليش شنو كل هذا على مود ميس
يوسف:اني وميس انتهت علاقتنا
مروة:انتهت ليش
يوسف:انتهت وبس لا تسأليني السبب
مروة:ماشي زين رهف شنو علاقتها
يوسف:شبيها
مروة:ليش دائما تتصرف وياهه بعصبية من تشوفها تتخبل
صمت لم يرد
مروة:فهمني يوسف شنو جاي يصير وياك
يوسف:ماكو شي بس خليها توخر مني
مروة:اصلا ارتاح البنت قررت تعوفك
ابتسم بسخرية
يوسف:جنت ادري الخاتون راح تسوي هيج حتى...
مروة:حتى شنو ؟
يوسف:اذا تريد اني مستعد اطلكها من هسة حتى اخلص من هيج وحدة تافهه
مروة:لك شنو هذا الحجي انت ليش تحجي هيج عليها
يوسف:لان اني عرفتها زين لا تبين لكم حبابة وما اعرف شنو هاي وحدة من داخله حقيرة
مروة:لا انت صدك متغير وتصرفاتك غريبة
تركته وذهبت الى رهف كانت في غرفة الرسم قبل ان ادخل وضعت غطاء على الصورة
مروة:ممكن ادخل
رهف:اي اكيد
مروة:انتي شنو مسوية اليوسف
رهف:شنو اسويت
مروة:ما ادري بس مشكلته منج انتي
رهف:اي صح مشكلة اني يريد يخلص مني بس ما عرف شلون واني راح اخلص مني راح اطلب الطلاك واخلص
مروة:الناس شنو راح تحجي مو تطلكون صارلك شهر من مزوجين
رهف:اللي يحجي خليه يحجي اني ما يهمني حجي الناس كافي تعبت من العيشه وياه
مروة:وانتي عبالج هذا الحل
رهف:اي هذا احسن حل
مروة:زين وابوج شنو راح يحجي وانتي استحملتي كل هذا على مودة
رهف:من يعرف اني شلون عايشة وياه مراح يحجي شي
مروة:لا والله
رهف:اي
مروة:ماشي بكيفج يلا هسة اني رايحة كملي شغلج بعدين اجي واشوفج
تركتها وخرجت
مر اسبوعين وكان عصام مجهز حفلة بسيطة في مطعمه وذهبنا جميعاً الى هناك
مروة:المطعم يخبل صاير
عصام:شكرا هاي عيونج الحلوة
رهف:وين اللوحة مالتي
اشار عصام الى ناحية اليمين
عصام:هذيج
رهف:ليش حطيتها هناك
عصام:حتى تجيب الحظ
انس:لا والله
حسين:بس تدري ابني مطعمك صاير جبير
يوسف:ليش ماكو ناس اليوم
عصام:اليوم محجوز كله على مودكم
انس:يلا نزل المشاريب
مروة:بعد وكت ولك
عصام:يلا شباب افتحوا الموسيقى
شغلوا الموسيقى وطلب عصام من ابي وامي ويرقصون مع بعض
عصام:يلا عمي عمتي روحوا اركصوا
حسين:لا ولك ما اكدر
عصام:ما يصير عمي لازم تكوم يلا
نهض ابي وامي وذهبوا مع بعض لكي يرقصون
نظرت الى يوسف و رهف
مروة:وانتو هم روحوا اركصوا
رهف:لا اني ما اريد
يوسف:ولا اني
انس:هاي شبيكم انتو
يوسف:شكو
مروة:تصرفاتكم غريبة مال جهال
صرخت عليهم لكي بنهضون
مروة :امشوا يلا
يوسف:كلت ما اريد اركص اسكتي خلي واحد غيري يركص وياهه
نظرت إليه وتكلمت بسخرية
رهف:لا اني اللي راح اموت حتى اركص وياك
مروة:لكم شنو هاي شكد تتعاركون
يوسف:اني مليت اريد اروح للبيت
رهف في نفسها:بيكون احسن
مروة:اي روح انت بس احنه راح نبقه
نظرت إلى عصام
مروة:عصام انت كوم اركص وياه رهف واني وياه انس
انس:يلا كومي
ذهبنا لكي نرقص وفجأة سمعنا صوت الباب المطعم يقفل التفت رأيت يوسف يركب في سيارته وذهب الى المنزل
مروة:راح يخبلني هذا الولد بتصرفاته هاي مدام يحبها هيج ليش ما يرجع الها ويخلصنا
رهف 🌼
انتهت الحفلة وعدنا الى البيت دخلت إلى غرفتي وجدت يوسف ممد على السرير وبيده هاتفه لم اكترث له دخلت إلى غرفة التبديل غيرت ملابسي وخرجت من الغرفة ذهبت الى غرفة الرسم ازلت الغطاء وجلست اكمل رسم في صورة يوسف هذه الصورة اخذت كل وقتي حتى انني نسيت صورة مروة وعمي لماذا انا مركزة في صورته نظرت الى ملامح وجهه في الصور يا الهي كم هو وسيم تبا لك ايها الاحمق لماذا انا منشغلة بك هكذا لماذا يحصل معي هكذا بقيت افكر طويلًا الى أن انتبهت بان الساعة لقد اصبحت الواحد ليلا وضعت الغطاء على الصورة وعدت إلى الغرفة وجدته نائماً وقفت امام السرير وصرت انظر إليه طويلاً
رهف:شنو الشي اللي جاي يشدني لك ليش جاي اشغل نفسي بيك برغم من معاملتك الزبالة الي
تنهدت وذهبت نمت على الاريكة
وفي اليوم التالي استقظت وجدته يرتدي قميص ولم يكن منتبه لي كانت ظاهرة الي عضلات جسمه شعرت برعشة في جسدي و ازدادت دقات قلبي اراد ان يلتفت إلي اغمضت عيني بسرعة وبعد لحظات سمعت صوت الباب يقفل فتحت عيني ونهضت بسرعة وقفلت امام المرأة وصرت انظر الى وجهي كان وجهي احمرا
رهف:هاي شنو اني شنو جاي يصير ويايه هاي اول مرة اشوف جسم شخص وهذا مو اي شخص هذا زوجي يعني اذا كلت لاحد راح يضحك عليه الله ياخذك شنو سويت بيه
وضعت يدي على جبيني
رهف:احس درجة الحرارة عندي ارتفعت
دخلت إلى الحمام استحممت وغيرت ملابسي ونزلت الى الاسفل
لم اجد احد في المنزل
رهف:هاي وين الكل
وفجأة رن هاتف المنزل ذهبت لكي ارد
رهف:الو
مروة:الو رهف
رهف:مروة هاي انتو وين اشو ماكو احد بالبيت مروة:احنه رايحين على بيت الجبل
رهف:جبل شتسوون
مروة:ام انس مريضة و رحنه نشوفها
رهف:ها
مروة:تره بس انتي بالبيت ديري بالج
رهف:ماشي شوكت يجون
مروة:بعد يومين
رهف:اوكي
مروة:يلا باي
رهف:باي
اقفلت الخط وجلست على الاريكة
جوليا:هل احضر لكي الطعام
رهف:شنو
جوليا:الطعام هل احضرة
رهف:ياربي كولش ما افتهم
تركني وذهبت وبعد لحظات احضروا لي الطعام
رهف:هاي جان قصدها على الاكل اي والله جنت جوعانة
جلست على المائدة وصرت اتناول الطعام وبعد أن انتهيت خرجت إلى الحديقة جلست على الارض وصرت انظر الى السماء رأيت الطيور في السماء
رهف:ياريت اني اكدر اطير واتحرر من هذا السجن اللي عايشة بيه وارجع على حياتي القديمة قبل مجان عندي هموم بس هسة كل هموم الدنيا صار بداخلي
مروة 🌺
وصلنا الى بيت خالتي طمئنينا على صحتها وجلسنا معها نتحدث الى ان اصبحت الساعة الخامسة عصراً نظرت إلى يوسف
مروة:يوسف انت لازم ترجع للبيت
يوسف:شنو
مروة:اي رهف الوحدها بالبيت واخاف يصير عليها شي
حسين:اي ابن صدك لازم تروح انت
يوسف:راح تصير الدنيا ليلا شعندي رايح هسة خليها على باجر الصبح ارجع
مروة:لعد تعوفها الوحدها بالبيت خطية
يوسف:وشنو عليها
انس:لك بابا شنو هذا البرود اللي عندك
يوسف:هذا اني وبكيفي
طيبة:شبيكم خايفين عليها راح شيصير
مروة:البنت ما يصير تبقه الوحدها اخاف يصير عليها شي
يوسف:اوف راح تشلعون كلبي اروح انام احسن
مروة:اوف منك يوسف
تركنا وذهب الى عرفته
رهف 🌼
الساعة الواحد ليلا كنت اجلس في غرفة الرسم ارسم في لوحة يوسف اوشكت على الانتهاء منها وفجأة انقطع التيار الكهربائي في المنزل شعرت بالخوف واصبح جسمي كله يرتجف من الخوف
رهف:ياربي هاي شنو
ناديت على جوليا ولكنها لم تأتي لي خرجت من الغرفة اتمشى وامسك بالحائط لا استطيع رؤية شيئاً بسبب الظلام
رهف:ولكم وينكم جوليا تعالي عفية
كنت امشي ولم انتهى الى السلم الذي امامي اردت ان اسقوط من السلم ولكن احدهم امسك بي وسحبني الى صدره لم ارى بسبب الظلمة زاد خوفي وشعرت بجسدي يرتعش خوفا منه لا اعلم من هذا الشخص واخاف ان انطق بكلمة بقيت صامتة وارتجف وفجأة فتح ضوء هاتفه و وضعه امامي و رأيته كان يوسف شعرت بالامان عندما رأيته امامي بقيت انظر الى عينيه سحرت بجمالها حتى انني لم ارمش وكأنني لا اريد أن ابعد عيني عنه
جوليا:سيدي... سيدي
لقد عاد الضوء لم ننتبه له
جوليا:سيدي
انتباهنا وابتعدنا عن بعض وتحدث يوسف معها
يوسف:نعم
جوليا:عاد الضوء الى المنزل
يوسف:ما سبب هذه المشكلة
جوليا:اسفه سيدي سيباستيان عمل هذه المشكلة عن طريق الخطأ
يوسف:قولي لهم لا اريد لهذا الشي ان يتكرر او سوف اطردكم جميعاً
جوليا:حسناً
ذهبت جوليا ونظر إلي
يوسف:لا تخافين رجعت الكهرباء
رهف:رجعوا الكل
يوسف:لا بس اني راح يبقون يومين ويجون
رهف:هاا
يوسف:يلا امشي انزلي
نزلنا من الاعلى وذهبنا الى الغرفة اقفل الباب ودخل إلى غرفة التبدل لكي يغير ملابسه وانا تمدد على الاريكة وبعد لحظات خرج من غرفة التبديل تمدد على السرير اخرج هاتف وجلس يتصف به وانا كنت انظر الى السقف وفجأة تذكرت بانني لم اضع الغطاء على الصور وكنت خائفة من ان يراها احد وخصوصاً يوسف لا اريده ان يرها انتظر طويلاً الى ان تأكدت من انه قد نام ونهضت من السرير وفتحت الباب من غير أن خرج صوت وذهبت الى الاعلى اخذت الغطاء ووضعته على الصورة اردت وجهي لكي اخرج ورأيت يوسف يقف امام الباب وينظر إلي شعرت بالخوف والقلق من ان يكون قد رأى اللوحة
يوسف:انتي جاي شتسوين
ارتبكت لا اعلم بماذا اجيب
رهف بأرتباك:بصراحة اجيت حتى اشوف الصبغ عبالي وكع بالكاع لان انطفت الكهرباء وما انتبهت عليه
كانت ينظر الى الغطاء
يوسف:وين الصبغ ما واكع
رهف:لا مو ما واكع واني عبالي وكع واجيت حتى اشوف
يوسف:ماشي امشي انزلي نامي
اعتقد بانه لم يصدق كذبتي تلك
خرجنا من الغرفة وذهبنا الى غرفتنا اقفل الباب تمددت على السرير ونمت
في اليوم التالي فتحت عيني وجدته ينظر لي وعندما رأني ابعد عينيه نهضت من الاريكة اخذت ملابسي ودخلت إلى الحمام انتهت وخرجت لم اجدة بالغرفة نزلت إلى الاسفل لم اجدة بالمنزل سمعت صوت سيارة نظرت من النافذة رأيته يخرج ذهبت الى الغرفة الجلوس وصرت اشاهد التلفزيون لم افهم شيئاً من كلامهم كنت اشعر بالملل خرجت اتمشى في الحديقة وفجأة رأيت باب المنزل ينفتح ودخلت سيارة عصام فرحت كثيراً عندما اتى اخيراً سوف اتكلم مع شخص نزل من سيارته واقترب مني
عصام:سلام
رهف:وعليكم السلام
عصام:شلونج
رهف:الحمدالله انت شلونك
عصام:بخير لعد يوسف وين
رهف:طالع الصبح
عصام:وين راح اجيت اشوفه
رهف:ما ادري اتفضل
عصام:لا والله ما اريد ازعجج
رهف:لا يمعود ازعاج شنو اصلا اني ضايجة واريد احجي وياه احد
عصام:خير بسبب يوسف
رهف:لا بس اني جاي امل الوحدي بالبيت عصام:ليش وين الكل
رهف:راحوا ام انس مريضه
عصام:خالة يسرا مريضة شبيها
رهف:ما ادري والله
عصام:خطية وشوكت يجون
رهف:يمكن باجر
عصام:يوسف راح وياهم
رهف:راح البارحة واجة باليل
عصام:اي خوش ما يصير يعوفج الوحدج
رهف:يمعود وجودة مثل عدم وجودة
عصام:شنو هذا الحجي
رهف:اوف تعبت والله وما ادري شسوي
عصام:انتي اصبري عليه شوية لا تنسين تجربته القديمة وهسة حبيبته عافته
رهف:شنو
عصام:اي عافها
رهف:عافها ليش
عصام:ما ادري بس كال تركتها
رهف:على مود هذا السبب هو ضايج
عصام:حسب ما اعتقد لا
رهف:شنو يعني
عصام:يعني اكيد عنده شي ضايج منه
رهف:ماكو غيري اني وجودي يمه مضوجة
عصام:لا شنو هذا
رهف:اي لعد اي من يشوفني يتخبل
بقينا تحدث طويلاً ان ان اصبحت الساعة الثانية ظهراً وصل يوسف وكان متفاجئاً من وجود عصام
يوسف:عصام
عصام:هلو يوسف شلونك
يوسف:بخير انت شلونك
عصام:الحمدالله اجيت عليك وين جنت
يوسف:جان عندي شغل خلصت واجيت
عصام:لك صدك خالتي يسرا مريضة
يوسف:اي مريضة
رهف:عصام انت اليوم تتغداء ويانه
عصام:لا والله عندي شغل خليها على غير مرة
رهف:لا ما يصير لازم تتغداء لان جهزوا الاكل
عصام:ماشي مدام هيج خليني اكل وياكم
رهف:والله كلها راحت والبيت ضوجة
عصام:يعني اني اشيل الضوجة
رهف:شنو رأيك
عصام:هذا خوش مديح
يوسف:اني رايح اغير ملابسي هسة اجي
تركنا وذهب الى الغرفة
عصام:روحي
رهف:وين
عصام:وراء يوسف
رهف:شسوي
عصام:شتسوين يعني روحي شوفي يريد شي
يعني ومن هاي السوالف
رهف:لا
عصام:شنو لا لا تصيرين غبية روحي بلكت يتحسن الوضع شوية
رهف:ماشي
نهضت وذهبت الى غرفتي عندما دخلت وجدته جالسن على السرير اقتربت منه
رهف:خير صاير شي
رفع رأسه ونظر لي تغضب نهض من السرير امسك بيدي ودفعني على الحائط وضغط على يدي بقوة
رهف:هاي شبيك شنو صايرلك
يوسف:انتي شلون تتدخلين عصام للبيت وتكعدين تحجي وياه
رهف:وشكو بيها واذا تدخل للبيت
ضغط على يدي بقوة
يوسف:شكو بيها
رهف:هد يدي جاي توجعني
يوسف:اني ما اسمح الج تدخلين احد وتكعدين تحجين وياه على راحتج
رهف:بس هذا مو احد غريب هذا عصام صديقك
يوسف:هو صديقي مو صديقج يعني ادخل للبيت بس من اني موجود مو تدخلينه انتي
رهف:اه عوفني
يوسف:بعدين تعزمينه على الاكل شنو بكيفج انتي
عصام:وينكم يا جماعة
دفعني بعيدًا عنه وخرج من الغرفة جلست على السرير وصرت ابكي وبعد لحظات مسحت دموعي وخرجت نزلت إليهم كانوا ينتظرون
عصام:وين رهف وين جنتي
نظرت الى يوسف كان شكله غاضب جدا
رهف:جان عندي شغل
عصام:يلا تعالي خل ناكل الاكل راح يصير بارد
جلست على المائدة وصرت اتناول الطعام واتجنب الكلام مع عصام
عصام:اي شنو الاخبار رهف رسمتي الي صورة
رهف بأرتباك:اي صورة
عصام:شبيج مو على اساس ترسمين صورة الي
رهف:ها اي نسيت
عصام:لا ما يصير تنسين تره ما ادفع
يوسف:الاكل راح يبرد عوف الصورة
عصام:اي صح
بعد أن انتهينا من تناول الطعام خرجوا عصام ويوسف من البيت وانا ذهبت الى غرفة الرسم ابعدت الغطاء واكملت ترسم اللوحة وبعد اربع ساعات انتهيت منها
رهف:اخيراً خلصت
وضعت عليها الغطاء ونهضت اردت الخروج ورأيت يوسف يقف امامي وكان ينظر لي بغضب شديد
يوسف:شنو لهل درجة ما تكدرين تستغنين عنه
رهف:شو
يوسف:ما صارله هواي من عرفج لحكتي تشتاقين
رهف:انت جاي شنو تحجي منو هذا
يوسف:حبيبي الكلب اللي ما تكدرين تعوفينه ولا دقيقة ليلا ونهارا وانتي جاي ترسمين صورته
رهف:صورته منو هذا انت جاي على منو تحجي
يوسف:تعرفين زين على منو جاي احجي
نظر إلى بالصور
يوسف:هذا التافه اللي بالصور اللي ما تكدرين تفاركين الصورة ولا دقيقة شنو لهل درجة عاجبج
رهف بعصبية:لا لحد هنا وبس انت زودتها هواي اني ما اسمح لك تحجي وياه بهاي الطريقة
يوسف:شنو ضجتي لان كشفت حقيقج
رهف بضراخ:لك اي حقيقة انت تدري منو هذا الي بصورة
يوسف:اي هذا حبيبي كلبج عصام
امسكت بالغطاء وابعدته عن الصور
رهف بصراخ :شــــــــــوف
نظر إلى اللوحة وفتح عينيه على وسعها عندما رأى صورته بقى مصدوم في مكانه
رهف:انت شنو جنت مفكر ؟
مازال ينظر الى اللوحة والصدمة في عينيه
رهف:انت واحد متخلف ومغرور واني مليت منك ومن عيشتي وياك واني اطلع غبية اذا بقيت وياك
اردت الخروج من الغرفة ولكنه امسك بيدي لكي يمنعني من الخروج
رهف:هد يدي عوفني
يوسف:اوكفي خل نحجي
رهف:ما ارد احجي وياك عوفني
سحبت يدي واردت الخروج ولكنه دفعني على الحائط
رهف :وخـــــــــر
يوسف:اهدي خل نحجي
رهف:بشنو نحجي بعد كلامك الزبالة هذا
يوسف:اسف
رهف:ما اريد الاسف مالتك وخر مني
يوسف:لا
رهف:شنو لا عوفني
وضع يديه على وجنتي وقبلني من شفتاي فتحت عيني على وسعها وكنت احاول ابعد عني ولكنه كان محاوطني ويمسك بيدي كنت احاول بكل قوتي ان ابعده عني ولكنه كان اقوى مني وبعدها تعبت من المحاولة استسلم إليه واصبحت ابدله القبلة وضعت يدي على شعره واصبحت اقبله بشغف كبير وفجأة شعرت بيده ترفع فستان شعرت بجسدي يرتعش وارتفعت درجة حرارتي من شدت الخجل خلع فستاني ورمى على الارض وعاد قبلني تمددت على على الارض وصار فوقي كنت اشعر بالخجل ابعدت نظري عنه رأيت الفستان على الصبغ
رهف:يوسف الفستان وكع على الاصباغ
يوسف:خليه
عاد يقبلني من شفتاي نزولاً إلى رقبتي ..... قضينا اول ليلة مع بعض وكانت هذه اجمل ليلة من حياتي كنت سعيدة جداً وانا بين احضانه اتمنى ان لا تنتهي هذه الليلة هل هذا هو الحب اجل هذا هو الحب انا احبه احبك يوسف
في اليوم التالي كانت نائمه في حضنه واستيقظت على صوت هاتفه كان يرن استيقظ ورد على الهاتف
يوسف:الو
طيبة:الو يوسف
يوسف:ماما خير شكو
طيبة:احنه وصلنا للبيت بس انتو وين
يوسف:احنه بالبيت
طيبة:دخلت على غرفتكم ماكو بيها ما لكيت احد
يوسف:هاا احنه بالبيت هسة راح نجي
طيبة:ماشي تعالوا
اقفل الخط
رهف:شكو
يوسف:اهلي وصلوا وهسة همه بالبيت كومي خل نلبس وننزل قبل ما يجون لهنا
ارتديت ملابسي ونزلنا الى الاسفل وقبل أن ندخل إلى الغرفة رأيت عمتي طيبة
طيبة:يوسف
ذهب إليها واحتضنها
يوسف:هلو ماما شلونج حمدالله على السلامة
طيبة:الله يسلمك حبيبي
نظرت الى فستاني الذي كان متسخ بسبب ما حدث ليلة أمس
طيبة:هذا شبيه فستانج ليش كله صبغ وانت يوسف ليش ملابسك وصخة وين جنت
ارتبكنا ولا نعلم بماذا نرد
رهف:هاا بصراحة
يوسف:جنت جاي اشوف الصور اللي رسمتها رهف وتوصخت الملابس شوية
طيبة:شنو هاي جهال انتو عبالك نايمين بالكاع
ملابسكم كلها تراب يلا روح يغير ملابسك وتعالوا بسرعة راح يجهز الاكل
ماشي هسة جايين
ذهبت عمتي ودخلنا الى غرفتنا وصرنا نضحك توقف ونظر إلي
يوسف:شنو رأيج بالجذبه مالتي
رهف:بصراحة مو زينه لان طلعنا جهال بسبب الجذبة مالتك
يوسف:بصراحة ما لكيت غيرها احس من ما احجي الحقيقة واكول ليش توصخت الملابس
شعرت بوجهي قد احمر من شدت الخجل تركته وذهبت الى الحمام
