رهف 🌼
كنت اتحدث مع مروة ويوسف وفجأة اغمى علي وعندما استيقظت وجدت نفسي في غرفتي والجميع كانوا حولي ينظرون إلي و يبتسمون بوجهي استغرب كثيرا اقترب مني يوسف وجلس بجانبي
يوسف:شلون صرتي حبيبتي
رهف:شوية احسن بس جاي احس بنفسي دايخة وما اكدر اتحرك
ابتسم لي وقال
يوسف:هذا الشي طبيعي الحالتج
رهف:الحالتي
يوسف:اي
رهف:ليش شبيها حالتي
يوسف:انتي حامل حبيبتي راح يصير عدنه طفل
رهف:شو
فتحت عيني على وسعها لا اصدق ما اسمعه الان انا حامل سوف يكون عندي طفل
رهف:شنو !انت شنو جاي تحجي اني حامل
يوسف:اي حياتي انتي حامل
احتضنته وصرت ابكي
يوسف:ليش تبجين
رهف:من الفرحة يوسف ما مصدكة
ابتعد عني ونظر لي
يوسف:لا صدكي انتي حامل وراح تصيرين ماما
رهف:ياربي ماما اني راح اصير ام
احتضنته
يوسف:اي راح تصيرين ام واحله ام
رهف:احبك يوسف
يوسف:واني هم ياعمري
حسين:ها خلص حجيكم نريد نسلم
اقترب مني عمي وقبلني من راسي
حسين:الف مبروك بنتي وان شاء الله تكومين بالسلامة
رهف:الله يسلمك
كانت مروة واقفة بعيد وتنظر إلي
رهف:شبيج ما تجين تسلمين
صمتت قليلاً وثم اقتربت مني واحتضنتني
مروة:مبروك حياتي
رهف:الله يبارك بيج
ابتعدت عنها قليلاً وكانت شكلها غريب
رهف:مروة بيج شي
مروة:ها لا لا ما بيه شي
رهف:اشو شكلج ضايجة صاير شي
مروة:لا حبي ليش ضايجة ما بية شي
رهف:صحيح تذكرت قبل شوية شنو جنتي تردين تحجين
مروة:ها
رهف:اي جنت تعبانة وما سمعتج شكو
نظرت الى يوسف وثم نظرت إلي
مروة:لا ماكو شي مهم هسة خليها على بعدين نحجي
رهف:ماشي
طيبة:مبروك
رهف:شكرا
كانت شكل عمتي غاضبة جداً اعتقد انها غاضبة لانني حامل لانها لا تريدني وكانت تنظر لي بحقد
طيبة:مبروك حبيبي يوسف
يوسف:شكرا ماما
حسين:يلا امشوا خل نطلع وخليها ترتاح شوية
مروة:ماشي
خرج الجميع وبقيت اني ويوسف اردت النهوض من السرير ولكنه امسك يدي
يوسف:هاي وين تردين تكومين
رهف:اريد اغير ملابسي
يوسف:لا ما يصير تتحركين من مكانج خليج مرتاحة
رهف:يعني شنو ابقه بس نايمة هيج امل
يوسف:اني ابقه يمج ومراح اخليج تضوجين الوحدج
رهف:صدك
يوسف:اي
نظر لي بنظرات غريبة
يوسف:شبيك يوسف
نزل راسه
يوسف:لا ما بيه شي
رهف:صاير شي
يوسف:لا
رهف:لعد ليش شكلك متغير اليوم انت زعلانة لان اني طلعت حامل
نظر لي وامسك بيدي
يوسف:شنو هذا الحجي اصلا اني اليوم كولش فرحان بسبب هذا الموضوع
رهف:لعد ليش جاي احس بيك ضايج
صمت قليلاً
رهف:احجي الي يوسف شكو شنو صاير وياك
امسك بيداي الاثنان
يوسف:لو شو مصار بينه لا تعرفيني وترحين
رهف:وين اعوفك و اروح ليش اني عندي غيرك
يوسف:واني هم ما عندي غيرج لا تزعلين مني ولازم تعرفين انو اني احبج والله احبج
رهف:شبيك حبيبي انت جاي تخوفني بكلامك هذا
يوسف:لا حياتي ما اريدج تخافين
رهف:شبيك اليوم صاير غريب وكلامك غريب
ابتسم
يوسف :يمكن لان عرفت راح اصير اب
رهف:المفروض تحجي ويايه كلام حلو مو كلام يخليني اخاف
تمدد بجانبي واحتضني بقوة
يوسف:لا تخافين حبيبتي طول ما اني يمج
رهف:احبك يوسف
طبع قبله على جبيني
يوسف:اموت عليج
اغمضت عيني و نمت على صدره هو ما زال يحتضني اعتقد بانه يخفي شيئاً عني تصرفاته اليوم غريبة جدا ماذا يحصل معه
مر أسبوعان ويوسف يتغير معي يوم بعد يوم لقد اصبح رومانسي زيادة عن اللزوم اشعر وانه يحبني اكثر من قبل وتصرفاته تغيرت بشكل كبير اصبح لا يستطيع ان يتركني لوحدي وعندما يذهب الى مكان يتصل بي كل دقيقة ولا يدعني افعل شيئاً لوحدي واصبحنا نخرج كثيراً مع بعض والعلاقات الزوجية اصبحت كثيرة بيننا لدرجة بانني اشعر سوف احمل مره أخرى لقد اصبح رومانسي كثيراً معي كنت اشعر بالسعادة اكثر من تلك الايام اشعر وان حبه لي بدأ يزداد يوم بعد يوم
وفي يوم من الايام كنت نائمة وعندما استيقظت وجدت الفطور امامي على السرير ويوسف لم يكن موجوداً نهضت وصرت انظر حوالي
رهف:هذا وين راح احنا دائما نتريك سوه
وفجأة انفتح الباب ودخل يوسف وكان يتنفس بصعوبة
رهف:شبيك حبيبي
يوسف:تعبت
رهف:من شنو
يوسف:تعبت واني اركض
رهف:ليش تركض
يوسف:حتى اجيب الج هاي
كان يخفي شيئاً اقترب مني واعطاني وردة حمراء
رهف:تعبت كل على مود تجيب وردة
يوسف:اي والله
رهف:مجان اكو لزوم لها انت يمي تكفي
يوسف:شلون واني متعود كل يوم لازم اجيب لج وياه الريوك وردة بس اليوم نسيت لان جنت مستعجل كلت اخاف تكعدين وانتي جوعانة ما تشوفين الريوك يمج
رهف:صاير رومانسي هواي هاي الايام
يوسف:مو زين تردين اغير
رهف:لا لا خليك هيج اصلا صايرة احبك اكثر واكثر
يوسف:وحبي الج جاي يزيد كل يوم
رهف:يلا هسة كافي حجي رومانسي اني جوعانه واريد اكل
يوسف:لعد ما تاكلين
بدأنا بتناول الفطور مع بعض ونتحدث
يوسف:وراء ما تخلصين اكل نروح
رهف:وين
يوسف:للدكتور كمال
رهف:شنسوي
يويف:نطمئن على حالة الطفل وهو راح يتابع حالتج
رهف:ماشي
بعد أن انتهينا من تناول الطعام جهزنا انفسنا وذهبنا الى عيادة الدكتور كمال انتظرنا قليلاً لان كان مشغول وبعد لحظات دخلنا الى غرفة تمددت على السرير و وضع جهاز السونار على بطني لكي يفصح الطفل وكانت متوترة قليلاً لان هذه اول مره ارى طفلي امسك يوسف بيدي
يوسف:شكلج متوترة
رهف:كولش
كمال:ليش تتوتري اهدي شوية
تنهدت وقالت :اريد اشوف الطفل
كمال:هذا الطفل صغير ما مبين مثل النقطة صغيرة
رهف:ليش صغيرة يعني اني راح اجيب هاي النقطة
وصاروا يضحكون علي
رهف:شبيكم تضحكون
يوسف:حبيبتي هاي النقطة راح تبقه تكبر شوية شوية لحد ما تصير طفل كامل ويجي على الدنيا
رهف:هاا لعد اني عبالي هاي النقطة لكت ليش بس اني راح اجيب نقطة
صار يضحك
يوسف:ليش هو اكو وحدة تجيب نقطة
رهف:لا
احتضني
يوسف:احبج ياخبلة
ضربته بخفه
رهف:لا تكول عليه خبلة
يوسف:واحله خبلة هم
بعد ان انتهينا خرجنا من العيادة الطبيب وذهبنا الى الحديقة أونتر دين ليندن وجلسنا على احد المقاعد ووضعت راسي على صدره
يوسف:شنو تتوقعين راح يصير عدنه ولد لو بنيه
رهف:ما ادري انت شنو تتوقعون
يوسف:ما ادري بس اني اريد ولد
رهف:واني هم بس اريده يطلع يشبهك
يوسف:هيج راح تصير مشكلة
رهف:ليش
يوسف:يعني راح يطلع حلوة والبنات راح تركض وراء وراح ينشلع كلبنا خلي نجيب بنيه مو حلوة مثلج
رهف:شنو يعني اني مو حلوة
يوسف:بصراحة لا كولش محلوة
ضربته على صدره
رهف:انجب اصلا اني احله منك يلا امشي ولي اردت النهوض ولكنه امسكني
يوسف:لج خبلة جاي اشاقة
امسكني من وجنتي
يوسف:لا تعوفيني وترحين
رهف:وين رحت هو بس شوية اتحركت
يوسف:ما اريدج تعوفيني ولا دقيقة
رهف:اني يمك حبيبي وين اروح يعني
يوسف:لو شو مصار راح تبقين يمي؟
رهف:اكيد حياتي
يوسف:وعد
رهف:طبعا
يوسف:احبج رهف
اقتربت منه وقبلته من شفتاه
مروة 🌺
تغيرت معاملة يوسف لرهف لقد اصبح يحبها فعلاً ولكنني لا استطيع السكوت عن الامر رهف يجب أن تعلم بالحقيقة تعرف حتى لو كان يحبها يجب أن يقول لها الحقيقة
دخلوا يوسف رهف الى البيت
رهف:مساء الخير
مروة:مساء النور وين جنتوا
رهف:عند الدكتور وطلعنا شوية
مروة:ها وشنو اخبار الطفل
رهف:شفته صغير ويخبل
مروة:صدك
رهف:اي والله
مروة:وشلون حالته
رهف:لا كال الدكتور حالته كولش زينه
مروة:اي الحمدالله ان شاء الله يجي بالسلامة
رهف :ان شاء الله يلا اني راح اروح ابدل
مروة:خليك يوسف اريد احجي وياك
يوسف:ماشي
نظر إلى رهف
يوسف:روحي انتي اني هسة اجي
ذهبت رهف وذهبنا انا ويوسف نتمشى في حديقة المنزل
مروة:جاي اشوف معاملتك وياه رهف تغيرت انت جاي تسوي هيج حتى ما احجي الحقيقة
يوسف:انتي ليش مجاي تصدكين اني فعلاً احبها
مروة:انت صدك تحبها
يوسف:شنو تردين اسوي حتى تصدكين مستعد اسوي اي شي
مروة:اي شي
يوسف:اي شي تردينه
مروة:اريدك تروح انت بنفسك تحجي الها الحقيقة
يوسف:شنو
مروة:اي انت مو تكول تحبها صدك اذا تحبها اروح واحجي الحقيقة الرهف وخليها تعرف منك احسن من غيرك وبعدين بلكي تسامحك
يوسف:او يجوز ما تسامحني
مروة:هاي بعد مشكلتك
يوسف:بس اني
مروة:ماكو بس يوسف لازم تحجي الها الحقيقة خلي علاقتكم تمشي على الصدق ومن غير مشاكل ولا اسرار صدكني راح تصير حياتكم حلوة بدون مشاكل واسرار وانتو هسة راح يصير عدكم طفل يعني لازم كل شي بينكم يصير على المكشوف
يوسف:واذا عافتني
مروة:اني راح اروح احجي وياهه اذا طلعت تحبها صدك
يوسف:ماشي
مروة:شوكت تحجي
يوسف:اريد وكت
مروة:لا اليوم وهسة
يوسف:ماشي راح احجي الرهف الحقيقة حتى تصدكين اني احبها بس برغم من انو اني خايف
يوسف 🌸
ذهبت الى الغرفة وكنت متوتر جداً ولا اعلم ماذا سيكون ردت فعلها حين تعلم بالحقيقة اتمنى ان تسامحني ولا تتركني لانني فعلاً احبها ولا استطيع العيش بدونها دخلت إلى الغرفة كانت تجلس على السرير هي تنظر إلى الارض اقفلت الباب وجلست بجانبها حاولت أن امسك بيدها و لكنها ابعدت يدي عنها وصرخت بوجهي
رهف:وخــــــــــر مني
كانت عيونها حمراء وكأنها تبكي انصدمت
يوسف:رهف شبيج!شبيج حبيبتي
رهف:حبيبتك مو! لك انت واحد سافل
ارادت النهوض ولكني امسكت بيها
يوسف:لج فهميني شبيج شنو القصة
رهف:افهمك مسوي نفسك ما تدري لك انت استاذ بالتمثيل والجذب ماكو احد يعرف يمثل مثلك انت المفروض ما تصير دكتور المفروض تصير ممثل هذا احسن شي
دفعتني وارادت الخروج من الغرفة ولكني امسكت بيدها
يوسف:بس فهميني شكو
رهف:افهمك شنو تريد افهمك من وين ابدي من وين من جذبك عليه لو خيانتك لي لو حبك الجذاب اني كلشي عرفت عرفت حقيقتك وانت شنو وعرفت جنت تستغلني وتستغل حبي لك حتى تعوفني و عرفت بخيانتك وياه هذيج السافلة مالتك وهسة هي حامل منك
فتحت عيني على وسعها ياللهي من اين علمت رهف بالحقيقة وميس حامل ياربي شنو هاي المصيبة كانت تريد أن تذهب
يوسف:بس اسمعيني خل احجي
رهف:ما اريد اسمع شي منك شنو راح تحجي شنو راح تبرر موقفك انت خدعتني استغليتني ومستحيل راح اسامحك
يوسف:ادري اني غلطان وحقج بكلشي تسوينه مراح الومج عليه بس اني تغيرت والله تغيرت وصرت احبج من صدك والله بس انطيني فرصة اترجاج
رهف:لا مراح انطيك اي شي مراح انطيك فرصة حتى ترجع تستغلني خلاص مراح اسمح لك تجذب عليه
اردت الخروج من الغرفة ولكني وقفت امام الباب لكي امنعها من الذهاب
رهف:وخر من طريقي
يوسف:وين راح ترحين
رهف:انت معليك
يوسف:رهف الله يخليج لا تسوي هيج
رهف:كلتلك وخر منــــــــــي
يوسف:رهف اي شي تردين تسوين سوي بس لا ترحين
رهف:اي شي اسوي
يوسف:اي شي بس لا ترحين
رهف:ماشي اني هسة راح اعلمك
اصبحت تكسر كل شي ترى امامها
رهف:وهي الجرباية الي جنت تستغلني بيها وتستغل حبي لك
اصبحت تمزق في الغطاء السرير والوسادة التي على السرير
وفجأة سمعتهم يطرقون الباب علينا
حسين:يوسف رهف شبيكم افتحوا الباب
مروة:يوسف افتح الباب
فتحت الباب لهم وانصدم الجميع من منظر الغرفة
مروة:لكم شنو صاير
حسين:شبيج بنتي شنو القصة
مروة:رهف شبيج
يوسف:خلوها لحد يتدخل
حسين:لك شكو
يوسف:بابا اترجاج
دفعت الجميع وخرجت من الغرفة ذهبت الى غرفة الرسم لم احاول أن امنعها من شي سوف ادعها تفعل ما تريده لكي تخرج غضبها
رهف:هاي الغرفة اللي اول ما بديت تستغلني استغليتني بيها وهي جانت شاهدة عليك وعلى جذبك عليه
اصبحت كسر كل شي بها اللوحات والاصباغ كل شي امامها
رهف:وهاي صورتك اللي بقيت ايام وليالي واني ارسم بيها شوف شنو راح اسوي بيها
مزقتها بيدها و رمتها في وجهي وتوقفت لكي تاخذ نفس
يوسف:ها ارتاحيت هسة
نظرت لي بحقد
رهف:لا ما ارتاحيت بعدني احس بنار بداخلي مراح تطفئ لحد ما اكتلك بيدي
يوسف:لعد شنو منتظرة يلا تعالي اكتليني راح تنطفي النار الي بكلبج وترتاحين
اقتربت مني وارادت ان تصفعني كف ولكنها توقفت ونظرت لي بحقد وغضب
رهف:انت ما تستاهل اوصخ يدي بيك
نظرت لي
رهف:روح مني ما اريد اشوفك اذا شفتك راح اسوي شي بنفسي راح تندم عليه
يوسف:ماشي راح اطلع بس اهدي
رهف روحــــــــــ
تركت الغرفة وخرجت
مروة:حجيت وياهه
يوسف:لا بس اجيت حتى احجي الحقيقة الها بس لكيتها تعرف كولش
مروة:شنو
يوسف:اي
مروة:شلون عرفت
يوسف:من هذيج السافلة
مروة:قصدك ميس
يوسف:اي المشكلة ميس حامل
مروة:شو
يوسف:اي
مروة:مصيبة راح شسوي هسة
يوسف:ما ادري والله اكلج اني هسة رايح على بيت ميس لازم انهي كل شي اليوم وياهه وانتي ديري بالج على رهف اخاف تسوي شي اني مراح ارجع للبيت
مروة:شنو وين راح تروح
يوسف:مو مهم بس انتي ديري بالج عليها اني لازم اعرفها لحد ما تهدئ
مروة:ماشي
يوسف:اذا صار شي خابربني
مروة:اوكي
خرجت من البيت وذهبت الى بيت ميس طرقت الباب بكل قوتي وفتحت لي
ميس:يوسف هاي انت
يوسف:اي اني
ميس:تعال ادخل حياتي
يوسف:ما اجيت حتى ادخل اجيت حتى اكلج ابتعدي عن مرتي
فرفعت حاجبها
ميس:مرتك
يوسف:اي مرتي
ميس:من شوكت صارت مرتك
يوسف:من اليوم لي تزوجتها بي
ميس:شو
يوسف:اني ما جاي حتى احجي وياج بهذا الموضوع اني اجيت حتى اكلج ابتعدي عنها ولا تحاولين تخربين زواجي حتى ارجعلج اني اجيت عليج من قبل من رهف طلعت حامل وكلتلج علاقتنا اني وياج انتهت ليش جاي تحاولين تخربين زواجي ليش رحتي حجيتي الحقيقة الرهف
ميس:بس هسة تغير الوضع لان اني حامل
يوسف:لا ما تغير شي هسة نروح على الدكتور وتنزلين الطفل وينتهي كل شي
ميس:لا والله
يوسف:اي
ميس:مو على كيفك يوسف الطفل مراح ينزل
يوسف:لا راح ينزل لان اني ما اريدج وما اريد اي شي يربطني بيج
ميس:مو على كيفك اني مو لعبه عندك جان لازم تفكر بهذا الشي من سويت وياه علاقة
يوسف:بس اني ما جبرتج جان كل شي بمزاجج انتي
ميس:اي والطفل راح يبقى وبمزاجي
يوسف:مراح اعترف بيه
ميس:مو بكيفك اروح احجي للصحافة والإعلام وهم ما يصدكون هيج خبر يعني راح افضحك وافضح نفسي مو مهم بس المهم ما اخليك تلعب عليه تره اني ميس مو رهف والفرق بيننا جبير
يوسف:صح اكو فرق جبير بينكم واني ما جنت منتبه عليه بس بعدين عرفت هي شنو وانتي شنو
ميس:شنو قصدك
يوسف:ما اكدر احجي حتى لا اجرحج اكثر
ميس:لا والله هيج صارت
يوسف:اي
ميس:اني كلتلك وانت بعد بكيفك
تركتني ودخلت إلى المنزل واقفلت الباب
ركبت بسيارتي وذهبت الى الفندق استأجرت عرفة وجلست بها كم يوم اخذت هاتفي واتصلت على مروة لكي اطمئن على رهف
مروة:الو
يوسف:الو مروة
مروة:يوسف بشر شنو الاخبار
يوسف:زفت ما قبلت تنزل الطفل
مروة:وانت راح شتسوي هسة
يوسف:والله ما ادري محتار هسة عوفج منها رهف شلونها
مروة:نايمة بالغرفة مالتي
يوسف:شلونها
مروة:المسكينة بس تبجي بصعوبة يلا نامت
يوسف:مروة ديري بالج عليها وعلى الطفل
مروة:ماشي انت وين هسة
يوسف:اني بالفندق
مروة:بالفندق شتسوي
يوسف:لازم ابتعد عن البيت شوية
مروة:ماشي
يوسف:يلا اني اروح هسة
مروة:تمام مع السلامة
مروة 🌺
اقفلت الخط وذهبت لكي اطمئن على رهف وعندما دخلت وجدته مستيقظة وتبكي دخلت وجلست بجانبها
مروة:رهف
رهف:لا تجبين طاري يوسف
مروة:لا مراح احجي عليه لان حقج بكل شي جاي تسوينه اني بس اريد اكلج تردين اجيب الج شي تاكلين
رهف:لا
مروة:بس ما يصير هيج انتي ما اكلتي شي من الصبح لحد هسة
رهف:كولش ما اريد بس اريد ارجع للعراق
مروة:شنو
رهف:اي اريد ارجع على بيتنا مراح ابقه هنا بعد
مروة:شنو هذا الحجي
رهف:اني مستحيل ابقه عايشه وياه
مروة:لا تبقين عايشة وياه براحتج بس واحنه ليش تردين تعوفينه
رهف:اني هنا ما حصلت شي بس القهر اريد ارجع على حياتي
مروة:وابنج
رهف:اني لا اول وحدة ولا اخر واحد تعوف زوجها هي عدها طفل
مروة:انتي هسة تعبانه ارتاحي وبعدين نحجي
رهف:ماكو بعدين خلاص اني اخذت قراري خلي يعيش وياه هذيج التافه هي ابنها مو يحبها وراح يموت نفسه عليها خلاص خلي يروح الها اني اخلصه مني وراح اطلع من حياته
صمت لم اقل شي لان كل ما تفعله حقها لانه قد جرحها كثيراً ولا تستطيع مسامحته بسهولة
بعد مرور شهرين مازال يوسف يسكن في الفندق و رهف تحسنت حالته وكنت احاول مساعدتهم ولهذا اتصلت على يوسف لكي يأتي ويتكلم معها وقررت بان يلتقي بها خارج البيت فطلبت مساعدة من عصام وانس لكي يساعدوني
مروة:ها شنو رأيكم
انس:خوش خطة
عصام:ماشي خل يجون بالمطعم مالتي بس لا يكسرون شي تره والله انتي تخسرين كل المصاريف
مروة:اذا كل شي صار على خير شتريد انطيك
عصام:ماشي
في الساعة الثامنة مساء جهزنا انفسنا للذهاب الى مطعم عصام واتفقنا مع يوسف بان يأتي إلى هناك
رهف:بس اريد اعرف هذا عصام ما يمل من الحفلات
مروة:شنسوي هو دائماً هيج
وصلنا الى المطعم ونزلنا ومن السيارة ودخلنا الى المطعم وكان هناك الكثير من الناس وكان المطعم مزين بطريقة جميلة
رهف:واو شكل المطعم حلو اليوم
مروة:اي
عصام:السلام عليكم شلونكم بنات
مروة:بخير وانت شلونك
عصام:الحمدالله شلونج رهف
رهف:الحمدالله اكلك انت ما تمل من الحفلات
عصام:واني شنو عندي غير الحفلات اكلج لعد عمي وعمتي وين
مروة:تعبانبن ما يكدرون يجون اليوم
عصام:ها حرامات يلا تعالوا اكعدوا
ذهبنا وجلسنا على احد المقاعد وفتحوا الموسيقى وبدأت الحفلة ونهض الجميع لكي يرقص
مروة:واو الجو صار يخبل
رهف:اي
وفجأة انطفأت جميع الأضواء
رهف:شكو
مروة:ما ادري
رهف:ليش انطفت الكهرباء شنو القصة
مروة:شبيج خفتي هسة تشتغل
رهف 🌼
عندما انطفأت الأضواء شعرت بالخوف وفجأة عادت التفت إلى مروة وجدت يوسف يجلس في مكان مروة انصدمت عندما رأيته امامي انظرت إليه طويلاً لم اصدق بان يجلس بجانبي الآن لقد اشتقت اليه كثيرا كنت اود أن احضنه وابكي على صدره ولكني تذكرت ما فعله بي كنت احاول ان اسيطر على نفسي لكي لا اضعف امامه اردت النهوض ولكنه امسك بيدي سحبت يدي من يده
يوسف:بعدج زعلانة وما تردين تشوفيني
رهف:ولا حتى اريد اسمع صوت ولهذا السبب ياريت تسكت
يوسف:بس اني لازم احجي حتى تسمعيني
رهف:ما اريد اسمع شي منك ولا حتى اشوفك اني مو كلتلك ما اريد اشوفك
يوسف:حاولت بس ما كدرت ابتعد اكثر رهف الله يخليج كافي تعاقبيني هيج صارلي شهرين ما شايفج والله مليت ادري اني غلطت واعتذر منج بدل المرة الف مرة سامحيني اترجاج والله اني جاي اتعذب من غيرج مشتاقج كولش هواي انتي ما مشتاقتلي
رهف:لا
يوسف:جذابة
رهف:اني ما اعرف اجذب مثلك انت استاذ بالجذب والتمثيل
يوسف:كولي عني اي شي تردين اني قابل بس سامحيني وارجعيلي الله يخليج
رهف:مستحيل اسامحك الي سويته بيه مو شي سهل حتى اسامحك عليه
يوسف:الخاطر الطفل
رهف:لا تخلي الطفل بموضوعك الزبالة
يوسف:ماشي بس لا تصيرين عصبية
رهف:اني من اشوفك كدامي اصير عصبية لهذا روح احسن لك
يوسف:يعني ترديني اروح
رهف:اي روح ولا تجي
يوسف:ماشي بكيفج اني رايح
نهض وتركني وذهب شعرت بأن الدموع تتجمع في عيني حاولت ان لا ابكي
رهف:اني مراح ابجي اني قوية وماكو شي يضعفني ولا حتى يوسف
وفجأة شعرت بدموعي تنزل على وجنتي
تبا لكي يا دموعي لماذا نزلت لا اريد البكاء عليه هو لا يستحق دموعي ولا يستحقني ولا يستحق حبي له
وفجأة سمعت صوت يوسف يتكلم في المايكرفون
التفت ورأيت واقفنا على المنصة
يوسف:مرحبا اني راح احجي بالعربي لان اكو شخص هنا اريد احجي وياه هذا الكلام واريده يسمعني والترجمة مال الكلامي موجودة على الشاشة الكبيرة التي امامكم نظرت الى الشاشة وجدت كتابات بالاجنبي
يوسف:قبل كم سنة جنت شخص مستهزه بكل شي كدامي ومجان يهمني اي احد بس نفسي وكل شي اريده جنت اخذه على حساب اي احد وجنت احب وحدة او بالاساس هو مجان حب جان تحدي بيني وبين ابوية لان اني جنت ما اتقبل قرارات ابوي وبيوم قرر ابوية يزوجني من بنت عمي واني ما جنت اريدها وحاولت شكد امنع هذا الزواج بس ابوية ضغط علية حتى اتزوجها وافقت ورحت حتى اشوفها ومن اول مرة شفتها حبيتها
نظر لي
يوسف:انتي سمعتي هذا الحجي مني واكيد عبالج كلشي كلته بهذاك اليوم جان جذب بس صدكيني كل شي حجيته الج بهذاك اليوم جان صدك فعلاً اني حبيتج من اول يوم شفتج بيه بس جنت احاول ابعد نفسي عنج
ولان اني ما اريد اخسر كدام ابوية بقيت وياه هذيج مو لان احبها وحاولت شكد ابتعد عنها بس جان دائما اكو شي يمعني وبيوم سويت اتفاق وياهه على مرتي شفتوا هيج واحد يسوي اتفاق على مرته حتى اخليها تعوفني مثلت عليها سويت نفسي احبها مع انو اني صدك جنت احبها بس ما جنت اريد اعترف لاي احد ولا حتى لنفسي حتى من كثر التفكير ومقاومتي الها اتمرضت وحاولت اخيلها اتبعد عني بكل الوسيله جنت اتعامل وياهه معاملة مو زينة بس حتى احاول ابتعد عنها بس هي جانت دائما واكفه يمي وتساعدني وبقيت احاول واكابر على نفسي وبقيت وياهه على انو تمثيل بس من صدك حبيتها وكلت لنفسي كافي ما اكدر اقاوم بعد وقررت انو اترك هذيج البنت وعايش وياه مرتي بس اجتي اختي مروة وشافتني وياهه وقررت تحجي المرتي كل شي حاولت امنعها كلت خل تعرف الحقيقة مني بلكت اذا حجيت الها راح تسامحني ورحت وراها حتى امنعها جان تتخربط رهف وتطلع حامل وكتها كلت هذا امل واشارة من رب العالمين راح ابقه وياه مرتي ورحت على هذيج البنت ونهيت علاقتي وياهه ورجعت كملت حياتي وياه مرتي بس صار شي خرب كل شي عليه طلعت هذيج حامل وعرفت مرتي وصارت بينه مشكله جبيرة واجيت اليوم بس حتى ارجع مرتي اعتذر منها كدامكم كلكم واطلب منها تسامحني واتمنى تسامحني ونبدي من جديد اني وانتي وابنه واحاول اعوضج عن كلشي شفتي مني
اقترب مني وركع امامي وقدم لي وردة
يوسف:رهف اني احبج ما اكدر اعيش ولا لحظة من غيرج حياتي جحيم من غيرج تعالي طلعيني من هذا الحجيم ولا تخليني اتعذب اترجاج سامحيني
نهضت من مكاني
رهف:تريدني اسامحك على شنو اسامحك على خيانتك لو جذبك لو استغلال حبي لك على شنو اسامحك انت عبالك هذا الحجي الي حجيته قبل شوية راح اكدر انساه كل شي وابدي وياك من جديد ولا كأنه شي صاير لا يا استاذ مو بهاي السهوله انت سويت جرح جبير بكلبي ما اكدر انساه ولا راح تكدر تنسينا لو شنو سويت ولا تتعب نفسك مراح اكدر اسامحك و اعتذارك مرفوض
تركته وخرجت من المطعم وصاروا الجميع ينظرون إلينا ويتكلمون باللغة لا اعرفها
ركبت في سيارته مروة وبعد لحظات جأت لي وشغلت السيارة وذهبنا الى المنزل
مروة:رهف
رهف:لا تحجين شي لو سمحتي اريد ارجع للبيت
مروة:ماشي
ذهبنا للمنزل وعندما وصلت ذهبت الى الحمام اقفلت علي الباب وجلست على الارض ابكي
رهف:مراح اكدر اسامحك يوسف مراح اكدر انساه الي سويته بيه مو بهاي السهولة برغم من انو كلبي يريدك ومشتاقلك بس مراح اكدر انساه خيانتك وجرحك الي
كنت ابكي وفجأة سمعت صوت باب الحمام يطرق
يوسف 🌸
ترك المطعم وذهبت ادور في الشوارع انا وانس
انس:جنت متوقع راح تسامحك بس ماجنت ادري كلبها قاسي هلكد
يوسف:مراح ألومها حقها اذا ما قبلت تسامحني اللي سويته وياهه مو شوية
انس:بس انت اعتذرت منها
يوسف:بس بعدها جرحها مفتوح ومراح يطيب بكلمة اسف
انس:وهسة راح شتسوي
يوسف:مراح امل راح ارجع واعتذر منها لحد ما تقبل تسامحني
انس:ياريت بس مرتك هي راسها حجر
مروة 🌺
دخلت إلى غرفتي لكي انام وفجأة سمعت صوت بكاء رهف في الحمام طرقت عليها الباب وبعد لحظات فتحت لي الباب وخرجت وكانت عيونها حمرا بسبب البكاء
مروة:رهف حبيبتي انتي بخير
رهف:لا اني تعبانة ومخنوكة
مروة:تعالي خل نكعد
جلسنا على السرير
مروة:شبيج حبيبتي
رهف:مخنوكة احس كلبي راح يطلع من جسمي
مروة:اذا تحبي ليش جاي تعذبين نفسج
رهف:صح احبه ومشتاقتله بس ما اكدر انساه كل شي واسامحه ما اكدر هو خله بكلبي جرح جبير مستحيل راح يطيب كل ما اشتاقله واريد اروح اشوفه اذكر الشي اللي سوى بيه وشلون استغل حبي اله اتراجع ليش لهل درجة اني جنت مو مهمه عنده وجان يحاول يخلص مني ليش شنو سويته وفوكاها تطلع هذيج حامل منه وهسة جاي يطلب مني احسامحه مستحيل اسامحه ما اكدر حتى لو احبه بس مستحيل اسامحه على خيانته جرحني هواي طلعني وحدة غبية
مدام هو يحبها ليش حول زواجنا حقيقي ليش خلاني اصير حامل ليش
مروة:بس هو صار يحبج
رهف:جذاب اكيد هاي لعبة جديدة منه صدكيني هسة تطلع لعبة جديدة مسويها هو وياهه
مروة:لا بس هاي المرة صدك لان لو جان يحبها مجان عافها على مود هو حامل
صمت قليلاً
رهف:شنو
مروة:اي عافها من زمان من قبل ما تطلع حامل من طلعتي انتي حامل راح عليها ونهى علاقتهم
رهف:حتى لو هم مراح اصدك بيه ولا راح اسامحه
ابتعد تمددت على السرير
رهف:هسة اني تعبانه واريد انام
رهف 🌼
وفي اليوم التالي تناولنا الفطور وخرجت اتمشى قليلاً في حديقة المنزل وفجأة رأيت يوسف امامي
رهف:انت شتسوي هنا اني مو كلتلك ما اريد اشوفك
يوسف:هذا بيتي ما يصير اجي
رهف:بس اني ما اريد اشوفك
يوسف:انتي ليش جاي تسوي هيج اني ادري بيج انتي تحبيني وترديني ارجع
رهف:لا ما اريدك ما اريدك تستغلني مرة ثانية
يوسف:بس هاي المرة اني احبج
رهف:واني بعد ما احبك
يوسف:لا تحبيني واكثر من الاول
رهف:انت غلطان
امسك بي وسحبني إليه شعرت أنفاسي تتسارع ودقات قلبي تخفق بسرعة
يوسف:جاي اسمع دكات كلبي وصرتي تتنفسي بسرعة من اتقربت منج كل هذا وتكولين ما تحبيني
رهف:لا
امسكني من وجنتي وضع شفتاه على شفتاي وقام بتقبيلي دفعته بقوة اخذت نفس لكي ارتاح قليلاً وبعدها صفعته كف
رهف:دير بالك تحاول تعيدها مرة ثاني افتهمت
تركته وذهبت دخلت الى المنزل
مروة:رهف شبيج
رهف:مابيه شي
مروة:شكلج تعبانة
يوسف:مساء الخير
مروة:يوسف
يوسف:شبيح اخترعتي
مروة:لا بس انت شوكت اجيت
يوسف:قبل شوية
جوليا:سيدي اين اضع الحقائب
يوسف:في غرفتي
مروة:شنو هاي انت رجعت
يوسف:اي ما اكدر اعيش بالفندق بعد
رهف:شنو هاي
يوسف:انصدمتي
مروة:بس الغرفة لا تكدر تكعد بيها
يوسف:جوليا سوف يأتون شباب الى المنزل عندما يصلون ابلغيني
جوليا:حضر سيدي
مروة:منو هذول
يوسف:اشتريت غرفة جديدة لان غرفتي مكسرة وما اكدر اكعد بيها
مروة:هاا اي عل خير
يوسف:شكراً
رهف:اوعدك هاي هم راح اكسرها لك
يوسف:عادي حبيبتي انتي كسري واني اشتري
انه يحاول يستفزني في برودة علي أن اذهب قبل أن اقتله بيدي
رهف:اني رايحه ارتاح
يوسف:تردين اساعدج حبي
رهف:ما اريد مساعدة من واحد مثلك
تركته وذهبت الى غرفتي
يوسف 🌸
عندما ذهبت صرنا نضحك انا ومروة
مروة:ولك انت جاي تستفزها
يوسف:لازم اضوجها حتى ترجعلي
مروة:لا والله
يوسف:اي
جوليا:سيدي لقد وصلوا الشباب
يوسف:ادخليهم بسرعة
وضعوا الغرفة الجديدة في غرفتي و رميت تلك القديمة
مروة:واو كولش حلوة هاي الغرفة
يوسف:اي ان شاءالله تعجب رهف
مروة:هسة مراح تكول رأيها
يوسف:مو مشكلة وبعدين راح اخليها تحجي
مروة:هسة راح شتسوي
يوسف:هسة اريد ارتاح لان تعبان
مروة:ماشي ارتاح اني راح اطلع اشوفها
تركني وخرجت ذهبت الى الحمام استحممت وخرجت غيرت ملابسي ونزلت الى الاسفل وجدت عائلتي يشاهدون التلفاز ذهبت وجلست بجانب رهف ابتعدت عني واقتربت منها واصبحت تبتعد وانا اقترب منها الى أن وصلت الى نهاية الاريكة همست لي
رهف:وخر مني
يوسف:انتي منو يمج اني كاعد
رهف:بطل هاي التصرفات مال الجهال
يوسف:شنو تصرفات مال الجهال ليش اني شنو سويت
رهف:اختنكت وخر مني
يوسف:وانتي منو يمج اني كاعد
رهف:كاعد يمي كولش خنكتني خل اتنفس ما مرتاحه
يوسف:بس اني هيج مرتاح
حسين:يوسف
التفت إلى ابي
يوسف:نعم بابا
حسين:هاي شبيك هيج كاعد يمها وخر شوية خل ترتاح لا تنسى هي حامل
يوسف في نفسه:خرب حضي وكتك بابا
نظرت إليها كانت تبتسم اقتربت وهمست لي
رهف:حل تستاهل يلا وخر مني
ابتعدت عنها وجلست بهدوء
وفي الساعة الثانية ظهراً كنت نتناول الغداء وكانت رهف تجلس بجانبي انتهزه الفرصة وامسكت بيدها من تحت الطاولة نظرت إلي بصدمت وانا كنت اركز على الطعام بيدي اليسار وامسك بيدها
اقتربت مني وهمست لي
رهف:اريد اكل
يوسف:منو يمج اكلي
رهف:شلون اكل وانت لازم يدي
يوسف:عندج يدج الثانية اكلي بيها
رهف:ما اعرف اكل بهذيج يدي هدني
يوسف:والله هاي مشكلتج
رهف:يوسف انت جاي تزودها بتصرفاتك هاي
يوسف:شنو هاي كل شوية تصرفاتك وتصرفاتك شنو سويت اني
رهف:اني مجاي اشاقة وياك هد يدي يلا
يوسف:ولا اني
رهف:تره اكوم
يوسف:كومي
ارادت النهوض ولكنها لا تستطيع بسبب يدها التي امسك بها
رهف:هد يدي حتى اكوم
يوسف:اعذريني ما اكدر عوف ايدج لحد ما اكمل اكل
رهف:لا والله يعني اني انتظرك لحد ما تكمل
مروة:انتو شكو شبيكم
رفعت راسي
يوسف:هاا مماكو شي
مروة:لعد رهف ما تاكلين
رهف:شلون اكل
حسين:شنو شلون تاكلين
رهف:هاا لا لا هسة راح اكل
وصارت تتناول الطعام بصعوبة بعد أن انتهيت تركت يدها وذهبت الى غرفتها
رهف 🌼
ذهبت الى غرفتي لكي ارتاح وجوده مع يخنقني لقد اصبح يزعجني بتصرفاته هل يعتقد بانني سوف اسامحه بتصرفاته تلك وفجأة شعرت بألم شديد في بطني
رهف:مروة ....مروة
ياالهي اين ذهبت
رهف:وينكم تعالوا ساعدوني
بدأ الألم يزداد سوءاً علي
رهف:وينكم تعالوا عمتي... مروة ولكم تعالوا ساعدوني
وفجأة انفتح الباب ودخلت يوسف يركض
يوسف:شكو شبيج
رهف:وخر مني روح صيح مروة خل تجي تساعدني
يوسف:مروة طلعت ما موجودة
رهف:روح على عمتي عمي اي احد بس روح انت منــــــــــــي
يوسف:محد موجود كومي خل اخذج للمستشفى
رهف:ما اريدك انت تاخذني
يوسف:مو وكت عنادج امشي
رهف:ما اروح وياك هسة لو اموت
يوسف:دروحي
حملني بين ذراعيه
رهف:انت جاي شتسوي نزلني
يوسف:لازم اخذج للدكتور نشوف الطفل
رهف:ما اريدك تاخذني نزلني
لم ارد علي اخذني و ركبنا بسيارته وذهبنا الى المستشفى
يوسف:دكتور كمال
كمال:دكتور يوسف شكو
يوسف:دكتور مرتي صاير عدها وجع قوي اريدك تشوف شبيها لو سمحتي
كمال:اي تعالوا اتفضلوا
دخلنا الى الغرفة الفحص وصار الدكتور يتفحص حالة الطفل
رهف:دكتور شبيه الطفل صار عليه شي
كمال:لا تخافين الطفل بخير وحالته كولش زينة
رهف:الحمدلله
يوسف:زين شنو سبب الوجع هذا
كمال:هذا بسبب للضغوط النفسية لازم الام ترتاح حتى الطفل هم يرتاح
رهف:يعني ابني بخير
كمال:اي لا تخافين
رهف:شوكت اكدر اعرف الطفل ولد لو ابنيه
كمال:بعد شهرين يلا تكدرين هسة مجاي اعرف
رهف:هاا
خرجنا من المستشفى اوقف السيارة على البحر رهف:ليش وكفت اخذني للبيت
يوسف:خل نغير جو
رهف:وياك اغير جو اصلا يخرب الجو اذا انت موجود يمي
يوسف:يعني لشوكت راح تبقين هيج مو كافي
رهف:لا مو كافي انت مجاي تحس بل سويته
يوسف:ادري شكد انتي مجروحة ومقهورة وحقج بكل شي جاي تسوينه بس اريد منج بس فرصة وحدة حتى اكدر اصلح كل شي
بس فرصة
رهف:ما اكدر انطيك هاي الفرصة ما اكدر انساه
يوسف:يعني لشوكت راح نبقه هيج
رهف:لحد ما يجي الطفل ونطلك واخذة و اروح
يوسف:شنو
رهف:اي
يوسف:طلاك شنو انتي مخبلة
رهف:شنو يعني انت ماتريد تطلكني
يوسف:لا
رهف:مو على كيفك راح تطلكني لان اني بعد ما اريدك ولا اريد اعيش وياك
يوسف:وطلاك اني مراح اطلك مراح اسمح تاخذين الطفل وترحين
رهف:انت شتسوي بالطفل عندك ابنك من هذيج
يوسف:واني ما معترف بيه
رهف:بس هذا الشي مراح يغير حقيقة انو عندك طفل من هذيج يوسف انت مجاي تفهمني اني ما اكدر اتقبل فكرت انو جنت تضحك عليه وتستغل حبي لك وتروح وياه وحدة ثانية وهسة هي حامل منك ما اكدر اتقبل هذا الشي ما اكدر اسامحك حاولت شكد بس كل ما اذكر هذا خيانتك وشلون لعبت عليه اختنك احس اريد اطلع من هاي البلد و اروح بعد ما ارجع لا تفكر ممكن اكدر انساه مستحيل اسامحك لا جرحتني انت كسرت كلبي لا تتوقع راح يجي يوم واسامحك
لم ينطق بكلمة شغل السيارة وعدنا الى المنزل نزلني من السيارة ووذهب
يوسف 🌸
اوصلها الى المنزل وخرجت اتمشى قليلاً وذهبت الى مطعم عصام
يوسف:مساء الخير
عصام:مساء النور شبيك شكلك ضايج
جلست على الطاولة وصرت اتذكر كلام رهف
رهف:ما اكدر اتقبل فكر انو راح يصير عندك طفل من وحدة ثانية نتيجة خيانتك لي واستغلال حبي لك
يوسف:شسوي
عصام:شبيك رهف السبب
يوسف:اي احجت اليوم وياهه تكول ما تكدر تتقبل فكرت انو ميس حامل مني وخيانتي
عصام:حقها ماكو حدة تتقبل هذا الشي
يوسف:شسوي مليت واني احجي وياه ميس حتى تنزل الطفل بس هي مصرة على الطفل
عصام:لازم تشوف حل تره ما يصير هيج
يوسف:صح كلامك لازم اشوف حل ما اكدر ابقه هيج
نهضت من المطعم وخرجت ركبت بسيارتي وذهبت الى منزل ميس طرقت الباب
ميس:يوسف اخيرا رجعت لي
ابتسمت
ميس:جنت ادري مراح تكدر تبقى بعيد عني هواي
يوسف:اني ما اجيت حتى ارجع علاقتي وياج
اختفت الابتسامة من على شفتيها
ميس:لعد ليش اجيت
يوسف:اجيت حتى اشوف نزلتي الطفل مثل ما اتفقنا اني وياج
ميس:احنا ما اتفقنا
يوسف:شنو يعني انتي ما نزلتي الطفل
ميس:لا ومراح انزله لا تتعب نفسك
يوسف:انتي ما عندج كرامة اني ما ايدج ليش ترديني
ميس:اني ما اسمح لك تحجي ويايه بهاي الطريقة
يوسف:بصراحة انتي ما تفتهمين بس بهاي الطريقة
ميس:لو شتسوي سوي بس الطفل مراح ينزل
يوسف:شنو تردين حتى تنزلين الطفل
ميس:الطفل مراح ينزل لو شنو انطيتني
دخلت إلى البيت واقفلت الباب
يوسف:حقيرة
وفي اليوم التالي
رهف 🌼
استيقظت على صوت مروة
مروة:ولج كومي بسرعة
رهف:شكو
مروة:كومي خل نطلع مشوار
رهف:كبر لفج خوفتيني عبالي صاير شي
مروة:كومي الجو يخبل خل نطلع
رهف:وين
مروة:نتمشى
رهف:ماشي بس اجهز نفسي واجي
مروة:اوكي بس بسرعة
رهف:اوكي
ذهبت الى الحمام استحممت وغيرت ملابسي وخرجنا
مروة:ماما احنا رايحين
طيبة:ماشي مو تتأخرون
مروة:اي
ركبنا في السيارة مروة وذهبنا الى البحر
مروة:يلا تعالي انزلي
رهف:هاي وين
مروة:تعالي بس
اخذتني الى منطقة السفن
رهف:احنا شنسوي جايين هنا
مروة:امشي ومعليج
وكنا نسير وفجأة وقفت امام سفينة كبيرة جداً وشكلها جميل
مروة:يلا اركبي
رهف:وين اركب
مروة:تعالي شوفي هاي السفينة
رهف:مال منو هاي
مروة:مالتنا
رهف:مالتكم
مروة:اي يلا اركبي
ركبت وعندما وضعت قدمي على السفينة تحركت بسرعة
رهف:هاي شنو مروة
وفجأة رأيتها تضحك وتلوح لي بيدها
مروة:باي.. باييييي 👋
رهف:هاي شنو اوكف
كانت السفينة تتحرك بسرعة
رهف:لج مروة هاي شبيج
وفجأة امسكني شخص من خصري صرخت بصوت عالي
رهف:عااااا
التفت ورأيت يوسف يقف امامي ويضحك بصوت عالي
رهف:هاي انت
يوسف:مفاجأة
رهف:شنو هاي اللعبة مالتك نزلني
يوسف:مستحيل
رهف:شنو يعني مستحيل رجعني جاي اكلك
يوسف:اسف ما اكدر ارجع بعد تحركت السفينة
رهف:تكدر ترجعها
يوسف:اي صح بس ما ارجعها
رهف:شنو يعني انت خاطفني
يوسف:ماكو احد يخطف مرته
رهف:ترجعني لو اشمر نفسي بالماي
يوسف:ما ارجع واذا تردين سويها
رهف:شنو يعني هاي
يوسف:يعني مراح نرجع الا بعد اسبوعين او اكثر لحد تحطين عقلج براسج
رهف:انت شنو شايفني مخبله
يوسف:اي
رهف:انت وين ما خذني
يوسف:على بيتنه الي بالجبل
رهف:شنو
يوسف:اي راح نبقه هناك كام يوم لحد ما ترجعين الي
رهف:مراح ارجع لك
يوسف:عادي مو مشكلة حتى نبقه هناك هواي لا تفكرين راح اخليج ترجعين وانتي بعدج زعلانة الا اخليج تسامحيني يلا نرجع
رهف:لا تفكر بهذا الشي
يوسف:نوصل هناك ونشوف يلا هسة تعالي شوفيني شلون اقود السفينة
تركني وذهب لكي يقود السفينة كان ينظر لي ويغمز لي بعينيه ياالهي ماذا افعل الان لا اريد البقاء مع ذلك الاحمق كيف سأتخلص منه تبا لكي مروة سوف اقتلك حين اعود
.
.
.
.
.
انتظروني اليوم نهاية الجزء الاول شنو تتوقعون النهاية
