احيانا تواجهنا مشاكل وصعوبات كثيرة يصعب علينا حلها فإننا نلجأ للموت لاننا نفكر ان الموت هو الحل الوحيد للخلاص من المشاكل التي تواجهنا نهرب بدل من ان نحل هذه المشكلة لا والف لا الموت ليس حل بل هو هروب من المسؤولية مهما كانت الحياة صعبة عليك ومهما كثرت همومنا وضاقت بنا الدنيا دائما هناك بريق امل يعطينا القوة والصبر والتحلي بإيمان والشجاعة لكي نواجه اخطانا ونحاول تصحيحها لا تحزن ان تخلى عنك البعض ولا تيأس ان تخلى عنك الجميع سوف تجد من يساعدك ويمد لك يده للمساعدة ويخرجك من الحزن الذي تعيشه ويسحبك الى بر الأمان
إذا تعثرت أقدامك وسقطت في حفرة فسوف تخرج منها وأنت أكثر متماسكاً وقوة بأذن الله
يُمكن للإنسان أن يعيش بلا بَصر ولكنه لا يمكن أن يعيش بلا أمل الأمل هي تلك النافذة الصغيرة التي مهما صغر حجمها إلّا أنها تفتح آفاقاً واسعة في الحياة
بريق الامل
المانيا سنة 2016 يوم الحادث المشؤوم الساعة الثانية ليلاً رن هاتف منزل عائلة يوسف وكان الجميع يغطون في نوم عميق استيقظت مروة على صوت الهاتف ونزلت الى الاسفل لكي ترد فتحت الاضواء المنزل ورفعت السماعة
مروة:الو
اجابها انس وكان صوت غريب
انس:الو مروة
مروة:انس شبيك شكو
انس:اهلج وين
مروة:وين يعني غير نايمين يعني انت اتصلت بهذا الوكت حتى تسأل على اهلي
انس:كعديهم بسرعة خل يجون على مستشفى بسرعة
مروة:مستشفى؟ شكو
انس:بيت الجبل احترك
فتحت عينها على وسعها
مروة بصدمة :شنو
انس:اي بيت الجبل احترك كله
مروة:يوسف شنو صارله عايش لو ميت
انس:خذوا للمستشفى
مروة:شنو؟ مستشفى زين وو رهف
انس:ما ادري بيها
مروة بعصبية:شنو يعني ما تدري بيها ليش هي مو جانت وياه
انس:لكينه بس يوسف وشرطة وسيارة المطافي جاي يطفون الحريق ويحولون يدورون عليها
اقفلت الخط واصبحت تصرخ بصوت عالي
مروة:وينكم اكعدوا ماما بابا اكعدوا بسرعة
استيقظ جميع من في البيت على صراخها الخدم والحرس نزلوا والديها من السلم مفزوعين
حسين:شكو مروة شبيح تصرخين
كانت لا تستطيع التحدث
طيبة:جيبي ماي
جوليا:حاضر سيدتي
وبعد لحظات احضروا الماء وشربت منه قليلاً استعادت وعيها
مروة:ببب بابا يوسف
طيبة:يوسف شبيه يوسف
حسين:شكو شنو صاير
مروة:بابا هسة اتصل علية انس وكال!
حسين:شنو كال احجي
مروة:بابا بيت الجبل احترك
حسين:شو
مروة:واخذوا يوسف على مستشفى
حسين:انتي جاي شتحجين
طيبة بصراخ:ابني يوسف
جلست على الاريكة وجئت الخادمة جوليا لها
الخادمة:اهدئي سيدتي تفضلي اشربي الماء
ابعدت الماء عنها
طيبة:لا اريد ابعديه عني !امشي خل نروح للمستشفى اريد اشوف ابني
حسين:يلا امشو بسرعة
نظر إلى جوليا
حسين:اطلبي من السائق ان يجهز نفسه سوف نذهب الى المشفى
جوليا:حاضر سيدي
ذهب الجميع الى المستشفى وكانوا هناك الكثير من للصحافة ينتظرونا في الخارج وعندما وصلوا جائوا إليهم
المراسل:سيد حسين هل يمكنك أن تعطينا اي معلومات بخصوص الحادث
المراسلة:سيد حسين كيف هو الوضع الصحي للسيد يوسف و زوجته
لم يكثرث احد لهم تركهم ودخلوا الى مستشفى حسين:غرفة العمليات اين
الممرضة:في الطابق الخامس
ذهبوا الى غرفة العمليات وكان انس يقف عنده الباب
انس:عمي
حسين:انس شنو صار يوسف شلونه
انس:ما ادري اني صارلي ساعه انتظر محد طلع من الغرفة العمليات طمني عليه
حسين:شلون صار هذا الحادث زين و رهف شلون حالته
انس:رهف ماكو الشرطة جاي يدورن عليها بالبيت
حسين:شنو يعني ماكو ليش هي مو وياه بالبيت
انس:الشرطي لكاو بس يوسف بس رهف ماكو لحد هسة جاي يدورون عليها ويطفون النار اللي بالبيت
مروة:زين شلون احترك البيت
انس:بعدهم محد يعرف بس يكولون البيت كولش محترك
طيبة:الله دخيلك من سوه هيج وليش
مروة:مجاي اصدك بعد ما كولش تحسن بينهم هيج يصير ليش
طيبة:ماكو احد يطلع يطمني على ابني ميت لو عايش
ميس:السلام عليكم
مروة:وعليكم السلام
ميس:شنو هذا الخبر اللي سمعته صدك بيت الجبل احترك
طيبة:انتي من وين عرفتي
ميس:اتصلت بيه صديقتي شايفة الخبر بالتلفزيون
مروة:اي البيت احترك كله
ميس:يالله ويوسف شنو صارله
مروة:بالغرفة العمليات
ميس:شنو يعني يوسف متأذي هواي
مروة:ما ادري بس رهف محد يدري وينها
ميس:شنو يعني ؟
مروة:لكاو بس يوسف وهسة جاي يدورون عليها
ميس:وين راحت
وفجأة رن هاتف انس
انس:الو.... نعم حضرت الضابط...... اي اسمعك..... لكيتوها .....شنو
فتح عينيه على وسعها
انس:انت جاي شتكول..... ماشي هسة راح ابلغهم
اقفل الخط وكان ينظر لنا بصدمة
حسين:ها شنو الاخبار لكاو رهف
انس :ااي
مروة:اي وليش ما جابوها للمستشفى
مروة:احجي شبيك رهف عايش
تجمعت الدموع في عينيه
مروة:لا لا لا تكول شي خليك ساكت ....
قبل سنتين العراق (مناطق الريف)
والده رهف:زينة رهف وينكم
زينة:دقيقة ماما جايين
والده رهف:تعالوا ساعدوني راح يجي ابوكم
رهف:بس اكفي هسة
والده رهف:عوفوا التلفزيون راح يجي ابوكم تعالوا حضروا الغده
ذهبت رهف وزينة الى المطبخ لكي يساعدون والدتهم في تحضير الطعام
رهف:شنو تردين اسوي
والده رهف:انتي سوي الدولمة وانتي تعالي اغسلي المواعين
زينة:اهوووو ليش بله اني اغسل المواعين
والده رهف:لان انتي ما تعرفين تسوي الدولمة واخاف تخربيها
واصبحت رهف تضحك عليها رمت عليها قطرات من الماء
رهف:هاي شبيج غبية
زينة:احسن حتى ما تضحكين علية
رهف:هاهاهاها
غضبت زينة
زينة:ماما شوفي بنتج
والده رهف:كافي انتو الاثنين شلعتوا كلبي اشتغلوا وبدون عرك
وبدأو في تجهيز الطعام وعند الساعة الثانية ظهراً اصبح الطعام جاهز ووصل والد رهف الى البيت وجلس الجميع على المائدة الطعام
رهف:بابا شلونها الدولمة طيبة اني سويتها
تذوق منها قليلاً
والده رهف:ممم عاشت يدج بنتي كولش طيبة
نظرت زينة الى رهف بسخرية
زينة:من وين طيبة اصلا مو طيبة
نظرت إليها رهف ورفعت حاجبها
رهف:لا طيبة بس انتي تغارين وتكولين مو طيبة لان ما سويتيها ويانة
زينة:اي خلوني اغسل المواعين
والده رهف:اي وشنو بيها غسل المواعين هذا هم مجهود
زينة:مجهود شنو بابا هذا تعب يدي تعبت من الغسل المواعين
رهف:لان انتي بعدج صغيرة ولازم ننطيج شغل على كدج
زينة:انجبي يا صغيرة اصلا انتي اكبر مني بسنتين
رهف:حتى لو هم صغيرة
والده رهف:بس دخت منكم بس تتعاركن شنو توم وجيري انتو
زينة:ما تشوفيها هي بدت
والده رهف:خلاص باجر خليها تساعدكم بالمطبخ لان عدكم شغل هواي باجر لان راح يجون خطار
نظر الجميع إليه باستغراب
والده رهف:ليش منو راح يجي باجر
والد رهف:اخوية حسين راح يجي باجر
والده رهف:صدك
والد رهف:اي اليوم الصبح خابرني وكال
والده رهف:اي هلا بيه
والد رهف:هسة هو ببغداد جاي من البارحة
والده رهف:من البارحة وليش ما اجة علينه
والد رهف:يكول عنده شغل يخلصه ويجي وهسة هو كاعد بالفندق
والده رهف:بالفندق وبيت اخوه موجود
والد رهف:شسوي حجيت وياه بس ما قبل كال باجر اجي اشوفكم ويرجع على الالمانية
والده رهف:يا شكد عيب ما يصير لازم يبقه هنا والد رهف:الله كريم يجي باجر ونشوف
والده رهف:اي
رهف:انتو تحجون على عمي حسين اللي عايش بالالمانية هو وعائلته
والد رهف:اي هو عمج حسين صارلي شكد ما شايفة حوالي 30 سنة
زينة:حيل يعني صارله 30 سنة من ترك العراق
والد رهف:اي مجان حاب العيشه هنا وكمل دراسة وسافر وراء فترة سمعت بيه ازوح وصار عنده ولد وبنية
زينة:يعني ازوج وحدة مو عراقية
والد رهف:لا بابا عراقية
رهف:ها
والد رهف:وجهاله هسة كبار ابنه صار دكتور وابنته هاي اخر سنة الها تدرس هندسة
زينة:والله زين يدرسون ويتخرجون مو مثلنه حتى المتوسطة ما عدنه
والد رهف:اي شنسوي كل واحد ياخذ نصيبه
زينة:يعني احنه ليش ما كملنه دراستنا مثل الناس
والد رهف:بنتي هي هاي تقاليدنا هنا ماكو بنية تكمل دراستها
رهف:ليش شنو تفرق البنت عن الولد
والده رهف:هذا الحجي اكبر منكم انجبوا واسكتوا الف مرة كلت لا تفتحن هذا الموضوع بعد يلا كملوا اكل
في اليوم التالي
رهف 🌼
استيقظنا صباحاً على صوت امي وهي تنادي علينا ضربت زينة لكي تستيقظ
رهف:كومي اكعدي
زينة:مو هسة خليني شوية نايمة
رهف:ولج كومي امي جاي تصيح علينا
زينة:اي راح اكوم
نهضت من فراشي ونزلت الى الاسفل لكي اساعد امي
رهف:صباح الخير
والده رهف:صباح النور يلا تعالي بسرعة حضري الاكل ويايه
رهف:شبيج مستعجلة وبعدين بابا وين
والده رهف:ابوج راح يجيب عمج ويجي لازم نكمل الاكل قبل ما يجون
رهف:شنو راح يجي هسة
