Isang taon ang lumipas
nang mag-umpisa ang paglagaslas
ang paglalakbay ay namalas
malayang agos ang nagbigkas
Sisimulan ang bagong kabanata
sa tulong ng sagwan at balsa
makikipagsapalaran gamit ang tinta
maglalayag sa kabila ng mga banta
malalaking alon ang alaala ng nakaraan
sumuong sa hamon ang panahong nagdaan
Sa papel nagpamalas ng kagalingan
kasabay ng pagyugyog ng balsang sinasakyan
Hanggang sa Katapusan di titigil sa pag-uulat
mananatiling mga mata'y bukas mga tainga'y mulat
susuriin ang bawat paggalaw ng dagat
taimtim na maghihintay sa araw na sisikat
Patuloy akong magbabantay mag aabang
sa tabing dagat pagmamasdan ang karagatan
ang kapwa manlalakbay aming gagabayan
magiging ilaw hanggang sa marating nila ang dalampasigan
YOU ARE READING
A Little Poetry
Poetry"Every heart sings a song, incomplete, until another heart whispers back. Those who wish to sing always find a song. At the touch of a lover, everyone becomes a poet."
