قصص قصيرة ذات عبرة ♡

لا تثق بأحد مهما كان

رواية حقيقية 😮 #منقولة

فوت قبل تقرا جعلك بالجنه ❤️

كيفكم شوو اخباركم ؟  بحكيلكم قصه غريبه صارت لي وخلاصتها انكم لا تثقون في احد زياده عن اللازم 👍🏻 انا بنت عمري 24 كنت انا وبنت عمي وبنت خالها مرره صديقات ونفس العمر 👩‍👩‍👧 وفي يوم من الايام كنا طالعين شاليه وانا راجعه البيت ادور جوالي ماا لقيته وادق عليه ادق محد يرد وجلست ادور بشنطتي بالاكياس بالسياره ما لقيته قمنا رجعنا الشاليه ولقيته هناك وقلت الحمدلله انو ما ظاع او اخذه حارس الشاليه 🙏🏻 المهم جا من بكرا وتكلمني بنت عمي قالت ابغاك في موضوع مهم لازم تجيني البيت استغربت ورحت لها وهي مره معصبه مني وكانو زعلانه قالت اخوي يبغا يكلمك بموضوع كان شي غريب مرره بالنسه لي انو ولد عمي يبغا يكلمني خصوصاً انو كبير يعني اكبر مني ب ثلاث سنوات ولبست عباتي وتغطيت ودخل قام اعطاني جواله قال وش هالمحادثه ؟؟ اخذت الجوال واشوف واقرا من الاول .. تخيلو محادثه عالواتساب من رقمي اناا وفيها كلام كثثثيييررر مختصر المحادثه انو (( عرفته بنفسي وارسلت له صوري وقلت له شرايك فيني تعال اخطبني وارسلت له صور بنت خاله وهي كانت جممميله مره مشالله وقلت له اختار انا او هي وترا هي ما تدري اني مرسله صورها وهي مؤدبه مره  وجلست امدح فيهاا ووصلتها للقمر ومن هالكلام ونهاية المحادثه قلت له انو امانه لا احد يدري عن هالكلام وانت شوف مين الي تعجبك وروح اخطبها وانتهت المحادثه )) <~ طبعاً هالكلام كله مو انا الي ارسلته لكن من رقمي 🙁 انا وقتها ارتبكت وخفت بعد ما قريت المحادثه لان نظراتهم لي كانت تخوف قلت لهم والله اني ماا اعرف شي عن هالكلام المكتوب وانو مو انا الي ارسلته وجلست احلف طبعاً كذبني وقال لو انه برنامج ثاني كان قلت حسابك تهكر لكن بالواتساب قويه اصدقك وقال انا راح انسى السالفه وانتبهي لتصرفاتك واذا انتي عادي عندك ترسلين صورك لاي احد مو من حقك ترسلين صور البنت وترا هذي بنت خالي ووالله لو دريت انو سار لها اي مشكله ما تلومين الا نفسك .. وراح 🚶🏻 جلست شوي مع بنت عمي لقيتها مو طايقتني وقالت ابغا جوالك شوي واعطيتها لانو كان عااادي وهي وبنت خالها يعرفون الباسوورد تخيلو اخذت الجوال ومسحت كل صورها هي وبنت خالها من جوالي وحتى المحادثات ورجعته لي 💔 لما صار كيذا انا رجعت بيتنا وكنت ميتته بكي ومقهوره مره وضايقه فيني الوسيعه وبعد كم يوم تقابلت معاهم في عزيمه عند ناس من قرايبنا قامت بنت خالهم قالت لي ابغا جوالك لانو تصويره حلو وكيذا اعطيتها الجوال وجلس معاها وقت وانا كنت منشغله عنها وبعدين جت واعطتني الجوال ولما وصلت البيت الا رقم غريب يدق رديت طلع ولد عمي ويسب ويسب يقول انتي ما تستحين وانتي رخيصه تحرجين على نفسك وانتي وانتي وانا قلت لك لا عاد ترسلين ... استغربت انا وحلفت له اني ما ارسلت له شي قال انا لي تفاهم ثاني معاك ولما جا اليوم الثاني في العصر الا هو وامه جايينا وقالت امه البسي عباتك لانو يبغا يكلمك 😰 وامي موجوده وقال كل شي قدام امي وقال انا نبهتها المره الاولى وما سمعت الكلام هالمره قلت لك انتي والمره الجايه باقول لعمي 💔 وراح وجلست ابكي عند عمتي وهي تحبني وصدقتني وجلست تسالني مين الي فتح جوالك امس وكيذا قلت ماا فيه الا فلانه بنت اخوك هي الي فتحته .. تخيلو طلعت هي تبغا توصل له انها مزه وانها مؤدبه وتطلعني بالشينه وسويت هالحركه لما تقابلنا المره الي بعدها وتركت جوالي معاها ونفس الشي ارسلت له ووقتها تاكدت انها هي 👍🏽. ولما عرف ولد عمي جا وخطبني بس انا ما وافقت لانه خطبني بس عشان يغيض هذيك وشي كمان اني كرهته لاني بكيت قدامه وحلفت له ولا صدقني محد صدقني الا عمتي ووقفت معاي ضد بنت اخوها ❤️وبعد هالكلام بسبع شهور خطبني مره ثانيه وجلس يقول والله اني تعلقت فيك ومن هالكلام وحسيت اني انتصررت عليه وافقت 💍 والحين لنا شهرين متزوجين 👰🏻❤️

#انتهى

نصيحتي لكم يا بنات : لا تثقي بأحد ابدا ابدا مهما كان سوى بأمك .. الام هي الوحيدة الي تريد مصلحة بنتها ❤
اسرارك ممنوع احد يعرفها الا امك ، اي شي تريدينه او اي شي تحبيه او ودك تتكلمي عنه ، كلمي امك عنه هي الوحيدة الي راح تساعدك و تفهمك ..

لما تكون مريض جميع الي يعرفوك راح يتمنولك الشفاء العاجل ، اما امك راح تتمنى تكون هي المريضة و تحس بالوجع مو انت ❤ الله يخليلنا امهاتنا جميعا 🙏 آمين يا رب العالمين 💜