طبع الحياة حزن و فرح و طبع الورود شوك وزهور

18

أسيل .. قفلت ألسماعه على طول من سمعت أسمه
وش يبغى مني هذا يعني ما يفكني شره
أكرهه اكرررررررهه

:
:
:

خرجت يارا من الحمام وهي مو مصدقة اللي سواه طلال

كانت لابسه بنطلون جينز وسافطته من تحت طالع برمودا
ولابسه تيشيرت أسود مرسوم فيه عروسه بالوردي
ولابسه شرايط في يدها وحاطه كحل وقلوس
وفاكه شعرها كانت تجنن وكيووت

:

طلال : انا رايح اوكي ..؟
يارا من غير نفس : الله معك
طلال : بأروح عندي شغل في الشركة وراجع
يارا من غير نفس : ايه طيب
طلال مستغرب : هاه ورااك ..؟
يارا : ايش ..؟
طلال : وش فيك تكلميني كذا ..؟
يارا : كلامي مافيه شي قلت الله معك لا يكون هذي بعد فيها شي
طلال يستحقرها : هي الكلمة مافيها شي بس طريقة الكلمة وصاحبة الكلمة زفـت
يارا : عاد أنت يتهيأ لك ولا أنا مو زفت ولا طريقتي في نطقها زفت
طلال : الا وربي تتكلمين من طرف خشمك حشــى قاتل لك أحد أنا ..؟
يارا : روح ترا راح تتأخر عن دوامك
طلال : نعـــــم .. يعني مثل اللي يقول أنقلع
يارا : يارب سترك ليش تحب تقلب الكلام ..؟
طلال : نبغيني اروح منيب طالع وجالس على قللللبك
يارا : استغفرالله
طلال : شايفه انك متنرفزه مني ..؟
يارا : ...........
طلال معصب ويصارخ : تعالي بكره بكبكي وقولي معاملتك معي زفت

:
:

طبع الحياة حزن وفرح .. وطبع الورود شوك وزهور ..~

لمياء مستحيه : اللي تشوفه يبه
أبو حسين : أنا أشوف أن الولد زين ومافيه شي
لمياء : اجل أنا ماراح اطلع من شورك
أبو حسين : اجل نقول مبرووك ..؟
لمياء مستحيه : اللي تشووفه
أبو حسين : هههههههههه اجل الف مبروك ياعيون ابوك
لمياء باست راس أبوها وطلعت غرفتها مستحيييه

:
:
:

لو سمحتي ردي .. وربي إن قصدي شريف
بس أبغى أفهمك وش الموضوع

اسيل مسحت الرسالة وسفهته

تكفين وربي لو تعرفين السالفة أن تعذريني

وماتغير شي مسحت أسيل الرسالة وسفهته وهي معصـبه

وفي النهاية بعد الإزعاجات والمسجات والقلق قررت ترد

أسيل معصبه : نعــم
ناصر : السلام عليكم
أسيل : هلا
ناصر : أنا عارف إن تصرفي هذا غلط في غلط
وعارف أنك بنت ناس ومحترمه وما تكلمين شباب
بس تسمحين لي اخذ من وقتك 10 دقايق وبعدين ننسى اللي صار
أسيل : اولا أنا أعرف نفسي وما احتاج أحد يثبت انا بنت ناس ولا لا
ثانيا انت ماتهمني علشان تبري موقفك تجاهي
ثالثا عشر دقايق واقفل الجوال في وجهك
وان اتصلت ثاني مره راح يوصل اللي تسويه معي لعمي أبو حسين
ناصر : اللهم عافنا وش كل ذا طيب بس 10 دقايق
اولا وربي أنا ما اكلم بنات ولانيب راعي هالحركات
والسالفه ان واحد من أخوياي كان يكلم هالبنت وصار سوء تفاهم بينهم
فقال لي كلمها وسلكها وحاول انك تقنعها تخرج معك واذا صار
اتركها علي انا طبعا ما ارضاها على اخواتي علشان كذا مارضيتها على غيرهم
فأخذت رقم البنت منه وكلمتها وفهمتها وش هو ناوي عليها
وانتي فهمتي قصدي غلط .. ولا تقولين أنك ماتهميني
الا تهميني لاني من أول ماشفتك اعجبتيني ودخلتي مزاجي
ويارب ربي يجمع بيننا بالحلال