طبع الحياة حزن و فرح و طبع الورود شوك وزهور

24

نزلت الجوهره وأسيل الحديقة

الجوهره تتطنز : عبقرينوو وش تبغين نلعب ..؟
أسيل تصرف : شوفي الانسان بطبع ذاته يحب
الجوهره تقاطعها : وربي ماعندك ماعند my grand muther
أسيل : ههههههههههههههههههههههههههه
الجوهره : اقول انا بأدخل أجيب جوالي وارجع
أسيل : أنا بأروح أغسل
الجوهره : هنا في مجالس الرجال فيه مغاسل
أسيل : طيب بس لا تطولين ترا أخـاف
الجوهره : يؤ مافي أحد البيت فاضي
أسيل : ايوة داريه
الجوهره : اقول عبقرينو ادخلي ولا يكثر
أسيل : الله يرجك لا تنشبين هالأسم فيني
الجوهره : هههههههههههههه طيب

:

دخلت أسيل مغاسل الرجال ولا كانت تدري باللي كان داخل الحمام " الله يكرمكم "

غسلت وعدلت لبسها اللي كان عبارة عن
بنطلون جينز وبلوزه بيضاء بسيور وطويلة لين عند خصرها وأطرافها سماوي
كانت رافعه شعرها وراء حصان
وكانت لابسه اساور نآعمه سماوي
وحاطه قلوس أحمــر .. وصندل سماوي
كانت طالعه مره جــذابة وقمة في الجمال

وهي جالسه تلف شعرها

أنفتح باب الحمام هي التفت بسرعه وخافت

ناصر طلع من الحمام وهو يدندن
واول ماشافها سكت ................
فكت شعرها لا شعوريا من الخوف من ما زاد جمالها
ناصر صحى من اللي كان فيه

داهمتني الغربه .
. ليتني ماجيت
.. ليتني .. رديت
حزني .. غرّب ضحكتي ..
لساني ضيّع كلمتي
حسيت بالياس .. و مشيت

ناصر معصب : هيه وش فيك أنتي امشي من هنا ..؟
أسيل لفت راسها عنه : ماكنت داريه ان فيه احد
ناصر : حتى لو ماكنت تدرين المحترمه اذا دخلت بيت مو بيتها ماتجلس رايحه جاية
فيه بدون جلالها
أسيل هنا عصبت : أنا شريفة وأشرف منك ومن 10 من اشكالك وبعدين يامحترم اذا ماتعرف وحده مامن حقت تتكلم معها بهالالسوب اللي كله وقاحة
ناصر بصراخ : انكتمي وربي لأطلع هالكلام منك طول وعرض وتذكري طووول وعرض وتعرفين متى
بعد 3 ايام حطيها في راسك 3 أيـــــــــــام

اسيل خافت وأستغربت وطلعت من عنده بسرعه
وراحت عند أمها والجده وجلست وهي مو مستوعبه

الجده : ياهلآ وغلا ببنيتي وربي لك غلا بقلبي
اسيل وهي مازالت خايفه : الله يسلمك ياجده وأنتي أكثر وربي
أم عبدالرحمن : وش فيك يا أسيل ..؟
أسيل ارتبكت : مافيني مافيني شي يمه
أم عبدالرحمن بشك : طيب وين الجوهره ..؟
أسيل وهي تقوم : انا الحين بأطلع لها عن أذنكم
الكل : أذنك معك

:
:

يـامرض ..!

قوم عن جسـدها وتعال اسكن بجسمي

أبو محمد : يا أم محمد لا تعاندين وخلينا نوديك المستشفى
أم محمد بتعب تحرك راسها بمعنى لا
محمد يبوس يدها : يا أمي تكفين تكفين خل نوديك ونشوف وش فيك
أم محمد وهي تأشر على هند وبصوت وااااطي : يارا يارا تعبانه انتبهوا لها
أبو محمد : يا أم محمد يابعد كلي يارا بخير بس خليها ترجع وتفرح بشوفتك بخير
أم محمد تبتسم : ابغى أكلمها