صباحا نهضت بصعوبه من الفراش بعد ان رن منبه هاتفي كثيرا .. كنت اشعر بنعاس شديد لذا قررت اخذ حمام دافئ لاستعيد نشاطي .. خرجت من الحمام وقمت بأرتداء ثيابي : تنوره طويله باللون الاحمر الغامق "ماروني" وقميص ابيض .. ارتديت حجابي الابيض ذو الزهور الحمراء وحقيبه وحذاء باللون الاحمر .. وضعت مساحيق التجميل بشكل بسيط وتوجهت لجامعتي ..
عند وصولي رأيت فاطمه صديقتي ، قبلتها وقلت : صباحو .
فاطمه : صباح النور .. اكولج حسين قبل شوي سألني عنج .
شهد : اوف شيريد هذا من الصبح .
فاطمه : هههه لو بس اعرف ليش تضوجين منه ترا حباب والله .
شهد : يمعوده مدتشوفيه شكد ملطلط 😪 .
اتى في تلك اللحظات حسين ، قال : صباح الخير .
لم اجيب انا بينما قالت فاطمه : صباح النور هلاو حسين .
حسين : هلاو شهد .
قلت بأقتضاب : هلا 🙄 .
حسين : شهد ممكن متدخلين المحاضره الاولى اليوم لان عندي وياج موضوع كولش ضروري .
نظرت لفاطمه ثم قلت : خير حسين شكو ؟
حسين : خير .. تعالي دنكعد بالنادي واكولج .
فاطمه : يلا اني اروح حتبدي المحاظره ، باي .
قلت : باي .
جلسنا على احدى الطاولات الموجوده في مقهى الجامعه قال : شنو تاكلين او تشربين ؟
شهد : تسلم كولشي ما اريد بس ممكن تكول شنو الموضوع ؟
حسين : ليش مستعجله !
شهد : ممستعجله بس دا احس كعدتنا وحدنا خطأ .
حسين : خطأ !! ع العموم ااا شهد بصراحه ما اعرف من وين ابدي ..
شهد : يا ريت لو تدخل بالموضوع بدون مقدمات .
حسين : شهد اني بصراحه كولش معجب بيج وبأخلاقج .. انتي جذبتيني من اول يوم شفتج بيه واتمنى تنطيني فرصه .
شهد : انطيك فرصه لشنو ؟
حسين : فرصه نتعرف ع بعض يجوز نحب بعض ..
شهد : اسفه حسين اني ما اكدر اكون وياك بعلاقه .
حسين : ممكن اعرف السبب ؟
شهد : لان اني بنت تخاف من الله اولا واخاف ع ثقة اهلي ثانيا .. بيباي .
اعطيته الرد الذي كنت اعطيه لاي شاب يأتي ويطلب مني ان اكون في علاقة معه ولكن هذه المره لم يكن السبب في الرفض الخوف من الله وثقة والداي فحسب بل ايضا لانني كنت افكر بيوسف ..!
مرت ايام وانا اتحدث مع يوسف على الانستكرام ليس بشكل يومي لكن بشكل دائم ..
اصبحنا صديقين مقربين ، يخبرني عن تفاصيل يومه وانا ايضا .
