Tatlong taon matapos maka-recover ni Scylla sa muntik nang pamamaalam sa mundo dahil sa isang aksidente, hindi na muling bumalik sa normal ang kanyang buhay. Minsan ay natatakot na siyang matulog dahil parati niyang nakikita sa panaginip ang lalaking walang mukha. At kung minsan pa ay may mga kakaibang nilalang ang pumipigil sa kanyang magising mula sa pagtulog.
Ngunit isang gabi ay nagkaroon ng mukha ang lalaki sa panaginip. Hindi ito kilala ni Scylla ngunit hindi maipaliwanag ang kakaiba at pamilyar na pagtibok ng kanyang puso sa prisensya nito. Nararamdaman din niya ang lalaki sa kanyang tabi bagaman hindi ito nakikita. Ang mga insedenteng iyon ang nagtulak sa kanya upang gumawa ng paraan na mapasok ang kabilang dimensyon ng mundo. At natuklasan niya na ang lalaki sa panaginip ay si Lathan---- isang astral vampire na nakilala at inibig pala niya nang mga panahong comatose siya at naglalayag sa kabilang dimensyon ang kanyang kaluluwa; ngunit nakatakda rin niyang makalimutan sa oras na magising.
Ngayon naaalala nanni Scylla si Lathan, ngayon nauunawaan na niya ang damdaming bumabalot sa kanya kapag nakakasama ito, pakiramdam niya ay natagpuan na ang bagay na nawawala sa kanya sa nakalipas na tatlong taon. Buo na siyang muli. Ngunit isa siyang mortal at si Lathan ay isang astral vampire. Saan siya dapat manatili? Sa mundong kanyang kinagisnan, o sa mundong mapanganib para sa isang tulad niya ngunit naroroon naman ang kaligayahang matagal na niyang hinahanap?
YOU ARE READING
Connected
VampireOnce a vampire promised a lifetime, she knew that promise won't be broken. Saan man sila dalhin ng kanilang pag-ibig, basta magkasama sila, wala nang magiging problema.
