FATE 1: LOVE, LIES AND FATE - COMPLETED 2018

Chapter 15

FROM the mainland sumukay sila ng pump boat. Hindi na sila tumuloy roon sa exact location ng mga floating bungalows dahil nga peak season. Baka wala na silang maabutan na vacant hut. 'Yon ang sabi ng isa sa mga thai natives sa mainland. At wala na rin silang idea kung na saan sila basta na sa southern part sila ng Thailanad.

Nanlumo siya, gusto pa naman niyang mag-stay roon ng tatlong araw. Buti na lang at may isang Ale na lumapit sa kanila.

Inalok nito ang floating hut nito sa kanila. Nag-iisa lang daw 'yon doon at paminsan-minsan ay inaalok niya sa mga turista na dumadayo. Kinailangan pa niyang kausapin si Lance nang masinsinan dahil ayaw pa pumayag. Itong lalaking 'to napaka-KJ. Hay naku! Sa huli ay napapayag niya rin... after 30 minutes!

Ang mismong Ale ang naghatid sa kanila roon dahil may-ari rin ito ng pump boat. Naunang bumaba si Lance sa kanya mula sa pump boat at inalalayan siya nito pagkatapos. Hindi niya naman mapigilang ang mapatingin sa buong lugar.

"Ang ganda!" tanging nasabi niya. Damang-dama niya ang kalikasan at masarap na hangin. Para siyang nasa paraiso. They were even surrounded with tower like island karst. "It's so beautiful here."

"It is Ma'am, I hope you enjoy your stay here. Do not worry the house is complete for cooking, taking a bath and for sleeping. I already gave you my number just call me. We will be back after three days, okay?" The old lady spoke in English in her thick Thai accent.

Tumango siya sa Ale. "Khawp khun kha." She brought both her palms together and raised it to her nose and head when she bowed. She said her thank you in Thai.

"Mai pen rai. Laa gon na! Bai bai! Enjoy!" 'yon lang at umalis na ito.

Muli niyang iginala ang tingin sa buong paligid. "Woah! Ganda talaga."

"Para tayong na stranded sa isang isla. Sure ka bang safe tayo rito?" nilingon niya si Lance saka tinaasan ng kilay. "Pero maganda," bawi agad nito. "Maganda, mahangin at solong-solo natin ang lugar. Bakit 'di ko naisip na pumayag agad?" may naglalarong pilyong ngiting baling nito sa kanya.

"Hoy," duro niya kay Lance. "Iba ang iniisip mo."

"Wala," Lance playfully smiled at her. "Sabi ko ihahanda ko na ang mga pinamalengke natin at nang makapagtanghalian na tayo." Tinalikuran na siya nito at binitbit ang mga gamit nila. "Ako na ang magluluto dahil ang misis ko 'di marunong."

"Ay grabeh siya oh."

KANINA pa naglulunoy sa tubig si Allysa pero 'tong si Lance wala yatang planong maligo. Nasa gilid lang, mga paa lang nito ang ibinababad sa tubig, masaya na sa hawak-hawak nitong paper pinwheel na kinuha pa nito sa isa sa mga decoration sa bungalow.

"Ayaw mo talaga maligo? Tuturuan nga kita lumangoy." Pangungulit pa niya. "Hawak ka lang dito oh." She tapped the wooden floor of the bungalow kung saan niya isinandal ang dalawang braso.

"Hindi pa rin ako mag-i-enjoy." Sinilip nito ang lalim ng tubig. "Mukha pa naman 'yang malalim. Huwag na lang. Sige mag-enjoy ka lang diyan."

Natawa lang siya. Sa huli ay umahon na siya at tumabi kay Lance. Inabot niya ang apple sa tabi at kinagatan 'yon. "Maglaro na lang tayo."

Kumunot ang noo nito. "Anong lalaruin natin? Taguan sa gitna ng dagat? O finding nemo?"

Tumaas ang gilid ng labi niya. Minsan talaga nakaasar ang ugali ng 'sang 'to. Akmang isasapak niya rito ang mansanas nang magbago isip niya. 'Yong pagkaasar niya ibinuhos niya sa pagkain ng apple.