FATE 1: LOVE, LIES AND FATE - COMPLETED 2018

Chapter 8

DUMIRETSO si Allysa sa DESTINED MART nang umalis si Lance. Makikipagkita ito sa daddy nito. Hindi na siya sumama dahil mukhang seryosong bagay naman ang pag-uusapan ng mag-ama. Gusto niya munang makahinga kahit sandali. Magkikita naman sila ni Lance mamaya dahil nagyaya itong kumain sila sa labas pagkatapos ng meeting nito with Tito Lemuel.

Pinagbuksan siya ng glass door ni Mang Kaloy.

"Ma'am Allysa?" napakamot sa noo ang matanda sa sobrang pagtataka. Tila ba ibang tao ang nakikita nito sa mga oras na 'yon. "Ikaw po ba si Ma'am Allysa?"

"Ako 'to Mang Kaloy," she chuckled. "Naarawan lang." Natawa naman ang matanda sa sinabi niya. Humarang naman agad si Darwin sa harap niya. Nakataas ang kilay na humalukipkip siya. Ngumisi lang ang lalaki. "What?" pabalang na tanong niya.

"You look different." Darwin titled his head, saka siya nito pinasadahan ng tingin mula ulo hanggang paa. "You're a Barbie girl. In the Barbie world." Saka tumawa ng malakas.

"Shut up!" naitirik niya ang mga mata rito.

Iniwan niya ito at naupo sa dati niyang puwesto. She was wearing a knee length pink floral halter dress and white doll shoes. Mukha talaga akong tao. Wala gaanong tao dahil hapon pa naman. Ito ang unang pagkakataon na tumambay siya DM na may araw pa. "Don't start," babala niya agad nang maupo ito sa bakanteng upuan sa harap niya.

"Hoy Allysa, mustang buhay may asawa?" nakangising tanong nito.

"Kung maka hoy ka sa akin, close po tayo?" pinukol niya ito nang matalim na tingin.

"Masamang magtanong? Ikamamatay ni Nemo?" tumuwid ito ng upo. "Anyway, nabalitaan ko 'yong nangyari kay Lance. How is he?"

"Kailan ka pa naging updated sa buhay niya?" sa huli ay napabuntong-hininga na lamang siya. "Anyway, he's fine now."

"But you're not?"

"Ewan ko," she shrugged. Nailipat niya ang tingin sa labas. "Minsan gusto kong baguhin ang lahat. Ngayon pa't wala siyang maalala sa aming dalawa ni Alyce." She smiled bitterly. "Para bang pinaglalaruan kami ng tadhana. Ang hirap paniwalaan pero parang sinasadya talaga eh." Nailipat niya ang tingin kay Darwin. "Ano sa tingin mo?"

"Aba'y malay ko?" he shrugged. "Baka naman kasi bored na si Mr. Tadhana kaya nangingialam na siya sa buhay mo." He leaned his arms on the table and moved his face closer. "Oh baka naman, kayo talaga ni Lance ang meant to be?"

"Dapat ba akong maniwala sa mga ganyan?" sa buhay ko ngayon parang ang hirap nang umasa for a perfect love story. "Destinies aren't real. Mr. Destiny isn't real. I guess?"

"I would like to disagree with you about that Allysa. Huwag mong maliitin ang force of love. Minsan talaga, may mga bagay na iniisip nating imposible. Kapag gano'n, kailangan nang konting push at manipulation para mabalik ang dating love path ng dalawang couple."

Nawi-weirduhan siya sa sinasabi ni Darwin sa kanya. Kumunot lang lalo ang noo niya. Nahihirapan siyang i-absorb ang ka weirduhan nito.

"Bukod sa pagiging-cheap-instant-friend Darwin. Alagad ka ba ni Destiny at mukhang masyado kang defensive sa usaping pag-ibig? 'Yong totoo?"

Natawa ito. "Well, pwede rin. Anyway, nag-ganern na ba kayo?"

"Huh?!" napamaang siya sa biglang tanong nito.

"I mean, nag-made love na ba kayo?"

Tumaas naman talaga ang gilid ng labi niya. Kung hindi lang mataas ang self-control niya sa sarili ay napatay na niya 'to eh o 'di kaya nasapak sa sobrang straightforward nitong magsalita. Ano na lang ang sasabihin ng makakarinig sa kanila?