البـارت الثالث
هُناك أشياء خُلقت لتبقى فـ الداخل فقط
لا يشملها قانون الفضفضه =(
بعد ساعتين تقريبا
بيت أبو محمد
في المطبخ عند البنات
بشاير :ها كل شي جهز صح ..؟
هبه : أي خلاص وديت العربه اللي فيها الحلويات الغرفه
بشاير: ايي تمام ..نقعد في غرفتنا احسن
هبه : ايي بنأخذ راحتنا اكثر ...يالله بروح ابدل ملابسي البنات على وصول
بشاير : أوكي "وهي طالعه ورا ختها صادفت أمها "
ام محمد: زين اني شفتك قبل لا يجو البنات
بشاير : خير يمه ؟
ام محمد: حبيت اعرف رايك في الخطبه ؟
بشاير نزلت راسها :يمه موم وافقه ...عملت خيره وماارتحت
أم محمد : إذا ماارتحتي خلاص ....اللي تشوفيه ماراح نغصبك طبعا
بشاير ارتاحت وراحت لغرفتها تبدل ملابسها
............................
بيت أبو جمانه
رغد وهي تنادي : جمانه .....جمانوه يالله
جمانه وهي نازله و برود الدنيا كلها فيها : جيت.... هالصراخ كله ليش
رغد : مانبغى نتأخر وعلشان يمدينا نقعد وياهم والليل نروح السوق
جمانه:لا تخافي بيمدي وبعدين كله فستان
رغد:اووف منك
جمانه ساكته ومالها خلق شيء
(ولما ركبوا السياره )
رغد: جميل روح بيت خال أبو محمد
جميل وهو يهز راسه : اوكيه
رغد : وش فيك من جيتي من المستشفى وانتي حالتك حاله
جمانه:ماادري مالي خلق شي
رغد بجديه: أمي أو أبوي جبروك ع هالزواج
جمانه:لا ابدا ماجبروني....أني من نفسي وافقت
رغد باستفهام: طيب؟
جمانه: ما أدري ما أدري لا تسأليني شي في هالسالفه
رغد :براحتك
....................................
بعد نص ساعه
(البنات صاروا في غرفة هبه وبشاير وقاعدين سوالف وحركات )
هبه : بس فعلا تمنيناكم معانه
رغد: ان شاء الله المره الجايه نتفق عدل
ليلى :صحيح بنات ترا حفلة أخوي ليلة الاحد هالاسبوع اللي راح يجي
(البنات قاموا كلهم يباركوا لـجمانه وجمانة غاصبه نفسها تبتسم )
بشاير: بس مو كأنها بسرعه ؟
ليلى : نسيتي سفرتنا بعد الأسبوع اللي بعده
ريم وهي تضحك : اووه يعني المعاريس مابيمديهم يقعدوا مع بعض واجد
البنات : ههههههههههههههههه
بشاير : الله يساعدكم ع التجهيزات بهالسرعه
رغد: في الليل بنروج علشان العروس هههههه
نوف:احنا اتفقنا مع فهد بكره بيودينا بس أدري عنه نكبه ههههههههه
جمانه:روحوا معانه الليلة بدل ما نروح ثنتينا
رغد استغربت من ختها انها قالت كذا
ريم : وش فيك رغدووه تطلعي في اختك كذا لا يكون ما تبغينا
رغد انتبهت لروحها : هههههههه لا عاد شدعوه أكيد ابغاكم بيصير أحلى أصلا هههههههه
ريم: ايي فكرت بعد هههههههههه من بيوديكم ؟؟
رغد:السواق
بشاير : كيف شعورك الحين ههههه ؟
جمانه بمجامله : هههههه عادي
"وكملوا سوالف "
................................
آلصديق آلوفي ربممآ يغيب
لكنهه لآيتغير آبداً،،،3>
عند البحر
(محمد وخالد قاعدين في المكان اللي شهد جميع قصصهم وسوالفهم (
خالد: بس مره صارت الك وحشه
محمد:احم ...ايي اكيد أنا محمد
خالد :خف علينا بس هههههههههه
محمد:اترك عنك هالسالفه ....ها كيف النفسيه والاسبوع الجاي بتكون على ذمتك وحده
خالد:عادي احس بس تصدق خايف انها تكون مغصوبه أو شي
محمد: لا لا مااعتقد عمتي او زوجها يجبروا ...لا تخاف ع العموم اذا احتجت شي قول لي تراني أعين واعاون
خالد:ماتقصر والله ....يالله شد حيلك علشان نفرح فيك هههههههه
