داويتني فأحببتك

5

بعد ساعتين
(محمد كان في سيارته ومرفع ع الصوت وباله مليان أفكار
وفجاءة طــــــــــــــــــراخ )
انتبه محمد ان صدم سياره ...نزل من سيارته بسرعه وراح للسياره اللي صدمها وشاف الشاب تعور شوي
محمد: اوديك المستشفى .
الشاب: لا لا ماله داعي
محمد: انت متأكد ؟
الشاب بيطلع من السياره وماعرف يحرك يده
محمد: يدك ؟ تعال في سيارتي بوديك المسشتفى
" ساعده وطلعه من السياره وركبه في سيارته ..عدل مكان سيارة اللي صدمه وتوجهوا للمستشفى "
في بيت أبو جمانه
في الصاله
(جمانه كانت ترسم في كراستها وهي مهتمه ..وامها تشاهد تلفزيون ورغد كانت طالعه رايحه لصديقتها )
ام جمانه: جمانه
جمانه:هلا يمه
ام جمانه:ما بيجي خالد او بتطلعوا
جمانه:لا
ام جمانه:ما كلمك ؟
جمانه: لا
ام جمانه:لا يكون أمس رميتي عليه بعض من كلامك
جمانه بعضبيه خفيفه: يمه ..ترا انا بنتك
ام جمانه:ايي بنتي واعرف كلامك وحركاتك
سكتت جمانه
( الا يرن التلفون ورفعته ام جمانه )
ام جمانه: الوو
خالد:الوو هلا خالتي
ام جمانه بابتسامه:هلا خالد شلونك ؟
خالد:الحمدلله تمام ...خالتي جنبك جمانه اتصل اليها ماترفع
ام جمانه : ايي جوالها ما جابته معاها ..اكيد في غرفتها
خالد: ايي توقعت ناسيتنه في مكان
ام جمانه: الحين اناديها لك ..جمانه تعالي
(جمانه تأشر لأمها بأن ماتبغى تكلمه وامها عطتها نظرة وجت وهي تسحب رجولها سحب )
جمانه :الوو
خالد:هلا واله
جمانه:أهلا
خالد:حبيت أقولك بالكثير ربع ساعه واكون عندك ونسهر مع بعض ههههههههه
جمانه:بس الساعه عشر ونص
ام جمانه ضربتها على خفيف
خالد:ايي عادي وش فيها ....الوقت متأخر عندك يعني ؟؟؟
جمانه:اييي
خالد: مااعتقد انك تنامي من الحين ....ع العموم مثل ما قلت لك بالكثير ربع ساعه وانا عندك باي
جمانه بقهر: باي
ام جمانه : وش فيه ولد خالتك
جمان: يبغى يجي لي
ام جمانه: يالله عجل قومي غيري ملابسك
جمانه:ايي الحين بقوم
ام جمانه: واني بقوم انام قاعده من الصباح انعست ...صحيح رغدوه ماجت للحين بتصل اليها
"وتوها بتتصل الا رغد داخله "
رغد : السلام عليكم
جمانه وامها: وعليكم السلام
ام جمانه:توني كنت بتصل لك تأخرتي
رغد: على ما يجي العشاء وكذا
ام جمانه:يالله عجل اخليكم ..تصبحوا على خير
رغد وجمانه: وانتي من اهله
رغد : وينه ابوي ؟
جمانه بملل : من زمان نام
رغد: طيب وش فيك ملانه
جمانه: بيجي خالد بعد شوي
رغد:وش فيها ....عادي
جمانه: لا لا ولا شي
رغد:يالله غيري ملابسك وحاولي تطلعي كشختك لو سمحتي
جمانه: مالك شغل
رغد:بكيفك ...عندي فيلم اروح اشاهده احسن
(وراحت رغد وظلت جمانه في الصاله بروحها )
جمانه:ما بغير ملابسي علشان لا يفكر يجي مره ثانيه في هالوقت
"صوت داخلي": دام انتي ماتبغيه ليش وافقتي وبعدين لما تطلعي كذا وش تتوقعي يقول عنك
جمانه: ماادري ماادري "طلعت نفسها مره ثانهي " لا لا بقوم البس لبس عادي مره اووف
(راحت غرفتها وغيرت ملابسها ورفعت شعرها ذيل الحصان وقعدت في الصاله تحوس في جوالها..بعد مرور ربع ساعه سمعت صوت الجرس وقامت فتحت له الباب )
دخل خالد بابتسامته المعتاده : مساء الخير
جمانه:مساء النور ...تفضل
"ودخلتع المجلس وقعدوا سكون وبعد دقايق "
خالد:يالله نبدأ
جمانه باستغراب:وشو نبدأ ؟
خالد:ههههه كلميني عن نفسك وأكلمك عن نفسي علشان نتعرف على بعض
جمانه:مو مهم تعرفني
خالد:الا مهم ...اول شي مهم اللي لازم اعرفه ..ليش بكيتي البارحه ؟
سكتت جمانه ونزلت راسها
خالد: انتي مجبوره تتزوجيني ؟
رفعت جمانه راسها مصدومه وبسرعه: لا طبعا
خالد:أكيد ؟
جمانه:ايي طبعا ..وامي وابوي مايجبروني على شي
خالد:اييي كذا تطمنت ..اي ماقلتي ليش بكيتي .؟
جمانه: اعتقد مايهمك
خالد: الا يهمني ...انتي الحين خطيبتي وهن قريب زوجتي فكل شي يخصك أكيد بيهمني "بابتسامه" راح اقولك معلومه عني ..الاسرار عندي ما تطلع لأحد بتاتا وبعدين ترا انا مااحب اشوف احد متضايق واسكت وهذا طبعي
جمانه ساكته
و خالد جلس يتكلم وهي بعض الأحيان ترد وبردود بسيطه
.................................................. ..
م آجمل آلشخص الذي تستطيع أن تتكلم آمامه بكل م بداخلك وأنت متأكد أنك لن تسقط من عينه أبدا
( منسدحه ع السرير وعيونها بالسقف وبالها بعيد الا ان دخلت ختها ولا حست اليها طبعا )
بشاير: هبه ...هبه ..."بصراخ " هببببببببه
انتبهت هبه : نعم وش صاير ...متى دخلتي
بشاير: صاير لي مده وانتي ابد مو منتبهه " غمزت " في شنو سرحانه
ابتسمت هبه
بشاير: هههههه وش فيش
هبه :بششايروه بقولك شي يمكن تستغربي هههههه
بشاير: ادري تحبي سلمان ولد عمي ههههههه
هبه منصدمه : وش دراك ؟
بشاير: كل شي مبين حبيبتي هههههههه
هبه :حلفي ؟؟؟!!
بشاير: اني بالصراحه حسيت من نظراتك وكذا بس ماادري عن الباقي يدروا او لا هههههه
هبه: يالله تخيلي احد يدري
بشاير: ههههههههه مااقدر اتخيل
هبه :طيب ليشم اقلتي لي انك تدري
بشاير: انتظرتك لين ماتقولي ههههههه
هبه:هههههههه نحيسه
بشاير: تبغي الصراحه لما دريت عورني قلبي عليك
هبه : ليش ؟
بشاير: أخاف تالي تتأذي لما تدري ان بيخطب
هبه بحزن: ايي ادري ان هو ما يدري عن هوا داري
بشاير: اكيد مايدري عن هوا دارك كيف بيعرف يعني
هبه :ماادري ماادري" سكتت شوي " بس احبه
بشاير: حاولي تشغلي بالك عن التفكير فيه لان صدقيني ما بيفيد
هبه خطرت في بالها فكره: بشاير وش رايك اعترف اليه
بشاير بتهديد : ياويلك لو وصل الخبر اليه انتي ماتعرفي نظرة الشباب للبنت اذا هي اللي تبدأ بالاعتراف اذا ما كان بينهم علاقه حتى لو ولد عمي
سكتت هبه وفي بالها الف فكره وفكره
.........................................
في المستشفى
(محمد كان قاعد مع اللي صدمه بالسياره )
محمد: سامحني يا خوي ماانتبهت والله
سيف" عرفتوه صح " : ههههه الحمدلله جت على التجبيس بس
محمد: ههههه الحمدلله ...يالله دام خلصنا خلني اوصلك
سيف : لا ماله داعي الحين ولد اختي بيجي لي
محمد : لا ليش تتعبه انا بوصلك
(وبعد قناعات رضى سيف ان يوصله محمد)
................................................
بعد خمسة أيام
في بيت أبو حسن
(حسن وساره اليوم معزومين ع الغذاء )
ريم : نورتونا والله اليوم
ساره : تسلمي حبيبتي
أبو حسن : ايي كل يوم بس انا وام حسن وريم ع الغذاء وسلمانووه مانشوفه
حسن :ههههه الله يهديه
ريم: سارونه بعد الغذا ابغاك في سالفه
ساره : طيب ولا يهمك
ام حسن : من يصدق ان الليله واحد رمضان
ساره : اييي بسرعه جى رمضان هالسنه
أبو حسن :بسرعه يمضي العمر
ام حسن وهي تطلع في ساره : قول لولدك ان العمر يمضي بسرعه
حسن سكت وفهم قصد امه
ريم بسرعه : يا حظهم بيت عمتي ام خالد اكيد الحين في المطار
حسن : ايي طائرتهم الساعه ثلاث والحين الساعه ثنتين ونص
أبو حسن : الله يجيبهم بالسلامه
ساره فهمت قصد ام حسن وتضايقت مره بس مابينت لحسن حتى لا يتضايق
,,,,,,,,,,,,,,,,,,,,,,,,,
بيت أبو جمانه
في غرفة جمانه
(طبعا تطورت شوي علاقتها مع خالد )
كانت خالد يكلمها
خالد: اووكي ...نادى النداء ...الحين اخليك وانتبهي لنفسك
جمانه:تروحوا وترجعوا بالسلامه
خالد:الله يسلمك.."بضحكه " أكيد بوحشك صح هههههه
سكتت جمانه
خالد:طيب ...تواصلي معاي طيب ...مع السلامه
جمانه: مع السلامه ..."بعد ماسكرت " عجبتني ان بيوحشني ههههههه " سكتت شوي " هو صحيح ماتوقعته بهالطيبه بس الله فكه منه هالاسبوعين هههههه خلني ارجع لرسوماتي احسن
......................................
بيت أبو محمد
(كان محمد وامه وهبه قاعدين في الصاله يسولفوا )
ام محمد : كان قعدت معاهم الين مايركبوا الطائره
محمد:ههههه يمه مايرضوا ادخل معاهم اذا كنت مو مسافر
ام محمد: ههههه ايي والله نسيت
هبه : الكبر شين يمه هههه
ام محمد : استحي ي بنت
هبه : ههههههه
ام محمد: صحيح شخبار اللي صدمته ..ما كملته ؟
محمد : زين ذكرتيني يمه ..الحين بتصل عليه
ام محمد: الا وش اسمه .
محمد: سيف الــ....... "رفعه سيف " هلا سيف
سيف: هلا والله محمد
محمد:شخبارك ؟؟ شخبار يدك ؟
سيف: لا الحمدلله تحسنت..وبعد بكره ان شاء الله بيشيلوا الجبس
محمد:الحمدلله ...صحيح مافقدت شي هههههه
سيف : لا مافقدت
محمد:ومفاتيحك مافقدتها بعد ههههههه
سيف : اووه هههههه الافقدتها بس ماركزت ابدا لان أصلا ما استخدمت السياره
محمد:طيب يمديك الليله اجيبهم لك ومنها اشوفك
سيف:اووكيه بس ع الساعه كم بتجي ؟؟
محمد: اكيد بتصل لك قبل
سيف : اووكي ..حياك الله في أي وقت
محمد: اووكي اخليك الحين ...مع السلامه
سيف: مع السلامه
................................
في الطائره
(استقروا وأخيرا وكانوا جالسين من اليسار
خالد .. ليلى ...ام خالد...نوف.... فهد)
ليلى: خالد
خالد اللي كان سرحان بس انتبه : هلا
ليلى : شخبارك مع جمانه قول بصراحه طيب ؟
خالد:تبغي الصراحه ...نص مرتاح ...ماتعطي وجه دائما..تدري ان في هالاسبوع ولا مره طلعنا من بيت خالتي
ليلى باستغراب:والله ؟؟
خالد:والله واذا كنا قاعدين اغلب الوقت بس انا اللي اسولف بس تصدقي انا متيقن ومتأكد ان فيها شيهو اللي مخليها كذا ومتأكد بعد إني بغيرها ههههه
ليلى : اهم شي الثقه بس ترا ...
قاطعها خالد: تبغي بعد اصدمك اكثر
ليلى :ههههه قول اذا تحب
خالد:انها ولا مره اتصلت لي
ليلى : انا قلت لك انها كذا من البدايه
خالد: ايي عارف بس تصدقي انها اتججججججننن وملامحها جميله" وشدد ع كلمته"
ليلى: هههههه شكلك وقعت في غرامها
خالد:هههههه لا بعدني ...بس بعدني على كلامي انها بتتغير
ليلى : ان شاء الله ... طيب واذا ماتغيرت بتكمل وياها ؟
خالد:مانبغى نستبق الاحداث من الحين
" سكتوا شوي "
ليلى : بس اهم شي ما تاخذك منا بعدين
خالد: ليلوه وش هالكلام ....ومافيه احد يأخذني منكم ومره ثانيه لا تعيدي هالكلام اوكي ؟
ليلى بابتسامه: طيب
.............................
السعادة ليست حلم ولا وهم ولا بأمر محال بل هي تفاؤل وحسن ظن وصبر بغير استعجال \(^o^)
بيت أبو حسن
وفي غرفة ريم بالذات
(كانوا جالسين ريم وساره يسولفوا )
ساره :طيب ما بتقولي السالفه ؟
ريم بابتسامه : مو عارفه كيف ابدي السالفه
ساره :ههههه قولي عادي
ريم:بس بدون زعل
ساره :ههههه طيب
ريم :اممممم ..ابغاك تزيدي جرعة الدلع والحلاوه على حسن
ساره انصدمت : بس الله وش فيك
ريم : ايي اهتمي بنفسك أكثر ...اني ادري انك مهتمه بس زيدي
ساره باحراج : ههههه بس ليش جايبه طاري دا الموضوع
ريم : تبغي الصراحه
ساره: ايي اكيد
"سكتت ريم "
ساره نزلت راسها : فهمت عليك ما يحتاج تكملي ...اكيد سمعتي ان امك تتكلم على انها بتزوج حسن ...اني حاسه بالموضوع من زمان بس ساكته ..وش اقدر اسوي هذا قضاء الله وقدره
ريم حضنتها : سارونه والله مو قصدي اضايقك وترى اني واثقه في حسن مستحيل يوافق
ساره وهي تبكي : والله تعبانه من هالموضوع وهالشي مو بيدي والله واني في فترة علاج الحين
ريم : الله يرزقكم ان شاء الله بس لا تبكي والله قطعتي قلبي
( الا بدخول حسن عليهم )
حسن : بسم الله وش فيكم "انتبه لساره وراح لها على طول " وش فيك سارونه ؟
ساره تمسح دموعها وبابتسامه : مافيني شي
حسن : ريمووه وش سويتي في سارونتي
ريم :ههههه ماسويت شي
ساره :اييي هههه ما سوت شي بس قلنا سالفه وتأثرت فيها
حسن ونظره لريم : طيب
ريم : ليش كنت جاي ؟
حسن : كنت بأخذ سارونه وبنطلع نتمشى
ريم تسوي نفسها مسكينه : طيب أخذوني معكم
حسن : لا مانبغى ضيوف
ساره : ليش خليها تجي معانا
حسن بابتسامه : دام تبغيها معانا خلاص تم ..فديتك بس
ريم: احم احم
حسن :اممم يالله انتظركم برا مو تتأخروا
ريم :ههههه طيب
...................................
في الليل
الساعه عشر ونص
بيت جدة تركي
(كان بس تركي قاعد في الصاله يشاهد)
تركي: اووف...والله ملل ..ابدا مو حاله دي
ال بدخول سيف ومعاه اخته وامه
تركي وقف: وأخيرا جيتوا
سيف :ههههه
فتحت ام تركي وجهها وكان فيه آثار انها كانت تبكي
تركي: يمه وش فيك ؟
ام تركي بابتسامه : مافيني شي
الجده : مافيها شي ..بس الحرمه اللي جايين من عندها تعبانه مره وتعرف امك تتاثر بسرعه
ام تركي : والله عورت قلبي من يصدق ان يصيبها كذا
الجده : لا اعتراض على الله
ام تركي: والنعم بالله
تركي: وانت خالي حصلت مفتاح سيارتك
سيف: ايي كان عند محمد اللي صدمني وجابه لي المغرب
تركي: اووه زين عجل انك حصلته ...ومتى بتشيل الجبس.؟
سيف: بعد بكره
تركي: على خير
ام تركي: ها يا عيال وش تبغوا سحور اول ليله رمضان
سيف/ انا بصراحه مشتهي كباب
تركي/ انا عادي أي شي اهم شي اشبع ههههه
الجده : انت مايشبعك الا المكرونه ههههههه
تركي : هههههه وبالذات اذا كان من تحت يدك
الجده:ولا يهمك اسوي لك بس اهم شي لا تنام
سيف : ايي لا تنام يالدجاجه
تركي/ هههههه لا مو نعسان فما بنام
سيف: انزين قوم ابغاك في سالفه
تركي: يالله قوم
"راحوا لغرفة سيف"
تركي : تفضل
سيف:كلمت سلمى ترا
تركي باستغراب: احلف
سيف/والله
تركي:وش قالت ؟
سيف:طبعا انكرت السالفه وبعد محاولات اعترفت " بابتسامه" بحبك
سكت تركي
سيف: طبعا وصتني ان مااقولك او أوصل لك فيعني اللي عليك ما تبين انك تدري
تركي:اكيد ماراح يبين ان ادري
سيف: والله وطلع عندك معجبين هههههه من يصدق تريكان عندخ معجبين ههههههههههه
تركي: ليش وش ناقصني
سيف: هههههه مو ناقصنك شي بس انت ماتعطي وجه عدل ههههههههه
تركي بصوت عالي:خااااااااااالي
سيف: ههههههههههههههههههههههه خلاص خلاص
......................
في صلاله
في الفندق
(توهم العائله راجعين من المطعم )
نوف: خلاص تكسرت من المطار للفندق للمطعم
ام خالد: هذا السفر ولا تتكلمي
ليلى :ههههه زين تسوي فيها
فهد: انا بعد ميت نعس
ام خالد: ناموا قبل الاذن بشوي بقعدكم علشان تاكلوا لكم شي علشان الصيام
فهد: أيي ان شاء الله "وقف" تصبحوا على خير "وراح للغرفه"
ام خالد: وانتوا يا بنات ما بتقوموا
نوف: الا بس لازم نعرف جدول بكره هههههههههه
خالد: ولا يهمك آنسه نوف ...الجدول بكره مرره ممتلي ههه ان شاء الله بس تقدروا مع الصيام
نوف:ولا يهمك نقدر ..الله لا يحرمنا منك يااحلى اخو "باست خده وراحت للغرفه "
خالد: هههههه مجنونه هالاخت ..يمه عادي عندك بتكوني مع خواتي ثنتينهم المزعجين والا تبغي غرفه لوحدك
ام خالد: لا والله مايحتاج غرفه لوحدي ليش المصاريف بعد
خالد: يمه وش قلت لك لا تهمك المصاريف في ولا شي في الحياه
ام خالد: الله لا يحرمنا منك ...بس عادي ترا هم كبار مو صغار علشان تقول مزعجين ههههههه
ليلى: ايي خليها ويانا من زمان مانامت ويانه في غرفه وحده
خالد:ههههه انزين خلاص اكلتوني هههه ...يالله اخليكم تصبحوا على خير
ليلى وام خالد: وانت من اهله
(دخل خالد الغرفه اللي بيشترك فيها مع فهد )
خالد: مانمت ؟؟
فهد: مو عارف انام بدون سريري
خالد:هههههه
(انسدح خالد ع السرير بعد ما بدل ملابسه ومسك جواله )
خالد يكلم نفسه : اكلمها او لا ؟ بس المفروض هي تسأل ...هذا اذا كانت مهتمه أصلا ...مااراح اكلمها واصلا انا ميت تعب وماعندي قدرة للكلام
........................................