ဒန်နရယ့်ဘေးမှာ သစ်ကိုင်းများ သစ်ရွက်များအပြင် ရှိရှိသမျှ အရာအားလုံး ရေဘ၀ဲတစ်ခုကို ချာချာလည်နေကြသည်။ ပြင်းထန်သော သဲမှုန်များကြောင့် မျက်စိကိုဖွင့်၍မရနိုင်သလို စူးရှသော လေသံကြောင့် နားတွေအူနေသည်။
ဘာဖြစ်နေသည်ကို မသိသလို ဘယ်ရောက်နေသည်ကိုလဲ သူမခန့်မှန်းနိုင်။
သေချာသည်ကတော့ မုန်တိုင်းကြားမှ စက္ကူစတစ်ခုလို ဒန်နရယ် ကောင်းကင်ပြင်မှာ လွင့်မြောနေခြင်းဖြစ်သည်။
အချိန်အနည်းငယ်အတွင်းမှာပင် တစ်စုံတစ်ခုနှင့် ပြင်းထန်စွာ ကိုင်ဆောင့်မိသလို နောက်သို့အရှိန်ပြင်းစွာ ပြေးဆောင့်မိပြီးမှ ရှေ့သို့ပြန်ယိုင်ကျကာ မြေပြင်ပေါ် မှောက်ရက်ပြုတ်ကျသွားခဲ့သည်။
ဒန်နရယ်၏ ပထမဆုံးအသိမှာ မခံမရပ်နိုင်အောင် နာကျင်မှုဖြစ်သည်။
ကိုယ်ခန္ဓာထဲမှ ရှိသမျှ အရိုးများကို တစ်ချောင်းစီကိုင်ချိုးထားသလို စူးအောင့်နာကျင်မိသည်။ နားတွေအူနေကာ ခေါင်းတစ်ခုလုံးလည်း မူးနောက်နေသည်။ ကျောက်ပြင်နှင့် ဆောင့်မိသော နဖူးထောင့်နေရာမှ သွေးများ ကျောက်တုံးတစ်ချို့ပေါ် တစ်စက်စက်ကျနေသည်။
လက်နှစ်ဖက်ကို အားယူထောက်ရင်း ထထိုင်ရန်ကြိုးစားမိပေမယ့် စူးရှသော အလင်းတန်းများကြောင့် မျက်စိကို ပြန်မှိတ်လိုက်ရသည်။
တောက်ပသော ငွေရောင်တောင်ပံတစ်စုံကို သူ မြင်လိုက်ရသလိုရှိသည်။
"မင်း ငါ့ကို ဘာလာနှောင့်ယှက်ပြန်တာလဲ မြေနတ်သား.."
"ဘယ်တွေကို အလောတကြီးသွားနေလို့ ကိုယ့်ညီအစ်ကိုအချင်းချင်းတောင် မနှုတ်ဆက်နိုင်ရတာလဲ လေနတ်သားရာ.. ဒီနေရာကိုဖြတ်မှတော့ ကျုပ်ကိုလဲ သတိရဖို့ကောင်းပါတယ်.."
ငွေဆည်းလည်းသံလို ကြည်လင်နေသော အသံများကို ကြားနေရသည်။ ဒန်နရယ် နောက်တစ်ကြိမ် ကြိုးစားပြီး မျက်စိဖွင့်ကြည့်မိသည်။
သူ့ရှေ့မှ ပုံရိပ်နှစ်ခုမှာ အလင်းတန်းများကြောင့် ကောင်းမွန်စွာ မမြင်ရဘဲ ၀ိုးဝါးနေသည်။ သေချာသည်ကတော့ သူနှင့် ခပ်ဝေးဝေးနေရာတွင် ငွေရောင်တောက်နေသော တောင်ပံတစ်စုံနှင့် သန္တာကျောက်ပွင့်တစ်ပွင့်လို နီညိုရောင်သန်းနေသော တောင်ပံ တစ်စုံရှိနေသည်။
ESTÁS LEYENDO
Black Angel ( S - 1 )
Fantasía(Unicode & Zawgyi) - - - မင်းတို့လူသားတွေမှာ နှလုံးသားမရှိဘူး ဒန်နရယ် - - - Cover Design - Leo Bee
