يغـار ويسـعد احـساسـي بهالــغيرة واحـس أنـي لقــلبك موطـن وديـرة

3

[{ البارت الثالث }]

حدها خايفة عليها صارلها تقريبا ربع ساعه تطق الباب عليها .. التفت للبنات وشافت يدها يطالعها وطالعته بحزن ولفت على الباب وحاولت معاها مرة ثانية

الجازي : تكفين بسمة تكفين ابي افهم شصاير معاج
بسمة ببكى : الجازي انتي الي تكفين روحي مابي اتكلم
الجازي : ماتبين تتكلمين معاي ؟
بسمة : مو قصدي بس حدي تعبانه
الجازي : طيب طلعي من الحمام لا تصيحين تييج الشياطين

بسمة من سمعة طاري الشياطين فتحت الباب وابتسمت لها الجازي بسمة من شافت الجازي ارتمت بين احضانها وهي تصيح وتبكي .. فصختها الشيلة مادام مافيه شباب .. وعمامها لاهيين .. والبنات مع اليد .. قالت بتطلعها برا وتفهم منها كل شي .. بس الي ما حسبت له حساب الي كان يطالعها بعمق ويحاول يفسر كل شيء !

طلعتها برا وودتها الحديقهـ .. قعدتها على الكرسي وحاولت تهديها .. لين ما هدأت

الجازي : قوليلي شقالج يدي وخلاج تصيرين جذي
بسمة تحاول تتكلم بس ماقدرت
الجازي بخوف : شقااااالج ؟؟؟
بسمة بلعت ريجها : قالي بيطرشني برع عند اخوي هيثم عشان اكمل دراستي .. يقول اني لازم احصل شهادة ادارة اعمال عشان اقدر اشتغل بالشركة
الجازي رفعت حاجبها وطقتها بقوة : انا عبالي عندج سالفة ..
بسمة : شلون ماعندي سالفة .. ادارة اعمال يبيلها 4 سنين .. معقولة تبيني ابعد 4 سنين عن بندر الي ما اقدر اصبر عنه دقيقتين
الجازي بقهر : ياااااا ربي رديناا لبندر هذاا .. ياربي شمسوي فيج ساحرج ؟؟؟ ... خلاااص جوفي حياتج ماله داعي كل هالتعقيييد
بسمة صاحت : احبه والله احبه
الجازي حطت يدها على شفايف بسمه : آششش ولا كلمة .. ويلا الحين جدامي تروحين تقولين ليدي انج موافقة
بسمة بقهر : بس انا مابي
الجازي بعناد : لا تبين .. واعتقد ان بندر ماراح ياخذ وحده ماعندها الا شهادة ثانوية ؟؟
بسمة انصدمت من كلامها .. اي صح .. شلون ياخذ وحده عندها شهادة ثانوية وهو جامعي .. اكيد يبي وحده جامعية : اووكييه الحيين رايحهـ لهـ
الجازي ابتسمت : لحظة اول خلينا نروح نشوف الارانب ما أكلناهم
بسمة طقت جبهتها : أوهه صح زين ما نسينا
الجازي قامت وقربت صوب بسمة ومسكت يدها وراحوا للارانب وهم يضحكون

اما هو رجع للمجلس وبسرعه على غرفته .. دخلها وشاف ام جاسم منسدحه على السرير قعد واطلق زفرررة طويلة .. ام جاسم حست انه فيه شي

الجده : خير يا بوجاسم ؟
الجد تأفف : الخير بويهج بس اليوم عرفت شي مو زين
الجده باستغراب : امداك .. شعرفت بعد ؟
الجد تأفف مرة ثانية : بسمة يا مزنة بسمة
الجده باستغراب : شفيها مزنه ؟
الجد رفع عيونه لها : تحب بندر
الجده حطت يدها على قلبها : وي غبره شنو ما تستحي على ويها .. ومن حبت ؟؟ بندر ؟؟ بندر ولد جاسم ؟؟
الجد : هدي اعصابج يا مرة الحب موب عيب بس هي اختارت واحد مو مناسب لها كلش مو مناسب .. شسوي بهالمصيبة
الجده : والله ما ادري مخي مقفل .. بسمة هالبزر صارت تحب بعد
الجد ابتسم : انا لازم الاقيلي دبرة وبسرعه