يغـار ويسـعد احـساسـي بهالــغيرة واحـس أنـي لقــلبك موطـن وديـرة

9

[{ البارت التاسع }]

سماح : اي خلينا نسويه ف الصالة
سارة : اي احنا بنسويه بالصالة بس لازم نخبر كل العايلة
سماح : انزين المفروض نشغل الجازي عشان ماتحس بشيء
سارة : انشغالها راح نلقى له فرصة بس اهم شي هالليلة تتم على خير
سماح : وآآي مو مصدقة ان باجر بتكبر وبصير عمرها 28 سنة
سارة : هههههههههههههههه جججوجو مهما كبرت تظل بزر من برائة ويههآ
سماح ابتسمت : أم الكل
سارة : هههههههههههههههه اي والله
سماح وهي توقف : اوكييه عيل انا بقوم شوي
سارة باستغراب : ويين ؟
سماح بطفش : ابي اطلع شوي الحدييقة
سارة : بيي معآآج
سماح : أوكييه

,,

بــآريــــس

فتح عيونه وهو حده تعبان .. التفت للجهه الثانية وابتسم .. قرب صوبها وباس خدها بهدوء .. فتحت عيونها الرمادية وهي تبتسم ..

فراس بفرحه : صباح الخير حبيبتي
ريهام ابتسمت وهي تتثاوب : صباحي حبيبي
فراس : ههههههههههه فديتج والله
ريهام وهو تقوم : بسوي فطور
فراس بحركة سريعه حضنها من ظهرها وانبطح على السرير : وين ماشبعت منج
ريهام بحرج : فرااس اتركني
فراس بعناد : مافيه
ريهام : فراااس بلاا مبزرة بلييز هدني
فراس : هههههههههههههههههههههههه
ريهام : شاللي يضحك الحين ؟
فراس : ههههههههههههههههه نبرة صوتج جنه ياهل يترجى
ريهام تضحك بسخافة : ه ه ه ه ه سخيف
فراس باس رقبتها : معاج اصير احلى سخيف
ريهام : ههههههههههههههههههههههه
فراس فكها : يلا روحي
ريهام بعناد : مابي
فراس بنص عين : قوومي .. المرة السنعة تسمع كلام زوجهآ
ريهام وهي تقوم : ههههههههههههههههه وانا خوش مرة سنعه

,,

الجازي وآثار الصدمة على وجههآ .. ووجهـ بندر الجـآمد لأن يعرف ان هالموضوع رآح ينفتــح معــآهم
الجد بابتسآمه : شقلتو ؟
الجازي وبندر لا رد
الجد : شفييكم ؟
الجازي بلعت ريجها : يعني يدي وايد فاجئتنآ
بندر : صح .. قرارك ما حسبنا له اي حساب
الجد بحده : يعني مو موافقين
بندر بسرعه : احنا ماقلنا مو موافقين
الجازي التفت له
بندر يكمل : بس احنا تفاجئنا
الجازي هزت راسها
الجد : لا تتفاجئون ولا شي انتوا تعرفون اني احبكم اكثر من الكل واتمنى لكم الخير وانا أشوف انكم مناسبين لبعض
الجازي بلعت ريجها ونزلت راسها
بندر تنـهد ونزل راسه
الجد ابتسم : افهم من سكوتكم انكم موافقين ولا شلون يا بوجاسم ؟
بندر والجازي رفعوا راسهم لهـ
الجد يقف بعصاه : ان شاء الله الاسبوع الياي الملجه والاسبوع الي بعده العرس الف مبروك
الجازي كانت بتتكلم بس الجد راح وهي مع بندر لوحدهــم
الجازي نزلت راسها بحـرج
بندر التفت لها وهمس : مانقدر نغير رايه
الجازي بهمس : ادري
بندر بنفس همسها : يعني انتي موافقة ؟
الجازي رفعت راسها وتلاقت عيونها بعيونه : مانقدر نغير رايه صح
بندر هز راسه : ادري بس انا ابي اعرف انتي موافقة ؟
الجازي تذكرت بسمة ووقفت وهي تمشي تفكر بردة فعلهـآ
بندر تأفف وهو يراقبها تختفي من أمامهـ وقف ونزل وراها همس لها : بنروح الشركة
الجازي وقفت متصلبة ماحسبته وراها وهو وقف ويبتسم قالت بتوتر : ان شاء الله
بندر مر من جدامها بدون ما تحس : انطرج بوصلج اليوم ومافيه تشردين
الجازي ابتسمت رغما عنها : ان شاء الله
بندر ابتسم ونزل والجازي لا زالت متصلبة بمكانها .. حست على نفسها وراحت