يغـار ويسـعد احـساسـي بهالــغيرة واحـس أنـي لقــلبك موطـن وديـرة

2

[{ البارت الثاني }]

بسـمة انصدمت من قراره .. كانت بترد بس سكتهآ

الجـد : انتي فكري بالموضوع ورديلي خبـر
بسمة شتت انظارها وطاحت عيونها بعيون بندر وشالتهم بسرعه وقالت بصوت يالله يالله ينسمع : ان شاء الله

قامت من عنده وراحت عند البنـآت وهي منصدمة من قرار يدهـآ

الجازي باستغراب : شقالج ؟
لين : ما تتحجين
الجازي : بسمة ؟
بسمة : ............
سماح قربت صوب اذونها وصرخت : بـــســــمـــــــــة
مشعل تدخل : هييييه هييييه شنوو سمعتي الجيراان
سماح بقهر : انت تنجب وما تتكلم طير عن ويهي زين
مشعل فتح عيونه : وعووو .. جووف من تتكلم البــزر
سماح بقهر : جب جب انا مب بزر يالحمـآر
الجد قاطعهم بصرخه هزت البيت : بـــــــس
سماح ومشعل سكتوآ
الجد بقهر : انتو شفيكم يهال ما تكبرون شلون جذي تتحجون بهالاسلوب مع بعض ؟. انتوا عيال انتوا ..؟ ان سمععتكم تتكلمون جذي مع بعض والله ماتلومون الا نفسكم
بوجراح بغضب : يا ولد .. كلم بنت عمك مرة ثانية زين
مشعل هز رآسه وهو مقهور وطالع سماح وهي تبتسم بخبث
بـوريان : وانتي يا سماح مهما يكون هذي ولد عمج
سماح راحت عنها الابتسآمه وشافت مشعل يبتسم وانقهرت ولفت للبنـآت وشافت الجازي للحين تهز بسمة بس ما تتكـلم

بسمة استوعبت : هآآه هآآآه
لين باستهزاء : صباح الخير والله
سارة : شفييج ؟
بسمة بلعت ريجها ونزلت دموعهآ
الجازي تخرعت وحضنتها : بسووم شفييج ؟؟
سارة بخوف : بسم الله الرحمن الرحيم
سماح قربت : بسووم شفييج شقالج يدي عشان تصيحين جذي
الجـد قاطعهم : خلوها على راحتها انا اقترحت عليها وهي قالت بتفكــر لحد يتدخـل

بسمة قامت وهي تطالعهم بألم ودخلت الحمآم وسكرت على نفسها .. الجازي كانت بتروح لها بس عصاة جدها وقفت لها بالمرصاد .. الكل صار يطالع المشهد بصدمه والجازي ما كانت اقل منها صدمة وهي تطالع العصا ومنصدمه .. رفعت عيونها وشافت يدها مغمض عيون .. بلعت ريجها وابتعدت خطوة وقالت بترجع محلها بكرامتها .. بس وقفها صوته وطلب منها تجي تجلس عنده

الجـآزي نزلت راسها بس قالت بثقة : ان شاء الله

الكل تعجب ثقتها بنفسها .. البنت الي يناديها بندر بنت جاسم تتوتر ووتعلثم وتصير فيها كل الامراض النفسية قبل لا تروح له وهذي تروح له بثقة وببرودة اعصاب .. قعدت يمه وهو حط يده على يده وابتسم في ويههآآ

الجـد : يالجازي .. انا الي اخترتلج اسمج لاني من لما جفتج وانتي صغيرة دخلتي قلبي وقلت ان هالبنت راح تكون قول وفعل .. راح تكون قوية وايد وشخصيتها قوية .. وما خاب ظني فيج .. انتي اقوى خواتج وبنات عمج .. انتي شخصيتج الاقوى والانضج .. تساعدين الكل والكل يلجأ لج .. ودي اخبرج بقراري وان شاء الله يعجبج
الجازي تداركت الوضع : يدي قصدك اقتراحك صح ؟
الجـد ابتسم لها وسكت لفترة .. بندر انصدم من جرأتها ؟. شلون تقوله جذي وهو الي ما ينرفض له طلب وشلون جدهـ
الجـد بعد صمت طويل : طيب على راحتج .. شرايج تشتغلين بالشركة
الجازي انصدمت وبنـدر ما كان حالهـ احسن منهآ
الجازي بصدمه : نعـم ؟
بوريان : يبه انت شتقول ؟؟
الجـد : الي سمعتوه انا ابي الجازي تشتغل بالشركة وتكون وحده من اعضاء مجلس الادراة
بـندر تدارك الوضع وقال : يا يـدي الجازي ما تفهم بادارة الاعمال شلون تبيها تشتغل معانا ؟
الجازي انقهرت منهـ وقالت بثقة واسلوب جذاب : الناس يتعلمون يا ولد عمي (كلمت يدها ) .. يدي انا موافقة بس من الي راح يعلمني ؟
الجد ابتسم وحط يده على كتف بندر : كنت واثق انج ماراح تردين لي طلب .. والسبع بندر هو الي راح يعلمج
الجازي ابتسمت : كل شي لعيونك يالغالي يهون وان شاء الله ما اعذب بندر
بندر ابتسم : ان شاء الله
ريان بمرح : ههههههههههههههه يه يه جوجو بتشتغل معانا بالشركة .. ولا بتكون تحت يد بندر لا بالله اختي راحت فيها
بندر ابتسم : شله باذبحها ؟
الجازي بغرور : وباصير احسن منك ومن غيرك .. انا مرة عن الف ريال
ريان باستهزاء واشر على ويهه : هذي ويهي ان ما مليتي من ثاني يوم
الجازي بنضرة واثقة : انا لما ابتدي شي لازم اخلصه .. يلا يدي باروح للبنات
الجد ابتسم : الله يوفقج
التفت لبندر الي يطالعه بنظرات غريبة وكأنهـ يستفسر !
الجد ابتسم : لا تسألني عن شي الحين مع الايام تفهم
بندر عقد حواجبهـ وسكـت