يغـار ويسـعد احـساسـي بهالــغيرة واحـس أنـي لقــلبك موطـن وديـرة

20

[{ البارت العشرون }]

بصوته الرجولي : السلام عليكم
التفتوا الكل عشان يردون السلام وانصدموا من البنت الي يمه ولا ماسك يدهــآ
وقفت ام بندر الي هي ام فراس : من هذي ؟
ريهام بلعت ريجهـآ
فراس طالعهم وهو يبتسم : زوجتي !!!!
الخبر كالصاعقة نزل على الكل
لين وسارة وسماح بفهاوه : زوجتك ؟
الجد وقف وهو مركز عيونه بعيون البنت : تزوجت يا فراس ؟
فراس خذ نفس عميق وهو يشد بالمسكة على يد ريهام : اي يدي
الجد للحين يتأمل عيونها الخايفة وتمتم : تعالوا تفضلوا
فراس سحبها مثل اللعبة والكل قام وجلسوا في الصــآلة
الجد بهدوء : متى ؟
فراس نزل راسه : من 3 شهور
الجد طالع البنت باستغراب : وين شايفج ؟
ريهام بلعت ريجهــآ وماقدرت ترد وهي تمسك فراس باقوى ماعندهـآ
ام بندر ما انكرت ان البنت عجبتها بس للحين شايلة بقلبها على ولدهـآ
سارة بصوت خافت : وربي تهبل
سماح بنفس همسها : اي والله
فراس : انا صحيح غلطان لاني ما قلت لكم بس انجبرت
الجد وكأنه بدى يتذكر : انت بنت خالد الشاعل ؟
ريهام بصدمه وهي ترتجف : ايهـ
الجد وعلامات الفرحة بدت على ويهه
ام بندر : شصاير يبه
بوبندر وملامح العصبية للحين على ويهه : خير يبه
الجد وقف وهو يمسك بيد ريهام ويوقفها معـآه : امج غالية بنت جاسم ؟
ريهام هزت رآسهــآ
الجد ضحك بضحكة عريضة وهو يحضنها : يا هلا ببنت اختي الغالية
ريهام انصدمت : اختك ؟
الكل شهق : اختــــك ؟
الجد ابتعد وهو للحين ماسك يد ريهام : اي .. غالية الله يرحمهــآ .. هذي بنتها .. لما تزوجت خالد الشاعل ابوي عصب عليها .. وبعدين خالد خذها وسفرها برا البحرين .. وهذي بنتهــآ
ريهام للحين منصدمه
لين حبت تلطف الجو : والله يا فريس طلعت ماخذ بنت اخت يدك
الكل ضحك على هالتعبير: هههههههههههههههههههههه
فراس الي كان مصدوم مسك يدها : وهذي بنت يديدة انضميت للعايلة
البنات كلهم قاموا وسحبوها وقعدوهآآ معآآهم وبدوا يتعرفون عليــهآآ

’’

لنــــدن

بسمة بفرحة : اخاف نسيت شي
هيثم : هههههههههههههههه لا ما نسيتي شي يلا امشي بس
بسمة وهي تطلع : يعني باجر بنوصل
هيثم : ان شاء الله بس انتي لا تحنين
بسمة هزت راسها : ان شاء الله

,,

البحـــرين

صبـــآح يـــوم جديـــد .. الكـــل مســتآنس عــلى رجعـــةة بســـمة وهيـــثم .. الا الجـــآزي المـتــوترة .. وبــنـدر بدى يلآحــظ تــوتــرهــآ ..

بسمــة وهي مآآسكــة ايد اخوهــآ .. دخلوآآ للقصــر .. والكل بدى يسلم عليهم بحرآرةةة

بسمة بتسآئل وهي فرحانه : وين الجازي
لين رفعت عيونها : اكاهي ياية
بسمة رفعت عيونها للدرج وشافتها ماسكة ايد !! .. اي هذي ايد بندر .. بطلت عيونها على وسعهم وهي مو مستوعبة شي .. الجازي وبندر !!

الجــآزي قربت وهي بالعة ريجها : الحمدالله على سلامتج حبيبتي
بندر بابتسآمه : الحمدالله على السلامة بسمة
بسمة تطالعهم بصدمه وقالت : الله يسسسلمكم .... ( ورجعت تطالع الجازي بحقد )
قرب الجد وهو يضم بسمة : الجازي وبندر تزوجوآآ
بسمة وكأن احد صب على راسها ماي .. طالعت الجازي بألم وابتسمت : مبروك
بندر وهو يمسك ايد الجازي المرتجفة : الله يسلمج
الجازي نزلت عيونهآآ
بسمة ابتعدت عن يدها واستأذنت وراحت غرفتها .. الجازي راحت وراهااا .. فتحت الباب وشافتها تصيح
الجــآزي: بسمة
بسمة بصراخ : شتبيين ؟
الجازي راحت بسرعه وسكرت الباب ورجعت لها : بسمة سمعيني ؟
بسمة بصراخ : هديني بروووحي .. هديني بروووووحي
الجازي بصراخ : ماراح اهدج قبل لا تسمعيني ؟؟
بنفس الوقت بندر كان مار من باب غرفتها وسمع الجازي تصرخ ووقف
الجازي : انا منجبرة على هالزواج .. انا مابي بندر والله ماحبه والله ماحبه شلون تبيني اخونج شلوون ؟
بسمة بصياح : ليش مارفضتي ؟
الجازي : ما كان بايدي !! والله ما كان بايدي ! .. يدي جبرني
بسمة قعدت تصيح والجازي قربت وحضنتهآآ وهي تحــآول تهديهآآآ
بندر انصدم من كلامها .. ويحس ان كل شي بدى يسود بويهه .. كله كوم وكلمتها الي ترن في عقله " انا مابي بندر والله ما احبه " " انا مابي بندر والله ما احبه " " انا مابي بندر والله ماحبه " .. ابتعد عن الغرفة وراح بسرعه لجنآآحهم .. دخل الغرفة وكسر كل شي جدامه .. وشيآآطينه بدت تطلع .. انقهر .. وانجرح .. وانصدم .. مشاعر غريبة تعتلوه .. انجرح من الي حبها قلبه .. عمره ماتوقع ان يسمع منها هالكلمة.. هو يدري انها ما تحبه .. بس كان يبيهآآ تحبه .. طاح على الارض وهو يشد على يده المقبوضة !

,,

ريان ومشعل قاعدين جدام يدهم وهو متوترين حــدهــم

الجد بضحكة : شفيكم ؟
مشعل : انا يايك بموضووع
ريان :وانا بعد
الجد : خير ان شاء الله
الجده : علامكم هههههههههههههههههه
ريان بتوتر : يدي انا يايك وابي طلب مهم ياريت ما تردني
الجد : قوول
ريان بلع ريجه : ابي سارة
مشعل بسرعه : وانا ابي سماح
الجد ضحك : ههههههههههههههههه الحمدالله انها يات منكم
مشعل : يعني كنت مخطط
الجد : افا علييك
ريان بضحكة : يعني موافق
الجد : اكييد وانتم رياييل والبنات يستاهلون
ريان ومشعل طالعوا ببعض وضحكوا ببلاهه وقاموا وباسو راس يدهـــم وهم يشكروونه

,,

ريهــآم بضحكة : تصدق للحين مو مصدقة ان يدك خالي !
فراس وهو يحضنها : صدقي صدقي
ريهام : تدري اني ارتحت لاني حسيت ان وراي اهل وماراح يهدوني
فراس باسها بين عيونها : احبج موت
ريهام نزلت عيونها : في شي ابي اقولك اياه
فراس :1!!!!

,,

طلت من الشرفة بعد ما انزعجت من الحجر الي ينقط على الدريشة .. انصدمت بوجوده !!

انتهى البارت