الفصل الخامس
"الله كريم.. حُبك يكون، همي القديم.. وجرحي القديم.. والله عليم.. يا أحلى العيون! ان الفراق، جزا الفراق .. ابوعدك! كان الطريق بيبعدك! بامشي الطريق.. وكان الجحود بيسعدك! مالي رفيق.. ابجمع اوراق السنين .. و اودعك! كان الفراق الي تبين! الله معك..."
كنت امشي بشوارع الرياض بدون هدف، وفي نص الليل! كنت مصدومه من بجاحه الحياه وحقارتها، ما الوم ناسها، ما الوم راي واختي "العاهره" ..
انا الوم الحياه، قسوة الحياه، الي مافيها ذرة حنان!
مشيت ومشيت ومشيت.. لكن! لا شيء ، انا ماشيه بإتجاه اللاشيء، انا اللاشيء..
.. : ياححلو عطنا وجه!
كنت اطالع ببلاهه، بدون هدف، بدون حتى مااخاف من السيارات الي التفت حولي! الي مليانه ذياب بشريه..
.. : ياهوه شكلك متضايقه! تعالي نروقك..
كان يضحك لي بغباء، هههه اغبياء هالجنس ياربي! كل همهم يشبعون ، بس يبغون شبعون، زي الهمج زي الحيوانات الي مايردعهم رادع، لادين ولا حاجه! ايوه بالضبط..
ماحسيت الا السيارات زادت! وكانوا ٤ جيوب .. نزلت راي من وحده منهم وهي تركض لي ، وامرت رجالها ينزلون ..
راي : اتفاهموا معاهم باللهجه الي يفهموها!
نزلوا الرجال العريضين السمر وبيديهم عصيان! واشتغلوا جلد بالشباب..
كنت ساكته ولا كأني شايفه حاجه ، انا تعرضت لصدمه! تركتهم وراي وصراخهم مالي الشوارع ومشيت.. كنت اسمع احد يناديني بس مو مهتمه..
راي تمسكني : ميااسين!
مياسين التفت : ايش تبغين! ماكفاك الي سويتيه لسى جايه بتكملين؟
راي بخنقه : صدقيني انا غلطت ! سامحيني..
مياسين : واذا سامحتك ايش حيتغير!
راي : نظره عيونك تتغير..
مياسين : لاتظنين اني حبيتك! انا بس وثقت فيك.. وخذلتيني، شكراً جد علمتيني درس جديد بهالحياه!
راي : تعالي معاي! مارح اخليك تمشين بالليل لحالك!
مياسين بإستهزاء : لاتحسسيني انك مهتمه..
راي : بس انا فعلاً مهتمه!
مياسين بحده : مارح اجي! خليني لحالي..
راي بحده اكبر : بتجين!
اشرت لأحد رجالها وجاء من وراي وحقني ابره ع رقبتي، ما امداني اصرخ الا وانا طايحه..
.
.
.
من قلم راي :
حسيت اني احبها جد! ماطاوعني قلبي اجرحها واحكي لها من الاول! لانها بتصدني قبل حتى مااحاول فعشان كذا لما وريتها قد ايش انا صادقه معاها وحبيتها! قلت احكي لها عشان ماتتعلق فيني اكثر وتنصدم.. مياسين انا كنت اراقبك من شهور! من كنتي ببيت ابوك سعيده ومبسوطه، لحد هذيك الليله، اللي انا انقذتك فيها، بعدتك عن كل شيء ممكن يضرك، بعد الليله الي غيرت حياتك، لما دخلتي المصح، برضوا كان من تدبيري، عشان مايلاقوك وحتى لو لاقوك حيقولوا مريضه وماعليها شرهه، انا اسفه اني حكمت عليك بهالقدر ، بس انتي حكمتي على نفسك سجن مدى الحياه ..
"انا قديم الهم وانفع لعطفك، اما الهوى ياسيدي مركبه صعب.."
