Pangarap kong lumipad sa himpapawid
Sa matayog na tulay nais kong tumawid.
Sisisirin ang malalim na dagat
Sa matatarik na bundok tayo ay aakyat.
Pangarap ko ang libutin ang buong mundo
Na ikaw lamang ang kahawak ng mga kamay ko.
Kumabog man ng malakas ang aking dibdib
Balahibo ko man ay magsi-tindig
Mga tuhod man ay mangatog
Sa takot at kaba nab aka tayo ay mahulog
Kakapit lang ako sa iyong mga kamay
Ipagpapatuloy pa rin an gating paglalakbay.
Ipipkit ko ang aking mga mata
Sa iyong mga kapit hindi ako mag-aalala.
Kasama natin ang hangin at ang ulap
Sa pag-abotng matayog na alapaap.
Mga kamay na hindi kaylanman magbibitaw
Mga pusong ang saya ay nag-uumapaw.
Hawakan mo ako ng mahigpit
Hayaang tayo ay magdikit
'Wag kang bibitaw hanggang marating ang dulo
Hanggang malibot natin ang buong mundo.
Tayo'y maglalakbay at sabay na sisigaw
Pagmamahalang ito'y hindi malulusaw.
Saan man tayo dalhin ng hangin at tubig
Saan mang lupalop ng ating daigdig
Hindi ako mangangambang mawala
Pagkat sa iyong piling hindi ako magsasawa
Libutin natin ang mundo maging ang kalawakan.
Simulan natin dito sa tulang sa'yo inilaan.
-end-
