S-imbolo'y magmamarka at babaka(S),
U-ulan ng letra sa t(U)
L-a, ng makatang darata(L).
A-alingawngaw ang mga titik ng ab(A),
T-utugisin ang mga huwad na manunula(T).
P-ipilantik ang pluma sa alapaa(P),
I-inog ang salita sa mga lab(I).
L-ilipad sa daigdig ang mga maniniki(L)...
I-ipunin nila ang mga umaapoy na kaisipan ng ating lah(I).
P-upulandit ang tinta, pipikit ang taluka(P)!
I-init ang damdamin, hihiyaw ang mga ap(I)!
N-aroon ang Pilipinas namimintana sa kalangita(N).
A-nag-ag na sakbibi ng isang manunul(A)?
S-ulat! Sulong! Tukla(S)!
