البااارت الخامس والثلاثين(35)
لينا خافت عليهاا:حبيبتي بنادي راشد
حور بس سمعت اسمه خافت يدري ولا شي:حبيبتي لينا لاتنادي احد مافيني شي بس من قله الاكل
لينا مامشيت عليها الكذبه
:لاتكذبي قولي الحقيقه
حور عرفت ان لينا صادتها ومارح تقدر تتهرب منها :طيب بس لاتقولي لاحد وسنديني للغرفه
سوت لينا الي قالت لها عليه حور
وهم في الغرفه وحور منسدحه على السرير :حبيبتي انا لي فتره احس بالم ناحيه قلبي وخفت انه يكون شي كبير ورحت للدكتور من غير مايدري احد
لينا بخوف:طيب وش قالك
حور:قالي انه طبيعي بعد الولاده احس بهالاشياء لاني تعبت بسوسو مره وانتي تعرفي اجسامنا مومثل بعض عشان كذا احس بهالالم يعني شي طبيعي
لينا مشيت عليها وصدقتها:طيب قولي لراشد ولازياد
حور راشد مايبيني وزياد وده ينتقم مني:لا حبيبتي ماله داعي تخوفيهم ليون مابي احد يدري الله يخليك
لينا:يعني مو شي خطير
حور:لا مو خطير
لينا وهي تقوم:خلاص وعد محد يدري عنه ونامي وارتاحي لاتشيلي هم سوسو راح تكون معي
حور ابتسمت لها واول ماسكرت لينا الباب نزلت دموعها"شكله محد راح يفقدني غير رماح ولينا"
"طبعا كل الكلام الي قالته كذب ومافي شي منه حقيقي بس هي قالت كذا للينا عشان لاتخاف وماتبي احد يدري"
:تكذبي على مين
حور ابتسمت:هلا رماح
رماح ودموعها في عيونها:ليه ياحور ليه
وارتمت في حضنها تبكي
حور وهي تهديها وتمسح على راسهاا :خلاص رماح اهدي مو زين انتي حامل والله ان درى عبدالله انك بكيتي بسببي والله لايجي يذبحني
رماح وهي تحااول تتماسك :ومتى ناويه تفحصي نفسك انشاء الله
حور:مابي خايفه يكون شي كبير مابي انصدم خليني على عماي احسن
رماح برجااء:طيب انا اخلي زياد يفحصك
حور بحده:لا يارماح والله ان قلتي لاي احد انسي اني اختك والله يارماح مارح اسامحك
رماح حضنتها:حور مابي افقدك
حورطبطبت عليها :ولا انا بس زياد لا يارماح مو قادر يسامحني على شي سويته وانا طفله فمستحيل انذل له وانا بهالعمر ويالله اطلعي ابي انام
رماح:طيب بتركك تنامي لكن اوعديني انك تهتمي بنفسك
حور تبي تسكتها:ولا يهمك
طلعت رماح ونزلت لهم وهي عيونها حمرا من البكى
عبدالله انفجع عليها وراح لها :حبيبتي فيكي شي
رماح همست باذنه :ابي اطلع للحديقه خذني هناك
عبدالله سحبها وراح للحديقه
:ها حبيبتي ليه البكا
رماح وهي تتنفس بسرعه:حور تعبت ومحد حس ليه محد حاس فيها ليه البنت بتذبل يوم عن يوم ومحد قادر يساعدها حتى ماجد مو حاس فيها وبكت
عبدالله حضنها:حبيبتي اهدي شوي خليني افهم
رماح:عبدالله بقولك لكن اوعدني انك ماتقول لاحد وخصوصا راشد هو سر لها لكن انا ماتعودت اخبي عنك شي ولا ابي اخبي
عبدالله انبسط انه مخبأاسرارها:خلاص وعد
رماح:حور تعبانه تعبانه مره ومو راضيه لاتروح للدكتور ولا راضيه تتعالج تقول ماابي انصدم تخيل اختي راح يصير فيها شي ومحد حاس وانا ماقدر اتكلم لانها هددتني انه ماعد تعرفني ولا تكلمني قولي ياعبدالله وش العمل ورجعت لحضنه
عبدالله مصدوووم:بس لينا لما نزلت قالت لقيتها مصدعه ونايمه
رماح:ايه هي كذبت عليها بس انا عارفه حور تحس بهالالم من فتره طويله يمكن من سنه
عبدالله طبطب عليها:ولا يهمك بنلاقي لها حل المهم لايضيق خلقك حبي
رماح باست خده :شكرا ياعبدالله
عبدالله خق عليها:اقول خلينا نرجع لهم لاتصير علوم
رماح حمر وجهها خجل ورجعت معه وجلسو يتكلمو ويمزحو
