البارت الرابع عشر (14)
لينا :اوكي
وراحو لينا وزياد لغرفه لينا
زياد بتوتر وخوف:لينا اسمعي صح انا غلطت ومافي شي يصلح هالغلط بس
قاطعته لينا:زياد كلنا خطائون وخير الخطائون التوابون
بس انسى وابداء حياتك من جديد لاتناظر وراك عشان لاتتعثر بالي قدامك
زياد ولاول مره يعرف ليش ماجد يحب قعده البنات:لينا ايش اخبارك مع فيصل انشاء الله مرتاحه
لينا ابتسمت هه شكله ماعنده خبر:زياد انا انفصلت عن فيصل
زياد بصدمه:ايش ليه
لينا :لاتقلب المواجع المهم انا طلبت الطلاق وانفصلت عنه وانا مرتاحه الحين ولاتخاف مو بسببك بسبب غباءه
زياد راح قرب يمها كان نفسه يحظنها يطبطب عليها بس كان متردد مو متعود يحس اخواته بعيد عنه كثير بعيد لينا مااعطته المجال يفكر كثير على طول رمت نفسها في حظنه
وهوا استقبلها بكل حب وشد على ضمتها له
:زياد الله يخليك لاتتركنا انا محتاجتك صح انت غلطت بالي سويته مع رؤى بس خلاص انسى وابداء حياتك من جديد لاتتركنا الله يخليك
زيادحس باحساس حلو حلو الواحد يحس انه في احد يستناه ومحتاج له يحميه ويوقف جنبه
:خلاص مارح اترككم
لينا ببراءه:وعد
زياد بحب:وعد
:الله الله الله حب واحضان وغراميات واحنا بالبيت طراطير ها
لينا :وجع رعبتني والله خليتني اشك اني حاضنه اخويا
وجع في شكلك
ماجدمنقهر من زياد :وانتي من حضن لحضن ياانا يازياد مافي تفاهم بس انتبهي نلاقيك في حضن ابوي عاد ابوي يستقبلك بالعقال مو مثلنا بالأحضاان
لينا ركضت له وطاحت فيه ضرب
دخلت حور وبعدتها عن ماجد:هييييييييييييييييييييي يالخبله بعدي عنه جرحه لسه ماطاب
دخلت رماح تدافع عن لينا
:وانت يالثور بعد عنها يدها لسه ماطابت
زياد مو فاهم شي:خير وش الي صار
رماح وحور ماحبو يتكلمو لانهم مايستلطفوه ابدا
وذكرياتهم طين معاه فقررو يخرجو من الغرفه
ماجد علاقته في زياد شوي غريبه
مهم قراب من بعض ومايهتمو في بعض علاقتهم عاديه وطول الوقت يقطو نغرزات على بعض واهم شي بينهم ان مافي احد فيهم يتدخل في شؤون الثاني يعني مالهم علاقه بعض لابخير ولابشر كل واحد مكتفي بالي عنده ومو محتاج الثاني ماجد مكتفي براشد كااخ كبير وزياد مكتفي بنزواته وصياعته و......
"لكنهم يخافو على بعض بشكل جنوني يعني لوماجد صار له شي زياد يموت خوف عليه وماجد مايتحمل على زياد شكه الدبوس بس عمرهم مابينو لبعض هالشي ابدا بالعكس دايما يبينو لبعض العكس علاقه غريبه شوي ومتناقضه"
فا الي تكفلت بالرد كانت لينا الي الكل مستغرب من تعلقها بزياد واكثر واحد مستغرب هو زياد لانه اتوقع بعد الي عرفته لينا احتمال ماتعترف فيه كااخ لكن لينا صدمته
بانها بلعكس قربت منه اكثر مو فاهم ليش بس بيسألها
:انا انحرقت يدي قبل اربع ايام وماجد واحد ضربه على راسه قبل ثلاث ايام
زياد بصدمه:ايش
وليه محد بلغ امي وابوي
ماجد بجفاء:الموضوع مو مستاهل
وانت اصلا وش جابك مو خلاص قلت لي انك رايح ومو راد
زياد بغموض:ظروف واتمنى انها تنتهي على خير واول ماتنتهي ها الظروف اوعدك انك ماتشوف وجهي وصدقني مو ميت على شوفتك بس وبعيون فيها الدمع
ادعي انها تطول
ماجد مو فاهم شي وماحب يتعاطا معاه اكثر من كذا لان زياد عصبي ولسانه طويل
:اوكي بس لاتطول جلستك هنا تخنقني
وخرج ماجد وترك لينا بحاله صدمه
لينا بخوف قربت منه واتمسكت بذراعه :زياد ليش ماجد يتعامل معاك كذا وانت ليه تسكت له انت اخوه الكبير وانت وووااعدتني ماتتركني ليش تقوله انك بتروح ها ليش
زياد بهدوء:يالينا في اشياء مااقدر اتكلم فيها الان واسرار ماينفع تعرفيها على الاقل الان وانا اكبر من ماجد وحور باربعه اشهر بس يعني مو اكبر منه للحد الي يفرض عليه احترامي وارتاحي حتى لوسبت البلد عمري مار ح اكون بعيد عنك
لينا ارتاحت :اوكي براحتك بس ابيك تعرف اني دايما موجوده عشان اسمعك
زياد بتساؤل:لينا ايش الي غير تعاملك معايا المفروض انك تحتقريني اكثر من كذا بعد الي عرفتيه
لينا هي اصلا مو عارفه عشان تقوله :والله يازياد ماادري كل الي اعرفه اني ابيك جمبي وقريب مني ابي عزوتي حولي
زياد اتاثر من كلامها وراح باس خدهااا: المهم انك ماتتغيري علي
لينا :مستحيل هالشي يصير نستحيل اخليك تتركني يازياد
زياد بتعب:ولا اناا اوعدك اني اظل جمبك وبالوقت الي تحتاجيني فيه
لينا حست بتعبه :طيب روح نام خلاص شكلك منتهي
زياد :أي والله لي ثلاث ايام مانمت بس صحيني على صلاه العشاء اذا ماعليكي امر
