اعترافات اخر الليل

15

البارت الخامس عشر

زياد:ها يمه وش اخبارك اليوم

ام زياد بتعب واضح:الحمد لله على كل حال زياد ياولدي

زياد ترك الي بيده ومسك يدها :امري ياقلب زياد انتي

"زياد في الاول كان بس يطيع كلامها ومايعصها لانه مهما كان ربته لكن الان حس انه راح يفقدها فصار يطيعها ويدلعها ويحن عليها بشكل جنوني لانه كل الي فقدهم مالحق يودعهم او يسوي لهم شي قبل مايموتو كلهم تركوه فجاءه من امه لبدر الي سبب الم كبير لزياد الي الى الان يحاول يداوي جروحه من موتت بدر"

ام زياد بندم بس بعد ايش :سامحني على الي سويته فيك سامحني اني ضربتك واهنتك وانت صغير واني حطيت حره امك وابوك فيك

"زياد يصير اخو ماجد والبنات من الاب ابو زياد تزوج وحده اجنبيه في فتره دراسته واتكتم ع الموضوع ولما خلص نزل المملكه وزوجوه ام ماجد لانها بنت عمه وبعد زواجهم باربعه اشهر كانت ام ماجد حامل بماجد وحور وابو زياد سافر بعد زواجه بشهرين لبريطانيا عشان يطلق مرته الاجنبيه بس انصدم انها بعد حامل

بس كانت حامل بالثامن يعني الفرق بين ماجد وحور وزياد هو اربعه اشهر

وضل عند ام زياد لحد ماولدت

وجابت زياد وماتت وهيا تولده

واضطر ابو زياد ياخذ زياد وينزل فيه لجده وطبعا الكل عرف بزواجه من الاجنبيه

وعرفو بموتها لكن ام ماجد كانت مقهوره من ابو زياد كيف وانا عروس ولسه حامل بالخامس تجيني من بره بولد وتقول ولدك

وطبعا ورت زياد العذاب اشكال الوان ويمكن هذا الشي الي خلى زياد ينفر من البيت ومن اخوانه لانها دايما تقوله انهم مو اخوانك

صح هيا طيبه بس الين زياد ومتلاقي طيبه حاولت كثير تتقبله بس كل ماتشوفه تتذكر اسواء ايام حياتها

وتكرهه بزياده زياد كان عباره عن نقطه سوده في حياتها وحاولت قد ماتقدر في اخر سنتين تعامله كويس بس برضو ساعات تقلب عليه وكان يدور هالحنان الي فقده في احضان البنات فتزوج مرتين مسيار اول مره اتزوج قعد معاها 6 اشهر وطلقها والثانيه الي كشفتها رؤى كان لها شهرين وطلقها"

زياد ودمعته في طرف عينه :مسامحك يمه وانا موزعلان ولاعتبان عليكي بس لاتقولي كذا يمه انتي الي سامحيني ان كان قصرت في حقك او اسات لكي او عليت صوتي عليكي

اخذته ام زياد في حضنها وهاذي اول مره تحضنه فيها ااااااااااااه قديش كنت محتاج هالحضن بس مسك نفسه لاينهار ومسح دموعه:يالله يمه انا خارج تبين شي امري بس تدللي يابعد كل هالدنيا انتي

ام زياد:ابي اوصيك وصيه ياولدي وابيك تنفذها طلبتك من غير ماترادداو تسال عن السبب

زياد:لو على رقبتي بنفذها امري يمه