احببت سعودي

البارت الاخير

ورقة صغيرة مكتوب فيها (امد كل واحد يموت وأريد انتي تقرين وصيتي مع حبي مهند )
– امد تعالي اريد احجي وياج
قالتها وهي تنظر الى طلال بنضرات استغراب وكبرياء
– نعم
– روحي جيبي وصيتة لان بيها رمز سري وآحنة معرفنا
– .. ما اعرف الرمز
قلتها وكذبت فيها لأَنِّي لم أرد ان يقرأها احد غيري لأَنِّي اعلم ان مهند لتضايق لو علم هذا، ثم اكملت حديثها :
– وهاي منو جايبة وياج .. مو مال واحد يعوفج وحدج
– هذا طلال
– لا صارت زحمة مو اني سألتج على أسمة !
– الشخص الي اهتم بية بهالمدة
قلتها وكل ما اتذكر بعدها انه قد أتتني صفعة قوية جدا منها امام الجميع وحتى امام طلال .. ازداد الحزن حزنا من مهند الى طلال .. حاولت ان أسيطر على الوضع ثم صعدنا انا وطلال الى غرفتي :
– اليوم بات هنا .. وباجر ارجع
قلتها بشيء من البكاء
– ما دوس على دبي إلا وانتي معي
– طلال انت شفت ماما .. رجاء ما اريد يصير ألك شي كافي خسرت م..مهن..مهند
ثم انهمرت في البكاء وانا أصيح حاول طلال تهدئتي لكني كنت افتقد مهند .. افتقده بشدة شديدة ، ثم سمعنا صوت اقدام تصعد كانت امي :
– متبقين انتي هنا .. يومين وترجعين افتهمتي !!
– شلون .. ما اكدر
– مشكلتج .. اني معلية .. بعد ما اريد اتحملكم .. روحي ولترجعين رجاءً !! واخذي وياج حلال مشاكلج
– صار حلال مشاكلي ؟ لان هوة الوحيد الي ساعدني ؟ هذا هم حظة
– اسسسس ولا نفس بدلي وتعاي ساعديني
رغم هذا كله تبقى الام حنينة لانها اضافت بشيء من الخجل
– و.. وكولي لحلال مشاكلج .. يجيب الاكل مال فاتحة
رغم وفاة مهند فقد ابتسمت وابتسم طلال ولم أسيطر على نفسي وحضنتها بقوة اضافت بلطف بعد عناء :
– امد .. والله اريد مصلحتج
أضاف طلال
– تآمرين .. واسمي طلال
– اي يلة بسرعة .. عيب صارلهم هواية ينتضرون
انتهى العزاء وحلت الساعة الواحدة ليلا .. تاكدت ان الجميع نيام وذهبت الى غرفة مهند وفتحت الرمز السري وأخذت الورقة وبدأت اقرأ بهدوء :
من مهند الى  اهلي او بالأصل الى امد بالذات :
امد انتي تعرفين شكد كل واحد جان يعز الثاني اتذكر اول يوم كلتيلي بي على طلال اني جذبت اني اصلا أعرفة لطلال بس انتي منتبهتي واني الي كلتة يحجي وياج لان جان عندة فقرة مال دعم المواهب واطيتة موهبتج وبس وعفتة مجان الي علاقة بحبة ألج هسة أكيد تكولين شلون عرفت ان هوة يحبج مثل منكول لان واضح كلش واتمنة تعيشين بسعادة وَيَا او بدونه
ثم سمعت صوت اقدام فانتفض قلبي خوفا وإذا به طلال
– هوة هيج .. خوفتني
– وش تسوين
– اقرة وصية مهند .. وعندي حجّي وياك
وأتمنى ايضا لطلال الموفقية في حياته وأريد اطلب منج طلب ما اريد تجين  لقبري ابقي يومين هيج هنا لان هذا العدد الي راح تخليج امج تبقين بي هنا وابقي ركضي ورة حلمج اريدج تصيرين أحسن من طلال ادري هسة هوة يمج ودا اغيضه .. احبكم وما اريد أطول عليكم .. يلة مع السلامة .. لتبجين حبابة اوكي اتمنة تشوفين السعادة يلة من صدك .. مع السلامة ألكم كلكم اتمنة ان عملت صالحا أدعولي مع السلامة (من صدك).
مهند
– بعدني احس بروحة
– نفس الشعور
– صدك ليش مكتلي ان انتة تعرف مهند من زمان !
– كان فيه اتفاق
– وإذا اني متت قبلة
– يلزم هوة يموت ولو انتي خلاص محد بيعرف
– يلة امشي ليجي واحد
– وش ماخذة معك
– وصيتة
– ليه
– هاههاي ابقيهة هنا يعني .. لو اموت
– على راحتك
– طبعا راحت منو مثلا
مرت اليومان ببطئ ومن دون مهند ثم فاجأتني امي انها تريد ان نبقى يومان آخران وبقينا احسست انها بدأت تستلطفنا وابي بدأ يحب طلال كنت اخاف جدا من بعض الامورالحساسة التي قد تحدث بسبب كون طلال ليس من نفس جنسيتي لكن قد تخطيا هذا فطلال شخص يدخل الى القلب بسرعة بقينا في العراق لمدة شهر تقريبا ثم اجبرانا والداي الى العودة الى الامارات لأكمل دراستي وحدث هذا فعلا أصبحت اقرأ بجد وتخرجت ونشرت روايتين لتتفجر في الاسواق وعملت رواية ثالثة مع طلال والتي أصبحت من حيث لا اعلم الاولى مبيعا في الوطن العربي ذهبنا الى العراق في زيارة سريعة واصريت ان نذهب الى المتنبي وهنالك تقدم لي طلال وافقت عليه عملنا ثلاث أعراس مجبرين الاول في العراق وتحديدا بغداد حيث يسكن اهلي والثاني في السعودية تحديدا الرياض حيث يسكن أهله والثالث في الامارات وتحديدا دبي حيث الأصدقاء ولكننا لم نكن موفقين جدا في الأطفال حيث اتضح وجود خلل في هرموناتي وهرموناته اخذنا العلاج البالغ سنة واضطررت الى عمل عملية بعد سنة اخرى وبعد مرور سنة اخرى اضطر طلال لعمل عملية مشابهة وعملت أطفال انابيب ولم تنجح وعملت السنة التي تلتها ايضا أطفال انابيب وبائت بالفشل ومن ثم قررت ان لا استسلم وعملت أطفال انابيب والحمد لله نجحت والآن لدي صبي وبنت او بالاصح بدر وقمر لا اعلم لما أسمائهم متشابهة لكن لا يهم فقد اختار اسم الصبي واخترت اسم البنت وهذا ما لم يكن بالحسبان الفرق بينهما ثلاث سنوات عندما حدث كل هذا أصبحت اؤمن حقا
عندما يغلق في وجهك باب يفتح آخر
وايضاً
ان حرمك الله من شيء فعلم انه يريد لك أفضل منه
كم أحب هذين القولين وانا اكتب الان واسمع قمر تبكي لابد أنهما يلعبان وقد تشاجرا بالأذن يجب ان ارى ما يحدث.
امد

جانت هاي نهاية احببت سعودي اتمنة عجبتكم صراحة شخصية مهند شخصية قوية ومحبة للسلام عجبتني كلش اما امد وطلال فحسيت امد عصبية على طلال اكثر من الازم بس شخصية صبورة الى حد ما اما طلال فتقريبا جان الرجل المثالي مثل مجانت تشوفة امد صحيح أبناء امد ترة واكفة كلش بدر وقمر بس يلة نمشيها الهم وهنا نختم قصتنة مع المسامحة لأي تقصير صار مع السلامة