Ang Girlfriend Ni Crush(UNDER REVISION)

Chapter 16

HER BEAUTIFUL MONSTER

GWEN CHLOE's•

Monday.

LUNES na lunes ay absent kami ni Rob. Hindi kami pumasok para lang manuod ng Science 'whatever' competition ni ulap dito sa Feminy University. Bilang super supportive na friends na laging bagsak sa Science at nakakatulog during discussion, sumipot pa rin kami para sa kanya. Hindi kami papayag na walang magc'cheer sa pride ng Harrison. We got her back. Handa kaming magwala para sa kanya.

Kasalukuyan kaming nasa loob ng isang auditorium, ang Einstein Science Square. Oha! Pangalan pa lang pang matalino na. Umupo kami ni Rob sa upper level kung saan walang masyadong tao, karamihan kasi ay umupo sa baba at kalagitnaan. At dahil papansin kami, pinili naming pumwesto sa mataas na bahagi para abot sa kasulok-sulukan nitong kwarto ang hiyaw namin sa bawat puntos na makukuha ni ulap. Pakapalan ng mukha gaming.

"Senior high level lang ba ang nandito?" Tanong ni bakla.

"Oo. Nasa kabilang building daw yung junior high at elementary level," sagot ko. Paano ko alam? Chismis, mehn. Usisera kasi tayo. "Balita ko rin once a year na lang daw 'to gaganapin. 'Di ba before every six months?"

"Talaga? Kaya pala namove. Usually month of June and December ang tournament na 'to eh."

"Mas mabuti na rin 'yon. Maawa naman sila sa mga estudyante," sabi ko pa. Naglibot ako ng tingin. Napansin kong tuloy-tuloy ang pagpasok ng mga bisita. "Parang ang daming audience ngayon. Parang tayo lang yata ang supporter ni ulap ah."

"May ibang taga Harrison na nandito. May nakita akong officer ng Academic senate kanina dun sa labas."

"Hmm...I see." Tumango ako. "So, nandito rin ang Science club?"

"Malamang. And speaking of officers...hindi ba si Ella at Xoey 'yon?" Turo niya sa bandang ibaba. At may dalawang tukmol nga roon, naghahanap ng mauupuan. Nakaschool uniform pa ang mga punyeta. Si Ella bulinggit ang isa sa mga Members-at-Large ng student council, at si Xoey naman na 'di na virgin a.k.a Kiki ang Auditor namin—ang babaeng laging nasasabon ni Monteclaro at lagi ko namang pinagtatanggol. "Girls!" Tinawag sila ni Rob. "Dito!"

Tuwang-tuwa naman sila nang makita kami at agad na lumapit. "Hey, mates! Tangina niyo. Kaya pala wala kayo sa school, nandito kayo." Magandang bati ni Ella hindi pa man nakakalapit. "Hinahanap kayo ni Pres."

"Tangina ka, bulinggit. Ang ganda-ganda ng suot mo, wala kang ka-class class. Puro mura lumalabas sa bibig mo!" Sabi ko rito.

"Sayo pa galing 'yan ah. Hayop ka!" Tumabi siya sa'kin sabay hampas sa braso. "Oh, saan si Rae-Rae? Tapos na ba agad ang laban? Panalo na siya?"

"Gago. 'Di pa nagsisimula!"

"Hi, Kim." Pabebe na bati naman ni Kiki kay bakla at saka pumagitna sa'min. "Ang gwapo mo naman palagi. Ehe!" Sabay ipit ng kanyang buhok at pagkatapos ay dumikit na parang linta.