BINABASA MO ANG

Poetry

Tulangot. Hango sa salitang tula-kuno. Nangungulangot ng mga salitang ayon sa maingay na utak.

Karamdaman

17 0 0

ni leekani

ni leekani

[15.02.17]

Masakit sa ulo habang nagtitipa.
Nakakasuka ang bawat mga salita.
Nahihilo't umiikot sa bilang ng lahat.
Mata'y lumuluha, dugo ang lumalabas.

Sumisikip mangilan-ngilang paghinga,
Nakakapagod, nakakapanghina na.
Naparalisang mga paa'y 'di makalakad,
Sa kumot natatakot at kinakabahan.

Humihina't nakakarinding pandinig.
Nanlalabong lumuluwang paningin.
Nanunuot sa katawan, hapdi at sakit.
Hirap bumigkas ang natutuyong bibig.

Mapait na mga gamot ang tinitiis,
Nakakasawang amoy sa 'king silid.
Nakakapangilabot ang huni at tinig.
Makalaya sana ang huling minimithi.

Susulat at bubuo ulit ng mga tula,
Na magsisilbing armas at panangga.
Naniniwala't gagaling din sa sumpa,
Sapagkat sa huli'y may pag-asa pa.