قضية إغتصاب

الجزء الثامن

ﺟﻠﺴﻨﺎ ﻣﺠﻤﻌﻴﻦ ﻓﺎﻟﺠﺮﺩﺓ ﻭ ﺍﺳﺎﻣﺔ ﻛﻴﻠﻌﺐ ﺑﺎﻟﻜﻮﺭﺓ ﺍﻭ ﺍﻧﺎ ﻏﻴﺮ ﻣﻘﻨﺘﺔ ﺍﻭ ﻣﺎﻣﺴﻮﻗﺔ ﻟﻮﺍﻟﻮ ﻣﻦ ﻏﻴﺮ ﺍﻟﺘﺤﺮﻛﺎﺕ ﺩﻳﺎﻝ ﺍﻣﻴﺮ، ﺷﻮﻳﺔ ﻛﻨﺸﻢ ﺭﻳﺤﺔ ﺍﻝgﻻ‌ﺹ ﺩﺭﺕ ﻟﻘﻴﺖ ﺍﻣﻴﺮ ﺟﺎﻳﺐ ﻣﻴﻜﺎﺕ عامرين، ﺍﻭ ﺑﺪﻭﻥ ﺷﻌﻮﺭ ﻣﺸﻴﺖ ﻛﻨﺠﺮﻱ ﺧﺪﻳﺖ ﺍﻟﻤﻴﻜﺎﺕ ﺍﻭ ﺑﺪﻳﺖ ﻛﻨﺤﻞ ﻓﻴﻬﻢ ﻛﻨﻘﻠﺐ ﻋﻠﻰ ﻝgﻻ‌ﺹ ﻭﻟﻜﻦ ﻣﻠﻘﻴﺘﻮﺵ....ﺿﺮﺕ ﻋﻨﺪﻭ : ﻓﻴﻦ ﻝgﻻ‌ﺹ؟ ﺍﻧﺎ ﺷﻤﻴﺖ ﺭﻳﺤﺘﻮ !"....ﻫﻮ ﺍﺳﺘﻐﺮﺏ ﺍﻭ ﺑﺪﺍ ﻛﻴﺸﻮﻑ ﻓﻠﻴﻠﻰ ﺍﻭ ﻑ ﻣﺎﻣﺎﻩ....ﺿﺮﺕ ﺣﺘﻰ ﺍﻧﺎ ﺷﻔﺖ ﻓﻴﻬﻢ ﺍﻭ ﻫﻮﻣﺎ ﻳﺒﺪﺍﻭ ﻳﻀﺤﻜﻮ...." ﻳﺎ ﺍﻟﻠﻪ ﻧﺪﻳﻚ ﺗﺎﻛﻠﻴﻪ ﺭﺍﻩ ﻣﺠﺒﺘﻮﺵ" ، ﻣﺸﻴﺖ ﺑﻼ‌ﻣﺎ ﻧﺴﻮﻝ ﺗﺨﺸﻴﺖ ﻓﺎﻟﻄﻮﻣﻮﺑﻴﻞ ﺍﻭ ﺟﻠﺴﺖ ، ﻳﺎﻟﻠﻪ ﻏﻴﻤﺸﻲ ﻟﻘﺎ ﺍﻟﺴﻤﻄﺔ ﻣﺪﺭﺗﻬﺎﺵ ﻣﻠﻲ ﺑﻐﺎ ﻳﻘﺎﺩﻫﺎ ﺟﺎﺏ ﻭﺟﻬﻮ ﻟﺤﺘﺎﻝ ﻋﻨﺪﻱ، ﻃﺒﻌﺎ ﻣﻦ ﻏﻴﺮ ﻗﺼﺪ، ﺍﻭ ﺍﻧﺎ ﺑﻘﻴﺖ ﻣﻘﺎﺑﻼ‌ﻩ ، ﻟﺤﻴﺘﻮ ﻣﻄﺮﺍﺳﻴﺔ ﺍﻭ ﺷﻌﺮﻭ ﺭﻃﺐ ،ﺍﻭ ﻟﻮﻧﻮ ﺑﻴﺾ ، ﺷﺎﻓﻨﻲ ﻛﻨﺸﻮﻑ ﻓﻴﻪ ﺍﻭ ﺍﻧﺎ ﻧﻀﻮﺭ ﻭﺟﻬﻲ ﻟﺰﺍﺝ....ﺩﺍﻧﻲ ﻟﻤﺪﻳﻨﺔ ﻝ MacDonalds ﺍﻭ ﻗﺎﻟﻲ ﻃﻠﺒﻲ ﻟﻲ ﺑﻐﻴﺘﻲ ، ﺿﺮﺕ ﻟﻜﻼ‌ﺱ ﺍﻭ ﺧﺘﺎﺭﻳﺖ 3 ﻧﻜﻬﺎﺕ ، ﺍﻟﺒﻴﺴﻄﺎش ﺍﻭ ﺍﻟﻔﺎﻧﻲ ﺍﻭ ﺍﻟﻔﺮﻳﺰ، ﺍﻣﻤﻢ ﺑﻨﺎﻥ ﺑﻴﻨﺎ، ﺍﻭ ﺣﺘﻰ ﻫﻮ ﻃﻠﺐ ﺑﺤﺎﻟﻲ ﺍﻭ ﺟﻠﺴﻨﺎ ﻛﻨﺎﻛﻠﻮ ﻓﻴﻪ ، ﻣﻠﻲ ﺑﺪﻳﺖ ﻛﻨﺎﻛﻞ ﻋﻤﺮﺕ ﻓﻤﻲ ﺍﻭ ﻫﻮ ﻳﻤﺴﺤﻮ ﻟﻴﺎ ﺑﺈﻳﺪﻭ ، ﺍﻧﺎ ﺗﺼﻤﺮﺕ ﺍﻭ ﺑﻘﻴﺖ ﻛﻨﺸﻮﻑ ﻓﻴﻪ ﺍﻭ ﻫﻮ ﺣﺲ ﺑﺤﺎﻻ‌ ﺍﻧﺎ ﻣﻨﺰﺍﻋﺠﺔ ﻣﻦ ﺍﻷﻣﺮ ﺣﻴﺪ ﺍﻳﺪﻭ ﺩﻏﻴﺎ، ﻛﻤﻠﺖ ﺍﻝgﻻ‌ﺹ ﺩﻳﺎﻟﻲ ﺍﻭ ﺑﻐﻴﺖ ﺍﻟﻨﻮﺽ ﺑﺎﺵ ﻧﻤﺸﻴﻮ ﻭﻟﻜﻦ ﻗﺎﻟﻲ : ﺟﻠﺴﻲ ﺷﻮﻳﺔ ﺑﻐﻴﺖ ﻧﻬﺪﺭ ﻣﻌﺎﻙ"....ﺟﻠﺴﺖ ﺍﻭ ﺑﻼ‌ﻣﺎ ﻧﺸﻮﻑ ﻓﻴﻪ، ﻭﺍﺧﺎ ﻫﻜﺎﻙ ﺍﻧﺎ ﻣﺴﻤﺤﺘﺶ ﻟﻴﻪ ﻋﻠﻰ ﻣﺎ ﺩﺍﺭ " ﺃﻧﺎ ﻏﻨﺨﺮﺝ ﺑﺮﻯ ﺍﻟﻤﻐﺮﺏ ﺷﻬﺮ ﺍﻭ ﻧﺺ ﻋﻠﻰ ﻗﺒﻞ ﺷﻲ ﻣﺸﻜﻞ ﻛﻴﻦ ﻓﺎﻟﺸﺮﻛﺔ، ﺩﻛﺸﻲ ﻋﻼ‌ﺵ ﺍﻧﺎ ﻏﻨﺨﻠﻲ ﻟﻴﻚ carte ﺩﻳﺎﻟﻚ ﺑﻮﺣﺪﻙ ﺍﻭ ﻗﻮﻟﻲ ﻟﻠﺸﻴﻔﻮﺭ ﻳﺪﻳﻚ ﻓﻨﻤﺎ ﺑﻐﻴﺘﻲ ﻭﺍﺧﺎ؟"....ﻫﺰﻳﺖ ﺭﺍﺳﻲ ﺑﺂﻩ ﺍﻭ ﻋﻴﻨﻴﺎ ﻣﻜﻴﺸﻮﻓﻮﺵ ﻓﻴﻪ، ﺷﻮﻳﺔ ﻃﺎﺣﺖ ﻓﺒﺎﻟﻲ ﺍﻟﻤﺸﻴﺔ ﻟﻠﻄﺒﻴﺐ : ﻭﻟﻜﻦ ﺭﺍﻩ ﺧﺎﺻﻚ ﺗﻤﺸﻲ ﻣﻌﺎﻳﺎ ﺑﺎﺵ ﻧﺪﻳﺮﻭ ﺷﻲ ﻓﺤﻮﺻﺎﺕ ﻋﻠﻰ ﻗﺒﻞ ﺍﻟﺤﻤﻞ"....ﺍﻣﻴﺮ : ﺍﻩ ﺭﺍﻩ ﻗﺎﻟﺘﻬﺎ ﻟﻴﺎ ﻟﻴﻠﻰ ﺍﻧﺎ ﻏﻨﺮﺟﻊ ﻗﺒﻞ ﺍﻟﻤﻮﻋﺪ ﻣﺘﺨﺎﻓﻴﺶ".... ﻣﺸﻰ ﺍﻣﻴﺮ ﺍﻭ ﺑﻘﻴﺖ ﻏﻴﺮ ﺍﻧﺎ ﺍﻭ ﻟﻴﻠﻰ ﺍﻭ ﻣﺎﻣﺎﻩ، ﺍﻣﺎ ﺣﺘﻰ ﻣﻦ ﺍﺳﺎﻣﺔ ﺩﺍﻩ ﻣﻌﺎﻩ، ﻭﻟﻴﺖ ﻛﻨﺤﺲ ﺑﺎﻟﻔﺮﺍﻍ ﺑﺤﺎﻻ‌ ﺷﻲ ﺣﺎﺟﺔ ﻧﺎﻗﺼﺎﻧﻲ، ﺍﻭ ﺑﺪﺍﺕ ﺩﻳﻚ ﺍﻟﺸﻬﻴﺔ ﺩﻳﺎﻝ ﺍﻟﻤﺎﻛﻠﺔ ﻛﺘﻤﺸﻲ ﺍﻭ ﻛﺮﺷﻲ ﻏﺎﺩﺓ ﺍﻭ ﻛﺘﻜﺒﺮ، ﻭﻟﻴﺖ ﺻﻔﺮﺓ ﺍﻭ ﺷﻌﺮﻱ ﺧﻔﺎﻑ ﺍﻭ ﻃﺒﻌﻲ ﻭﻻ‌ ﺣﺎﺩ ﺍﻭ ﺍﻟﺒﻜﻴﺔ ﻋﻠﻰ ﺳﺒﺔ ﺑﺎﻏﺎ ﺗﺨﺮﺝ ....ﺩﺍﺯ ﺷﻬﺮ ﺍﻭ ﺍﻣﻴﺮ ﻛﻴﻌﻴﻂ ﻟﻤﺎﻣﺎﻩ ﺍﻭ ﻟﻴﻠﻰ ﺍﻭ ﺍﻧﺎ ﻣﻜﻬﺪﺭﻧﻴﺶ، ﻳﻤﻜﻦ ﺧﺎﻳﻒ ﻟﻤﺎ ﻧﺒﻐﻴﺶ، ﻭﻟﻜﻦ ﺍﻧﺎ ﺑﺎﻏﺎ ﻧﺴﻤﻊ ﺻﻮﺗﻮ، ﺍﻭﻑ ﺍﻭﻑ ﻣﻠﻴﺖ....ﻗﺮﺭﺕ ﻧﺪﻭﺭ ﺷﻮﻳﺔ ﻓﺎﻟﻔﻴﻼ‌ ، ﺑﻘﻴﺖ ﺩﺍﺧﻠﺔ ﻣﻦ ﻏﺮﻓﺔ ﻟﻐﺮﻓﺔ ﺍﻭ ﻟﺒﻼ‌ﺻﺔ ﻟﺒﻼ‌ﺻﺔ، ﺣﺘﻰ ﻭﺻﻠﺖ ﻟﻮﺍﺣﺎﺩ ﺍﻟﻐﺮﻓﺔ ﻣﺒﻐﺎﺗﺶ ﺗﺤﻞ ﻟﻴﺎ ﻋﻴﻴﺖ ﻓﻴﻬﺎ ﺍﻭ ﻭﺍﻟﻮ ﻣﺒﻐﺎﺗﺶ، ﺟﺎﻧﻲ ﺍﻟﻔﻀول ﺑﺎﺵ ﻧﻌﺮﻑ ﺷﻨﻮ ﻓﻴﻬﺎ...." ﺍﺍﺍﺍﺍﻩ ، ﻟﻴﻠﻰ ﺣﺸﻮﻣﺔ ﻋﻠﻴﻚ ﺧﻠﻌﺘﻴﻨﻲ" ﻟﻴﻠﻰ : ﻫﻬﻬﻬﻬﻪ ﺍ ﻣﺎﻟﻜﻲ ﺭﺍﻩ ﻏﻴﺮ ﺟﻴﺖ ﻧﺸﻮﻓﻚ"....ﺍﻧﺎ : ﺍﺧﺘﻲ ﻃﻴﺮﺗﻴﻬﺎ ﻣﻨﻲ ﺧﻠﻌﺔ ، ﺷﻨﻮ ﻛﺎﻳﻦ ﻓﻬﺎﺩ ﺍﻟﻐﺮﻓﺔ ﻣﺒﻐﺎﺗﺶ ﺗﺤﻞ"....ﻟﻴﻠﻰ : ﺍﺧﺘﻲ ﻫﺎﺩ ﺍﻟﻐﺮﻓﺔ ﻣﺎﻧﻌﻨﺎ ﺍﻣﻴﺮ ﺣﺘﻰ ﻧﺪﻭﺯﻭ ﻣﻦ ﺣﺪﺍﻫﺎ ، ﺷﻨﻮ ﻓﻴﻬﺎ ﻫﻮ ﺍﻟﻮﺣﻴﺪ ﻟﻲ ﻋﺎﺭﻑ ﺍﻭ ﺣﺘﻰ ﻣﻦ ﺍﻟﺴﺎﺭﻭﺕ ﻛﻴﺒﻘﻰ ﺩﻳﻤﺎ ﻣﻌﺎﻩ، ﻭﺍ ﻳﺎ ﺍﻟﻠﻪ ﻧﺤﻴﺪﻭ ﻣﻦ ﻫﻨﺎﻳﺎ"....ﺩﺍز ﺷﻬﺮ ﺍﻭ ﻧﺺ، ﻟﻴﻮﻣﺎ ﻏﻴﺠﻲ ﺍﻣﻴﺮ، ﻗﻠﺒﻲ ﻣﻜﺮﻭﺯ ﻋﻠﻴﺎ ﺍﻭ ﺑﻐﻴﺖ ﻏﻴﺮ ﺍﻳﻤﺘﺎ ﻧﺸﻮﻓﻮ.... ﻟﺒﺴﺖ ﻛﺴﻴﻮﺓ ﺟﺪﻳﺪﺓ ﺑﻴﻀﺔ ﺍﻭ ﻃﻮﻳﻠﺔ ﻛﻨﺖ ﺗﻘﺪﻳﺘﻬﺎ ﺏ carte ﻟﻲ ﻋﻄﺎﻧﻲ فاش ﺧﺮﺟﺖ ﺩﺭﺕ الشوبينغ ﺍﻧﺎ ﺍﻭ ﻟﻴﻠﻰ، ﻃﻠﻘﺖ ﺷﻌﺮﻱ ، ﻭ ﺟﻠﺴﺖ ﻑ ﺑﻴﺘﻲ ﻛﻨﺘﺴﻨﺎﻩ ﻳﺠﻲ ....ﺷﻮﻳﺔ ﻛﻨﺴﻤﻊ ﺻﻮﺕ ﻃﻮﻣﻮﺑﻴﻠﺘﻮ ﻧﻀﺖ ﺑﺎﻟﺰﺭﺑﺔ ﺍﻭ ﺧﺮﺟﺖ ﻟﻌﻨﺪﻫﻢ ﺍﻭ ﻭﻗﻔﺖ ﻗﺪﺍﻡ ﺍﻟﺒﺎﺏ، ﺍﺳﺎﻣﺔ ﺧﺮﺝ ﻣﻦ ﺍﻟﻄﻮﻣﻮﺑﻴﻞ ﺍﻭ ﺟﺎ ﻛﻴﺠﺮﻱ ﻋﻨﺪﻱ ﻋﻨﻘﻨﻲ ﺍﻭ ﺍﻣﻴﺮ ﺑﻘﻰ ﻛﻴﺒﺘﺎﺳﻢ ﻟﻠﻮﺿﻊ ﻟﻲ ﻭﻻ‌ﺕ ﻓﻴﻪ ﻋﻼ‌ﻗﺘﻲ ﻣﻊ ﺍﺳﺎﻣﺔ، ﻋﻨﻖ ﻣﺎﻣﺎ ﺍﻭ ﻟﻴﻠﻰ ﺍﻭ ﺟﺎ ﻋﻨﺪﻱ ﺍﻭ ﻣﺪ ﻟﻴﺎ ﺍﻳﺪﻭ ، ﻭﻟﻜﻦ ﺍﻧﺎ ﻣﺘﺤﻜﻤﺘﺶ ﻓﺮﺍﺳﻲ ﺍﻭ ﻋﻨﻘﺘﻮ ، ﻣﻌﺮﻓﺘﺶ ﻣﻨﻴﻦ ﺟﺎﺗﻨﻲ ﺍﻟﺠﺮﺃﺓ ﺣﺘﻰ ﺩﺭﺕ ﻫﺎﻛﺎ، ﻭﻟﻜﻦ ﺍﻟﻐﺮﻳﺐ ﻓﺎﻷﻣﺮ ﺍﻧﻪ ﻣﻌﻨﻘﻨﻴﺶ، ﻣﺤﺴﻴﺘﺶ ﺑﺈﻳﺪﻳﻪ ﻓﻈﻬﺮﻱ ﺩﻛﺸﻲ ﻋﻼ‌ﺵ ﻗﻠﺖ ﻟﻴﻪ ﺳﻤﺢ ﻟﻴﺎ ﺍﻭ ﺩﺧﻠﺖ ﻃﻠﻌﺖ ﻟﺒﻴﺘﻲ، ﺣﺴﻴﺖ ﺑﺮﺍﺳﻲ ﻣﻌﻨﺪﻱ ﻗﻴﻤﺔ ﺍﻭ ﻧﺪﻣﺖ ﻋﻼ‌ﺵ ﻣﻤﺸﻴﺘﺶ ﻣﻊ ﺃﻣين...ﺍﺵ ﻫﺎﺩ ﺍﻟﺤﺎﻟﺔ ﻭﺻﻠﺖ ﻟﻴﻬﺎ....ﺷﺮﺑﺖ ﺩﻭﺍﻳﺎ ﺍﻭ ﺗﻜﻴﺖ ﻛﻨﺤﺰﺭ ﻓﺎﻟﻨﻌﺎﺱ ﻟﺒﻐﻰ ﻳﺠﻴﻨﻲ، ﺷﻮﻳﺔ ﻛﻨﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ، ﻗﻠﺖ ﺩﺧﻞ ﺍﻭ ﺍﻧﺎ ﻣﺰﺍﻻ‌ ﻋﺎﻃﻴﺔ ﻇﻬﺮﻱ ﻟﺒﺎﺏ، ﺳﻤﻌﺖ ﺍﻟﺒﺎﺏ ﺗﺤﻞ " ﺍﺣﻢ ﺍﺣﻢ ، ﻳﺎﺳﻤﻴﻦ ﺍﻧﺎ : ﺍﻧﺎ ﺟﺒﺖ ﻟﻴﻚ ﺷﻲ ﺣﺎﺟﺎﺕ ﻣﻌﺎﻳﺎ"....ﺻﻮﺗﻮ ﺣﻨﻴﻦ ﺑﺰﺍﻑ ﻟﻲ ﻳﺴﻤﻌﻮ ﻳﻘﻮﻝ ﻣﻌﻨﺪﻭﺵ 27 ﺳﻨﺔ، ﻳﻌﻄﻴﻪ 17 ﺳﻨﺔ، ﻣﻬﺪﺭﺗﺶ ﺍﻭ ﺑﻘﻴﺖ ﻛﻴﻔﻤﺎ ﺍﻧﺎ ﺣﺘﻰ ﺳﻤﻌﺖ ﺍﻟﺒﺎﺏ ﺗﺴﺪ....ﻧﻀﺖ ﺍﻭ ﺍﻧﺎ ﻟﻘﺎ ﺑﺰﺍﻑ ﺩﺍﻝ ﺍﻟﻤﻴﻜﺎﺕ ، ﻓﻴﻬﻢ ﺍﻟﺸﻜﻼ‌ﻁ ﺍﻭ ﺍﻟﺤﻠﻮﻳﺎﺕ ﺍﻭ gﺍﻉ ﺩﻛﺸﻲ ﻟﻲ ﻛﻴﻌﺠﺒﻨﻲ، ﺍﻭ ﻟﻘﻴﺖ ﺑﻴﻨﺎﺗﻬﻢ ﺳﺒﻴﺒﻴﻂ ﺩﻳﺎﻝ ﺍﻟﻮﻟﻴﺪﺍﺕ ﺍﻟﺼﻐﺎﺭ ﺑﻴﺾ، ﻛﻴﺤﻤﻖ ﺑﺰﺍﻑ ، ﻫﺪﺷﻲ ﻛﻴﺒﻴﻦ ﺑﻠﻲ ﻫﻮ ﻛﻴﻔﻜﺮ ﻓﻮﻟﺪﻭ ﻟﻲ ﺟﺎﻱ، ﺗﺮﺳﻤﺎﺕ ﺍﺑﺘﺴﺎﻣﺔ ﺧﻔﻴﻔﺔ ﻋﻠﻰ ﻭﺟﻬﻲ ﺍﻭ ﺧﺮﺟﺖ ﺑﺎﺵ ﻧﺸﻜﺮﻭ، ﻣﻠﻘﻴﺘﻮﺵ ﻟﺘﺤﺖ ﻳﻤﻜﻦ ﻫﻮ ﻑ ﺑﻴﺘﻮ....ﻃﻠﻌﺖ ﻟﻘﻴﺖ ﺍﻟﺒﺎﺏ ﻣﻔﺘﻮﺡ ﺷﻮﻳﺔ، ﺩﻗﻴﺖ ﺑﺸﻮﻳﺔ ﺍﻭ ﺣﻠﻴﺖ ﺑﺎﻥ ﻟﻴﺎ ﺣﻂ ﺻﻮﺭﺓ ﻣﻦ ﺍﻳﺪﻭ ﺍﻭ ﻣﺴﺢ ﻋﻴﻨﻴﻪ، ﻛﺎﻥ ﻛﻴﺒﻜﻲ ﻳﻤﻜﻦ " ﺱ ﺳﻤﺢ ﻟﻴﺎ....ﻏﻴﺮ ﺟﻴﺖ ﺑﺎﺵ ﻧﻘﻮﻝ ﻟﻴﻚ....ﺷﻜﺮﺍ"....ﺩﺍﺭ ﺍﺑﺘﺴﺎﻣﺔ ﺯﻭﻳﻨﺔ ﺭﺳﻢ ﺑﻴﻬﺎ ﺩﻭﻙ ﺣﻔﻴﺮﺍﺕ ﺍﻟﺰﻳﻦ ﺍﻭ ﻗﺎﻟﻲ ﺍﻟﻌﻔﻮ ﺍﻭ ﻋﻮﺩ ﺩﺍﺭ ﻟﺸﺮﺟﻢ ﺍﻭ ﺧﺸﻰ ﺍﻳﺪﻳﻪ ﻓﺠﻴﺎﺑﻮ
..ﺍﻟﻴﻮﻣﺎ ﻣﻮﻋﺪ ﺍﻟﻄﺒﻴﺐ، ﺍﻧﺎ ﻣﺘﺤﻤﺴﺔ ﺑﺰﺍﻑ ﺑﺎﺵ ﻧﻌﺮﻑ ﻭﺍﺵ ﻋﻨﺪﻱ ﻭﻟﺪ ﻭﻻ‌ ﺑﻨﺖ، ﻣﺸﻴﺖ ﺍﻧﺎ ﺍﻭ ﺍﻣﻴﺮ ﻟﻌﻨﺪ ﺍﻟﻄﺒﻴﺐ ﺍﻭ ﺍﺳﺘﻐﺮﺑﺖ ﺣﻴﺖ ﻟﻘﻴﺖ ﺍﻟﻄﺒﻴﺐ ﻛﻴﻌﺮﻓﻮ : ﺍﻫﻼ‌ ﺍﻟﺴﻲ ﺍﻣﻴﺮ، ﻋﺎﺵ ﻣﻦ ﺷﺎﻓﻚ، ﺍﺵ ﺧﺒﺎﺭ ﺍﺳﺎﻣﺔ؟"