مرّت فترة على الاحداث وعادت الى بيت أمها مع وعد لوالدها وزوجته ان تزورهم متى شاءت..
وبدأت تتهيأ نفسياً للدوام كــمعيدة في الجامعة..
نعم حيث تم قبولها وأنهت اوراقها وقدمت طلباً للنقل الى الكلية القريبة من بيت أمها..
اليوم وهي في غرفتها..ولأن العلاقات قد عادت بينها وبين والدها نوعا ما..قررت أن تتصل لتسأل عنه فهي ولأنشغالها بالدوام في الاسبوع الاول ..لم تتصل او تسأل عنهم .
اتصلت فردّت أختها.
دجلة بإبتسامة: السلام عليكم اشونج نجلة حبيبتي؟
نجلاء بصوت باكي:هلو جوجو اشونج؟
دجلة بقلق: نجلة شبيج حبيبي ليش تبجين؟
نجلاء بصوت مرتجف:مـــاما مريضة.
دجلة :اسم الله عليها..شبيهة خالة سعاد وهسة وينها؟
نجلاء بقلق مراهقة:دجلة ماما مريضة... مريضة وراح تمووت.
دجلة والدموع في عينيها: اسم الله عليها.لج نجلة احجي..خالة شبيهة؟؟ ..خبّلتيني.
نجلاء ببكاء وأنين: ماما طلع بيها مرض خطير..واحتمال راح يسافر بيها بابا لتركيا تتعالج.(واستمرت بالبكاء)
دجلة أمسكت رأسها غير مصدقة:حبيبتي نجلة كَولي يا الله..احتمال ماكو شي ويطلع التشخيص....
نجلاء:دجلة ماما تعاني من زمان بس متحجي ..هي مرات تتمرض بدون متكَول لأحد.
دجلة: وليش ما راجعت الطبيب من البداية ؟وانتو وينكم عنها؟
نجلاء:والله بابا جان يتوسل بيها بس هي راحت مرة وإنطاها علاج ..ووراها من تتعب بعد متكَول حتى لا تقلقنا.
دجلة بدموع غزيرة:الله كريم حبي وأن شاء الله تتعالج وترجع احسن من الأول.
نجلاء:دجلة كلنا خايفين عليها والله...دجلة ما اعرف إذا ماما...
قاطعتها دجلة: اسكتي نجلة وادعيلها الله يقّومها بالسلامة ..ليش هالتشاؤم حبي؟
نجلاء:يااا رب احنة ما عدنة غيرها..وهي طول عمرها تكَول تعبت وما صدّكَت اشوفكم انتي وإخوج.
دجلة ببكاء صامت: اي حبيبتي نجلة ادعولها وان شاء الله تشوفكم وانتو متخرجين وعرسان .
نجلاء :ما اريد شي بس سلامتها وترجعلنا والله اشيلها بعيوني.
أغلقت الهاتف وباتت تبكي بصوت مسموع..نعم لقد سامحت زوجة ابيها واكتشفت أنها إمرأة طيبة.. كل ذنبها أنها كانت مخطوبة لـإبن عمها طارق منذ الصغر وتعلّقت به فيما تعلّق هو بغيرها..
دخلت أمها لتراها على هذه الحالة.
سميحة بقلق: خير دجلة شو بكي؟
دجلة رفعت عينها الى أمها:خالة سعاد مريضة..
قطبت الأم حاجبيها استفهاما عن نوع المرض.
دجلة مع دموعها:نجلة تكول احتمال عدهة سـ...
وضعت الأم يدها على فمها ونزلت دموعها,,فهي تتذكر سعاد ابنة عم طارق وخطيبته منذ الطفولة.
سميحة تخاطب دجلة:دجلة يا حبيبتي..لازم تحضري حالك وتروحي عند اخواتك عالأقل تكوني معهن بهالظروف.
دجلة:بس آآنــي يعني..
سميحة اقتربت منها:إنتي شو دجلة؟يا بنتي اللي صار صار وما لازم تبعدي عن إهلك وعمامك بهالطريقة.
دجلة بإرتباك:بس أخاف بيت عمي بعدهم زعلانين علية بعد اللي صار.
سميحة : يا بنتي انتي إعملي اللي عليكي وروحي لعند بيت ابوكي,,بس بالأول لازم تروحي لعند بيت جدك وتسلّمي عليه وتبوسي ايدو كمان.
أنت تقرأ
مشتاق وبساتين دجلة
Short Storyانا دجلة. لم أخذ منها سوى عمق اسمها وفيضان مائها انا الولهان للماي ودجلة عذب ماياها
