ماكنت قد وعدك لي

الله معنا

وهم يمشون عبدالله وهو ماسك بجاكيت مشاري "مشاري يرحم امك وش فيك وين رايحين الحين بنضيع العيال"
مشاري وهو ماد ايده لعبدالله" هات ايدك تكفى اسرع"
عبدالله وهو خايف ويمسك يد مشاري" الله يستر منك انت"
عند العيال
حاتم وهو معصب" الله يلعن الشيطان وين راحو ذولا لايكون صار فيهم شي؟"
ماجد وهو يفرك عيونه ويبي يبكي" عبود وين راح حتى بخاخ الربو معاي مو معاه"
عبدالعزيز وهو يركض" امشو ندورهم بسرعه عيال تكفون"
عند عبدالله وقف وهو معصب وفك ايده من ايد مشاري" وش قصتك انت وين ماخذني"
مشاري وهو يسحب عبدالله" عبود امش والله مااخليهم يقربون لك اهم شي انت لا يصير فيك شي"
عبدالله وهو معصب " يعني قصدك اننا الحين نروح ونخلي العيال واخوي مريض انت؟ "
مشاري وهو يسحبه" لا انا بس بطلعك وبرجع للعيال"
عبدالله وهو يمسك يد مشاري" رجعني لهم مابي اروح من دونهم الله يلعنك مابيك تساعدني ردني عند اخواني"
مشاري يبكي ويحضن عبدالله" عبود انت تعرف ان مالي غيرك انت فاهمني من واحنا صغار مابي يصير فيك شي تكفى"
عبدالله وهو يقرب مشاري ويضمه" لاتبكي وانت واخوي اللي ماجابته امي بس رجعني عند العيال مابي اروح واخليهم يلا تكفى ميش"
مشاري يشيل عبدالله ويركض" انت الظاهر ماتفهم"
عبدالله وهو منصدم ويدف مشاري" شوضع امك ياحيوان لا نبعد أمنتك بربك لا نروح ونخليهم"

                    عند هتان ونواف
نواف وهو يدور" وين راحو ياخوفي يصير اللي في بالي"
هتان وهو يناظره" وش اللي في بالك؟"
نواف وهو متردد" مايحتاج اقولكم وش قد مشاري متعلق في عبدالله وماراح يرضى يصير لعبود اي شي "
ماجد والاستفهامات على وجهه" قصدك ان ميشو اخذ عبود وهربو؟"
هتان وهو يضحك" اهدا من كذا ياعيال مستحييل يروحون ويخلونا"
حاتم وهو يفكر" لا تستغرب يا هتان مشاري مجنون ويسويها"
سعود وهو معصب" كيف يورطنا وينحاش وعبود كيف رضي يخلينا اوكي احنا بالطقاق كيف خلى اخوه"
ماجد وبعدم تصديق" لالا عبود مايروح ويخليني"
عبدالعزيز وهو يصرخ بأعلى صوته" الله لا يوفقك يا مشاري الله لا يهنيك بحياتك"
معاذ كانت ساكت ويسمع كلامهم" زي ماهم راحو وخلونا احنا بعد بنطلع من ذا المكان امشوا"
ماجد وهو يطالع بمعاذ اللي متوجه للسيارة" معاذ وعبود اخوي؟"
عبدالعزيز وهو يدفه ويركبه السياره" اخوك راح وخلانا امش لاهفك"
            بعد ركض خمس دقايق
مشاري نزل عبدالله وكان مرهق وبكلمات
متقطعه" اه خلك هنا لا تلحقني ابد ، في الصباح راح تمر سيارات اركب وارجع لبيتكم وبلغ علينا واوصف لهم المكان وقول لاهلي واهل العيال"
عبدالله وهو خايف" لا تخليني هنا تكفى"
مشاري وهو يمسح على ظهره ويضمه " انتبه لنفسك واقرا اذكارك وسو زي ماقلتلك واذا جيت توصف لا تقول الغابه السحريه قول المنطقه المحضوره قرب جده زين؟"
عبدالله وبقله حيله" مشارييي"
    مشاري راح وخلاه لحاله
( بعد ساعه كامله بالضبط )
معاذ وهو يسوق " يا عيال في واحد يمشي تتوقعون انس ولا بسم الله؟"
هتان وهو يقرب نواف له"لا توقف يرحم امك ماحنا ناقصين"
سعود وبشبهه صراخ" ياعيال ذا مشاااري"
مشاري كان يركض ومايدري وين يروح
هتان ينزل قزاز السيارة ويتكلم" مشاري؟"
مشاري التفت وابتسم والدموع بعينه" الحمدلله لقيتكم خفت ماالقاكم"
ماجد وهو يصارخ" عبود وين وش صار بأخوي؟"
مشاري وهو يلقط انفاسه وحاني ظهره وايديه على ركبه" اسككت اخوك مافيه شي خرجته مع مكان يمكن تعدي سيارات الصبح عشان يطلع ويبلغ علينا"
حاتم وهو يبتسم وبنظره فخر في مشاري" وانت ليه مارحت معه"
عبدالعزيز وهو يحك راسه ويلعن تفكيره في ان مشاري خلاهم " توقعنا انكم سحبتو علينا"
مشاري وهو يمسح عرقه ويرفع راسه" والله وانا ولد ابوي مااخليكم"
وكلهم بصوت (      ونعم، كفووووو      )
سعود وهو يبتسم لهم"يلا اركبو"