ماكنت قد وعدك لي

من انت اصلا؟

عند معاذ كان منهار من جواته وتعبان يبي بس يطلع ولا يبي يخوف اصحابه بصوت خايف وأول مره يسمعونه من شخصيته القويه" وش بيصير فينا الحين؟ مافيني قوة تعبت"
ماجد صار ياخذ شهيق وزفير" اجل انا وش اقول اخواني ضايعين يمكن مااشوفهم ثاني مره"
حاتم قعد على الارض وصار يتكلم بعقل و واقع " انتو ليه متشأمين لو لنا خير بذا الشي بنطلع والعيال بيرجعون شفيكم"
نواف وهو يأييد كلامه" صادق بس احنا بعد اوادم لنا قوة ولنا يومين مأكلنا وش الحل؟"
هتان وهو يضم نواف لحضنه ويبوس راسه" انا بدبر الاكل ياعين جدي انت"
عبدالعزيز ونظراته تاكل هتان" هتانوه لا تكون زي ميشو!"
سعود وبأستهزاء" ايش تتوقع من واحد يدق قيتار والثاني رقاصه؟"
هتان يدف سعود وبعصبيه " انت احترم نفسك وامسك لسانك لاقصه لك وش جايك علينا!"
سعود وهو يقرب من هتان" ماني ماسك لساني قصه اشوف"
هتان يقرب من سعود ويسحبه مع تيشيرته " سعود لا تحط راسك براسي انت تعرفني زين"
معاذ مسك هتان من شعره وبعد سعود عنه" شفيكم تجننتو على اخر الزمن تتضاربون"
ماجد وهو يفرك رقبته بعصبيه" دقيقه دقيقه ذا يقصد ميشو يقول رقاصه؟ "
سعود كان بيرد عليه بس جاه كف من ماجد " ذا اللي تقول عنه رقاصه هو اللي وقف قدام السيارة اللي كانت بتصدمك يا معفن وانكسرت رجله تجحده كذا، وصخ وربي انك وصخ "
سعود وهو يضحك" اي سيارة يا بيبي استهبال هو كانت سيارة ماره وخويك المعاق نط قدامها"
ماجد وهو معصب ويتكلم دفعه وحده" انت المعاق شفت حبيبتك اللي فرحان فيها ارسلت اولاد خالتها يصدمونك ومشاري انتبه ونط قدامك فهمت يا جاحد العشره؟"
سعود بصدمة واكتفى بكلمة وحدة" والله؟"
هتان وهو يمسح على ظهر ماجد" خله الوصخ وصخ مايتغير طول عمره "
سعود وهو يفجر قنبلة صدمتهم" انا اصلا اكرهكم اكرهك يا هتان واكره اخوك واكره معاذ واكره ماجد اكرهكم كلكم بس احب عبود وعزوز تدرون ليه لانكم متكبرين تشوفون الناس تحتكم لانكم اغنياء عبود وعزوز متواضعين انتو تتصنعون"
هتان وهو مستغرب" تكرهنا؟ ليه وش سوينا لك ذبحنا واحد من اهلك ليه تكرهنا هذي جزاتنا خليناك بالقروب فوق كل اذى جاء منك"
سعود وهو يقرب من هتان" لانك متكبر عرفت ليه لانك تروح تفر العالم بالصيفيه وتجي تحكينا عن انجازاتك برا ولان ابوك يجيب لك اللي تبي لان اخوك مستعد يدعس على الناس اقتداءً فيك عرفت ليه اكرهك؟!"
معاذ وهو يسحب سعود بتيشيرته" انا ليه تكرهني وانا احبك قسم ماعمري فرقت بينك وبين واحد من العيال عديتكم اخواني تغدر فيني كذا"
سعود وهو يلف على معاذ" شوف نفسك انت دكتاتوري تحاول تمشي الناس بكيفك ولانك من آل فيصل (عائله كبيرة من راسي) كلامك مسموع ومايصير اثنين "
ماجد وهو يبي يوصل كلامة" انا مغرور هتان متكبر ومعاذ دكتاتوري انت ايش؟ انت نكره عرفت ليه لانك ماتستاهل ولاشي سويناه حتى ميشو اللي ضحى بكثير عشانك ماسلم منك"
سعود وهو يدف ماجد بحرقه" ميشو ماسوها لوجه الله ولا حُب فيني هو لانه عارف وراه ظهر وبيجيبون حقه ثالث مثلث"
يتدخل حاتم بالموضوع وينهيه" وراه ظهر لكن الظهر ذا اذا راحت روح مشاري بيرد روحه ؟ لا عشان كذا امسك لسانك وحنا اخوانك عيب عليك ذا الكلام يا سعود مابي اسمع ولا كلمة من اي احد "