عاشروهن بالمعروف
الجز 5
نونه رغم هي زغيره ومدلله بيت اهلها گدرت تتحمل مسؤولية الدراسه والبيت وقت الحصار ولامره رجعت للبيت لگيت البيت وسخ لو الاكل مموجود لو هي مخربطه لو ملابسي محاضره وحتى الراتب انطيهيا وتتصرف احسن مني صارت كل دنيتي نوال
إلى أن صار يوم ١/١٥ كلشي بالعراق توقف والناس تركت بيوتها والشعب كله انذار وتهديد امريكا بالكيمياوي قررنا نروح لأهلنا وهي رادت تبقى وياي متروح لأهلها وصلنا كربلاء احنا غرفتنا باقيه ماشلناها بعدها بيومين بدت الحرب وامريكا ضربت كلشي حتى ماي بالتانكيات مابقى الشوارع الجسور الكهرباء جوع مرض برد الحياة انشلت اربعين يوم قصف وضرب وعايشين على اخبار الراديو الي نصها چذب انسحب الجيش انسحاب غير منظم بدت العالم تثور ضد الحكم بعد متتحمل جوع وظلم وحروب فاشله اخواني كلهم انهزموا ويه عوائلهم بس اني وابوي واخواتي وامي وزوجتي
اني مچنت سياسي مالي علاقه مثل معظم العراقيين راضي بالوضع وساكت
طلعت صور جديده بالشوارع اسلحه هتافات ضد الحكم بدات وحدات من الجيش تتقدم على المدينه والناس تتناقل اخبار عن هدم الاضرحه المقدسه هنا ماگدرت اصبر ومنو يتحمل يسمع هيچي خبر ويظل گاعد طلعت صوب الامام الحسين ابوي وامي رادوا يمنعوني مگدروا نوال لبست عبايه امي ولحگتني للشارع حافي گتلها ارجعي مقبلت ضربتها وتاكدت دخلت بيت اهلي وركضت شفت الجيش قريب والناس تتختل بالفروع الكل متجه للامام وصلنا دخلنا الصحن عوائل كامله نساء اطفال شباب كلها هناك ومستعده تموت دون الضريح مافكرت باي شي ثاني وتقدم الجيش وسحگ الثوار وبدا الضرب على الاضرحه الناس المسؤوله هناك دعونا نطلع من الامام حتى الجيش ميضربه ونكون السبب بهدمه وناس بقت طلعنا باليل نركض بالصحراء اقرب شي علينا هو الحدود السعوديه تبعد سبع ساعات وصار الجيش يلاحقنا الناس تركض من الخوف لان اي واحد يتأخر ينعدم الي وگع والي مات والي تيه بالطريق وصلنا الحدود والتعب والعطش والجوع هالكنا مقبلوا يدخلونا تجمعت الناس وظلينا نصيح لاالله الا الله لحد مادخلونا لمخيم للاجئين رفحاء قبلنا ناس وأصله الوضع مينوصف خيم صحراء ماكو حتى فراش نام بيه حمامات ماكو لو اريد احچي سنه عن الحياة هناك مستحيل احد يصدگني الا العاشها مرت ايام اتمنى بس اوصل خبر لاهلي اني عايش ونوال وين راح تروح وكليتها وشلون بعد اشوفها مر شهرين تحسنت الاوضاع بالمخيم نوعا ما عزلوا العوائل عن العزاب صارت مشاكل وي السعوديه وناس ماتت وناس انسجنت اجى العيد واختاروا كم واحد يعرف يحچي انگليزي نقابل وفد الأمم المتحده اني من ضمنهم استغليت الفرصه لگيت تلفون واتصلت بيت عمي احمد جاوب ابن عمي علي تعرفون الامن بالعراق والتلفونات على اساس مراقبه سلمت عليه بدون مااگول اسمي
شلونك علي وين نوال
قاسم انت وين نوال بكربلاء بقت هناك
خبر اهلي اني اتصلت وجيبوا نوال عدكم وگلها تبقى يمكم على طول واني زين سلملي على الكل علاوي
سديت التلفون وبدينا نقدم معاملات لجوء امريكا رادت العوائل والي عدهم شهايد وانطوني امل بالجوء لامريكا لان الرجعه للعراق مستحيله سجلت اسم نوال وياي بالملف ظلينا نعرف اخبار العراق عن طريق المهربين على الحدود والناس الي تطلع للاردن نتصل بيهم ونعرف عرفت اخواني جاي عليهم الأمن ونوال مراجعه للكليه وعبالهم اني ميت انتظرت شهر واتصلت بيت عمي ماتصلت باهلي اخاف مراقبه على التلفون جاوب عمي
السلام عليكم عمي شلونكم
قاسم لچ نوال قاسم تعاي
الو قاسم صدوگ انت وين ليش مترجع
نونه سمعيني وكافي تبچين اني بخير طلعي جواز وطلعي للاردن لاتناقشين سوي الي اگلچ عليه المره الجايه اخابرچ مكمل الجواز واخذي النسخه الاصليه من العقد الزواج وديري بالچ على نفسچ وابقي يم اهلچ سديت التلفون واسمعها تبچي
مرت سنه كامله حصلت لجوء لامريكا ولاية ايوا وطلعت اول يوم وصلت لشقه وياي مجموعه من العراقيين اتصلت باهلي لان الاتصال عن طريق امريكا صعب يتراقب وبعدين خابرت بيت عمي الفجر عدهم جاوبت نوال
صباح الخير يا اغلى ناسي
لو غاليه عندك ماتركتني
تعرفين الصار اني هسه بامريكا وباچر اقدملچ طلب كملتي الجواز
كملته بس مااگدر اطلع للاردن بدون موافقة الزوج وانت ماموجود لازم اسوي طلاگ اول وردت أسألك اول سوي طلاگ غيابي واحتفظي بالعقد القديم داومتي بالكليه
ياكليه فصلوني تعرف ليش
مشتاقلچ بگد الدنيا
والضرب الي ضربتني اخر مره نسيته لو مخليني اروح وياك مو احسن
من اشوفچ اعتذر عن الضرب
يمتى تشوفني بعد ميت سنه
لا انشالله ست اشهر
انشالله
طلعت نوال للاردن بقت ٩٠يوم وبلغتني المنظمه بموعد وصولها والله رحت قبل موعد الوصول بست ساعات ماصدكت عيوني من شفتها گبالي ركضت عليها حظنتها وبقينا اثنينه نبچي وصلنا لشقتنا واحد صافن على الثاني عبالك هسه متزوجين
نونه صايره غير شكل وكبرنا صايره احلي
انت هم صاير احلى مو عبالك نسيت الضرب اخر مره
شوكت ماتذكر اني ضربتچ
لا تتذكر وگتلي اعتذر من اشوفج
اني اسف نونه
فرجتها الشقه والاثاث وظلت تحجي عليه لان الاثاث غالي واتفقت وياها هي تتولى كلشي بحياتي لان اني بصراحه مااعرف اتصرف بامور الفلوس وكل الي عندي اصرفه
تابع
