عاشروهن بالمعروف
الجزء8
مرت اربع اشهر ماسامع بيه صوت نوال ولاشايفها وسعاد تلح عليها نعقد محكمه تتصور اني غبي حتى من اطلگها تاخذ نص البيت واملاكي وصبح وليل تريد مني فلوس وتحول لأهلها بالعراق نوال چانت متطلع دولار مو بحساب وهي الي تصرف وتنطيني مصروفي والله مرات چنت احسها امي من هالگد ما تحرص عليه وعلى بيتها وهاي اربع اشهر وسعاد مصارت حامل تصدگون حتى طفل هسه مااريده اريد زوجتي وراحتي وبيتي وضحكة نوال قررت اخذ عنوانها بسوريا واسافر الها
وصلت واندليت شقتها گاعده ويه بنات عراقيات دگيت الباب سألتهم گالوا بالزيارة ومتجي الا الغروب يوميه سالوني منو انت گتلهم زوجها استلمني مسبه وغلط رحت زرت ودعيت السيده زينب ترجعلي نوال والله مادعيت طفل رجعت الغروب بعدها مراجعه ظليت على الدرج گاعد لحد ماوصلت نوال شافتني حتى ماردت السلام ودخلت وقفلت الباب ظليت ادگ بالباب والنسوان جوا اسمعهن يضحكن عليه طلعت الجوارين يله فتحت الباب مرة عجوز دخلتني وسولفت وياي
الشقه كلها نسوان وانت دگ على الباب شرايد مو طلگتها وتزوجت
خاله ماطلگتها من صدگ وهي تدري وتندمت على الي سويتها بس اريد احاچيها الله يخليچ خاله گوليلها الشقه كلها بنات مااگدر ابقى هنا راح انتظرها برا
وراحت المره وجتي نوال بيدها جنطتها افتهمت تريد تتمشى سلمت عليها ماردت
وتالي نونه اربع اشهر لاشايفچ ولا سامع صوتچ اني لا طايق نفسي ولا طايق سعاد غلطت عبالي شي سهل بس والله مو سهل انتي گبالي ليل ونهار وهي حاسه بهذا الشي احچي الله يخليچ
مااعرف شگلك لوتدري شگد اكرهك روح بعد لاتفكر بيه زواجنا انتهى انت اختاريت الاطفال وعفتني كمل حياتك ويه سعاد وخلف طفل واذا على البيت مراح اطالبك بيه الك مدام عرفت وحده غيري بيه مااريده والمحل الي راح أبيعه وابقى بسوريا لحد ميتغير الوضع بالعراق وارجع لاهلي
وليش بسوريا ابقي يمي لحد منگدر نرجع اني وياچ للعراق
ماكو شي اسمه اني وياك بعد انت وسعاد
عافتني وراحت ظليت اسبوعين بسوريا گدرت اقنعها ترجع لامريكا ورجعت وياي وصلنا للبيت خايف من هاي اللحظه سعاد مانزلت تسلم عليها وهي مقبلت تصعد لغرفتها القديمه راحت لغرفة جوا زغيره وتاركيها مابيها بس سرير نفر ردت ابات وياها مقبلت وماردت اروح يم سعاد طلباتها ماتخلص ظليت نايم بالصاله گعدت نوال تسوي ريوگ شافتني نايم بالصاله محچت بس سعاد علقت ليش نايم هنا ابنكم يبچي طول الليل ومخلاكم تنامون قهرني الي گالته وخليتها تعتذر من نوال ورحت نمت بمكان نوال طلعت نوال من البيت ورجعت العصر گالتلي أجرت شقه واريد اطلع مااگدر اتحمل هنا حاولت امنعها تطلع مقبلت وظلت تبچي انتقلت لشقه جديده وظليت ليليه اروح عدها على أمل يوم تحن وتخليني المسها ابد عرفت سعاد حامل اني تقريبا هجرت سعاد بعد رجعتي من سوريا بس قبلها چنت وياها حسيت خلص مهمتي انتهت ويه سعاد طفل وراح تجيبه وتأخذ الي تريده وبقيت كل وقتي بشقة نوال ولو هي حتى متحچي وياي اني وصديقي اتفقنا على خطه خليته صديقي يخابرها
مرحبا نوال اني مصطفى صديق قاسم قاسم وگع بالشغل وبالمستشفى
يمه قاسم وين يامستشفى
لا طلع من المستشفى بس ميگدر يحچي انطيني العنوان اجيبه اني
انطته العنوان وظلينا نضحك اني وياه وصلنا للشقه دخلني مصطفى واني مسوي نفسي داموت ونونه وجهه صار الوان طلع الولد ركضت عليه وظلت تبوسني وتحضني واني ممصدگ اخيرا حنت وسامحتني خلص بعد مااگدر اعيش بدونها جربت مگدرت ظلت اليل كله تعاتبني وتلوم عليه وحقها سويتها بيها مو شويه
تابع
