عاشروهن بالمعروف
الجز 4
اليوم الثالث من الصبح امي استلمت نوال اعمال شاقه شكو زوليه بطانيه جدر عدنا بالبيت طلعته حتى نوال تغسله بس هي سباعيه كله حاضر عمه ومن عيوني عمه واني چنت ابقى قريب منهن اثنينهن حتى خاف يصير اشباك ادخل اني عندي اخوات اثنين ممزوجات موظفات يطلعن من الصبح وعرفت نوال تكسب الكل ماعدا امي حتى الكل يصيحلها نونه امي هاي طبيعتها تقلق من قيمه الاخرين وقبل نونه انهزمن نسوان اخوتي اثنين بس الظروف هسه تختلف حصار والدوله ملتهيه بالمظاهرات والحرب الجايه غلاء اتمنى اخذها وياي واني اسمع امي تصيحلها بت حمزيه ام السحورى امي رادتها تخبز وهي متعرف وقبلت تتعلم طلعت ويه امي بالخرابه تساعدها بالخبز چنت قريب منها اخاف عليها من التنور واحترگت اصابعها صرخت امي جاوبتها شاطره بس بالسحورى بت حمزيه رديت على امي شوكت سوت سحورى اني شفتها وردتها وظليت اسبوع بيتهم اتوسل بيها حتى تقبل تتزوجني .
نونه فرحت من سمعت بس امي زاد غضبها وتحولت المشاكل بين نونه وامي لامي وابوي لان الكل يشوف تصرفات امي اخواتي يساعدن همين نونه مچان تشتكي من الشغل بس من الاهانات والغلط الي تسمعه وبدت تشكي الي
قاسم انت ورطتني بهالزواج وچماله انت شغلك مو هنا وامك تريد تطلگني
شنو هالحچي منوجاب طاري الطلاك
لعد شگد تريدني اتحمل السب والاهانه مو حتى الجيران يسمعون بت حمزيه ام السحورى تعبانه وهدومي دوم مبلله وحتى انت مالي خلك الك
مبقى شي ويطلع قبولچ وتروحين يم اهلچ داومين ومن اجي اجيبچ
الله يخليك بس احچي وياها لاتغلط عليه وعلى امي
راح احچي وي ابوي وانتي اتحملي لخاطر ي
والله متحمله بس اخاف تاليها طلاگ
لاتخافين ماكو طلاگ شبيه تخبلت اطلگچ
وصارت نوال هي الي تنظف وتطبخ وتخبز واهانات امي مستمره الها حاولت احصل سكن بيوت الحكوميه مگدرت وكل مااجي باجازه نفس المشاكل طلع قبول نونه معهد اداره بغداد واخذتها تقدم امها واخواتها شافن الحرگ الي بايدها گالت داتعلم اخبز ومحچت اي شي لان لو حاچيه مستحيل اهلها يخلوها ترجع وياي بعد
فد يوم بالمعمل اتصل بيه ابوي وگال نونه تريد تروح لأهلها وعرفت امي ضاربتها وسابتها ردت احچي وياها وطلبت منها تنظرني لحد ماارجع وافقت تنتظر اخذت اجازه وسالت امي گالت صلفه وترادد ودفعتها شصار يعني ابوي تعارك ويه امي رحت على نوال گالت
خلص قاسم طلگني خلي امك ترتاح
لاتحچين هيچ باچر اوديچ على اهلچ ارتاحي يمهم وبعدين الله كريم
بس باليل قنعتها تبقى لحد متخلص اجازتي
ثاني يوم ابوي عازم اخواني وزوجاتهم وأطفالهم وزوجة اخوي الكبير هي الي تطبخ امي غالطه على الچناين كلهن ومعيبه على طبخ زوجة اخوي وصارت عركه وكل واحد اخذ مرته وجهاله وراحوا امي رادت تصب غضبها على نونه مخليتها وگتلها احنا هم طالعين صعدنا الغرفة مااعرف وين اوديها اخاف تروح لأهلها تصير امي وامها وتكبر المشاكل اتصلت باصدقائي بالمعمل وهم ساكنين وياي بالبيت حچيتلهم وقرروا يفرغون البيت النا وأخذت نونه ورحنا هناك قدمتلها طلب نقل بس مصار أجلت سنه وعشنا بالبصره
تابع
