ذهبت فريده الي المقابر لزيارة والديها وخاطيبها .......
فريده: الله يرحمكم وحشتوني اوي انا بجد تعبانه من غيركم بعافر مع الايام عشان تعدي .
قعدت فريده تحكيلهم كل حاجه حصلتلها في حياتها وهما بعيد عنها....
فريده: واليد انت وحشتني اوي كان نفسي تكون جمبي في بعد ماما وبابا عني لكن للاسف سبتوني انتو التلاته زي ماتكونو متفقين مع بعض . الحمد لله ربنا برضو مش سايبني واقف جمبي الحمد لله .
..........،............
حكمت: انا مش موافقه انك تشتغلي مع فريده في المحل بتاعها ده .
دينا: ليه بس يا ماما بقي لما بابا يوافق ترفضي .
حكمت: انا مكنتش بعلمك وادخلك جامعه عشان تشتغليلي بياعه في الاخر .
دينا: وهو انا لقيت شغل احسن وماشتغلتش .
حكمت: ابوكي معارفه كتير يشوفلك شغل .
دينا: بس انا عاوزه اشتغل مع فريده.
حكمت: ماهو مينفعش انتي خريجة كليه.
دينا: يعني هي فريده مش خريجة كليه وبعدين هاتيلي شغل وانا اشتغل .
حكمت: فريده هتشتغل في مالها لكن انتي هتبقي بتشتغلي عندها ترضيها علي نفسك .
دينا: ماما انا واخده قرار وبابا وافق اول ما فريده تقولي يلا هنزل الشغل معاها فمتتعبيش نفسك في الكلام عشان مش هيغير حاجه من موقفي.
حكمت: يابنتي انا خايفه عليكي فريده دي شؤم اي حد بيقرب منها بيموت .
دينا: حرام عليكي يا ماما ماتقوليش علي فريده كده .
حكمت: ليه ما اخوكي خطبها ومات وامها وابوها ماتو دي شؤم يا بنتي والله شؤم.
دينا: ماما بلاش تقولي كده تاني بابا لو سمعك مش هيحصل خير .
حكمت: خليكي انتي وابوكي كده ماشيين وراها لما هتموتو من شؤمها.
دينا: حرام كده يا ماما بجد حرام.
...............................
عصام: نهي انتي فين .
نهي: انا في المطبخ يا حبيبي جيالك اهو.
عصام: (قعد علي الكرسي) اااااه تعبان اوي مش قادر.
نهي: حمد الله علي السلامه يا حبيبي مالك شكلك تعبان كده ليه.
عصام: طالع عيني في الشغل من الموقع ده للموقع ده .
نهي: معلش يا حبيبي . بس هو معتز مش جايب مهندسين غيركو ليه .
عصام : عشان لسه المكتب جديد بس في اتنين لسه خريجين جداد هيبتدو شغل الاسبوع اللي جاي هيخفو الشغل من علي كتافي شويه.
أنت تقرأ
لست لي وحدي
Romanceهو: متزوج ابنة عمه ولديه طفلتين نعم متزوج لكنه علي خلاف ومشاكل مع زوجته التي تزوجها دون حب هي : توفي والديها في حادث سياره ومن يومها وهي وحيده تقابلا احبها واحبته صارحها بحبه وبزواجه واراد الزواج منها هل ستوافق ام ماذا سيكون ردها.