فريده: انا تعبانه يا معتز مش هعرف اخد قرار دلوقتي وانا تعبانه سبني دلوقتي .
معتز: ماشي يا حبيبتي بس عشان خاطري ماتسبينيش انا بحبك .
فريده: ارجوك يا معتز ماتضغطش عليا اديني فرصه افكر انا مش عايزه اظلم حد و لا اظلم نفسي كمان.
معتز; ماشي يا فريده هديكي فرصه حاضر .
فريده: انا داخله انام هتنام انت كمان.
معتز: انا جعان من الصبح ماكلتش هتسبيني جعان كده.
فريده: حاضر هحضرلك العشا.
معتز: لا انا عايز ننزل نتعشي بره سوا.
فريده: معتز انا تعبانه عاوز تتعشي هحضرلك انا ولا نازله ولا راحه في حته .
معتز: خلاص مش مشكله ناكل هنا سوا.
فريده: انا كلت واخدت علاجي.
معتز: خلاص مش عايز اكل هنام خفيف احسن.
فريده: لا اتعشي الاول انت بتقول ماكلتش من الصبح.
معتز: يعني فارق معاكي مانتي مش عاوزه تاكلي معايا
فريده: مش هقدر والله هحضرلك العشا ثواني ويكون جاهز.
معتز: لا يا حبيبتي ادخلي انتي ارتاحي انا هعملي ساندوتش اكل وانام .
....................
طارق: انا جيت يا قمر.
دينا: اتاخرت كده ليه كل ده تحت ده معتز مشي من بدري.
طارق:(قرب منها واخدها في حضنه ومسك شعرها يلعب بيه) ابدا يا قلبي دي ماما كانت عايزه تعرف كل حاجه عن جواز معتز وفريده و كانتت بتستجوبني بقي.
دينا:(بقلق) ليه هو ايه اللي هيحصل انا خايفه اوي علي فريده.
طارق: ولا حاجه عادي ماما بس عايزه
تطمن مش اكتر اذا كانت نزوه ولا حب بجد.دينا: وانت قلتلها ايه.
طارق: يعني انتي شايفه ان ده وقته يا حبي خلينا فينا احنا بقي .(غمزلها بعينه) ايييه.
دينا: ايه.
طارق: هو ايه اللي ايه انتي هتفضل لابسه الفستان ده هو لزق عليكي ولا ايه.
دينا: طب مانت لسه بالبدله لدلوقتي.
طارق: انا كنت تحت انما انت يا قمر هنا في بيتنا .(شالها علي ايديه ) تعالي يا قمري لما نشوف حكاية الفستان ده اللي لسه ماتقلعش ايه.
....................
نوال: انا سمعت كل الكلام اللي اتكلمتوه امبارح وعرفت انه اتجوز.
كوثر: انا مش عايزاكي تزعلي دي اكيد نزوه وهتاخد وقتها وتنتهي.
نوال: ومين قالك اننا زعلانه عادي اصلا انا كنت حاسه ان في حاجه بينهم بس ماكنتش متوقعه جواز.
أنت تقرأ
لست لي وحدي
Romanceهو: متزوج ابنة عمه ولديه طفلتين نعم متزوج لكنه علي خلاف ومشاكل مع زوجته التي تزوجها دون حب هي : توفي والديها في حادث سياره ومن يومها وهي وحيده تقابلا احبها واحبته صارحها بحبه وبزواجه واراد الزواج منها هل ستوافق ام ماذا سيكون ردها.