لست لي وحدي

6

معتز: انا يشرفني يا عمي اني اطلب ايد فريده من حضرتك.

صالح: بس يا بني ظروفك اللي حكيتهالي تخليني ما قبلش انت ليك زوجه واولاد وانا مارداش بظلم بنات الناس.

عصام: يا عمي معتز منفصل زي ما قال لحضرتك و مش هتفرق حاجه مع مراته لو اتجوز هما جوازهم دلوقتي عباره عن ورقه بس عشان بناته.

صالح: بردو لسه في مشكله فين اهلك انت جايلي بطولك كده لوحدك اعرف منين انهم موافقين.

معتز: هيجو طبعا بس بعد موافقت حضرتك هجيب والدتي واخواتي .

صالح: خلاص اديني مهله اسال عنك واعرف راي فريده.

معتز: حاضر يا عمي بس ارجوك بسرعه متتاخرش عليا في الرد.

صالح: حاضر يا سيدي ربنا يسهل.

............................

في شقة معتز....

معتز: الو يا قمر. وحشتيني.

فريده: ميرسي. انت عامل ايه.

معتز: الحمد لله رحت قابلت خالك.

فريده: طيب كنت تعرفني قبلها.

معتز: لا كده احسن عشان كنتي هتقلقي .

فريده: يعني هو انا كده ما قلقتش. كان مين معاك.

معتز: عصام. بس خالك صعب اوي فضل يحقق معايا.

فريده: هو انت فاكر لما تروح تقوله انك متجوز وعايز تتجوز بنت اخته هيوافق ويقولك اتفضل روح خدها.

دخل طارق الاوضه بس طبعا معتز مش حاسس بيه...

معتز: عارف طبعا انها مش حاجه سهله بس كان يريح قلبي شويه.انا هتجنن يا فري وتبقي معايا في بيت واحد .

فريده:..............

معتز: ساكته ليه .

فريده: ابدا مافيش.

معتز: انا بحبك اوي يا فريده نفسي نتجوز بقي.

طارق: احم احم نحن هنا..

معتز: بسم الله الرحمن الرحيم ايه ده خضتني انت هنا من امتي.

طارق: من ساعة ماكنت هتتجنن وتبقي معاها في بيت واحد.

معتز: حبيبتي انا هقفل دلوقتي وهكلمك بالليل ماشي.

فريده: هو في حاجه ولا ايه.

معتز: لا ابدا بس اخويا الصغير جه سلام دلوقتي.

فريده: ماشي سلام.( قفلت).

طارق: ياعيني يا عيني شكلك بقيت دنجوان اتعلمت مني صح قول ماتتكسفش قول.

معتز: بس يا جزمه وتاني مره تخبط علي الباب قبل ماتدخل.

طارق: طب قولي واحكيلي علقتها ازاي وشكلها ايه ولو مش حلوه ليك عندي موزه صاروخ يا معلم صاروووووخ.