فريده: حتي لو هو زي مابتقولي عسل برضو مش هينفع صدقيني.
نهي: انتي عارفه انتي مش هتيجي غير بالعافيه هجوزك بالعافيه .
فريده: خلاص بقي يا نهي كفايه كلام انا تعبت .
نهي: لا مش كفايه حتي لو مفيش نصيب مع معتز لازم تعيشي حياتك وتحبي ادي نفسك فرصه .
فريده: ربنا يسهل.هفكر.
نهي: بجد ولا بتهاوديني.
فريده: لا بجد ريحيني و اسكتي بقي.
.........................
كوثر: انت مش حاسس باللي انت عملته .
طارق: انا حاولت اعمل اللي انتي عايزاه ومقدرتش اكمل وبعدين دي قليلة الادب هي فكراني ايه موظف عندها.
نوال: كده عيب يا طارق انا ماسمحلكش تقول علي اختي كده.
طارق: لما اختك ما تحترمش الراجل اللي هيبقي جوزها تبقي قليلة الادب.
كوثر: ربيها انت لكن مش تخليها تقلع الدبله.
طارق: انا مقلعتهاش حاجه هي اللي سابتها علي التربيزه وسبب قلعها الدبله اني كنت بعلمها الادب وبقولها تحترمني وتعاملني ازاي هي مش عايزه ادب خلاص براحتها.
نوال: طارق اعقل كده انت لو لفيت الدنيا كلها مش هتلاقي زي ناريمان.
طارق: مانا عارف طبعا اني مش هلاقي زيها عشان مفيش حد عديم الاحساس زيها.
نوال: لااااا انت ذودتها اوي بس انت هتجيبه من بره مانت طالع لاخوك.
كوثر:( بشخط) بس بقي كفايه انت وهي. اطلعي شقتك يا نوال لو سمحتي.
نوال: حاضر يا مرات عمي .
بعد نوال ماطلعت.
كوثر: انت باللي عملته ده هتخسرنا كل حاجه .
طارق: انا زهقت بقي من الاسطوانه دي عايز اعيش حياتي زي مانا عايز اتجوز اللي احبها وقلبي يختارها مش اللي انتي تختاريها احنا مش عرايس بتحركيها زي مانتي عايزه احنا عندنا قلب بيحس ويحب لو هتقرفيني والله هعمل زي معتز واعيش في شقه لوحدي.
كوثر: انت ولد عاق انا ما عرفتش اربي اطلع بره ماتجيش هنا تاني .
طارق: يا امي ماتخسرنيش عشان حد انا ابنك.
كوثر: قلت بره .
طارق: ماشي يا امي همشي لو ده هيريحك.
..........................
في مكتب معتز.....
معتز: يعني نهي عندها دلوقتي.
عصام: اه عدتها عليها قبل ماجي.
معتز: طيب قولتلها تقنعها كده وتتكلم معاها.
عصام: والله قلتلها ماتقلقش نهي اصلا هتتجنن وتجوزها. غير كده نهي في الزن ماتتوصاش.
أنت تقرأ
لست لي وحدي
Romanceهو: متزوج ابنة عمه ولديه طفلتين نعم متزوج لكنه علي خلاف ومشاكل مع زوجته التي تزوجها دون حب هي : توفي والديها في حادث سياره ومن يومها وهي وحيده تقابلا احبها واحبته صارحها بحبه وبزواجه واراد الزواج منها هل ستوافق ام ماذا سيكون ردها.
